{v}2{/v}Díligam te, Dómine, fortitúdo mea.{x}
{v}3{/v}Dómine, firmaméntum meum et refúgium meum et liberátor meus;
Deus meus, adiútor meus, et sperábo in eum;{x}
protéctor meus et cornu salútis meæ et suscéptor meus.
{v}4{/v}Laudábilem invocábo Dóminum,{x}
et ab inimícis meis salvus ero.
{v}5{/v}Circumdedérunt me fluctus mortis,{x}
et torréntes Bélial conturbavérunt me;
{v}6{/v}funes inférni circumdedérunt me,{x}
præoccupavérunt me láquei mortis.
{v}7{/v}In tribulatióne mea invocávi Dóminum,{x}
et ad Deum meum clamávi;
exaudívit de templo suo vocem meam,{x}
et clamor meus in conspéctu eius introívit in aures eius.
{v}8{/v}Commóta est et contrémuit terra;{+}
fundaménta móntium concússa sunt et commóta sunt,{x}
quóniam irátus est.
{v}9{/v}Ascéndit fumus de náribus eius,{+}
et ignis de ore eius dévorans;{x}
carbónes succénsi processérunt ab eo.
{v}10{/v}Inclinávit cælos et descéndit,{x}
et calígo sub pédibus eius.
{v}11{/v}Et ascéndit super cherub et volávit,{x}
ferebátur super pennas ventórum.
{v}12{/v}Et pósuit ténebras latíbulum suum,{+}
in circúitu eius tabernáculum eius,{x}
tenebrósa aqua, nubes áeris.
{v}13{/v}Præ fulgóre in conspéctu eius nubes transiérunt,{x}
grando et carbónes ignis.
{v}14{/v}Et intónuit de cælo Dóminus,{+}
et Altíssimus dedit vocem suam:{x}
grando et carbónes ignis.
{v}15{/v}Et misit sagíttas suas et dissipávit eos,{x}
fúlgura iecit et conturbávit eos.
{v}16{/v}Et apparuérunt fontes aquárum,{x}
et reveláta sunt fundaménta orbis terrárum
ab increpatióne tua, Dómine,{x}
ab inspiratióne spíritus iræ tuæ.
{v}17{/v}Misit de summo et accépit me{x}
et assúmpsit me de aquis multis;
{v}18{/v}erípuit me de inimícis meis fortíssimis{+}
et ab his, qui odérunt me,{x}
quóniam confortáti sunt super me.
{v}19{/v}Oppugnavérunt me in die afflictiónis meæ,{x}
et factus est Dóminus fulciméntum meum;
{v}20{/v}et edúxit me in latitúdinem,{x}
salvum me fecit, quóniam vóluit me.
{v}21{/v}Et retríbuet mihi Dóminus secúndum iustítiam meam{x}
et secúndum puritátem mánuum meárum reddet mihi,
{v}22{/v}quia custodívi vias Dómini,{x}
nec ímpie recéssi a Deo meo.
{v}23{/v}Quóniam ómnia iudícia eius in conspéctu meo,{x}
et iustítias eius non réppuli a me;
{v}24{/v}et fui immaculátus cum eo{x}
et observávi me ab iniquitáte.
{v}25{/v}Et retríbuit mihi Dóminus secúndum iustítiam meam{x}
et secúndum puritátem mánuum meárum in conspéctu oculórum eius.
{v}26{/v}Cum sancto sanctus eris{x}
et cum viro innocénte ínnocens eris
{v}27{/v}et cum elécto eléctus eris{x}
et cum pervérso cállidus eris.
{v}28{/v}Quóniam tu pópulum húmilem salvum fácies{x}
et óculos superbórum humiliábis.
{v}29{/v}Quóniam tu accéndis lucérnam meam, Dómine;{x}
Deus meus illúminat ténebras meas.
{v}30{/v}Quóniam in te aggrédiar hóstium turmas{x}
et in Deo meo transíliam murum.
{v}31{/v}Deus, impollúta via eius,{+}
elóquia Dómini igne examináta;{x}
protéctor est ómnium sperántium in se.
{v}32{/v}Quóniam quis Deus præter Dóminum?{x}
Aut quæ munítio præter Deum nostrum?
{v}33{/v}Deus, qui præcínxit me virtúte{x}
et pósuit immaculátam viam meam;
{v}34{/v}qui perfécit pedes meos tamquam cervórum{x}
et super excélsa státuit me;
{v}35{/v}qui docet manus meas ad prœ́lium,{x}
et tendunt arcum ǽreum bráchia mea.
{v}36{/v}Et dedísti mihi scutum salútis tuæ,{+}
et déxtera tua suscépit me,{x}
et exaudítio tua magnificávit me.
{v}37{/v}Dilatásti gressus meos subtus me,{x}
et non sunt infirmáta vestígia mea.
{v}38{/v}Persequébar inimícos meos et comprehendébam illos{x}
et non convertébar, donec defícerent.
{v}39{/v}Confringébam illos, nec póterant stare,{x}
cadébant subtus pedes meos.
{v}40{/v}Et præcinxísti me virtúte ad bellum{x}
et supplantásti insurgéntes in me subtus me.
{v}41{/v}Et inimícos meos dedísti mihi dorsum{x}
et odiéntes me disperdidísti.
{v}42{/v}Clamavérunt, nec erat qui salvos fáceret,{x}
ad Dóminum, nec exaudívit eos.
{v}43{/v}Et commínui eos ut púlverem ante fáciem venti,{x}
ut lutum plateárum contrívi eos.
{v}44{/v}Eripuísti me de contradictiónibus pópuli,{x}
constituísti me in caput géntium.
Pópulus, quem non cognóvi, servívit mihi,{x}
{v}45{/v}in audítu auris obœdívit mihi.
Fílii aliéni blandíti sunt mihi,{+}
{v}46{/v}fílii aliéni inveteráti sunt,{x}
contremuérunt in ábditis suis.
{v}47{/v}Vivit Dóminus et benedíctus Adiútor meus,{x}
et exaltétur Deus salútis meæ.
{v}48{/v}Deus, qui das vindíctas mihi{+}
et subdis pópulos sub me,{x}
liberátor meus de inimícis meis iracúndis;
{v}49{/v}et ab insurgéntibus in me exáltas me,{x}
a viro iníquo éripis me.
{v}50{/v}Proptérea confitébor tibi in natiónibus, Dómine,{x}
et nómini tuo psalmum dicam,
{v}51{/v}magníficans salútes regis sui{+}
et fáciens misericórdiam christo suo,{x}
David et sémini eius usque in sǽculum.
HTML © Juraj Vidéky