{v}1{/v}Confitébor Dómino in toto corde meo,{x}

in consílio iustórum et congregatióne.

{v}2{/v}Magna ópera Dómini,{x}

exquirénda ómnibus, qui cúpiunt ea.

{v}3{/v}Decor et magnificéntia opus eius,{x}

et iustítia eius manet in sǽculum sǽculi.

{v}4{/v}Memóriam fecit mirabílium suórum,{x}

miséricors et miserátor Dóminus.

{v}5{/v}Escam dedit timéntibus se;{x}

memor erit in sǽculum testaménti sui.

{v}6{/v}Virtútem óperum suórum annuntiávit pópulo suo,{+}

ut det illis hereditátem géntium;{x}

{v}7{/v}ópera mánuum eius véritas et iudícium.

Fidélia ómnia mandáta eius,{+}

{v}8{/v}confirmáta in sǽculum sǽculi,{x}

facta in veritáte et æquitáte.

{v}9{/v}Redemptiónem misit pópulo suo,{x}

mandávit in ætérnum testaméntum suum.

Sanctum et terríbile nomen eius.{x}

{v}10{/v}Inítium sapiéntiæ timor Dómini,

intelléctus bonus ómnibus faciéntibus ea;{x}

laudátio eius manet in sǽculum sǽculi.

HTML © Juraj Vidéky