TEMPUS PASCHALE

II. POST ASCENSIONEM DOMINI

In Officio dominicali et feriali, usque ad I Vesperas dominicæ Pentecostes exclusive:

Ad Vesperas

HYMNUS

Ad Completorium

HYMNUS Iesu, redémptor sǽculi.

Psalmodia dicitur sub unica antiphona: Allelúia, allelúia, allelúia.

Ad Invitatorium

Ant. Christum Dóminum, qui Sanctum nobis promísit Spíritum, veníte, adorémus, allelúia.

Psalmus invitatorius, ut in Ordinario.

Ad Laudes matutinas

HYMNUS

FERIA SEXTA

Ad Invitatorium

Ad Laudes matutinas

RESPONSORIUM BREVE

Surréxit Dóminus de sepúlcro, {*} Allelúia, allelúia.

Surréxit Dóminus de sepúlcro, {*} Allelúia, allelúia.

Qui pro nobis pepéndit in ligno. {*}

Allelúia, allelúia.

Glória Patri, et Fílio, et Spirítui Sancto.

Surréxit Dóminus de sepúlcro, {*} Allelúia, allelúia.

Ad Benedictus, ant. Vidémus Iesum, propter passiónem mortis, glória et honóre coronátum, allelúia.

PRECES

Ante Ascensionem:

Deus Pater Christum per Spíritum suscitávit, et étiam mortália córpora nostra vivificábit. Quare clamémus:

Dómine, vivífica nos Spíritu Sancto tuo.

Pater sancte, qui accepísti holocáustum Fílii tui, resúscitans eum ex mórtuis,

súscipe hodiérnam nostram oblatiónem, et perduc nos in vitam ætérnam.

Dómine, vivífica nos Spíritu Sancto tuo.

Opera nostra hódie propítius intuére,

ut fiant ad glóriam tuam et ad ómnium sanctificatiónem.

Dómine, vivífica nos Spíritu Sancto tuo.

Opus nostrum hódie non sit vanum, sed univérsis homínibus insérviat,

et sic operántes ad regnum tuum fac nos perveníre.

Dómine, vivífica nos Spíritu Sancto tuo.

Aperi hódie óculos nostros et cor nostrum ad fratres,

ut nos ínvicem amémus nobísque serviámus.

Dómine, vivífica nos Spíritu Sancto tuo.

ORATIO

Exáudi, Dómine, preces nostras, ut, quod tui Verbi sanctificatióne promíssum est, evangélico ubíque compleátur efféctu, et plenitúdo adoptiónis obtíneat quod prædíxit testificátio veritátis.

Post Ascensionem:

Christum simul magnificémus, qui in cælum ascéndit, missúrus Spíritum Sanctum in Apóstolos, eúmque deprecémur:

Emítte in nos Spíritum tuum.

Christe, qui in cælum ascendísti, mitte promíssum Patris in nos,

ut induámur virtúte ex alto.

Emítte in nos Spíritum tuum.

Qui discípulos tuos prudéntes ut serpéntes et símplices ut colúmbas esse voluísti,

per Spíritum tuum doce nos prudéntiam et simplicitátem.

Emítte in nos Spíritum tuum.

Qui sedes ad déxteram Patris, ora pro nobis ut Sacérdos noster,

ora in nobis ut Caput nostrum.

Emítte in nos Spíritum tuum.

In ærúmnis da nos cómpati tecum,

ut tecum et glorificémur.

Emítte in nos Spíritum tuum.

ORATIO

Deus, qui ad ætérnam vitam in Christi resurrectióne nos réparas, érige nos ad consedéntem in déxtera tua nostræ salútis auctórem, ut, cum in maiestáte sua Salvátor noster advénerit, quos fecísti baptísmo renásci, fácias beáta immortalitáte vestíri.

Ad Vesperas

RESPONSORIUM BREVE

Ante Ascensionem:

Gavísi sunt discípuli, {*} Allelúia, allelúia.

Gavísi sunt discípuli, {*} Allelúia, allelúia.

Viso Dómino. {*}

Allelúia, allelúia.

