{v}2{/v}Salvum me fac, Dómine, quóniam defécit sanctus,{x}
quóniam deminúti sunt fidéles a fíliis hóminum.
{v}3{/v}Vana locúti sunt unusquísque ad próximum suum;{x}
in lábiis dolósis, in dúplici corde locúti sunt.
{v}4{/v}Dispérdat Dóminus univérsa lábia dolósa{x}
et linguam magníloquam.
{v}5{/v}Qui dixérunt: «Lingua nostra magnificábimur,{+}
lábia nostra a nobis sunt;{x}
quis noster dóminus est?».
{v}6{/v}«Propter misériam ínopum et gémitum páuperum,{+}
nunc exsúrgam, dicit Dóminus;{x}
ponam in salutári illum, quem despíciunt».
{v}7{/v}Elóquia Dómini elóquia casta,{x}
argéntum igne examinátum, separátum a terra, purgátum séptuplum.
{v}8{/v}Tu, Dómine, servábis nos et custódies nos{x}
a generatióne hac in ætérnum.
In circúitu ímpii ámbulant,{x}
cum exaltántur sordes inter fílios hóminum.
HTML © Juraj Vidéky