{v}1{/v}Confitémini Dómino, quóniam bonus,{x}
quóniam in sǽculum misericórdia eius.
{v}2{/v}Quis loquétur poténtias Dómini,{x}
audítas fáciet omnes laudes eius?
{v}3{/v}Beáti, qui custódiunt iudícium{x}
et fáciunt iustítiam in omni témpore.
{v}4{/v}Meménto nostri, Dómine, in beneplácito pópuli tui,{x}
vísita nos in salutári tuo,
{v}5{/v}ut videámus bona electórum tuórum,{+}
ut lætémur in lætítia gentis tuæ,{x}
ut gloriémur cum hereditáte tua.
{v}6{/v}Peccávimus cum pátribus nostris,{x}
iniúste égimus, iniquitátem fécimus.
{v}7{/v}Patres nostri in Ægýpto non intellexérunt mirabília tua,{+}
non fuérunt mémores multitúdinis misericordiárum tuárum{x}
et irritavérunt ascendéntes in mare, mare Rubrum.
{v}8{/v}Et salvávit eos propter nomen suum,{x}
ut notam fáceret poténtiam suam.
{v}9{/v}Et incrépuit mare Rubrum et exsiccátum est,{x}
et dedúxit eos in abýssis sicut in desérto.
{v}10{/v}Et salvávit eos de manu odiéntis{x}
et redémit eos de manu inimíci.
{v}11{/v}Et opéruit aqua tribulántes eos:{x}
unus ex eis non remánsit.
{v}12{/v}Et credidérunt verbis eius{x}
et cantavérunt laudem eius.
{v}13{/v}Cito oblíti sunt óperum eius{x}
et non sustinuérunt consílium eius;
{v}14{/v}et concupiérunt concupiscéntiam in desérto{x}
et tentavérunt Deum in inaquóso.
{v}15{/v}Et dedit eis petitiónem ipsórum{x}
et misit saturitátem in ánimas eórum.
{v}16{/v}Et zeláti sunt Móysen in castris,{x}
Aaron sanctum Dómini.
{v}17{/v}Apérta est terra et deglutívit Dathan{x}
et opéruit super congregatiónem Abíram.
{v}18{/v}Et exársit ignis in synagóga eórum,{x}
flamma combússit peccatóres.
{v}19{/v}Et fecérunt vítulum in Horeb{x}
et adoravérunt scúlptile;
{v}20{/v}et mutavérunt glóriam suam{x}
in similitúdinem tauri comedéntis fenum.
{v}21{/v}Oblíti sunt Deum, qui salvávit eos,{x}
qui fecit magnália in Ægýpto,
{v}22{/v}mirabília in terra Cham,{x}
terribília in mari Rubro.
{v}23{/v}Et dixit quia dispérderet eos,{x}
nisi affuísset Móyses eléctus eius:
stetit in confractióne in conspéctu eius,{x}
ut avérteret iram eius, ne destrúeret eos.
{v}24{/v}Et pro níhilo habuérunt terram desiderábilem,{x}
non credidérunt verbo eius.
{v}25{/v}Et murmuravérunt in tabernáculis suis,{x}
non exaudiérunt vocem Dómini.
{v}26{/v}Et elevávit manum suam super eos,{x}
ut prostérneret eos in desérto
{v}27{/v}et ut deíceret semen eórum in natiónibus{x}
et dispérgeret eos in regiónibus.
{v}28{/v}Et adhæsérunt Baálphegor{x}
et comedérunt sacrifícia mortuórum;
{v}29{/v}et irritavérunt eum in adinventiónibus suis,{x}
et irrúpit in eos ruína.
{v}30{/v}Et stetit Phínees et fecit iudícium,{x}
et cessávit quassátio,
{v}31{/v}et reputátum est ei in iustítiam,{x}
in generatiónem et generatiónem usque in sempitérnum.
{v}32{/v}Et irritavérunt eum ad aquas Meríba,{x}
et vexátus est Móyses propter eos,
{v}33{/v}quia exacerbavérunt spíritum eius,{x}
et témere locútus est in lábiis suis.
{v}34{/v}Non disperdidérunt gentes,{x}
quas dixit Dóminus illis.
{v}35{/v}Et commíxti sunt inter gentes{x}
et didicérunt ópera eórum.
{v}36{/v}Et serviérunt sculptílibus eórum,{x}
et factum est illis in scándalum.
{v}37{/v}Et immolavérunt fílios suos{x}
et fílias suas dæmóniis.
{v}38{/v}Et effudérunt sánguinem innocéntem,{+}
sánguinem filiórum suórum et filiárum suárum,{x}
quas sacrificavérunt sculptílibus Chánaan.
Et infécta est terra in sanguínibus,{+}
{v}39{/v}et contamináti sunt in opéribus suis{x}
et fornicáti sunt in adinventiónibus suis.
{v}40{/v}Et exársit ira Dóminus in pópulum suum{x}
et abominátus est hereditátem suam
{v}41{/v}et trádidit eos in manus géntium,{x}
et domináti sunt eórum, qui odérunt eos.
{v}42{/v}Et tribulavérunt eos inimíci eórum,{x}
et humiliáti sunt sub mánibus eórum.
{v}43{/v}Sæpe liberávit eos;{+}
ipsi autem exacerbavérunt eum in consílio suo{x}
et corruérunt in iniquitátibus suis.
{v}44{/v}Et vidit tribulatiónem eórum,{x}
cum audívit clamórem eórum.
{v}45{/v}Et memor fuit testaménti sui{x}
et pænítuit eum secúndum multitúdinem misericórdiæ suæ.
{v}46{/v}Et dedit eos in miseratiónes{x}
in conspéctu ómnium, qui captívos dúxerant eos.
{v}47{/v}Salvos nos fac, Dómine Deus noster,{x}
et cóngrega nos de natiónibus,
ut confiteámur nómini sancto tuo{x}
et gloriémur in laude tua.
{v}48{/v}Benedíctus Dóminus Deus Israel{+}
a sǽculo et usque in sǽculum.{x}
Et dicet omnis pópulus: «Fiat, fiat».
HTML © Juraj Vidéky