{v}1{/v}Exaltábo te, Deus meus rex,{+}
et benedícam nómini tuo{x}
in sǽculum et in sǽculum sǽculi.
{v}2{/v}Per síngulos dies benedícam tibi{+}
et laudábo nomen tuum{x}
in sǽculum et in sǽculum sǽculi.
{v}3{/v}Magnus Dóminus et laudábilis nimis,{x}
et magnitúdinis eius non est investigátio.
{v}4{/v}Generátio generatióni laudábit ópera tua,{x}
et poténtiam tuam pronuntiábunt.
{v}5{/v}Magnificéntiam glóriæ maiestátis tuæ loquéntur{x}
et mirabília tua enarrábunt.
{v}6{/v}Et virtútem terribílium tuórum dicent{x}
et magnitúdinem tuam narrábunt.
{v}7{/v}Memóriam abundántiæ suavitátis tuæ eructábunt{x}
et iustítia tua exsultábunt.
{v}8{/v}Miserátor et miséricors Dóminus,{x}
longánimis et multæ misericórdiæ.
{v}9{/v}Suávis Dóminus univérsis,{x}
et miseratiónes eius super ómnia ópera eius.
{v}10{/v}Confiteántur tibi, Dómine, ómnia ópera tua;{x}
et sancti tui benedícant tibi.
{v}11{/v}Glóriam regni tui dicant{x}
et poténtiam tuam loquántur,
{v}12{/v}ut notas fáciant fíliis hóminum poténtias tuas{x}
et glóriam magnificéntiæ regni tui.
{v}13{/v}Regnum tuum regnum ómnium sæculórum,{x}
et dominátio tua in omnem generatiónem et generatiónem.
{v}13b{/v}Fidélis Dóminus in ómnibus verbis suis{x}
et sanctus in ómnibus opéribus suis.
{v}14{/v}Allevat Dóminus omnes qui córruunt{x}
et érigit omnes depréssos.
{v}15{/v}Oculi ómnium in te sperant,{x}
et tu das illis escam in témpore opportúno.
{v}16{/v}Aperis tu manum tuam{x}
et imples omne ánimal in beneplácito.
{v}17{/v}Iustus Dóminus in ómnibus viis suis{x}
et sanctus in ómnibus opéribus suis.
{v}18{/v}Prope est Dóminus ómnibus invocántibus eum,{x}
ómnibus invocántibus eum in veritáte.
{v}19{/v}Voluntátem timéntium se fáciet{+}
et deprecatiónem eórum exáudiet{x}
et salvos fáciet eos.
{v}20{/v}Custódit Dóminus omnes diligéntes se{x}
et omnes peccatóres dispérdet.
{v}21{/v}Laudatiónem Dómini loquétur os meum,{+}
et benedícat omnis caro nómini sancto eius{x}
in sǽculum et in sǽculum sǽculi.
HTML © Juraj Vidéky