TEMPUS PASCHALE

I. USQUE AD ASCENSIONEM DOMINI

Ad Vesperas

HYMNUS

Vel ad libitum in feriis post octavam Paschæ:

Diebus infra octavam Paschæ in demissione dicitur:

Ite in pace, allelúia, allelúia.

Deo grátias, allelúia, allelúia.

Ad Completorium

HYMNUS

Psalmodia dicitur sub unica antiphona: Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia. Allelúia, allelúia, allelúia.

RESPONSORIUM BREVE

In manus tuas, Dómine, comméndo spíritum meum, {*} Allelúia, allelúia.

In manus tuas, Dómine, comméndo spíritum meum, {*} Allelúia, allelúia.

Redemísti nos, Dómine Deus veritátis. {*}

Allelúia, allelúia.

Glória Patri, et Fílio, et Spirítui Sancto.

In manus tuas, Dómine, comméndo spíritum meum, {*} Allelúia, allelúia.

Ad Invitatorium

In Officio dominicali et feriali:

Ant. Surréxit Dóminus vere, allelúia.

Ad Laudes matutinas

HYMNUS

Vel ad libitum in feriis post octavam Paschæ:

Diebus infra octavam Paschæ in demissione dicitur:

Ite in pace, allelúia, allelúia.

Deo grátias, allelúia, allelúia.

FERIA SECUNDA

Hebd. II Psalterii

Ad Laudes matutinas

RESPONSORIUM BREVE

Surréxit Dóminus de sepúlcro, {*} Allelúia, allelúia.

Surréxit Dóminus de sepúlcro, {*} Allelúia, allelúia.

Qui pro nobis pepéndit in ligno. {*}

Allelúia, allelúia.

Glória Patri, et Fílio, et Spirítui Sancto.

Surréxit Dóminus de sepúlcro, {*} Allelúia, allelúia.

Ad Benedictus, ant. Amen, amen dico vobis: Nisi quis natus fúerit dénuo, non potest vidére regnum Dei, allelúia.

PRECES

Deum Patrem, qui in morte et resurrectióne Fílii sui clarificátus est, fidénter precémur:

Illúmina, Dómine, mentes nostras.

Pater lúminum, Deus, qui lúmine Christi glorióse resurgéntis mundum clarificásti,

nostras hódie mentes fídei luce collústra.

Illúmina, Dómine, mentes nostras.

Tu, qui per Fílium tuum resurgéntem homínibus æternitátis áditum reserásti,

nobis hódie operántibus spem vitæ ætérnæ concéde.

Illúmina, Dómine, mentes nostras.

Tu, qui per Fílium tuum resuscitátum Spíritum Sanctum in mundum misísti,

corda nostra spiritális igne caritátis accénde.

Illúmina, Dómine, mentes nostras.

Tu, qui pro nobis liberándis Fílium tuum morti tradidísti,

fac ut ipse sit nobis hódie salus et redémptio.

Illúmina, Dómine, mentes nostras.

ORATIO

Omnípotens sempitérne Deus, quem patérno nómine invocáre præsúmimus, pérfice in córdibus nostris spíritum adoptiónis filiórum, ut promíssam hereditátem íngredi mereámur.

Ad Vesperas

RESPONSORIUM BREVE

Gavísi sunt discípuli, {*} Allelúia, allelúia.

Gavísi sunt discípuli, {*} Allelúia, allelúia.

Viso Dómino. {*}

Allelúia, allelúia.

Glória Patri, et Fílio, et Spirítui Sancto.

Gavísi sunt discípuli, {*} Allelúia, allelúia.

Ad Magnificat, ant. Quod natum est ex carne, caro est; et quod natum est ex Spíritu, Spíritus est, allelúia.

PRECES

Christum Dóminum, qui per resurrectiónem suam mundum clarificávit, lætánter deprecémur:

Christe, vita nostra, exáudi nos.

Dómine Iesu Christe, qui discípulis te cómitem adiunxísti in via,

adésto Ecclésiæ tuæ peregrinánti.

Christe, vita nostra, exáudi nos.

Ne patiáris fidéles tuos tardos esse ad credéndum,

sed fac ut te mortis victórem confiteántur.

Christe, vita nostra, exáudi nos.

Réspice benígnus eos, qui te in via non agnovérunt,

et manifésta teípsum, ut te salvatórem suscípiant.

Christe, vita nostra, exáudi nos.

Tu, qui per crucem omnes hómines reconciliásti in córpore tuo,

pacem et unitátem tríbue géntibus univérsis.

Christe, vita nostra, exáudi nos.

Iudex vivórum et mortuórum,

defúnctis, qui in te credidérunt, remissiónem peccatórum concéde.

Christe, vita nostra, exáudi nos.

FERIA TERTIA

Ad Laudes matutinas

Ad Benedictus, ant. Ego sum alpha et ómega, primus et novíssimus; ego sum radix et genus David, stella spléndida et matutína, allelúia.

PRECES

Deum Patrem, cuius Agnus immaculátus tollit peccáta mundi nosque vivíficat, grati rogémus:

Auctor vitæ, vivífica nos.

Deus, auctor vitæ, meménto passiónis et resurrectiónis Agni, in cruce occísi,

eúmque audi, semper interpellántem pro nobis.

Auctor vitæ, vivífica nos.

Expurgáto vétere ferménto malítiæ et nequítiæ,

fac nos vívere in ázymis sinceritátis et veritátis Christi.

Auctor vitæ, vivífica nos.

Da ut hódie reiciámus peccátum discórdiæ atque invídiæ,

nosque redde fratrum necessitátibus magis inténtos.

Auctor vitæ, vivífica nos.

Spíritum evangélicum pone in médio nostri,

ut hódie et semper in præcéptis tuis ambulémus.

Auctor vitæ, vivífica nos.

ORATIO

Fac nos, quǽsumus, omnípotens Deus, Dómini resurgéntis prædicáre virtútem, ut, cuius múneris pignus accépimus, manifésta dona comprehéndere valeámus.

Ad Vesperas

Ad Magnificat, ant. Nonne cor nostrum ardens erat in nobis, dum Iesus loquerétur nobis in via? allelúia.

PRECES

Christum, qui resurrectióne sua spem pópuli sui confirmávit, instánter invocémus:

Christe, semper vivens, exáudi nos.

Dómine Iesu, de cuius látere apérto fluxérunt sanguis et aqua,

Ecclésiam fac tibi sponsam immaculátam.

Christe, semper vivens, exáudi nos.

Pastor summe, qui post resurrectiónem tuam Petro tui amórem profiténti oves pascéndas tradidísti,

papæ nostro N. caritátem et zelum semper adáuge.