Glória Patri, et Fílio, et Spirítui Sancto.

Gavísi sunt discípuli, {*} Allelúia, allelúia.

Post Ascensionem:

Spíritus Paráclitus, {*} Allelúia, allelúia.

Spíritus Paráclitus, {*} Allelúia, allelúia.

Docébit vos ómnia. {*}

Allelúia, allelúia.

Glória Patri, et Fílio, et Spirítui Sancto.

Spíritus Paráclitus, {*} Allelúia, allelúia.

Ad Magnificat, ant. Pater vester de cælo dabit Spíritum bonum peténtibus se, allelúia.

PRECES

Ante Ascensionem:

Christum, fontem omnis vitæ et princípium omnis virtútis, celebrémus, orántes:

Instáura in mundo regnum tuum, Dómine.

Iesu salvátor, qui mortificátus es quidem carne, vivificátus autem Spíritu,

da nobis, peccáto mórtuis, Spíritu vívere.

Instáura in mundo regnum tuum, Dómine.

Tu, qui discípulos misísti in mundum univérsum, ut prædicárent Evangélium omni creatúræ,

præsta de Spíritu tuo vívere eos, qui Evangélium annúntiant.

Instáura in mundo regnum tuum, Dómine.

Tu, cui data est omnis potéstas in cælo et in terra, ut testimónium perhíbeas veritáti,

corda eórum, qui nos regunt, serva in spíritu veritátis.

Instáura in mundo regnum tuum, Dómine.

Qui nova facis ómnia, nobísque regnum tuum vigilánter prǽcipis exspectáre,

concéde, ut, quo fervéntius cælos novos et terram novam exspectámus, eo sollicítius mundum præséntem excolámus.

Instáura in mundo regnum tuum, Dómine.

Tu, qui ad ínferos descendísti, ut ipsis mórtuis gáudium Evangélii nuntiarétur,

ipse lætítia esto et spes ínclita defunctórum.

Instáura in mundo regnum tuum, Dómine.

Oratio, ut ad Laudes matutinas.

Post Ascensionem:

Laudémus Christum, quem Spíritus Sanctus unxit, et orémus:

Qui sedes ad déxteram Patris, interpélla pro nobis.

Omnes, qui christiáno nómine vocántur, réspice, Dómine,

ut a Spíritu Sancto congregéntur in unum.

Qui sedes ad déxteram Patris, interpélla pro nobis.

Mitte lucem tuam ómnibus, qui propter nomen tuum persecutiónem patiúntur,

ut sciant quid coram persecutóribus loquántur.

Qui sedes ad déxteram Patris, interpélla pro nobis.

Omnes te agnóscant, vitem veram,

ut fiant pálmites fructum Spíritus afferéntes.

Qui sedes ad déxteram Patris, interpélla pro nobis.

Christe, rex omnis terræ, qui in iubilatióne cælum ascendísti,

regna super omnes gentes.

Qui sedes ad déxteram Patris, interpélla pro nobis.

Qui mortis et resurrectiónis tuæ per baptísmum sunt facti partícipes,

tecum per mortem tránseant ad vitam.

Qui sedes ad déxteram Patris, interpélla pro nobis.

SABBATO

Ad Laudes matutinas

Ad Benedictus, ant. Amen, amen dico vobis: Si quid petiéritis Patrem in nómine meo, dabit vobis allelúia.

PRECES

Ante Ascensionem:

Christum, qui vitam ætérnam nobis manifestávit, devóta mente rogémus, clamántes:

Resurréctio tua locuplétet nos grátia, Dómine.

Pastor ætérne, réspice gregem tuum e somno surgéntem,

et pasce nos verbi et panis tui ubérrimo alimónio.

Resurréctio tua locuplétet nos grátia, Dómine.

Ne permíttas nos a lupo rapi vel a mercenário perdi,

sed fac ut vocem tuam fidéliter audiámus.

Resurréctio tua locuplétet nos grátia, Dómine.

Tu, qui cum prædicatóribus ubíque cooperáris eorúmque sermónem confírmas,

fac ut hódie resurrectiónem tuam móribus et vita proclamémus.

