{v}2{/v}Eripe me, Dómine, ab hómine malo,{x}
a viro violéntiæ serva me.
{v}3{/v}Qui cogitavérunt mala in corde,{x}
tota die constituébant prœ́lia.
{v}4{/v}Acuérunt linguas suas sicut serpéntis,{x}
venénum áspidum sub lábiis eórum.
{v}5{/v}Custódi me, Dómine, de manu peccatóris{+}
et a viro violéntiæ serva me,{x}
qui cogitavérunt supplantáre gressus meos.
{v}6{/v}Abscondérunt supérbi láqueum mihi{+}
et funes extendérunt in rete,{x}
iuxta iter offendícula posuérunt mihi.
{v}7{/v}Dixi Dómino: «Deus meus es tu;{x}
áuribus pércipe, Dómine, vocem deprecatiónis meæ».
{v}8{/v}Dómine, Dómine, virtus salútis meæ,{x}
obumbrásti caput meum in die belli.
{v}9{/v}Ne concédas, Dómine, desidéria ímpii;{x}
consília eius ne perfícias.
{full-text}[{v}10{/v}Exáltant caput, qui circúmdant me;{x}
malítia labiórum ipsórum opériat eos.
{v}11{/v}Cadent super eos carbónes ignis,{x}
in fóveas deícias eos, et non exsúrgant.
{v}12{/v}Vir linguósus non firmábitur in terra,{x}
virum violéntiæ mala cápient in intéritu.]
{/full-text}{v}13{/v}Cognóvi quia fáciet Dóminus iudícium ínopis{x}
et vindíctam páuperum.
{v}14{/v}Verúmtamen iusti confitebúntur nómini tuo,{x}
et habitábunt recti in conspéctu tuo.
HTML © Juraj Vidéky