Christe, semper vivens, exáudi nos.

Qui dedísti discípulis, in mari piscántibus, multitúdinem píscium inveníre,

operários mitte, qui eórum munus apostólicum contínuent.

Christe, semper vivens, exáudi nos.

Tu, qui discípulis in lítore maris panem et piscem præparásti,

ne síveris culpa nostra fratres fame períre.

Christe, semper vivens, exáudi nos.

Iesu, novíssime Adam et spíritus vivíficans, ad imáginem tuam defúnctos confórma,

ut gáudium tuum hábeant plenum in semetípsis.

Christe, semper vivens, exáudi nos.

FERIA QUARTA

Ad Laudes matutinas

Ad Benedictus, ant. Sic Deus diléxit mundum, ut Fílium suum unigénitum daret; ut omnis, qui credit in ipsum, non péreat, sed hábeat vitam ætérnam, allelúia.

PRECES

Ad Deum, qui Christum resuscitátum dedit maniféstum fíeri Apóstolis, has preces dirigámus:

Glória Christi clarífica nos, Dómine.

Pater lúminum, Deus, grato ánimo hódie te laudámus, qui vocásti nos in admirábile lumen tuum,

ad misericórdiam consequéndam.

Glória Christi clarífica nos, Dómine.

Nisus, quibus família humána suam ipsíus vitam humaniórem réddere sátagit,

per virtútem Spíritus tui purífica et róbora.

Glória Christi clarífica nos, Dómine.

Da nos ita esse hóminum servítio déditos,

ut ipsum genus humánum fiat oblátio tibi accépta.

Glória Christi clarífica nos, Dómine.

Illucescénte iam die, tua nos reple misericórdia,

ut per totum diem exsultántes in tuis láudibus iúgiter delectémur.

Glória Christi clarífica nos, Dómine.

ORATIO

Annua recoléntes mystéria, quibus per renovátam oríginis dignitátem humána substántia spem resurrectiónis accépit, cleméntiam tuam, Dómine, supplíciter exorámus, ut, quod fide recólimus, perpétua dilectióne capiámus.

Ad Vesperas

Ad Magnificat, ant. Qui facit veritátem, venit ad lucem, ut manifesténtur eius ópera, quia in Deo sunt facta, allelúia.

PRECES

Deum, qui in Fílio suo, a morte resuscitáto, vitam nobis reserávit ætérnam, implorémus dicéntes:

Per victóriam Christi salva redémptos tuos.

Deus patrum nostrórum, qui glorificásti Fílium tuum Iesum, súscitans eum a mórtuis, move nos ad pæniténtiam perféctam,

ut in novitáte vitæ ambulémus.

Per victóriam Christi salva redémptos tuos.

Tu, qui nos oves errántes ad pastórem et epíscopum animárum nostrárum duxísti,

sub institutióne pastórum Ecclésiæ nos serva fidéles.

Per victóriam Christi salva redémptos tuos.

Tu, qui primítias discipulórum Fílii tui ex Iudáico pópulo elegísti,

fíliis Israel repromissiónem revéla, quæ ad patres eórum facta est.

Per victóriam Christi salva redémptos tuos.

Meménto ómnium derelictórum, orphanórum, viduárum;

et, quos Fílius tuus per mortem suam tibi reconciliávit, ne solos relínquas.

Per victóriam Christi salva redémptos tuos.

Stéphanum, qui conféssus est Iesum stantem a dextris tuis, ad te vocásti:

súscipe fratres nostros, qui te per fidem et caritátem exspectavérunt.

Per victóriam Christi salva redémptos tuos.

FERIA QUINTA

Ad Laudes matutinas

Ad Benedictus, ant. Pater díligit Fílium, et ómnia dedit in manu eius, allelúia.

PRECES

Deum Patrem, qui pósuit Christum in resurrectiónem filiórum suórum, fidénter deprecémur, ita clamántes:

Dóminus Iesus sit ipse vita nostra.

Colúmna ignis pópulum tuum in desérto illustrásti:

per resurrectiónem suam Christus sit nobis hódie lumen vitæ.

Dóminus Iesus sit ipse vita nostra.

Voce Móysis pópulum tuum in monte docuísti:

per resurrectiónem suam Christus sit nobis hódie verbum vitæ.

Dóminus Iesus sit ipse vita nostra.

Mannæ dono pópulum tuum peregrinántem nutrivísti:

per resurrectiónem suam Christus sit nobis hódie panis vitæ.

Dóminus Iesus sit ipse vita nostra.

Pópulum tuum potásti, aquam edúcens e petra:

per resurrectiónem Fílii tui concéde nobis hódie Spíritum vitæ.

Dóminus Iesus sit ipse vita nostra.

ORATIO

Concéde, miséricors Deus, ut, quod paschálibus exséquimur institútis, fructíferum nobis omni témpore sentiámus.

Ad Vesperas

Ad Magnificat, ant. Qui credit in Fílium habet vitam ætérnam, allelúia.

PRECES

Exsultémus Christo, quem Pater ratiónem omnis spei nostræ et resurrectiónis mortuórum constítuit, et acclamántes rogémus:

Rex glóriæ, audi nos.

Dómine Iesu, qui per próprium sánguinem et resurrectiónem tuam introísti in sancta,

perduc nos tecum in glóriam Patris.

Rex glóriæ, audi nos.

Tu, qui per resurrectiónem tuam discípulos in fide confirmásti et in mundum misísti,

epíscopos et presbýteros fidéles éffice præcónes Evangélii tui.

Rex glóriæ, audi nos.

Tu, qui per resurrectiónem tuam factus es pax et reconciliátio nostra,

da ut baptizáti perfécta communióne fídei et caritátis inter se coniungántur.

Rex glóriæ, audi nos.

Tu, qui per resurrectiónem tuam claudum ad portam templi sanásti,

infírmos réspice in eísque glóriam tuam manifésta.

Rex glóriæ, audi nos.

Tu, qui factus es primítiæ mortis et resurrectiónis,

redde eos, qui in te speravérunt, glóriæ tuæ partícipes.

Rex glóriæ, audi nos.

FERIA SEXTA

Ad Laudes matutinas

Ad Benedictus, ant. Accépit Iesus panes et, cum grátias egísset, distríbuit discumbéntibus, allelúia.

PRECES

Deus Pater Christum per Spíritum suscitávit, et étiam mortália córpora nostra vivificábit. Quare clamémus:

Dómine, vivífica nos Spíritu Sancto tuo.

Pater sancte, qui accepísti holocáustum Fílii tui, resúscitans eum ex mórtuis,

súscipe hodiérnam nostram oblatiónem, et perduc nos in vitam ætérnam.