Resurréctio tua locuplétet nos grátia, Dómine.

Esto ipse gáudium nostrum, quod nemo tollat a nobis,

ut, reiécta tristítia peccáti, vitam appetámus ætérnam.

Resurréctio tua locuplétet nos grátia, Dómine.

ORATIO

Mentes nostras, quǽsumus, Dómine, bonis opéribus semper infórma, ut, ad melióra iúgiter contendéntes, paschále mystérium studeámus habére perpétuum.

Post Ascensionem:

Laus et glória Christo, qui promísit virtútem superveniéntis Spíritus Sancti in Apóstolos. Ei supplicántes clamémus:

Emítte lucem tuam et veritátem tuam.

Verbum veritátis, sapiéntia et splendor Patris, emítte lucem tuam et veritátem tuam,

ut verbo et ópere te hódie testificémur coram frátribus nostris.

Emítte lucem tuam et veritátem tuam.

Præsta nobis, ut ea quæ sunt Spíritus semper sapiámus et meditémur,

ne in mortem incidámus, sed vitam et pacem consequámur.

Emítte lucem tuam et veritátem tuam.

Spíritus tuus ádiuvet infirmitátem nostram,

ut oráre sicut opórtet sciámus.

Emítte lucem tuam et veritátem tuam.

Reple nos dilectióne et omni sciéntia,

ut possímus altérutrum monére.

Emítte lucem tuam et veritátem tuam.

ORATIO

Deus, cuius Fílius, ad cælos ascéndens, Apóstolis Sanctum Spíritum dignátus est pollicéri, præsta, quǽsumus, ut, sicut illi multifária doctrínæ cæléstis múnera percepérunt, ita nobis quoque spiritália dona concédas.

DOMINICA VII PASCHÆ

Hebd. III Psalterii

Ad I Vesperas

Ant. 1 Excélsus super omnes cælos Deus, suscitávit a terra ínopem, allelúia.

Psalmi et canticum de dominica hebd. III.

Ant. 2 Dirupísti, Dómine, víncula mea: tibi sacrificábo hóstiam laudis, allelúia.

Ant. 3 Fílius Dei dídicit ex iis quæ passus est obœdiéntiam, et factus est ómnibus obtemperántibus sibi causa salútis ætérnæ, allelúia.

RESPONSORIUM BREVE

Spíritus Paráclitus, {*} Allelúia, allelúia.

Spíritus Paráclitus, {*} Allelúia, allelúia.

Docébit vos ómnia. {*}

Allelúia, allelúia.

Glória Patri, et Fílio, et Spirítui Sancto.

Spíritus Paráclitus, {*} Allelúia, allelúia.

Ad Magnificat, ant.

Anno A Hæc est vita ætérna, ut cognóscant te solum verum Deum, et quem misísti, Iesum Christum, allelúia.

Anno B Pater sancte, serva eos in nómine tuo, quod dedísti mihi, ut sint unum sicut nos, allelúia.

Anno C Non pro his rogo tantum, sed et pro eis qui creditúri sunt per verbum eórum in me, ut omnes unum sint, allelúia.

PRECES

Benedicámus Christum, super quem Spíritus Sanctus descéndit corporáli spécie. Eum invocémus, et oratiónem confirmémus dicéntes:

Amen.

Mitte, Dómine, quem missúrus es,

ut Ecclésia tua semper renovétur et iuvenéscat.

Amen.

Omnes gentes tibi regi et Deo psallant,

et Israel fiat posséssio tua.

Amen.

Qui dǽmones expulísti,

aufer a fínibus nostris scándala et perversitátes.

Amen.

Qui in Pentecóste dispersiónem Babélicam superásti,

per Spíritum tuum unitátem éffice fideíque universalitátem.

Amen.

Spíritus tuus hábitet in nobis,

ut mortália córpora nostra vivíficet.

Amen.

ORATIO

Supplicatiónibus nostris, Dómine, adésto propítius, ut, sicut humáni géneris Salvatórem tecum in tua crédimus maiestáte, ita usque ad consummatiónem sǽculi manére nobíscum, sicut ipse promísit, sentiámus.

