{v}2{/v}Dómine, exáudi oratiónem meam,{x}
et clamor meus ad te véniat.
{v}3{/v}Non abscóndas fáciem tuam a me;{+}
in quacúmque die tríbulor,{x}
inclína ad me aurem tuam.
In quacúmque die invocávero te,{x}
velóciter exáudi me.
{v}4{/v}Quia defecérunt sicut fumus dies mei,{x}
et ossa mea sicut crémium aruérunt.
{v}5{/v}Percússum est ut fenum et áruit cor meum,{x}
étenim oblítus sum comédere panem meum.
{v}6{/v}A voce gémitus mei{x}
adhǽsit os meum carni meæ.
{v}7{/v}Símilis factus sum pellicáno solitúdinis,{x}
factus sum sicut nyctícorax in ruínis.
{v}8{/v}Vigilávi{x}
et factus sum sicut passer solitárius in tecto.
{v}9{/v}Tota die exprobrábant mihi inimíci mei,{x}
exardescéntes in me per me iurábant.
{v}10{/v}Quia cínerem tamquam panem manducábam{x}
et potum meum cum fletu miscébam,
{v}11{/v}a fácie iræ et increpatiónis tuæ,{x}
quia élevans allisísti me.
{v}12{/v}Dies mei sicut umbra declinavérunt,{x}
et ego sicut fenum árui.
{v}13{/v}Tu autem, Dómine, in ætérnum pérmanes,{x}
et memoriále tuum in generatiónem et generatiónem.
{v}14{/v}Tu exsúrgens miseréberis Sion,{+}
quia tempus miseréndi eius,{x}
quia venit tempus,
{v}15{/v}quóniam placuérunt servis tuis lápides eius{x}
et púlveris eius miseréntur.
{v}16{/v}Et timébunt gentes nomen tuum, Dómine,{x}
et omnes reges terræ glóriam tuam,
{v}17{/v}quia ædificávit Dóminus Sion{x}
et appáruit in glória sua.
{v}18{/v}Respéxit in oratiónem ínopum{x}
et non sprevit precem eórum.
{v}19{/v}Scribántur hæc pro generatióne áltera,{x}
et pópulus, qui creábitur, laudábit Dóminum.
{v}20{/v}Quia prospéxit de excélso sanctuário suo,{x}
Dóminus de cælo in terram aspéxit,
{v}21{/v}ut audíret gémitus compeditórum,{x}
ut sólveret fílios mortis;
{v}22{/v}ut annúntient in Sion nomen Dómini{x}
et laudem eius in Ierúsalem,
{v}23{/v}cum congregáti fúerint pópuli in unum{x}
et regna, ut sérviant Dómino.
{v}24{/v}Humiliávit in via virtútem meam,{x}
abbreviávit dies meos.
Dicam: «Deus meus,{+}
{v}25{/v}ne áuferas me in dimídio diérum meórum;{x}
in generatiónem et generatiónem sunt anni tui.
{v}26{/v}Inítio terram fundásti;{x}
et ópera mánuum tuárum sunt cæli.
{v}27{/v}Ipsi períbunt, tu autem pérmanes;{+}
et omnes sicut vestiméntum veteráscent,{x}
et sicut opertórium mutábis eos, et mutabúntur.
{v}28{/v}Tu autem idem ipse es,{x}
et anni tui non defícient.
{v}28{/v}Fílii servórum tuórum habitábunt,{x}
et semen eórum in conspéctu tuo firmábitur».
HTML © Juraj Vidéky