Dómine, vivífica nos Spíritu Sancto tuo.

Opera nostra hódie propítius intuére,

ut fiant ad glóriam tuam et ad ómnium sanctificatiónem.

Dómine, vivífica nos Spíritu Sancto tuo.

Opus nostrum hódie non sit vanum, sed univérsis homínibus insérviat,

et sic operántes ad regnum tuum fac nos perveníre.

Dómine, vivífica nos Spíritu Sancto tuo.

Aperi hódie óculos nostros et cor nostrum ad fratres,

ut nos ínvicem amémus nobísque serviámus.

Dómine, vivífica nos Spíritu Sancto tuo.

ORATIO

Deus, qui pro nobis Fílium tuum crucis patíbulum subíre voluísti, ut inimíci a nobis expélleres potestátem, concéde nobis fámulis tuis, ut resurrectiónis grátiam consequámur.

Ad Vesperas

Ad Magnificat, ant. Crucem sanctam súbiit, qui inférnum confrégit; accínctus est poténtia, surréxit die tértia, allelúia.

PRECES

Christum, fontem omnis vitæ et princípium omnis virtútis, celebrémus, orántes:

Instáura in mundo regnum tuum, Dómine.

Iesu salvátor, qui mortificátus es quidem carne, vivificátus autem Spíritu,

da nobis, peccáto mórtuis, Spíritu vívere.

Instáura in mundo regnum tuum, Dómine.

Tu, qui discípulos misísti in mundum univérsum, ut prædicárent Evangélium omni creatúræ,

præsta de Spíritu tuo vívere eos, qui Evangélium annúntiant.

Instáura in mundo regnum tuum, Dómine.

Tu, cui data est omnis potéstas in cælo et in terra, ut testimónium perhíbeas veritáti,

corda eórum, qui nos regunt, serva in spíritu veritátis.

Instáura in mundo regnum tuum, Dómine.

Qui nova facis ómnia, nobísque regnum tuum vigilánter prǽcipis exspectáre,

concéde, ut, quo fervéntius cælos novos et terram novam exspectámus, eo sollicítius mundum præséntem excolámus.

Instáura in mundo regnum tuum, Dómine.

Tu, qui ad ínferos descendísti, ut ipsis mórtuis gáudium Evangélii nuntiarétur,

ipse lætítia esto et spes ínclita defunctórum.

Instáura in mundo regnum tuum, Dómine.

SABBATO

Ad Laudes matutinas

Ad Benedictus, ant. Pax vobis, ego sum, allelúia; nolíte timére, allelúia.

PRECES

Christum, qui vitam ætérnam nobis manifestávit devóta mente rogémus clamántes:

Resurréctio tua locuplétet nos grátia, Dómine.

Pastor ætérne, réspice gregem tuum e somno surgéntem,

et pasce nos verbi et panis tui ubérrimo alimónio.

Resurréctio tua locuplétet nos grátia, Dómine.

Ne permíttas nos a lupo rapi vel a mercenário perdi,

sed fac ut vocem tuam fidéliter audiámus.

Resurréctio tua locuplétet nos grátia, Dómine.

Tu, qui cum prædicatóribus ubíque cooperáris eorúmque sermónem confírmas,

fac ut hódie resurrectiónem tuam móribus et vita proclamémus.

Resurréctio tua locuplétet nos grátia, Dómine.

Esto ipse gáudium nostrum, quod nemo tollat a nobis,

ut, reiécta tristítia peccáti, vitam appetámus ætérnam.

Resurréctio tua locuplétet nos grátia, Dómine.

ORATIO

Deus, per quem nobis et redémptio venit et præstátur adóptio, fílios dilectiónis tuæ benígnus inténde, ut in Christo credéntibus et vera tribuátur libértas et heréditas ætérna.

DOMINICA III PASCHÆ

Hebd. III Psalterii

Ad I Vesperas

Ant. 1 Excélsus super omnes cælos Deus, suscitávit a terra ínopem, allelúia.

Psalmi et canticum de dominica hebd. III.

Ant. 2 Dirupísti, Dómine, víncula mea: tibi sacrificábo hóstiam laudis, allelúia.

Ant. 3 Fílius Dei dídicit ex iis quæ passus est obœdiéntiam, et factus est ómnibus obtemperántibus sibi causa salútis ætérnæ, allelúia.

LECTIO BREVIS

{r}1 Petr 2, 9-10{/r}

Vos genus eléctum, regále sacerdótium, gens sancta, pópulus in acquisitiónem, ut virtútes annuntiétis eius, qui de ténebris vos vocávit in admirábile lumen suum; qui aliquándo non pópulus, nunc autem pópulus Dei; qui non consecúti misericórdiam nunc autem misericórdiam consecúti.

RESPONSORIUM BREVE

Gavísi sunt discípuli, {*} Allelúia, allelúia.

Gavísi sunt discípuli, {*} Allelúia, allelúia.

Viso Dómino. {*}

Allelúia, allelúia.

Glória Patri, et Fílio, et Spirítui Sancto.

Gavísi sunt discípuli, {*} Allelúia, allelúia.

Ad Magnificat, ant.

Anno A Mane nobíscum, quóniam advesperáscit et inclináta est iam dies, allelúia.

Anno B Ipse Iesus stetit in médio discipulórum, et dicit eis: Pax vobis, allelúia.

Anno C Dixit Iesus discípulis suis: Afférte de píscibus, quos prendidístis nunc. Ascéndit autem Simon Petrus et traxit rete in terram, plenam magnis píscibus, allelúia.

PRECES

Christum invocántes, vitam et resurrectiónem nostram, fidénter clamémus:

Fili Dei vivi, tuére pópulum tuum.

Orámus te, Christe, pro Ecclésia tua cathólica;

sanctífica eam, ut regnum tuum instaurétur in géntibus.

Fili Dei vivi, tuére pópulum tuum.

Implorámus te pro iis qui morbo, luctu, servitúte et exsílio premúntur,

ut consolatiónem et auxílium obtíneant.

Fili Dei vivi, tuére pópulum tuum.

Orámus pro errántibus a viis tuis,

ut grátiam véniæ tuæ cum gáudio vitæ novæ percípiant.

Fili Dei vivi, tuére pópulum tuum.

Salvátor noster, qui crucifíxus es et resurrexísti, et ventúrus es mundum iudicáre,

propítius esto nobis peccatóribus.

Fili Dei vivi, tuére pópulum tuum.

Pro ómnibus in hoc sǽculo vivéntibus te precámur,

et pro cunctis, qui a nobis in spe resurrectiónis abiérunt.

