{v}2{/v}Parátum cor meum, Deus,{+}
parátum cor meum,{x}
cantábo et psallam. Euge, glória mea!
{v}3{/v}Exsúrge, psaltérium et cíthara,{x}
excitábo auróram.
{v}4{/v}Confitébor tibi in pópulis, Dómine,{x}
et psallam tibi in natiónibus,
{v}5{/v}quia magna est usque ad cælos misericórdia tua{x}
et usque ad nubes véritas tua.
{v}6{/v}Exaltáre super cælos, Deus,{x}
et super omnem terram glória tua.
{v}7{/v}Ut liberéntur dilécti tui,{x}
salvum fac déxtera tua et exáudi me.
{v}8{/v}Deus locútus est in sancto suo:{+}
«Exsultábo et dívidam Síchimam{x}
et convállem Succoth dimétiar;
{v}9{/v}meus est Gálaad et meus est Manásses{+}
et Ephraim fortitúdo cápitis mei,{x}
Iuda sceptrum meum.
{v}10{/v}Moab lebes lavácri mei;{+}
super Idumǽam exténdam calceaméntum meum,{x}
super Philistǽam vociferábor».
{v}11{/v}Quis dedúcet me in civitátem munítam?{x}
Quis dedúcet me usque in Idumǽam?
{v}12{/v}Nonne, Deus, qui reppulísti nos?{x}
Et non exíbis, Deus, in virtútibus nostris?
{v}13{/v}Da nobis auxílium de tribulatióne,{x}
quia vana salus hóminis.
{v}14{/v}In Deo faciémus virtútem,{x}
et ipse conculcábit inimícos nostros.
HTML © Juraj Vidéky