{v}1{/v}Consérva me, Deus,{x}

quóniam sperávi in te.

{v}2{/v}Dixi Dómino: «Dóminus meus es tu,{x}

bonum mihi non est sine te».

{v}3{/v}In sanctos, qui sunt in terra, ínclitos viros,{x}

omnis volúntas mea in eos.

{v}4{/v}Multiplicántur dolóres eórum,{x}

qui post deos aliénos acceleravérunt.

Non effúndam libatiónes eórum de sanguínibus,{x}

neque assúmam nómina eórum in lábiis meis.

{v}5{/v}Dóminus pars hereditátis meæ et cálicis mei:{x}

tu es qui détines sortem meam.

{v}6{/v}Funes cecidérunt mihi in præcláris;{x}

ínsuper et heréditas mea speciósa est mihi.

{v}7{/v}Benedícam Dóminum, qui tríbuit mihi intelléctum;{x}

ínsuper et in nóctibus erudiérunt me renes mei.

{v}8{/v}Proponébam Dóminum in conspéctu meo semper;{x}

quóniam a dextris est mihi, non commovébor.

{v}9{/v}Propter hoc lætátum est cor meum,{+}

et exsultavérunt præcórdia mea;{x}

ínsuper et caro mea requiéscet in spe.

{v}10{/v}Quóniam non derelínques ánimam meam in inférno,{x}

nec dabis sanctum tuum vidére corruptiónem.

{v}11{/v}Notas mihi fácies vias vitæ,{+}

plenitúdinem lætítiæ cum vultu tuo,{x}

delectatiónes in déxtera tua usque in finem.

HTML © Juraj Vidéky