Fili Dei vivi, tuére pópulum tuum.

ORATIO

Semper exsúltet pópulus tuus, Deus, renováta ánimæ iuventúte, ut, qui nunc lætátur in adoptiónis se glóriam restitútum, resurrectiónis diem spe certæ gratulatiónis exspéctet.

Ad Laudes matutinas

Ant. 1 Dóminus regnávit, decórem indútus est, allelúia.

Psalmi et canticum de dominica hebd. III.

Ant. 2 Liberábitur creatúra in libertátem glóriæ filiórum Dei, allelúia.

Ant. 3 Exaltátum est nomen Dómini super cælum et terram, allelúia.

LECTIO BREVIS

{r}Act 10, 40-43{/r}

Deus suscitávit Iesum tértia die et dedit eum maniféstum fíeri, non omni pópulo sed téstibus præordinátis a Deo, nobis, qui manducávimus et bíbimus cum illo postquam resurréxit a mórtuis; et præcépit nobis prædicáre pópulo et testificári quia ipse est, qui constitútus est a Deo iudex vivórum et mortuórum. Huic omnes prophétæ testimónium pérhibent remissiónem peccatórum accípere per nomen eius omnes, qui credunt in eum.

RESPONSORIUM BREVE

Christe, Fili Dei vivi, miserére nobis, {*} Allelúia, allelúia.

Christe, Fili Dei vivi, miserére nobis, {*} Allelúia, allelúia.

Qui surrexísti a mórtuis. {*}

Allelúia, allelúia.

Glória Patri, et Fílio, et Spirítui Sancto.

Christe, Fili Dei vivi, miserére nobis, {*} Allelúia, allelúia.

Ad Benedictus, ant.

Anno AOportébat Christum pati et resúrgere a mórtuis tértia die, allelúia.

Anno B Vidéte manus meas et pedes meos, quia ego sum. Palpáte me et vidéte, allelúia.

Anno C Venit Iesus et áccipit panem et dat eis, et piscem simíliter. Hoc iam tértio manifestátus est Iesus discípulis, cum resurrexísset a mórtuis, allelúia.

PRECES

Christum, auctórem vitæ, quem Deus suscitávit quique nos suscitábit per virtútem suam,

Christe, vita nostra, salva nos.

Christe, lux fúlgida in ténebris splendens, vitæ princeps et mortálium sanctificátor,

hanc diem ad laudem tuam fac nos transígere.

Christe, vita nostra, salva nos.

Dómine, qui ambulásti in via passiónis et crucis,

concéde nobis ut, tecum patiéntes et moriéntes, tecum étiam resuscitémur.

Christe, vita nostra, salva nos.

Fili Patris, magíster et frater noster, qui nos regnum et sacerdótes Deo nostro constituísti,

præsta ut tibi sacrifícium laudis offerámus in gáudio.

Christe, vita nostra, salva nos.

Rex glóriæ, præclárum exspectámus diem manifestatiónis tuæ,

ut vultum tuum contemplémur et símiles tui efficiámur.

Christe, vita nostra, salva nos.

Ad II Vesperas

Ant. 1 Purgatiónem peccatórum fáciens, sedet ad déxteram maiestátis in excélsis, allelúia.

Psalmi et canticum de dominica hebd. III.

Ant. 2 Redemptiónem misit Dóminus pópulo suo, allelúia.

Ant. 3 Allelúia, regnávit Dóminus noster; exsultémus et demus glóriam ei, allelúia.

LECTIO BREVIS

{r}Hebr 10, 12-14{/r}

Christus, una pro peccátis obláta hóstia, in sempitérnum consédit in déxtera Dei, de cétero exspéctans, donec ponántur inimíci eius scabéllum pedum eius; una enim oblatióne consummávit in sempitérnum eos, qui sanctificántur.

RESPONSORIUM BREVE

Surréxit Dóminus vere, {*} Allelúia, allelúia.

Surréxit Dóminus vere, {*} Allelúia, allelúia.

Et appáruit Simóni. {*}

Allelúia, allelúia.

Glória Patri, et Fílio, et Spirítui Sancto.

Surréxit Dóminus vere, {*} Allelúia, allelúia.

Ad Magnificat, ant.

Anno A Dum recúmberet cum illis, accépit panem et benedíxit ac fregit et porrigébat illis. Et apérti sunt óculi eórum et cognovérunt eum, allelúia.

Anno B Sic scriptum est, Christum pati et resúrgere a mórtuis die tértia, et prædicári in nómine eius pæniténtiam in remissiónem peccatórum in omnes gentes, allelúia.

Anno CSimon Ioánnis, amas me? Dómine, tu ómnia scis, tu cognóscis quia amo te. Dicit ei Iesus: Pasce oves meas, allelúia.

PRECES

Christum Dóminum, qui mórtuus est, resurréxit et semper interpéllat pro nobis, cum fidúcia deprecémur:

Victor Rex, exáudi nos.

Christe, lux et salus ómnium géntium,

ignem Spíritus tui effúnde super nos, resurrectiónem tuam proclamántes.

Victor Rex, exáudi nos.

Israel in te Christum spei suæ agnóscat,

et omnis terra cognitióne tuæ glóriæ repleátur.

Victor Rex, exáudi nos.

Serva nos in communióne sanctórum tuórum,

et cum eis a labóribus nostris requiéscere concéde.

Victor Rex, exáudi nos.

Qui inimícam mortem superásti, cóntere in nobis inimícum tuum,

ut tibi immortáli victóri vivámus.

Victor Rex, exáudi nos.

Christe salvátor, qui, factus obœ́diens usque ad mortem, exaltátus es ad déxteram Patris,

fratres tuos in regnum glóriæ tuæ benígnus admítte.

Victor Rex, exáudi nos.

FERIA SECUNDA

Ad Laudes matutinas

LECTIO BREVIS

{r}Rom 10, 8b-10{/r}

Prope te est verbum, in ore tuo et in corde tuo; hoc est verbum fídei, quod prædicámus. Quia si confiteáris in ore tuo: «Dóminum Iesum!», et in corde tuo credíderis quod Deus illum excitávit ex mórtuis, salvus eris. Corde enim créditur ad iustítiam, ore autem conféssio fit in salútem.

Ad Benedictus, ant. Operámini non cibum qui perit, sed qui pérmanet in vitam ætérnam, allelúia.

PRECES

Iesum, quem Pater glorificávit et herédem ómnium géntium constítuit, exaltémus, orántes:

Per victóriam tuam salva nos, Dómine.

Christe, qui victória tua portas contrivísti infernáles, peccátum delens et mortem,

fac nos hódie peccáti victóres.

