{v}1{/v}Bénedic, ánima mea, Dómino,{x}
et ómnia, quæ intra me sunt, nómini sancto eius.
{v}2{/v}Bénedic, ánima mea, Dómino,{x}
et noli oblivísci omnes retributiónes eius.
{v}3{/v}Qui propitiátur ómnibus iniquitátibus tuis,{x}
qui sanat omnes infirmitátes tuas;
{v}4{/v}qui rédimit de intéritu vitam tuam,{x}
qui corónat te in misericórdia et miseratiónibus;
{v}5{/v}qui replet in bonis ætátem tuam:{x}
renovábitur ut áquilæ iuvéntus tua.
{v}6{/v}Fáciens iustítias Dóminus{x}
et iudícium ómnibus iniúriam patiéntibus.
{v}7{/v}Notas fecit vias suas Móysi,{x}
fíliis Israel adinventiónes suas.
{v}8{/v}Miserátor et miséricors Dóminus,{x}
longánimis et multæ misericórdiæ.
{v}9{/v}Non in perpétuum conténdet,{x}
neque in ætérnum irascétur.
{v}10{/v}Non secúndum peccáta nostra fecit nobis,{x}
neque secúndum iniquitátes nostras retríbuit nobis.
{v}11{/v}Quóniam, quantum exaltátur cælum a terra,{x}
præváluit misericórdia eius super timéntes eum;
{v}12{/v}quantum distat ortus ab occidénte,{x}
longe fecit a nobis iniquitátes nostras.
{v}13{/v}Quómodo miserétur pater filiórum,{x}
misértus est Dóminus timéntibus se.
{v}14{/v}Quóniam ipse cognóvit figméntum nostrum,{x}
recordátus est quóniam pulvis sumus.
{v}15{/v}Homo sicut fenum dies eius,{x}
tamquam flos agri sic efflorébit.
{v}16{/v}Spirat ventus in illum, et non subsístet,{x}
et non cognóscet eum ámplius locus eius.
{v}17{/v}Misericórdia autem Dómini ab ætérno{+}
et usque in ætérnum super timéntes eum;{x}
et iustítia illíus in fílios filiórum,
{v}18{/v}in eos, qui servant testaméntum eius{x}
et mémores sunt mandatórum ipsíus ad faciéndum ea.
{v}19{/v}Dóminus in cælo parávit sedem suam,{x}
et regnum ipsíus ómnibus dominábitur.
{v}20{/v}Benedícite Dómino, omnes ángeli eius,{+}
poténtes virtúte, faciéntes verbum illíus{x}
in audiéndo vocem sermónum eius.
{v}21{/v}Benedícite Dómino, omnes virtútes eius,{x}
minístri eius, qui fácitis voluntátem eius.
{v}22{/v}Benedícite Dómino, ómnia ópera eius,{+}
in omni loco dominatiónis eius.{x}
Bénedic, ánima mea, Dómino.
HTML © Juraj Vidéky