{v}1{/v}Dómine, clamávi ad te, ad me festína;{x}
inténde voci meæ, cum clamo ad te.
{v}2{/v}Dirigátur orátio mea sicut incénsum in conspéctu tuo,{x}
elevátio mánuum meárum ut sacrifícium vespertínum.
{v}3{/v}Pone, Dómine, custódiam ori meo{x}
et vigíliam ad óstium labiórum meórum.
{v}4{/v}Non declínes cor meum in verbum malítiæ{x}
ad machinándas machinatiónes in impietáte
cum homínibus operántibus iniquitátem;{x}
et non cómedam ex delíciis eórum.
{v}5{/v}Percútiat me iustus in misericórdia et íncrepet me;{+}
óleum autem peccatóris non impínguet caput meum,{x}
quóniam adhuc et orátio mea in malítiis eórum.
{v}6{/v}Deiécti in manus duras iúdicum eórum,{x}
áudient verba mea, quóniam suávia erant.
{v}7{/v}Sicut frusta dolántis et dirumpéntis in terra,{x}
dissipáta sunt ossa eórum ad fauces inférni.
{v}8{/v}Quia ad te, Dómine, Dómine, óculi mei;{x}
ad te confúgi, non effúndas ánimam meam.
{v}9{/v}Custódi me a láqueo, quem statuérunt mihi,{x}
et a scándalis operántium iniquitátem.
{full-text}[{v}10{/v}Cadent in retiácula sua peccatóres simul,{x}
ego autem ultra pertránseam.]
{/full-text}HTML © Juraj Vidéky