{v}1{/v}Confitémini Dómino, quóniam bonus,{x}
quóniam in sǽculum misericórdia eius.
{v}2{/v}Dicat nunc Israel, quóniam bonus,{x}
quóniam in sǽculum misericórdia eius.
{v}3{/v}Dicat nunc domus Aaron,{x}
quóniam in sǽculum misericórdia eius.
{v}4{/v}Dicant nunc, qui timent Dóminum,{x}
quóniam in sǽculum misericórdia eius.
{v}5{/v}De tribulatióne invocávi Dóminum,{x}
et exaudívit me edúcens in latitúdinem Dóminus.
{v}6{/v}Dóminus mecum,{x}
non timébo, quid fáciat mihi homo.
{v}7{/v}Dóminus mecum adiútor meus,{x}
et ego despíciam inimícos meos.
{v}8{/v}Bonum est confúgere ad Dóminum{x}
quam confídere in hómine.
{v}9{/v}Bonum est confúgere ad Dóminum{x}
quam confídere in princípibus.
{v}10{/v}Omnes gentes circuiérunt me,{x}
et in nómine Dómini excídi eos.
{v}11{/v}Circumdántes circumdedérunt me,{x}
et in nómine Dómini excídi eos.
{v}12{/v}Circumdedérunt me sicut apes{+}
et exarsérunt sicut ignis in spinis,{x}
et in nómine Dómini excídi eos.
{v}13{/v}Impelléntes impulérunt me, ut cáderem,{x}
et Dóminus adiúvit me.
{v}14{/v}Fortitúdo mea et laus mea Dóminus{x}
et factus est mihi in salútem.
{v}15{/v}Vox iubilatiónis et salútis{x}
in tabernáculis iustórum:
{v}16{/v}«Déxtera Dómini fecit virtútem!{+}
Déxtera Dómini exaltávit me;{x}
déxtera Dómini fecit virtútem!»
{v}17{/v}Non móriar, sed vivam{x}
et narrábo ópera Dómini.
{v}18{/v}Castígans castigávit me Dóminus{x}
et morti non trádidit me.
{v}19{/v}Aperíte mihi portas iustítiæ;{x}
ingréssus in eas confitébor Dómino.
{v}20{/v}Hæc porta Dómini;{x}
iusti intrábunt in eam.
{v}21{/v}Confitébor tibi, quóniam exaudísti me{x}
et factus es mihi in salútem.
{v}22{/v}Lápidem, quem reprobavérunt ædificántes,{x}
hic factus est in caput ánguli;
{v}23{/v}a Dómino factum est istud{x}
et est mirábile in óculis nostris.
{v}24{/v}Hæc est dies, quam fecit Dóminus:{x}
exsultémus et lætémur in ea.
{v}25{/v}O Dómine, salvum me fac;{x}
o Dómine, da prosperitátem!
{v}26{/v}Benedíctus, qui venit in nómine Dómini.{x}
Benedícimus vobis de domo Dómini.
{v}27{/v}Deus Dóminus et illúxit nobis.{x}
Instrúite sollemnitátem in ramis condénsis usque ad córnua altáris.
{v}28{/v}Deus meus es tu, et confitébor tibi,{x}
Deus meus, et exaltábo te.
{v}29{/v}Confitémini Dómino, quóniam bonus,{x}
quóniam in sǽculum misericórdia eius.
HTML © Juraj Vidéky