Per victóriam tuam salva nos, Dómine.

Tu, qui mortem evacuásti, vitam nobis impértiens novam,

da ut hódie in hac vitæ novitáte ambulémus.

Per victóriam tuam salva nos, Dómine.

Qui vitam mórtuis tribuísti, totum genus humánum de morte ad vitam redúcens,

ómnibus, qui nobis occúrrent, ætérnam vitam concéde.

Per victóriam tuam salva nos, Dómine.

Qui, sepúlcri tui custódes confúndens, discípulos tuos lætificásti,

plenam tibi serviéntibus largíre lætítiam.

Per victóriam tuam salva nos, Dómine.

ORATIO

Deus, qui errántibus, ut in viam possint redíre, veritátis tuæ lumen osténdis, da cunctis, qui christiána professióne censéntur, et illa respúere, quæ huic inimíca sunt nómini, et ea quæ sunt apta sectári.

Ad Vesperas

LECTIO BREVIS

{r}Hebr 8, 1b-3a{/r}

Talem habémus pontíficem, qui consédit in déxtera throni Maiestátis in cælis, sanctórum miníster et tabernáculi veri, quod fixit Dóminus, non homo. Omnis enim póntifex ad offerénda múnera et hóstias constitúitur.

Ad Magnificat, ant. Hoc est opus Dei, ut credátis in eum, quem misit ille, allelúia.

PRECES

Christum, cuius humanitátem Spíritus Sanctus vivificávit et vivificántem réddidit, lætis ánimis invocémus:

Rénova et vivífica ómnia, Dómine.

Christe, salvátor mundi, novæ creatiónis rex, sensus nostros ad regnum tuum propítius convérte,

ubi tu sedes ad déxteram Patris.

Rénova et vivífica ómnia, Dómine.

Dómine, semper vivens in Ecclésia tua,

eam per Spíritum Sanctum in omnem dírige veritátem.

Rénova et vivífica ómnia, Dómine.

Te misericórdem infírmis, laborántibus et moriéntibus manifésta,

ut tua omnes pietáte conforténtur atque firméntur.

Rénova et vivífica ómnia, Dómine.

Christe, lumen indefíciens, die iam declinánte, tibi nostram devotiónem offérimus,

teque rogámus, ut luce tuæ resurrectiónis fratres nostros defúnctos illúmines.

Rénova et vivífica ómnia, Dómine.

FERIA TERTIA

Ad Laudes matutinas

LECTIO BREVIS

{r}Act 13, 30-33{/r}

Deus suscitávit Iesum a mórtuis; qui visus est per dies multos his, qui simul ascénderant cum eo de Galilǽa in Ierúsalem, qui nunc sunt testes eius ad plebem. Et nos vobis evangelizámus eam, quæ ad patres promíssio facta est, quóniam hanc Deus adimplévit fíliis eórum, nobis resúscitans Iesum, sicut et in Psalmo secúndo scriptum est: Fílius meus es tu; ego hódie génui te.

Ad Benedictus, ant. Amen, amen dico vobis: Non Móyses dedit vobis panem de cælo, sed Pater meus dat vobis panem de cælo verum, allelúia.

PRECES

Exsultémus Christo, qui perémptum sui córporis templum sua virtúte restítuit, eíque supplicémus:

Fructus resurrectiónis tuæ, Dómine, nobis concéde.

Christe salvátor, qui in resurrectióne tua muliéribus et Apóstolis gáudium nuntiásti, totum orbem salvíficans,

testes tuos nos éffice.

Fructus resurrectiónis tuæ, Dómine, nobis concéde.

Qui resurrectiónem ómnibus promisísti, qua ad vitam novam resurgerémus,

Evangélii tui nos redde præcónes.

Fructus resurrectiónis tuæ, Dómine, nobis concéde.

Tu, qui Apóstolis sǽpius apparuísti et Sanctum eis Spíritum insufflásti,

creatórem Spíritum rénova in nobis.

Fructus resurrectiónis tuæ, Dómine, nobis concéde.

Tu, qui discípulis tuis promisísti te cum eis mansúrum usque ad consummatiónem sǽculi,

mane nobíscum hódie, sempérque nobis adésto.

Fructus resurrectiónis tuæ, Dómine, nobis concéde.

ORATIO

Deus, qui renátis ex aqua et Spíritu Sancto cæléstis regni pandis intróitum, auge super fámulos tuos grátiam quam dedísti, ut, qui ab ómnibus sunt purgáti peccátis, nullis privéntur tua pietáte promíssis.

Ad Vesperas

LECTIO BREVIS

{r}1 Petr 2, 4-5{/r}

Ad Dóminum accedéntes, lápidem vivum, ab homínibus quidem reprobátum, coram Deo autem eléctum, pretiósum, et ipsi tamquam lápides vivi ædificámini domus spiritális in sacerdótium sanctum offérre spiritáles hóstias acceptábiles Deo per Iesum Christum.

Ad Magnificat, ant. Panis Dei est, qui de cælo descéndit et dat vitam mundo, allelúia.

PRECES

Christo, qui in grémio terræ commorátus, lumen novæ glóriæ vidit, læti clamémus:

Rex glóriæ, audi nos.

Pro epíscopis, presbýteris et diacónibus, ut ministério cum sedulitáte fungántur,

et pópulum ad omne opus bonum parátum tibi prǽbeant, te rogámus, Dómine.

Rex glóriæ, audi nos.

Pro doctóribus, qui Ecclésiæ tuæ sátagunt servíre,

ut corde puro veritátem tuam inquírant, te rogámus, Dómine.

Rex glóriæ, audi nos.

Pro Ecclésiæ fidélibus, ut bonum certent fídei certámen,

et, cursum consummántes, prǽmia regni tui accípiant, te rogámus, Dómine.

Rex glóriæ, audi nos.

Tu, qui in cruce chirógraphum damnatiónis nostræ fixísti et delésti,

víncula nostra solve nosque a ténebris líbera.

Rex glóriæ, audi nos.

Tu qui, ad ínferos descéndens, portas eórum aperuísti,

fratres nostros defúnctos in regnum tuum admítte.

Rex glóriæ, audi nos.

FERIA QUARTA

Ad Laudes matutinas

LECTIO BREVIS

{r}Rom 6, 8-11{/r}

Si mórtui sumus cum Christo, crédimus quia simul étiam vivémus cum eo; sciéntes quod Christus suscitátus ex mórtuis iam non móritur, mors illi ultra non dominátur. Quod enim mórtuus est, peccáto mórtuus est semel; quod autem vivit, vivit Deo. Ita et vos existimáte vos mórtuos quidem esse peccáto, vivéntes autem Deo in Christo Iesu.

