{v}1{/v}Diléxi, quóniam exáudit Dóminus{x}
vocem deprecatiónis meæ.
{v}2{/v}Quia inclinávit aurem suam mihi,{x}
cum in diébus meis invocábam.
{v}3{/v}Circumdedérunt me funes mortis,{x}
et angústiæ inférni invenérunt me.
Tribulatiónem et dolórem invéni{+}
{v}4{/v}et nomen Dómini invocábam:{x}
«O Dómine, líbera ánimam meam».
{v}5{/v}Miséricors Dóminus et iustus,{x}
et Deus noster miserétur.
{v}6{/v}Custódiens párvulos Dóminus;{x}
humiliátus sum, et salvum me fáciet.
{v}7{/v}Convértere, ánima mea, in réquiem tuam,{x}
quia Dóminus benefécit tibi;
{v}8{/v}quia erípuit ánimam meam de morte,{+}
óculos meos a lácrimis,{x}
pedes meos a lapsu.
{v}9{/v}Ambulábo coram Dómino{x}
in regióne vivórum.
{v}10{/v}Crédidi, étiam cum locútus sum:{x}
«Ego humiliátus sum nimis».
{v}11{/v}Ego dixi in trepidatióne mea:{x}
«Omnis homo mendax».
{v}12{/v}Quid retríbuam Dómino{x}
pro ómnibus, quæ retríbuit mihi?
{v}13{/v}Cálicem salutáris accípiam{x}
et nomen Dómini invocábo.
{v}14{/v}Vota mea Dómino reddam{x}
coram omni pópulo eius.
{v}15{/v}Pretiósa in conspéctu Dómini{x}
mors sanctórum eius.
{v}16{/v}O Dómine, ego servus tuus,{x}
ego servus tuus et fílius ancíllæ tuæ.
Dirupísti víncula mea:{+}
{v}17{/v}tibi sacrificábo hóstiam laudis{x}
et nomen Dómini invocábo.
{v}18{/v}Vota mea Dómino reddam{x}
coram omni pópulo eius,
{v}19{/v}in átriis domus Dómini,{x}
in médio tui, Ierúsalem.
HTML © Juraj Vidéky