{v}1{/v}Misericórdiam et iudícium cantábo;{x}

tibi, Dómine, psallam.

{v}2{/v}Intéllegam in via immaculáta;{x}

quando vénies ad me?

Perambulábo in innocéntia cordis mei,{x}

in médio domus meæ.

{v}3{/v}Non propónam ante óculos meos rem iniústam,{+}

faciéntem prævaricatiónes ódio habébo,{x}

non adhærébit mihi.

{v}4{/v}Cor pravum recédet a me,{x}

malígnum non cognóscam.

{v}5{/v}Detrahéntem secréto próximo suo,{x}

hunc cessáre fáciam;

supérbum óculo et inflátum corde,{x}

hunc non sustinébo.

{v}6{/v}Oculi mei ad fidéles terræ, ut sédeant mecum;{x}

qui ámbulat in via immaculáta, hic mihi ministrábit.

{v}7{/v}Non habitábit in médio domus meæ, qui facit supérbiam;{x}

qui lóquitur iníqua, non stabit in conspéctu oculórum meórum.

{v}8{/v}In matutíno cessáre fáciam omnes peccatóres terræ,{x}

ut dispérdam de civitáte Dómini omnes operántes iniquitátem.

HTML © Juraj Vidéky