Ad Benedictus, ant. Omnis qui videt Fílium et credit in eum, habet vitam ætérnam, et ego resuscitábo eum in novíssimo die, allelúia.

PRECES

Christum rogántes, qui tráditus est propter delícta nostra et resurréxit propter iustificatiónem nostram, ad eum clamémus:

Per victóriam tuam salva nos, Dómine.

Christe salvátor, qui mortem devíncens nos lætificásti, resúrgens nos exaltásti et donis nos large replésti,

éxcita corda nostra et hanc diem Spíritus Sancti dono sanctífica.

Per victóriam tuam salva nos, Dómine.

Qui in cælis ab ángelis glorificáris et in terra ab homínibus adoráris, te hoc resurrectiónis tuæ témpore deprecámur,

ut accípias adoratiónem nostram in spíritu et veritáte.

Per victóriam tuam salva nos, Dómine.

Dómine Christe, salva nos et effúnde misericórdiam tuam super pópulum tuum, qui resurrectiónem præstolátur;

miserére nostri atque nos die isto ab omni malo custódi.

Per victóriam tuam salva nos, Dómine.

Rex glóriæ, vita nostra, da nobis ut cum apparúeris,

tunc et nos appareámus tecum in glória.

Per victóriam tuam salva nos, Dómine.

ORATIO

Adésto, quǽsumus, Dómine, famíliæ tuæ, et dignánter impénde, ut, quibus fídei grátiam contulísti, in resurrectióne Unigéniti tui portiónem largiáris ætérnam.

Ad Vesperas

LECTIO BREVIS

{r}Hebr 7, 24-27{/r}

Iesus eo quod manet in ætérnum, intransgressíbile habet sacerdótium, unde et salváre in perpétuum potest accedéntes per semetípsum ad Deum, semper vivens ad interpellándum pro eis. Talis enim et decébat, ut nobis esset póntifex, sanctus, ínnocens, impollútus, segregátus a peccatóribus et excélsior cælis factus, qui non habet necessitátem cotídie, quemádmodum pontífices, prius pro suis delíctis hóstias offérre, deínde pro pópuli; hoc enim fecit semel semetípsum offeréndo.

Ad Magnificat, ant. Omne quod dat mihi Pater, ad me véniet; et eum qui venit ad me, non eíciam foras, allelúia.

PRECES

Christum, qui a mórtuis resurréxit atque ad déxteram Patris sedet, súpplices implorémus, dicéntes:

Christe, semper vivens, exáudi nos.

Meménto, Dómine, ómnium in tuo servítio ministrántium,

ut prǽbeant exémplum vitæ sanctæ pópulo tuo.

Christe, semper vivens, exáudi nos.

Reipúblicæ moderatóribus spíritum iustítiæ et pacis concéde,

ut in civitáte hóminum concórdes vívere valeámus.

Christe, semper vivens, exáudi nos.

Dies nostros ad salútem dispóne,

et, ad indigéntes iuvándos, terræ ubertátem adáuge.

Christe, semper vivens, exáudi nos.

Christe salvátor, qui mundum univérsum illuminásti et omnem creatúram, corruptióni subiéctam, ad vitam vocásti,

frátribus nostris defúnctis lucem concéde perpétuam.

Christe, semper vivens, exáudi nos.

FERIA QUINTA

Ad Laudes matutinas

LECTIO BREVIS

{r}Rom 8, 10-11{/r}

Si Christus in vobis est, corpus quidem mórtuum est propter peccátum, spíritus vero vita propter iustítiam. Quod si Spíritus eius, qui suscitávit Iesum a mórtuis, hábitat in vobis, qui suscitávit Christum a mórtuis, vivificábit et mortália córpora vestra per inhabitántem Spíritum suum in vobis.

Ad Benedictus, ant. Amen, amen dico vobis: Qui credit in me, habet vitam ætérnam, allelúia.

PRECES

Christum, qui resurréxit et semper præsens est in Ecclésia sua, venerémur, illum invocántes:

Mane nobíscum, Dómine.

Dómine Iesu, de peccáto et morte triúmphans,

esto in médio nostri, qui vivis in sǽculum sǽculi.

Mane nobíscum, Dómine.

Veni ad nos cum fortitúdine tua invícta,

et benignitátem Dei córdibus nostris osténde.

Mane nobíscum, Dómine.

Adiuva mundum discórdia laborántem,

tu qui solus potens es ad ánimos regenerándos et reconciliándos.

Mane nobíscum, Dómine.

Confírma nos in fide novíssimæ victóriæ,

nosque corróbora in spe advéntus tui.

Mane nobíscum, Dómine.

ORATIO

Omnípotens sempitérne Deus, propénsius his diébus tuam pietátem consequámur, quibus eam plénius te largiénte cognóvimus, ut, quos ab erróris calígine liberásti, veritátis tuæ fírmius inhærére fácias documéntis.

Ad Vesperas

LECTIO BREVIS

{r}1 Petr 3, 18. 21b-22{/r}

Christus semel pro peccátis passus est, iustus pro iniústis, ut vos addúceret ad Deum, mortificátus quidem carne, vivificátus autem Spíritu. Et vos nunc salvos facit, non carnis deposítio sórdium sed consciéntiæ bonæ rogátio in Deum, per resurrectiónem Iesu Christi, qui est in déxtera Dei, proféctus in cælum, subiéctis sibi ángelis et potestátibus et virtútibus.

Ad Magnificat, ant. Ego sum panis vivus, qui de cælo descéndi. Si quis manducáverit ex hoc pane, vivet in ætérnum; et panis, quem ego dabo, caro mea est pro mundi vita, allelúia.

PRECES

Christum, qui surréxit a mórtuis primítiæ dormiéntium, iubilántes collaudémus et orémus:

Qui surrexísti a mórtuis, exáudi nos.

Meménto, Christe, Ecclésiæ tuæ sanctæ, quam in Apostolórum fundaménto ædificásti et in fines orbis diffudísti,

et super omnes in te credéntes sit benedíctio tua.

Qui surrexísti a mórtuis, exáudi nos.

Tu, médice animárum corporúmque nostrórum,

vísita nos et salva nos tua pietáte.

Qui surrexísti a mórtuis, exáudi nos.

Infírmos súbleva atque confírma,

eósque ab ómnibus solve languóribus.

Qui surrexísti a mórtuis, exáudi nos.

Adiuva angóribus et oppressiónibus conféctos,

et inópia laborántes miserátus sústine.

Qui surrexísti a mórtuis, exáudi nos.