Ad Laudes matutinas

Ant. 1 Dóminus regnávit, decórem indútus est, allelúia.

Psalmi et canticum de dominica hebd. III.

Ant. 2 Liberábitur creatúra in libertátem glóriæ filiórum Dei, allelúia.

Ant. 3 Exaltátum est nomen Dómini super cælum et terram, allelúia.

RESPONSORIUM BREVE

Christe, Fili Dei vivi, miserére nobis. {*} Allelúia, allelúia.

Christe, Fili Dei vivi, miserére nobis. {*} Allelúia, allelúia.

Qui surrexísti a mórtuis. {*}

Allelúia, allelúia.

Glória Patri, et Fílio, et Spirítui Sancto.

Christe, Fili Dei vivi, miserére nobis. {*} Allelúia, allelúia.

Ad Benedictus, ant.

Anno A Pater, ego te clarificávi super terram; opus consummávi, quod dedísti mihi ut fáciam, allelúia.

Anno B Nunc ad te vénio et hæc loquor in mundo, ut hábeant gáudium meum implétum in semetípsis, allelúia.

Anno C Ego claritátem quam dedísti mihi, dedi illis, ut sint unum sicut nos unum sumus, allelúia.

PRECES

Cum ómnibus, qui in Spíritu Dei iustificáti sunt, nos in láudibus et oratióne coniungámus, dicéntes:

Spíritus tuus ádiuvet nos.

Dómine Iesu, da ut hódie a Spíritu Dei agámur,

et semper ut fílii Dei ambulémus.

Spíritus tuus ádiuvet nos.

Per Spíritum tuum a Patre efflágita,

ut digni efficiámur promissiónibus tuis.

Spíritus tuus ádiuvet nos.

Redde nos magnánimos, ne quærámus quod nostrum est,

sed aliórum bonum pótius intendámus.

Spíritus tuus ádiuvet nos.

Da nobis sciéntiam Dei,

ut in cognitióne tui ac Patris per Spíritum Sanctum progrediámur.

Spíritus tuus ádiuvet nos.

Ad II Vesperas

Ant. 1 Purgatiónem peccatórum fáciens, sedet ad déxteram maiestátis in excélsis, allelúia.

Psalmi et canticum de dominica hebd. III.

Ant. 2 Redemptiónem misit Dóminus pópulo suo, allelúia.

Ant. 3 Allelúia, regnávit Dóminus noster; exsultémus et demus glóriam ei, allelúia.

RESPONSORIUM BREVE

Spíritus Paráclitus, {*} Allelúia, allelúia.

Spíritus Paráclitus, {*} Allelúia, allelúia.

Docébit vos ómnia. {*}

Allelúia, allelúia.

Glória Patri, et Fílio, et Spirítui Sancto.

Spíritus Paráclitus, {*} Allelúia, allelúia.

Ad Magnificat, ant.

Anno A Cum vénerit Paráclitus, quem ego mittam vobis, Spíritum veritátis, qui a Patre procédit, ille testimónium perhibébit de me, allelúia.

Anno B Sicut me misísti in mundum, et ego misi eos in mundum; et pro eis ego sanctífico meípsum, ut sint et ipsi sanctificáti in veritáte, allelúia.

Anno C Pater, quos dedísti mihi, volo ut ubi ego sum, et illi sint mecum, ut vídeant claritátem meam quam dedísti mihi, allelúia.

PRECES

Quid orémus sicut opórtet nescímus, sed ipse Spíritus Sanctus póstulat pro nobis gemítibus inenarrabílibus. Quaprópter dicámus:

Spíritus Sanctus póstulet pro nobis.

Christe, pastor cæléstis, sapiéntiam et consílium nostris largíre pastóribus,

ut gregem tuum efficácius ducant ad salútem.

Spíritus Sanctus póstulet pro nobis.

Qui in altis hábitas et dives es in misericórdia,

réspice ínopes et páuperes in terra.

Spíritus Sanctus póstulet pro nobis.

Qui, Spíritu Sancto obumbránte, concéptus es de María Vírgine,

serva vírgines sacras in spíritu consecratiónis suæ.

