TEMPUS QUADRAGESIMÆ

II. HEBDOMADA SANCTA

A I Vesperis dominicæ in Palmis de Passione Domini usque ad Nonam feriæ V Hebdomadæ sanctæ inclusive:

Ad Vesperas

HYMNUS

Ad Completorium

HYMNUS Christe, qui, splendor.

Ad Invitatorium

Ant. Christum Dóminum pro nobis tentátum et passum, veníte, adorémus.

Ad Laudes matutinas

HYMNUS

DOMINICA IN PALMIS DE PASSIONE DOMINI

Hebd. II Psalterii

Ad I Vesperas

Ant. 1 Tanto témpore vobíscum eram, docens vos in templo, et non me tenuístis; modo flagellátum dúcitis ad crucifigéndum.

Psalmi et canticum de dominica hebd. II.

Ant. 2 Dóminus Deus auxiliátor meus, et ídeo non sum confúsus.

Ant. 3 Humiliávit semetípsum Dóminus Iesus, factus obœ́diens usque ad mortem, mortem autem crucis.

RESPONSORIUM BREVE

Adorámus te, Christe, {*} Et benedícimus tibi.

Adorámus te, Christe, {*} Et benedícimus tibi.

Quia per crucem tuam redemísti mundum. {*}

Et benedícimus tibi.

Glória Patri, et Fílio, et Spirítui Sancto.

Adorámus te, Christe, {*} Et benedícimus tibi.

Ad Magnificat, ant.

Anno A Dícite fíliæ Sion: Ecce Rex tuus venit tibi, mansuétus et sedens super ásinam et super pullum fílium subiugális.

Anno B Multi vestiménta sua stravérunt in via, álii autem frondes quas excíderant in agris. Et clamábant: Hosánna in excélsis!

Anno C Discípuli iactántes vestiménta sua supra pullum imposuérunt Iesum. Eúnte autem illo, substernébant vestiménta sua in via.

PRECES

Christum adorémus, qui passiónem iam subitúrus, videns Ierúsalem, flevit super eam, eo quod non cognovísset tempus visitatiónis suæ. Peccatórum nostrórum pæniténtes, ei supplicémus:

Miserére, Dómine, pópulo tuo.

Qui fílios Ierúsalem, sicut gallína cóngregat pullos suos, adunáre voluísti,

doce omnes agnóscere tempus visitatiónis tuæ.

Miserére, Dómine, pópulo tuo.

Ne derelínquas fidéles tuos, qui te dereliquérunt;

convérte nos et convertémur ad te, Deus noster.

Miserére, Dómine, pópulo tuo.

Qui per passiónem tuam es grátiam mundo largítus,

da ut de Spíritu tuo iúgiter vivámus, quem per baptísmum nobis infudísti.

Miserére, Dómine, pópulo tuo.

Per passiónem tuam tríbue fidélibus membra sua mortificáre,

quo expeditióres ad resurrectiónem tuam celebrándam occúrrant.

Miserére, Dómine, pópulo tuo.

Qui regnas in glória Patris,

meménto eórum, qui hódie decessérunt.

Miserére, Dómine, pópulo tuo.

ORATIO

Omnípotens sempitérne Deus, qui humáno géneri, ad imitándum humilitátis exémplum, Salvatórem nostrum carnem súmere et crucem subíre fecísti, concéde propítius, ut et patiéntiæ ipsíus habére documénta et resurrectiónis consórtia mereámur.

Ad Laudes matutinas

Ant. 1 Turba multa, quæ convénerat ad diem festum, clamábat Dómino: Benedíctus qui venit in nómine Dómini, hosánna in excélsis.

Psalmi et canticum de dominica hebd. II.

Ant. 2 Cum ángelis et púeris fidéles inveniámur, triumphatóri mortis clamántes: Hosánna in excélsis.

Ant. 3 Benedíctus qui venit in nómine Dómini; pax in cælo et glória in excélsis.

LECTIO BREVIS

{r}Zac 9, 9{/r}

Exsúlta satis, fília Sion; iúbila, fília Ierúsalem. Ecce rex tuus venit tibi iustus et salvátor ipse, pauper et sedens super ásinum et super pullum fílium ásinæ.