Qui, per crucem et resurrectiónem tuam, viam immortalitátis ómnibus reserásti,

frátribus nostris defúnctis regni tui gáudia concéde.

Qui surrexísti a mórtuis, exáudi nos.

FERIA SEXTA

Ad Laudes matutinas

LECTIO BREVIS

{r}Act 5, 30-32{/r}

Deus patrum nostrórum suscitávit Iesum, quem vos interemístis suspendéntes in ligno; hunc Deus Príncipem et Salvatórem exaltávit déxtera sua ad dandam pæniténtiam Israel et remissiónem peccatórum. Et nos sumus testes horum verbórum, et Spíritus Sanctus, quem dedit Deus obœdiéntibus sibi.

Ad Benedictus, ant. Qui mandúcat meam carnem et bibit meum sánguinem, in me manet et ego in eo, allelúia.

PRECES

Deum Patrem, qui vitam novam per Christi resurrectiónem cóntulit nobis, súpplices exorémus:

Clarífica nos claritáte Christi.

Deus, qui opéribus tuis antíquam dispensatiónem manifestásti, terram creásti et fidélis es in ómnibus generatiónibus,

exáudi nos, clementíssime Pater.

Clarífica nos claritáte Christi.

Purífica nos puritáte veritátis tuæ, et gressus nostros dírige in cordis sanctitáte,

ut quod iustum est tibíque plácitum agámus.

Clarífica nos claritáte Christi.

Illúmina vultum tuum super nos,

ut a peccáto liberáti bonis domus tuæ repleámur.

Clarífica nos claritáte Christi.

Qui per Christum nos tibi reconciliásti,

pacem nobis largíre omnibúsque in orbe terrárum degéntibus.

Clarífica nos claritáte Christi.

ORATIO

Præsta, quǽsumus, omnípotens Deus, ut, qui grátiam domínicæ resurrectiónis cognóvimus, ipsi per amórem Spíritus in novitátem vitæ resurgámus.

Ad Vesperas

LECTIO BREVIS

{r}Hebr 5, 8-10{/r}

Christus cum esset Fílius, dídicit ex his, quæ passus est, obœdiéntiam et, consummátus, factus est ómnibus obœdiéntibus sibi auctor salútis ætérnæ, appellátus a Deo póntifex iuxta órdinem Melchísedech.

Ad Magnificat, ant. Crucifíxus surréxit a mórtuis et redémit nos, allelúia.

PRECES

Christum, viam, veritátem et vitam exaltémus, clamántes:

Fili Dei vivi, bénedic pópulum tuum.

Orámus te, Christe, pro ómnibus Ecclésiæ tuæ minístris, ut, frangéntes frátribus panem vitæ,

ipsi nutriántur et roboréntur.

Fili Dei vivi, bénedic pópulum tuum.

Orámus te pro toto pópulo christiáno, ut digne ámbulet vocatióne sua,

et servet unitátem spíritus in vínculo pacis.

Fili Dei vivi, bénedic pópulum tuum.

Orámus te pro iis, qui nos in potestáte regunt, ut exérceant múnera secúndum iustítiam et misericórdiam,

ádeo ut concórdia præváleat et pax inter pópulos univérsos.

Fili Dei vivi, bénedic pópulum tuum.

Orámus te, ut nos dignos perfícias, qui te celebrémus corde sincéro in communióne sanctórum,

cum frátribus nostris defúnctis, quos pietáti tuæ commendámus.

Fili Dei vivi, bénedic pópulum tuum.

SABBATO

Ad Laudes matutinas

LECTIO BREVIS

{r}Rom 14, 7-9{/r}

Nemo nostrum sibi vivit et nemo sibi móritur; sive enim vívimus, Dómino vívimus, sive mórimur, Dómino mórimur. Sive ergo vívimus, sive mórimur, Dómini sumus. In hoc enim Christus et mórtuus est et vixit, ut et mortuórum et vivórum dominétur.

Ad Benedictus, ant. Dixit Simon Petrus: Dómine, ad quem íbimus? Verba vitæ ætérnæ habes; et nos credídimus et cognóvimus quia tu es Christus Fílius Dei, allelúia.

PRECES

Christum, panem vitæ, qui mensa verbi et córporis sui fruéntes suscitábit in novíssimo die, læti deprecémur:

Da nobis, Dómine, pacem et gáudium.

Fili Dei, qui, suscitátus a mórtuis, princeps es vitæ,

nos omnésque fratres tuos bénedic et sanctífica.

Da nobis, Dómine, pacem et gáudium.

Tu, qui pacem et gáudium ómnibus in te credéntibus largíris,

da nos sicut fílios lucis ambuláre et de victória tua lætári.

Da nobis, Dómine, pacem et gáudium.

Adáuge fidem Ecclésiæ peregrinántis in terra,

ut resurrectiónis tuæ testimónium mundo perhíbeat.

Da nobis, Dómine, pacem et gáudium.

Tu qui, multa passus, in glóriam Patris intrásti,

luctum mæréntium convérte in gáudium.

Da nobis, Dómine, pacem et gáudium.

ORATIO

Deus, qui credéntes in te fonte baptísmatis innovásti, hanc renátis in Christo concéde custódiam, ut, omni erróris incúrsu devícto, grátiam tuæ benedictiónis fidéliter servent.

DOMINICA IV PASCHÆ

Hebd. IV Psalterii

Ad I Vesperas

Ant. 1 Pax Christi exsúltet in córdibus vestris, allelúia.

Psalmi et canticum de dominica hebd. IV.

Ant. 2 Redemísti nos Deo in sánguine tuo, allelúia.

Ant. 3 Nonne hæc opórtuit pati Christum, et ita intráre in glóriam suam? allelúia.

Ad Magnificat, ant.

Anno A Amen dico vobis: qui intrat per óstium, pastor est óvium. Ante eas vadit, et oves illum sequúntur, quia sciunt vocem eius, allelúia.

Anno B Ego sum pastor bonus: bonus pastor ánimam suam ponit pro óvibus, allelúia.

Anno C Oves meæ vocem meam áudiunt, et ego Dóminus agnósco eas, allelúia.

PRECES

Christum, qui resúrgens a mórtuis mortem destrúxit vitámque renovávit, instánter invocémus:

Christe, semper vivens, exáudi nos.

Tu, lapis, quem reprobavérunt ædificántes, factus es in caput ánguli;

nos in Ecclésia tua ut lápides vivos ædífica.

Christe, semper vivens, exáudi nos.

Tu, testis fidélis et verus, primogénitus ex mórtuis,

tuæ tríbue Ecclésiæ te indesinénter testificári.

