{v}1{/v}Laudáte Dóminum, quóniam bonum est psállere Deo nostro,{x}

quóniam iucúndum est celebráre laudem.

{v}2{/v}Ædíficans Ierúsalem Dóminus,{x}

dispérsos Israélis congregábit.

{v}3{/v}Qui sanat contrítos corde{x}

et álligat plagas eórum;

{v}4{/v}qui númerat multitúdinem stellárum{x}

et ómnibus eis nómina vocat.

{v}5{/v}Magnus Dóminus noster et magnus virtúte,{x}

sapiéntiæ eius non est númerus.

{v}6{/v}Susténtat mansuétos Dóminus,{x}

humílians autem peccatóres usque ad terram.

{v}7{/v}Præcínite Dómino in confessióne,{x}

psállite Deo nostro in cíthara.

{v}8{/v}Qui óperit cælum núbibus{x}

et parat terræ plúviam.

Qui prodúcit in móntibus fenum{x}

et herbam servitúti hóminum.

{v}9{/v}Qui dat iuméntis escam ipsórum{x}

et pullis corvórum invocántibus eum.

{v}10{/v}Non in fortitúdine equi delectátur,{x}

nec in tíbiis viri beneplácitum est ei.

{v}11{/v}Beneplácitum est Dómino super timéntes eum{x}

et in eis, qui sperant super misericórdia eius.

{v}12{/v}Lauda, Ierúsalem, Dóminum;{x}

colláuda Deum tuum, Sion.

{v}13{/v}Quóniam confortávit seras portárum tuárum,{x}

benedíxit fíliis tuis in te.

{v}14{/v}Qui ponit fines tuos pacem{x}

et ádipe fruménti sátiat te.

{v}15{/v}Qui emíttit elóquium suum terræ,{x}

velóciter currit verbum eius.

{v}16{/v}Qui dat nivem sicut lanam,{x}

pruínam sicut cínerem spargit.

{v}17{/v}Mittit crystállum suam sicut buccéllas;{x}

ante fáciem frígoris eius quis sustinébit?

{v}18{/v}Emíttet verbum suum et liquefáciet ea,{x}

flabit spíritus eius, et fluent aquæ.

{v}19{/v}Qui annúntiat verbum suum Iacob,{x}

iustítias et iudícia sua Israel.

{v}20{/v}Non fecit táliter omni natióni,{x}

et iudícia sua non manifestávit eis.

HTML © Juraj Vidéky