RESPONSORIUM BREVE

Redemísti nos, Dómine, {*} In sánguine tuo.

Redemísti nos, Dómine, {*} In sánguine tuo.

Ex omni tribu et lingua et pópulo et natióne. {*}

In sánguine tuo.

Glória Patri, et Fílio, et Spirítui Sancto.

Redemísti nos, Dómine, {*} In sánguine tuo.

Ad Benedictus, ant.

Anno A Fulgéntibus palmis prostérnimur adveniénti Dómino; huic omnes occurrámus cum hymnis et cánticis, glorificántes et dicéntes: Benedíctus Dóminus.

Anno B Qui præíbant et qui sequebántur clamábant: Hosánna! Benedíctus qui venit in nómine Dómini! Benedíctum, quod venit regnum patris nostri David!

Anno C Cœpérunt omnes turbæ discéntium gaudéntes laudáre Deum voce magna, dicéntes: Benedíctus qui venit rex in nómine Dómini! Pax in cælo et glória in excélsis!

PRECES

Christum adorémus quem, Ierúsalem ingrediéntem, regem et messíam turbæ acclamavérunt. Ipsi confiteámur lætántes:

Benedíctus qui venit in nómine Dómini!

Hosánna tibi, Fílio David et regi sæculórum,

hosánna tibi, triumphatóri mortis et inférni.

Benedíctus qui venit in nómine Dómini!

Qui Ierúsalem ascendísti ad passiónem subeúndam, ut intráres in glóriam,

perduc Ecclésiam tuam in Pascha æternitátis.

Benedíctus qui venit in nómine Dómini!

Qui crucem tuam árborem vitæ constituísti,

fructus eiúsdem baptísmate renátis largíre.

Benedíctus qui venit in nómine Dómini!

Qui, Salvátor noster, peccatóres salvos fácere venísti,

in regnum tuum credéntes, sperántes amantésque perdúcere dignéris.

Benedíctus qui venit in nómine Dómini!

Ad II Vesperas

Ant. 1 Percússum et humiliátum exaltávit Deus déxtera sua.

Psalmi et canticum de dominica hebd. II.

Ant. 2 Sanguis Christi emúndat nos ad serviéndum Deo vivénti.

Ant. 3 Peccáta nostra ipse pértulit in córpore suo super lignum, ut, peccátis mórtui, iustítiæ vivámus.

RESPONSORIUM BREVE

Adorámus te, Christe, {*} Et benedícimus tibi.

Adorámus te, Christe, {*} Et benedícimus tibi.

Quia per crucem tuam redemísti mundum. {*}

Et benedícimus tibi.

Glória Patri, et Fílio, et Spirítui Sancto.

Adorámus te, Christe, {*} Et benedícimus tibi.

Ad Magnificat, ant.

Anno A Scriptum est: Percútiam pastórem, et dispergéntur oves gregis; postquam autem resurréxero, præcédam vos in Galilǽam; ibi me vidébitis, dicit Dóminus.

Anno B Ave, Rex noster, fili David, redémptor mundi, quem prophétæ prædixérunt salvatórem esse ventúrum.

Anno C Dico enim vobis: Hoc, quod scriptum est, opórtet impléri in me, illud: Cum iniústis deputátus est. Etenim ea, quæ sunt de me, adimpletiónem habent.

PRECES

Salvatórem humáni géneris, qui Ierúsalem ascéndit ad passiónem subeúndam, ut intráret in glóriam, humíliter exorémus:

Sanctífica pópulum, quem sánguine tuo redemísti.

Redémptor noster, da nos passióni tuæ per pæniténtiam plénius adhærére,

ut resurrectiónis glóriam consequámur.

Sanctífica pópulum, quem sánguine tuo redemísti.

Præsta, ut Matris tuæ, solatrícis afflictórum, protectiónem assequámur,

mærentésque confortémus ea consolatióne, qua et ipsi a te recreámur.

Sanctífica pópulum, quem sánguine tuo redemísti.

Réspice in eos qui propter malítiam nostram defíciunt in via,

súbveni eis et córrige nos, ut iustítia et cáritas præváleant.