Spíritus Sanctus póstulet pro nobis.

Sacérdos noster, qui Patrem in Spíritu Sancto laudas,

tibi laudánti hómines univérsos consócia.

Spíritus Sanctus póstulet pro nobis.

Pervéniant defúncti ad libertátem glóriæ filiórum Dei,

et ad plenam redemptiónem córporis sui.

Spíritus Sanctus póstulet pro nobis.

FERIA SECUNDA

Ad Laudes matutinas

Ad Benedictus, ant. In mundo pressúram habébitis; sed confídite: ego vici mundum, allelúia.

PRECES

Christum, qui Paráclitum a Patre in huius nómine se missúrum promísit, benedicámus, et invocémus:

Da nobis Spíritum tuum.

Grátias ágimus tibi, Christe, et Patri per te in Spíritu Sancto;

ómnia in nómine tuo hódie verbo et ópere faciámus.

Da nobis Spíritum tuum.

Da nobis Spíritum tuum habére,

ut membra vivéntia córporis tui simus.

Da nobis Spíritum tuum.

Præsta ne fratres nostros umquam iudicémus vel spernámus;

omnes enim stábimus aliquándo ante tribúnal tuum.

Da nobis Spíritum tuum.

Reple nos omni gáudio et pace in credéndo,

ut abundémus in spe et virtúte Spíritus Sancti.

Da nobis Spíritum tuum.

ORATIO

Advéniat nobis, quǽsumus, Dómine, virtus Spíritus Sancti, qua voluntátem tuam fidéli mente retinére et pia conversatióne deprómere valeámus.

Ad Vesperas

LECTIO BREVIS

{r}Rom 8, 14-17{/r}

Quicúmque Spíritu Dei agúntur, hi fílii Dei sunt. Non enim accepístis spíritum servitútis íterum in timórem, sed accepístis Spíritum adoptiónis filiórum, in quo clamámus: «Abba, Pater!». Ipse Spíritus testimónium reddit una cum spíritu nostro quod sumus fílii Dei. Si autem fílii, et herédes: herédes quidem Dei, coherédes autem Christi, si tamen compátimur, ut et conglorificémur.

Ad Magnificat, ant. Spíritus Paráclitus apud vos manébit et in vobis erit, allelúia.

PRECES

Grátias agéntes Christo, qui consolatióne Spíritus Sancti Apóstolos totámque replévit Ecclésiam, cum ómnibus fidélibus clamémus:

Consoláre Ecclésiam tuam, Dómine.

Mediátor Dei et hóminum, qui sacerdótes cooperatóres tuos elegísti,

fac ut omnes ad Patrem per eos ascéndant.

Consoláre Ecclésiam tuam, Dómine.

Præsta, ut pauper et dives óbvient sibi, quia utriúsque tu es Deus,

nec dives gloriétur in ópibus suis.

Consoláre Ecclésiam tuam, Dómine.

Evangélium tuum cunctis géntibus manifésta,

ut omnes pervéniant ad obœditiónem fídei.

Consoláre Ecclésiam tuam, Dómine.

Spíritum tuum emítte, consolatórem óptimum,

ut ómnium mæréntium lácrimas abstérgat.

Consoláre Ecclésiam tuam, Dómine.

Animas defunctórum purífica,

eósque cum sanctis et eléctis tuis in cælum assúme.

Consoláre Ecclésiam tuam, Dómine.

FERIA TERTIA

Ad Laudes matutinas

Ad Benedictus, ant. Resurréxit Dóminus a mórtuis, sicut díxerat; exsultémus et lætémur omnes, quóniam ipse regnat in ætérnum, allelúia.

PRECES

Christum Dóminum glorificántes, qui Spíritum a Patre se nobis missúrum promísit, ita exorémus:

Christe, da nobis Spíritum tuum.

Verbum tuum, Christe, hábitet in nobis abundánter,

ut psalmis, hymnis et cánticis spiritálibus tibi grátias agámus.

Christe, da nobis Spíritum tuum.

