{v}1{/v}Cantáte Dómino cánticum novum;{x}
laus eius in ecclésia sanctórum.
{v}2{/v}Lætétur Israel in eo, qui fecit eum,{x}
et fílii Sion exsúltent in rege suo.
{v}3{/v}Laudent nomen eius in choro,{x}
in týmpano et cíthara psallant ei,
{v}4{/v}quia beneplácitum est Dómino in pópulo suo,{x}
et honorábit mansuétos in salúte.
{v}5{/v}Iúbilent sancti in glória,{x}
læténtur in cubílibus suis.
{v}6{/v}Exaltatiónes Dei in gútture eórum{x}
et gládii ancípites in mánibus eórum,
{v}7{/v}ad faciéndam vindíctam in natiónibus,{x}
castigatiónes in pópulis,
{v}8{/v}ad alligándos reges eórum in compédibus{x}
et nóbiles eórum in mánicis férreis,
{v}9{/v}ad faciéndum in eis iudícium conscríptum:{x}
glória hæc est ómnibus sanctis eius.
HTML © Juraj Vidéky