Sanctífica pópulum, quem sánguine tuo redemísti.

Qui humiliásti teípsum, factus obœ́diens usque ad mortem, mortem autem crucis,

da servis tuis obœdiéntiam et patiéntiam.

Sanctífica pópulum, quem sánguine tuo redemísti.

Córpori claritátis tuæ defúnctos configuráre dignéris,

nosque aliquándo eórum redde consórtes.

Sanctífica pópulum, quem sánguine tuo redemísti.

FERIA SECUNDA

Ad Laudes matutinas

Ant. 1 Ait Iesus: Tristis est ánima mea usque ad mortem; sustinéte hic et vigiláte mecum.

Psalmi et canticum de feria II hebd. II.

Ant. 2Nunc iudícium est mundi, nunc princeps huius mundi eiciétur foras.

Ant. 3Auctor fídei nostræ et consummátor Iesus sustínuit crucem, confusióne contémpta, atque in déxtera Dei sedet.

RESPONSORIUM BREVE

Redemísti nos, Dómine, {*} In sánguine tuo.

Redemísti nos, Dómine, {*} In sánguine tuo.

Ex omni tribu et lingua et pópulo et natióne. {*}

In sánguine tuo.

Glória Patri, et Fílio, et Spirítui Sancto.

Redemísti nos, Dómine, {*} In sánguine tuo.

Ad Benedictus, ant. Pater iuste, mundus te non cognóvit; ego autem novi te, quia tu me misísti.

Christo, sacerdóti ætérno, quem Pater Sancto Spíritu unxit, ut prædicáret captívis indulgéntiam, humíliter supplicémus:

PRECES

Christum salvatórem, qui per mortem et resurrectiónem suam nos redémit, implorémus:

Dómine, miserére nostri.

Qui Ierúsalem ascendísti ad passiónem subeúndam, ut intráres in glóriam,

perduc Ecclésiam tuam in Pascha æternitátis.

Dómine, miserére nostri.

Qui, in cruce exaltátus, láncea mílitis transfígi voluísti,

sana vúlnera nostra.

Dómine, miserére nostri.

Qui crucem tuam árborem vitæ constituísti,

fructus eiúsdem baptísmate renátis largíre.

Dómine, miserére nostri.

Qui, in ligno pendens, latróni pæniténti pepercísti,

nobis peccatóribus ignósce.

Dómine, miserére nostri.

ORATIO

Da, quǽsumus, omnípotens Deus, ut, qui ex nostra infirmitáte defícimus, intercedénte unigéniti Fílii tui passióne, respirémus.

Ad Vesperas

Ant. 1Non est ei spécies neque decor; et vídimus eum, et non erat aspéctus.

Psalmi et canticum de feria II hebd. II.

Ant. 2Dispértiam ei plúrimos, pro eo quod trádidit in mortem ánimam suam.

Ant. 3Gratificávit nos Deus in dilécto Fílio suo, in quo habémus redemptiónem per sánguinem eius.

RESPONSORIUM BREVE

Adorámus te, Christe, {*} Et benedícimus tibi.

Adorámus te, Christe, {*} Et benedícimus tibi.

Quia per crucem tuam redemísti mundum. {*}

Et benedícimus tibi.

Glória Patri, et Fílio, et Spirítui Sancto.

Adorámus te, Christe, {*} Et benedícimus tibi.

Ad Magnificat, ant. Sicut Móyses exaltávit serpéntem in desérto, ita exaltári opórtet Fílium hóminis, ut omnis qui credit in ipsum non péreat, sed hábeat vitam ætérnam.

PRECES

Salvatórem humáni géneris adorémus, qui mortem nostram moriéndo destrúxit et vitam resurgéndo reparávit. Humíliter postulémus:

Sanctífica pópulum, quem sánguine tuo redemísti.

Redémptor noster, da nos passióni tuæ per pæniténtiam plénius adhærére,

ut resurrectiónis glóriam consequámur.

Sanctífica pópulum, quem sánguine tuo redemísti.

Præsta, ut Matris tuæ, solatrícis afflictórum, protectiónem assequámur,

mærentésque confortémus ea consolatióne, qua et ipsi a te recreámur.