Qui fílios Dei, per Spíritum, nos fecísti,

præsta ut, per Spíritum, tecum Deum Patrem iúgiter invocémus.

Christe, da nobis Spíritum tuum.

Da nobis sapiéntiam in agéndo,

ut ómnia ad Dei glóriam faciámus.

Christe, da nobis Spíritum tuum.

Qui es longánimis et multum miséricors,

da nobis cum ómnibus homínibus pacem habére.

Christe, da nobis Spíritum tuum.

ORATIO

Præsta, quǽsumus, omnípotens et miséricors Deus, ut Spíritus Sanctus advéniens templum nos glóriæ suæ dignánter inhabitándo perfíciat.

Ad Vesperas

LECTIO BREVIS

{r}Rom 8, 26-27{/r}

Spíritus ádiuvat infirmitátem nostram; nam quid orémus, sicut opórtet, nescímus, sed ipse Spíritus interpéllat gemítibus inenarrabílibus; qui autem scrutátur corda, scit quid desíderet Spíritus, quia secúndum Deum póstulat pro sanctis.

Ad Magnificat, ant. Accipiétis virtútem Spíritus Sancti in vos, et éritis mihi testes usque ad últimum terræ, allelúia.

PRECES

Honor et glória Christo, qui fidéles fecit Spíritus Sancti partícipes. Clamémus:

Christe, audi nos.

In Ecclésiam a Patre Spíritum Sanctum effúnde,

ut illam puríficet, róboret atque dilátet.

Christe, audi nos.

Spíritu tuo duc, Dómine, eos qui potestáte nos regunt,

ut minístri tui sint ad ómnium bonum.

Christe, audi nos.

Mitte Spíritum tuum, patrem páuperum,

ut omnes ínopes adiuvándo súblevet.

Christe, audi nos.

Pro ómnibus tuórum dispensatóribus mysteriórum te deprecámur,

ut semper fidéles inveniántur.

Christe, audi nos.

Redemptiónem tuam in animábus corporibúsque pérfice defunctórum,

quam passióne, resurrectióne et ascensióne tua operátus es.

Christe, audi nos.

FERIA QUARTA

Ad Laudes matutinas

Ad Benedictus, ant. Grátias Deo, qui dedit nobis victóriam per Dóminum nostrum Iesum Christum, allelúia.

PRECES

Spíritus Sanctus testimónium reddit spirítui nostro quod sumus fílii Dei. Ideo, Deo Patri grátias agéntes, orémus:

Pater noster, audi fílios tuos.

Deus patiéntiæ et solácii, da nobis idípsum sápere in altérutrum secúndum Iesum Christum,

ut unánimes uno ore honorificémus te.

Pater noster, audi fílios tuos.

Unicuíque nostrum próximo suo placére concéde,

ad bonum et ædificatiónem.

Pater noster, audi fílios tuos.

Ne sinas nos spíritu mundi duci, qui pósitus est in malígno,

sed Spíritu, qui a te venit.

Pater noster, audi fílios tuos.

Qui hóminum corda scrutáris,

duc nos semper in via sinceritátis et veritátis.

Pater noster, audi fílios tuos.

ORATIO

Ecclésiæ tuæ, miséricors Deus, concéde propítius, ut, Sancto Spíritu congregáta, toto sit corde tibi devóta, et pura voluntáte concórdet.

Ad Vesperas

LECTIO BREVIS

{r}1 Cor 2, 9-10{/r}

Quod óculus non vidit, nec auris audívit, nec in cor hóminis ascéndit, quæ præparávit Deus his, qui díligunt illum. Nobis autem revelávit Deus per Spíritum; Spíritus enim ómnia scrutátur, étiam profúnda Dei.

Ad Magnificat, ant. Christus vos baptizábit in Spíritu Sancto et igni, allelúia.

PRECES

Cum Apóstolis et ómnibus, qui Spíritus Sancti primítiis fruúntur, Deum laudémus et invocémus:

Dómine, exáudi nos.

Deus omnípotens, qui Christum in cælo clarificásti,

tríbue ut eum omnes in Ecclésia præséntem agnóscant.

Dómine, exáudi nos.

