{v}1{/v}Laudáte Dóminum de cælis,{x}
laudáte eum in excélsis.
{v}2{/v}Laudáte eum, omnes ángeli eius,{x}
laudáte eum, omnes virtútes eius.
{v}3{/v}Laudáte eum, sol et luna,{x}
laudáte eum, omnes stellæ lucéntes.
{v}4{/v}Laudáte eum, cæli cælórum,{x}
et aquæ omnes, quæ super cælos sunt.
{v}5{/v}Laudent nomen Dómini,{x}
quia ipse mandávit, et creáta sunt;
{v}6{/v}státuit ea in ætérnum et in sǽculum sǽculi{x}
præcéptum pósuit, et non præteríbit.
{v}7{/v}Laudáte Dóminum de terra,{x}
dracónes et omnes abýssi,
{v}8{/v}ignis, grando, nix, fumus,{x}
spíritus procellárum, qui facit verbum eius,
{v}9{/v}montes et omnes colles,{x}
ligna fructífera et omnes cedri,
{v}10{/v}béstiæ et univérsa pécora,{x}
serpéntes et vólucres pennátæ.
{v}11{/v}Reges terræ et omnes pópuli,{x}
príncipes et omnes iúdices terræ,
{v}12{/v}iúvenes et vírgines,{x}
senes cum iunióribus,
{v}13{/v}laudent nomen Dómini,{x}
quia exaltátum est nomen eius solíus.
Magnificéntia eius super cælum et terram,{x}
{v}14{/v}et exaltávit cornu pópuli sui.
Hymnus ómnibus sanctis eius,{x}
fíliis Israel, pópulo, qui propínquus est ei.
HTML © Juraj Vidéky