Sanctífica pópulum, quem sánguine tuo redemísti.

Fidélibus concéde passiónis tuæ in ærúmnis suis esse partícipes,

ut salutáre tuum in seípsis maniféstent.

Sanctífica pópulum, quem sánguine tuo redemísti.

Qui humiliásti teípsum, factus obœ́diens usque ad mortem, mortem autem crucis,

da servis tuis obœdiéntiam et patiéntiam.

Sanctífica pópulum, quem sánguine tuo redemísti.

Córpori claritátis tuæ defúnctos configuráre dignéris,

nosque aliquándo eórum redde consórtes.

Sanctífica pópulum, quem sánguine tuo redemísti.

FERIA TERTIA

Ad Laudes matutinas

Ant. 1Discérne causam meam, Dómine; ab hómine iníquo et dolóso érue me.

Psalmi et canticum de feria III hebd. II.

Ant. 2Iudicásti, Dómine, causam ánimæ meæ, defénsor vitæ meæ, Dómine Deus meus.

Ant. 3Iustificábit iustus servus meus multos, et iniquitátes eórum ipse portábit.

Ad Benedictus, ant. Clarífica me, Pater, apud temetípsum, claritáte quam hábui, priúsquam mundus fíeret.

ORATIO

Omnípotens sempitérne Deus, da nobis ita domínicæ passiónis sacraménta perágere, ut indulgéntiam percípere mereámur.

Ad Vesperas

Ant. 1 Contumélias et terróres passus sum ab eis, et Dóminus mecum est tamquam bellátor fortis.

Psalmi et canticum de feria III hebd. II.

Ant. 2Líbera me, Dómine, et pone me iuxta te, et cuiúsvis manus pugnet contra me.

Ant. 3Occísus es, Dómine, et redemísti nos Deo in sánguine tuo.

Ad Magnificat, ant. Potestátem hábeo ponéndi ánimam meam, et íterum suméndi eam.

FERIA QUARTA

Ad Laudes matutinas

Ant. 1In die tribulatiónis meæ Deum exquisívi mánibus meis.

Psalmi et canticum de feria IV hebd. II.

Ant. 2Si mórtui sumus cum Christo, crédimus quia simul étiam vivémus cum Christo.

Ant. 3Christus Iesus factus est nobis sapiéntia a Deo, et iustítia et sanctificátio et redémptio.

Ad Benedictus, ant. Sanguis Christi, qui per Spíritum Sanctum óbtulit semetípsum immaculátum Deo, emúndat consciéntiam nostram ab opéribus mórtuis ad serviéndum Deo vivénti.

ORATIO

Deus, qui pro nobis Fílium tuum crucis patíbulum subíre voluísti, ut inimíci a nobis expélleres potestátem, concéde nobis fámulis tuis, ut resurrectiónis grátiam consequámur.

Ad Vesperas

Ant. 1Dixérunt ímpii: Opprimámus virum iustum, quóniam contrárius est opéribus nostris.

Psalmi et canticum de feria IV hebd. II.

Ant. 2Ipse peccáta multórum tulit, et pro transgressóribus rogávit.

Ant. 3In Christo habémus redemptiónem per sánguinem eius, remissiónem peccatórum.

Ad Magnificat, ant. Magíster dicit: Tempus meum prope est; apud te fácio Pascha cum discípulis meis.

FERIA QUINTA

Ad Laudes matutinas

Ant. 1Vide, Dómine, et consídera quóniam tríbulor; velóciter exáudi me.

Psalmi et canticum de feria V hebd. II.

Ant. 2Ecce Deus salvátor meus; fiduciáliter agam, et non timébo.

Ant. 3 Cibávit nos Dóminus ex ádipe fruménti, et de petra melle saturávit nos.

Ad Benedictus, ant. Desidério desiderávi hoc Pascha manducáre vobíscum, ántequam pátiar.

PRECES

ORATIO

Deus, quem dilígere et amáre iustítia est, ineffábilis grátiæ tuæ in nobis dona multíplica, et, qui fecísti nos in morte Fílii tui speráre quæ crédimus, fac nos, eódem resurgénte, perveníre quo téndimus.