Pater sancte, qui de Christo dixísti: Hic est Fílius meus diléctus, audíte ipsum,

præsta, ut omnes eius vocem áudiant et salvéntur.

Dómine, exáudi nos.

Mitte Spíritum tuum in tuórum corda fidélium,

ut lavet quod est sórdidum et riget quod est áridum.

Dómine, exáudi nos.

Véniat Spíritus tuus, qui témporum dignétur cursum dirígere,

et renováre fáciem terræ.

Dómine, exáudi nos.

Defúnctos tibi commendámus,

teque rogámus, ut spem nostram érigas in resurrectiónem futúram.

Dómine, exáudi nos.

FERIA QUINTA

Ad Laudes matutinas

Ad Benedictus, ant. Eúntes in mundum, docéte omnes gentes, baptizántes eos in nómine Patris et Fílii et Spíritus Sancti, allelúia.

PRECES

Benedíctus Christus Dóminus, per quem omnes accéssum habémus in Spíritu Sancto ad Patrem. Orémus:

Christe, audi nos.

Mitte Spíritum tuum, optátum hóspitem animárum,

nobísque tríbue eum numquam contristáre.

Christe, audi nos.

Qui surrexísti a mórtuis et ad déxteram Dei sedes,

Patrem semper interpélla pro nobis.

Christe, audi nos.

Per Spíritum tuum nos tibi coniúnge,

ne tribulátio, persecútio et perícula umquam a tua nos séparent caritáte.

Christe, audi nos.

Da nos ínvicem suscípere,

sicut tu nos suscepísti in honórem Dei.

Christe, audi nos.

ORATIO

Spíritus tuus, quǽsumus, Dómine, spiritália nobis dona poténter infúndat, ut det nobis mentem, quæ tibi sit plácita, et aptet nos tuæ propítius voluntáti.

Ad Vesperas

LECTIO BREVIS

{r}1 Cor 6, 19-20{/r}

An nescítis quóniam corpus vestrum templum est Spíritus Sancti, qui in vobis est, quem habétis a Deo, et non estis vestri? Empti enim estis prétio! Glorificáte ergo Deum in córpore vestro.

Ad Magnificat, ant. Cum vénerit ille Spíritus veritátis, docébit vos omnem veritátem, et quæ ventúra sunt annuntiábit vobis, allelúia.

PRECES

Christum, qui est benedíctus in sǽcula, orémus, ut mittat Spíritum Sanctum in omnes, quos redémit, eúmque invocémus:

Dómine, réspice omnes, quos redemísti.

Mitte in Ecclésiam Spíritum unitátis,

ut dissensiónes, ódia divisionésque auferántur.

Dómine, réspice omnes, quos redemísti.

Qui hómines a possessióne dǽmonum liberásti,

líbera mundum a malis, quibus afflígitur.

Dómine, réspice omnes, quos redemísti.

Qui orans per Spíritum actus es ad opus ministérii,

præsta ut sacerdótes, per oratiónem, ad múnera sua obeúnda a Spíritu ducántur.

Dómine, réspice omnes, quos redemísti.

Spíritus tuus rectóres univérsos dírigat,

ut bonum ómnium persequántur.

Dómine, réspice omnes, quos redemísti.

Qui vivis in glória Patris,

in glóriam tuam voca defúnctos.

Dómine, réspice omnes, quos redemísti.

FERIA SEXTA

Ad Laudes matutinas

Ad Benedictus, ant. Christus Iesus mórtuus est et resurréxit, qui est ad déxteram Dei, semper vivens ad interpellándum pro nobis, allelúia.

PRECES

Dóminus, cui honor et glória in ætérnum, concédat nobis, ut abundémus in spe et virtúte Spíritus Sancti. Orémus:

Dómine, ádiuva et salva nos.

Pater omnípotens, qui nos infírmos scis étiam in orándo,

da Spíritum tuum qui póstulet pro nobis.

Dómine, ádiuva et salva nos.

Mitte Spíritum tuum, lucem beatíssimam,

ut córdium nostrórum répleat íntima.

Dómine, ádiuva et salva nos.

