{v}1{/v}Dómine, exáudi oratiónem meam,{+}

áuribus pércipe obsecratiónem meam in veritáte tua;{x}

exáudi me in tua iustítia.

{v}2{/v}Et non intres in iudícium cum servo tuo,{x}

quia non iustificábitur in conspéctu tuo omnis vivens.

{v}3{/v}Quia persecútus est inimícus ánimam meam,{+}

contrívit in terra vitam meam,{x}

collocávit me in obscúris sicut mórtuos a sǽculo.

{v}4{/v}Et anxiátus est in me spíritus meus,{x}

in médio mei obríguit cor meum.

{v}5{/v}Memor fui diérum antiquórum,{+}

meditátus sum in ómnibus opéribus tuis,{x}

in factis mánuum tuárum recogitábam.

{v}6{/v}Expándi manus meas ad te,{x}

ánima mea sicut terra sine aqua tibi.

{v}7{/v}Velóciter exáudi me, Dómine;{x}

defécit spíritus meus.

Non abscóndas fáciem tuam a me,{x}

ne símilis fiam descendéntibus in lacum.

{v}8{/v}Audítam fac mihi mane misericórdiam tuam,{x}

quia in te sperávi.

Notam fac mihi viam, in qua ámbulem,{x}

quia ad te levávi ánimam meam.

{v}9{/v}Eripe me de inimícis meis,{x}

Dómine, ad te confúgi.

{v}10{/v}Doce me fácere voluntátem tuam,{x}

quia Deus meus es tu.

Spíritus tuus bonus dedúcet me in terram rectam;{x}

{v}11{/v}propter nomen tuum, Dómine, vivificábis me.

In iustítia tua{x}

edúces de tribulatióne ánimam meam.

[{v}12{/v}Et in misericórdia tua dispérdes inimícos meos;{+}

et perdes omnes, qui tríbulant ánimam meam,{x}

quóniam ego servus tuus sum.]

HTML © Juraj Vidéky