{v}1{/v}Confitébor tibi, Dómine, in toto corde meo,{x}

quóniam audísti verba oris mei.

In conspéctu angelórum psallam tibi,{x}

{v}2{/v}adorábo ad templum sanctum tuum;

et confitébor nómini tuo{+}

propter misericórdiam tuam et veritátem tuam,{x}

quóniam magnificásti super omne nomen elóquium tuum.

{v}3{/v}In quacúmque die invocávero te, exáudi me;{x}

multiplicábis in ánima mea virtútem.

{v}4{/v}Confitebúntur tibi, Dómine, omnes reges terræ,{x}

quia audiérunt elóquia oris tui.

{v}5{/v}Et cantábunt vias Dómini,{x}

quóniam magna est glória Dómini;

{v}6{/v}quóniam excélsus Dóminus,{+}

et húmilem réspicit,{x}

et supérbum a longe cognóscit.

{v}7{/v}Si ambulávero in médio tribulatiónis, vivificábis me;{+}

et contra iram inimicórum meórum exténdes manum tuam,{x}

et salvum me fáciet déxtera tua.

{v}8{/v}Dóminus perfíciet pro me;{+}

Dómine, misericórdia tua in sǽculum:{x}

ópera mánuum tuárum ne despícias.

HTML © Juraj Vidéky