{v}1{/v}Exáudi, Dómine, iustítiam meam,{x}

inténde deprecatiónem meam.

Auribus pércipe oratiónem meam,{x}

non in lábiis dolósis.

{v}2{/v}De vultu tuo iudícium meum pródeat;{x}

óculi tui vídeant æquitátes.

{v}3{/v}Proba cor meum et vísita nocte;{+}

igne me exámina,{x}

et non invénies in me iniquitátem.

{v}4{/v}Non transgréditur os meum ad ópera hóminum,{x}

propter verba labiórum tuórum custodívi me a viis violénti.

{v}5{/v}Rétine gressus meos in sémitis tuis,{x}

ut non moveántur vestígia mea.

{v}6{/v}Ego ad te clamávi, quóniam exáudis me, Deus;{x}

inclína aurem tuam mihi et exáudi verba mea.

{v}7{/v}Mirífica misericórdias tuas,{x}

qui salvos facis ab insurgéntibus sperántes in déxtera tua.

{v}8{/v}Custódi me ut pupíllam óculi,{+}

sub umbra alárum tuárum prótege me{x}

{v}9{/v}a fácie impiórum, qui me afflixérunt.

Inimíci mei in furóre circumdedérunt me,{+}

{v}10{/v}ádipem suum conclusérunt;{x}

os eórum locútum est supérbiam.

{v}11{/v}Incedéntes nunc circumdedérunt me,{x}

óculos suos statuérunt prostérnere in terram.

{v}12{/v}Aspéctus eórum quasi leónis paráti ad prædam{x}

et sicut cátuli leónis recubántis in ábditis.

{v}13{/v}Exsúrge, Dómine, prǽveni eum, supplánta eum;{x}

éripe ánimam meam ab ímpio frámea tua,

{v}14{/v}a mórtuis manu tua, Dómine,{x}

a mórtuis, quorum defécit pórtio vitæ.

De recónditis tuis adímpleas ventrem eórum,{x}

saturéntur fílii et dimíttant relíquias párvulis suis.

{v}15{/v}Ego autem in iustítia vidébo fáciem tuam,{x}

satiábor, cum evigilávero, conspéctu tuo.

HTML © Juraj Vidéky