Dómine, ópera mánuum tuárum sumus,

ne derelínquas nos in potestáte iniquitátum nostrárum.

Dómine, ádiuva et salva nos.

Da nobis débiles et infírmos in fide cum reveréntia suscípere,

neque ægre et impatiénter, sed cum caritáte.

Dómine, ádiuva et salva nos.

ORATIO

Deus, qui nobis æternitátis áditum glorificatióne Christi tui et Sancti Spíritus illuminatióne reserásti, concéde, quǽsumus, ut, tanti doni párticeps, devótio nostra profíciat, et ad fídei transferámur augméntum.

Ad Vesperas

LECTIO BREVIS

{r}Gal 5, 16. 22. 23a. 25{/r}

Spíritu ambuláte et concupiscéntiam carnis ne perfecéritis. Fructus Spíritus est cáritas, gáudium, pax, longanímitas, benígnitas, bónitas, fides, mansuetúdo, continéntia. Si vívimus Spíritu, Spíritu et ambulémus.

Ad Magnificat, ant. Omnes erant perseverántes unanímiter in oratióne cum María, matre Iesu, allelúia.

PRECES

Benedicámus Patrem, qui in natiónes grátiam Spíritus effúdit, et ab eo petámus, ut in dies abúndet:

Diffundátur, Dómine, grátia Spíritus Sancti.

Dómine, qui dedísti Eléctum tuum in lucem géntium,

áperi óculos cæcórum, et educ de domo cárceris sedéntes in ténebris.

Diffundátur, Dómine, grátia Spíritus Sancti.

Qui Spíritus Sancti virtúte Christum in ministérium salútis unxísti,

præsta, ut íterum pertránseat in mundo, benefaciéndo et sanándo omnes.

Diffundátur, Dómine, grátia Spíritus Sancti.

Mitte Spíritum tuum, lumen córdium,

ut dúbios in fide confírmet.

Diffundátur, Dómine, grátia Spíritus Sancti.

Mitte Spíritum tuum, réquiem in labóre,

ut fatigátos súblevet et ánimo fractos.

Diffundátur, Dómine, grátia Spíritus Sancti.

Spem defunctórum adímple,

ut in advéntu Christi resurrectiónem assequántur.

Diffundátur, Dómine, grátia Spíritus Sancti.

SABBATO

Ad Laudes matutinas

Ad Benedictus, ant. Ecce ego vobíscum sum ómnibus diébus, usque ad consummatiónem sǽculi, allelúia.

PRECES

Qui baptizáti sumus in Spíritu Sancto, cum ómnibus baptizátis Dóminum glorificémus eúmque implorémus:

Dómine Iesu, sanctífica nos in Spíritu.

Mitte Spíritum Sanctum in nos,

ut te coram homínibus Regem confiteámur et Dóminum.

Dómine Iesu, sanctífica nos in Spíritu.

Da nobis dilectiónem sine simulatióne,

ut caritáte fraternitátis ínvicem diligámus.

Dómine Iesu, sanctífica nos in Spíritu.

Fidélium ánimas tua vivificánte grátia dispóne,

ut dona Spíritus læta voluntáte suscípiant.

Dómine Iesu, sanctífica nos in Spíritu.

Da nobis Spíritus tui Sancti virtútem,

ut quod in nobis est sáucium sanet et róboret.

Dómine Iesu, sanctífica nos in Spíritu.

ORATIO

Præsta, quǽsumus, omnípotens Deus, ut, qui paschália festa perégimus, hæc, te largiénte, móribus et vita teneámus.

AD HORAM MEDIAM

HYMNUS

PSALMODIA

Ant. ad tertiam Allelúia, allelúia, allelúia.

Ant. ad sextam Allelúia, allelúia, allelúia.

Ant. ad nonam Allelúia, allelúia, allelúia.

Surréxit Dóminus vere, allelúia.

Et appáruit Simóni, allelúia.

Gavísi sunt discípuli, allelúia.

Viso Dómino, allelúia.

Mane nobíscum, Dómine, allelúia.

Quóniam advesperáscit, allelúia.