FERIA QUINTA IN CENA DOMINI

Ad Vesperas

Vesperæ dicuntur tantum ab iis qui Missæ vespertinæ in Cena Domini non intersunt.

HYMNUS

Ant. 1Fecit nos Deo et Patri suo regnum, primogénitus mortuórum et princeps regum terræ.

Psalmi et canticum de feria V hebd. II.

Ant. 2 Liberábit Dóminus páuperem a poténte, et ínopem cui non erat adiútor.

Ant. 3 Sancti vicérunt propter sánguinem Agni et propter verbum testimónii sui.

Loco responsorii dicitur:

Ant.

Christus factus est pro nobis obœ́diens usque ad mortem.

Christus factus est pro nobis obœ́diens usque ad mortem.

Ad Magnificat, ant. Cenántibus illis, accépit Iesus panem, et benedíxit, ac fregit, dedítque discípulis suis.

PRECES

Salvatórem nostrum adorémus, qui Ecclésiæ in Cena novíssima, qua nocte tradebátur, mortis et resurrectiónis suæ memoriále commendávit perénniter celebrándum. Orémus, dicéntes:

Sanctífica pópulum, quem sánguine tuo redemísti.

Redémptor noster, da nos passióni tuæ per pæniténtiam plénius adhærére,

ut resurrectiónis glóriam consequámur.

Sanctífica pópulum, quem sánguine tuo redemísti.

Præsta, ut Matris tuæ, solatrícis afflictórum, protectiónem assequámur,

mærentésque confortémus ea consolatióne, qua et ipsi a te recreámur.

Sanctífica pópulum, quem sánguine tuo redemísti.

Fidélibus concéde passiónis tuæ in ærúmnis suis esse partícipes,

ut salutáre tuum in seípsis maniféstent.

Sanctífica pópulum, quem sánguine tuo redemísti.

Qui humiliásti teípsum, factus obœ́diens usque ad mortem, mortem autem crucis,

da servis tuis obœdiéntiam et patiéntiam.

Sanctífica pópulum, quem sánguine tuo redemísti.

Córpori claritátis tuæ defúnctos configuráre dignéris,

nosque aliquándo eórum redde consórtes.

Sanctífica pópulum, quem sánguine tuo redemísti.

ORATIO

Deus, qui ad glóriam tuam et géneris humáni salútem Christum esse voluísti summum æternúmque sacerdótem, præsta ut pópulus, quem sánguine suo tibi acquisívit, ex eius memoriális participatióne, virtútem crucis ipsíus cápiat et resurrectiónis.

Ad Completorium

Completorium de dominica post II Vesperas.

Loco responsorii dicitur:

Ant.

Christus factus est pro nobis obœ́diens usque ad mortem.

Christus factus est pro nobis obœ́diens usque ad mortem.

AD HORAM MEDIAM

HYMNUS

PSALMODIA

Ant. predpoludním Ante diem festum Paschæ, sciens Iesus quia venit hora eius, cum dilexísset suos, in finem diléxit eos.

Ant. predpoludním Sicut novit me Pater, et ego agnósco Patrem, et ánimam meam pono pro óvibus meis.

Ant. popoludní Mihi vívere Christus est, et mori lucrum; gloriári me opórtet in cruce Dómini mei Iesu Christi.

Oblátus est, quia ipse vóluit.

Et non apéruit os suum.

Vere languóres nostros ipse tulit.

Et iniquitátes nostras ipse portávit.

Adorémus crucis signáculum.

Per quod salútis súmpsimus sacraméntum.

LECTIO BREVIS

Cf. {r}2 Cor 4, 10-12{/r}

Semper mortificatiónem Iesu in córpore circumférimus ut et vita Iesu in córpore nostro manifestétur. Semper enim nos, qui vívimus, in mortem trádimur propter Iesum, ut et vita Iesu manifestétur in carne nostra mortáli.

LECTIO BREVIS

{r}1 Petr 4, 13-14{/r}

Sed, quemádmodum communicátis Christi passiónibus, gaudéte, ut et in revelatióne glóriæ eius gaudeátis exsultántes. Si exprobrámini in nómine Christi, beáti, quóniam Spíritus glóriæ et Dei super vos requiéscit.

