{v}1{/v}Bénedic, ánima mea, Dómino.{x}
Dómine Deus meus, magnificátus es veheménter!
Maiestátem et decórem induísti,{x}
{v}2{/v}amíctus lúmine sicut vestiménto.
Exténdens cælum sicut velum,{x}
{v}3{/v}qui éxstruis in aquis cenácula tua.
Qui ponis nubem ascénsum tuum,{x}
qui ámbulas super pennas ventórum.
{v}4{/v}Qui facis ángelos tuos spíritus{x}
et minístros tuos ignem uréntem.
{v}5{/v}Qui fundásti terram super stabilitátem suam,{x}
non inclinábitur in sǽculum sǽculi.
{v}6{/v}Abýssus sicut vestiméntum opéruit eam,{x}
super montes stabant aquæ.
{v}7{/v}Ab increpatióne tua fúgiunt,{x}
a voce tonítrui tui formídant.
{v}8{/v}Ascéndunt in montes et descéndunt in valles,{x}
in locum, quem statuísti eis.
{v}9{/v}Términum posuísti, quem non transgrediéntur,{x}
neque converténtur operíre terram.
{v}10{/v}Qui emíttis fontes in torréntes;{x}
inter médium móntium pertransíbunt,
{v}11{/v}potábunt omnes béstias agri,{x}
exstínguent ónagri sitim suam.
{v}12{/v}Super ea vólucres cæli habitábunt,{x}
de médio ramórum dabunt voces.
{v}13{/v}Rigas montes de cenáculis tuis,{x}
de fructu óperum tuórum sátias terram.
{v}14{/v}Prodúcis fenum iuméntis{x}
et herbam servitúti hóminum,
edúcens panem de terra{x}
{v}15{/v}et vinum, quod lætíficat cor hóminis;
exhílarans fáciem in óleo,{x}
panis autem cor hóminis confírmat.
{v}16{/v}Saturabúntur ligna Dómini{x}
et cedri Líbani, quas plantávit.
{v}17{/v}Illic pásseres nidificábunt,{x}
eródii domus in vértice eárum.
{v}18{/v}Montes excélsi cervis,{x}
petræ refúgium hyrácibus.
{v}19{/v}Fecit lunam ad témpora signánda,{x}
sol cognóvit occásum suum.
{v}20{/v}Posuísti ténebras, et facta est nox:{x}
in ipsa reptábunt omnes béstiæ silvæ,
{v}21{/v}cátuli leónum rugiéntes, ut rápiant{x}
et quærant a Deo escam sibi.
{v}22{/v}Oritur sol, et congregántur,{x}
et in cubílibus suis recúmbunt.
{v}23{/v}Exit homo ad opus suum{x}
et ad operatiónem suam usque ad vésperum.
{v}24{/v}Quam multiplicáta sunt ópera tua, Dómine!{+}
Omnia in sapiéntia fecísti,{x}
impléta est terra creatúra tua.
{v}25{/v}Hoc mare magnum et spatiósum et latum:{+}
illic reptília, quorum non est númerus,{x}
animália pusílla cum magnis;
{v}26{/v}illic naves pertransíbunt,{x}
Levíathan, quem formásti ad ludéndum cum eo.
{v}27{/v}Omnia a te exspéctant,{x}
ut des illis escam in témpore suo.
{v}28{/v}Dante te illis, cólligent,{x}
aperiénte te manum tuam, implebúntur bonis.
{v}29{/v}Averténte autem te fáciem, turbabúntur;{+}
áuferes spíritum eórum, et defícient{x}
et in púlverem suum reverténtur.
{v}30{/v}Emíttes spíritum tuum, et creabúntur,{x}
et renovábis fáciem terræ.
{v}31{/v}Sit glória Dómini in sǽculum;{x}
lætétur Dóminus in opéribus suis.
{v}32{/v}Qui réspicit terram et facit eam trémere,{x}
qui tangit montes, et fúmigant.
{v}33{/v}Cantábo Dómino in vita mea,{x}
psallam Deo meo quámdiu sum.
{v}34{/v}Iucúndum sit ei elóquium meum,{x}
ego vere delectábor in Dómino.
{v}35{/v}Defíciant peccatóres a terra{+}
et iníqui, ita ut non sint.{x}
Bénedic, ánima mea, Dómino.
HTML © Juraj Vidéky