LECTIO BREVIS

{r}1 Petr 5, 10-11{/r}

Deus omnis grátiæ, qui vocávit vos in ætérnam suam glóriam in Christo Iesu, módicum passos ipse perfíciet, confirmábit, solidábit, fundábit. Ipsi impérium in sǽcula sæculórum. Amen.

LECTIO BREVIS

{r}Ez 33, 10. 11a{/r}

Iniquitátes nostræ et peccáta nostra super nos sunt, et in ipsis nos tabéscimus; quómodo ergo vívere potérimus? Vivo ego, dicit Dóminus Deus; nolo mortem ímpii, sed ut revertátur ímpius a via sua et vivat.

LECTIO BREVIS

{r}Ier 18, 20b{/r}

Recordáre quod stéterim in conspéctu tuo, ut lóquerer pro eis bonum et avérterem indignatiónem tuam ab eis.

LECTIO BREVIS

{r}Ier 31, 2. 3b. 4a{/r}

Hæc dicit Dóminus: Invénit grátiam in desérto pópulus, qui remánserat a gládio; vadet ad réquiem suam Israel. In caritáte perpétua diléxi te; ídeo attráxi te in misericórdia. Rursúmque ædificábo te, et ædificáberis, virgo Israel.

LECTIO BREVIS

{r}1 Cor 1, 18-19{/r}

Verbum crucis pereúntibus quidem stultítia est, his autem, qui salvi fiunt, virtus Dei est. Scriptum est enim: Perdam sapiéntiam sapiéntium et prudéntiam prudéntium reprobábo.

LECTIO BREVIS

{r}1 Cor 1, 22-24{/r}

Iudǽi signa petunt, et Græci sapiéntiam quærunt, nos autem prædicámus Christum crucifíxum, Iudǽis quidem scándalum, géntibus autem stultítiam; ipsis autem vocátis, Iudǽis atque Græcis, Christum Dei virtútem et Dei sapiéntiam.

LECTIO BREVIS

{r}1 Cor 1, 25-27a{/r}

Quod stultum est Dei, sapiéntius est homínibus, et quod infírmum est Dei, fórtius est homínibus. Quæ stulta sunt mundi, elégit Deus, ut confúndat sapiéntes.

LECTIO BREVIS

{r}1 Tim 2, 4-6{/r}

Deus salvátor noster omnes hómines vult salvos fíeri et ad agnitiónem veritátis veníre. Unus enim Deus, unus et mediátor Dei et hóminum, homo Christus Iesus, qui dedit redemptiónem semetípsum pro ómnibus, testimónium tempóribus suis.

LECTIO BREVIS

{r}Rom 15, 3{/r}

Christus non sibi plácuit, sed sicut scriptum est: Impropéria improperántium tibi cecidérunt super me.

LECTIO BREVIS

{r}Hebr 9, 28{/r}

Christus, semel oblátus ad multórum auferénda peccáta, secúndo sine peccáto apparébit exspectántibus se in salútem.

LECTIO BREVIS

{r}Hebr 4, 14-15{/r}

Habéntes pontíficem magnum, qui penetrávit cælos, Iesum Fílium Dei, teneámus confessiónem; non enim habémus pontíficem, qui non possit cómpati infirmitátibus nostris, tentátum autem per ómnia secúndum similitúdinem absque peccáto.

LECTIO BREVIS

{r}Hebr 7, 26-27{/r}

Talis decébat, ut nobis esset póntifex, sanctus, ínnocens, impollútus, segregátus a peccatóribus et excélsior cælis factus, qui non habet necessitátem cotídie, quemádmodum pontífices, prius pro suis delíctis hóstias offérre, deínde pro pópuli; hoc enim fecit semel semetípsum offeréndo Iesus Christus Dóminus noster.

LECTIO BREVIS

{r}Hebr 9, 11-12{/r}

Christus cum advénit póntifex futurórum bonórum, per ámplius et perféctius tabernáculum, non manufáctum, id est non huius creatiónis, neque per sánguinem hircórum et vitulórum sed per próprium sánguinem introívit semel in Sancta, ætérna redemptióne invénta.