Christe, semper vivens, exáudi nos.

Tu, únice sponse Ecclésiæ e látere tuo exórtæ,

redde nos nuptiális illíus testes sacraménti.

Christe, semper vivens, exáudi nos.

Qui es primus et novíssimus, fuísti mórtuus et vivis,

baptizátos serva usque ad mortem fidéles, ut corónam accípere mereántur.

Christe, semper vivens, exáudi nos.

Tu, lux et lucérna sanctæ Dei civitátis,

defúnctos nostros illústra, ut in perpétuum regnent.

Christe, semper vivens, exáudi nos.

ORATIO

Omnípotens sempitérne Deus, deduc nos ad societátem cæléstium gaudiórum, ut eo pervéniat humílitas gregis, quo procéssit fortitúdo pastóris.

Ad Laudes matutinas

Ant. 1 Non móriar, sed vivam et narrábo ópera Dómini, allelúia.

Psalmi et canticum de dominica hebd. IV.

Ant. 2 Benedíctum nomen glóriæ tuæ sanctum, allelúia.

Ant. 3 Date magnificéntiam Deo nostro; Dei perfécta sunt ópera, et omnes viæ eius iudícia, allelúia.

Ad Benedictus, ant.

Anno A Ego sum óstium, dicit Dóminus; per me si quis introíerit, salvábitur et páscua invéniet, allelúia.

Anno B Ego sum pastor óvium; ego sum via, véritas et vita; ego sum pastor bonus, et cognósco oves meas, et cognóscunt me meæ, allelúia.

Anno C Ego vitam ætérnam do óvibus meis, et non períbunt in ætérnum, et non rápiet eas quisquam de manu mea, allelúia.

PRECES

Deum Patrem omnipoténtem, qui Iesum, príncipem et salvatórem nostrum, suscitávit, invocémus clamántes:

Claritáte Christi clarífica nos, Dómine.

Pater sancte, qui Iesum, diléctum tuum, de ténebris mortis ad lumen glóriæ tuæ transíre fecísti,

da nobis in admirábile lumen tuum veníre.

Claritáte Christi clarífica nos, Dómine.

Qui nos salvásti per fidem,

in fide baptísmatis nostri fac ut hódie vivámus.

Claritáte Christi clarífica nos, Dómine.

Tu, qui mandas ut quæ sursum sunt quærámus, ubi Christus est in déxtera tua sedens,

serva nos a peccáti blandítiis.

Claritáte Christi clarífica nos, Dómine.

Vita nostra, in te abscóndita cum Christo, lúceat in mundo,

ut cælum novum et terra nova prænuntiéntur.

Claritáte Christi clarífica nos, Dómine.

Ad II Vesperas

Ant. 1 Quæ sursum sunt quǽrite, ubi Christus est in déxtera Dei sedens, allelúia.

Psalmi et canticum de dominica hebd. IV.

Ant. 2 Exórtum est in ténebris lumen rectis corde, allelúia.

Ant. 3 Allelúia, salus et glória et virtus Deo nostro, allelúia.

Ad Magnificat, ant.

Anno A Ego sum pastor bonus: ego veni, ut vitam hábeant, et abundántius hábeant, allelúia.

Anno B Alias oves hábeo, quæ non sunt ex hoc ovíli, et illas opórtet me addúcere, et vocem meam áudient, et fient unus grex, unus pastor, allelúia.

Anno C Pater meus quod dedit mihi, máius ómnibus est, et nemo potest rápere de manu Patris, allelúia.

PRECES

Deum Patrem, qui Christum suscitávit et ad déxteram suam exaltávit, súpplices exorémus:

Per glóriam Christi custódi pópulum tuum, Dómine.

Pater iuste, qui Iesum a terra per victóriam crucis exaltásti,

fac ut ómnia ad eum trahántur.

Per glóriam Christi custódi pópulum tuum, Dómine.

Per Fílium a te exaltátum emítte Spíritum Sanctum in Ecclésiam,

ut ea sit unitátis totíus humáni géneris sacraméntum.

Per glóriam Christi custódi pópulum tuum, Dómine.

Novam prolem, quam per aquam et Spíritum Sanctum genuísti,

fidélem serva suo baptísmati in vitam ætérnam.

Per glóriam Christi custódi pópulum tuum, Dómine.

Per Fílium tuum exaltátum míseros súbleva, cárcere deténtos líbera, sana ægrótos,

tuísque benefíciis mundum lætífica.

Per glóriam Christi custódi pópulum tuum, Dómine.

Fratres defúnctos, quibus corpus et sánguinem Christi gloriósi præstitísti,

fac novíssimo resurrectiónis die partícipes.

Per glóriam Christi custódi pópulum tuum, Dómine.

FERIA SECUNDA

Ad Laudes matutinas

Ad Benedictus, ant. Ego sum pastor bonus, qui pasco oves meas, et pro óvibus meis pono ánimam meam, allelúia.

ORATIO

Deus, qui in Fílii tui humilitáte iacéntem mundum erexísti, fidélibus tuis sanctam concéde lætítiam, ut, quos eripuísti a servitúte peccáti, gáudiis fácias pérfrui sempitérnis.

Ad Vesperas

Ad Magnificat, ant. Alias oves hábeo, quæ non sunt ex hoc ovíli; et illas opórtet me addúcere, et vocem meam áudient, et fiet unum ovíle et unus pastor, allelúia.

FERIA TERTIA

Ad Laudes matutinas

Ad Benedictus, ant. Opera, quæ ego fácio in nómine Patris mei, testimónium pérhibent de me, allelúia.

ORATIO

Præsta, quǽsumus, omnípotens Deus, ut, qui resurrectiónis domínicæ mystéria cólimus, redemptiónis nostræ suscípere lætítiam mereámur.

Ad Vesperas

Ad Magnificat, ant. Ego cognósco oves meas, et sequúntur me; et vitam ætérnam do eis, allelúia.

FERIA QUARTA

Ad Laudes matutinas

Ad Benedictus, ant. Ego lux in mundum veni, ut omnis qui credit in me in ténebris non máneat, dicit Dóminus, allelúia.

ORATIO

Deus, vita fidélium, glória humílium, beatitúdo iustórum, ad preces súpplicum benígnus inténde, ut, qui promíssa tuæ sítiunt largitátis, de tua semper abundántia repleántur.

Ad Vesperas

Ad Magnificat, ant. Non misit Deus Fílium suum in mundum, ut iúdicet mundum, sed ut salvétur mundus per ipsum, allelúia.

FERIA QUINTA

Ad Laudes matutinas

Ad Benedictus, ant. Non est discípulus super magístrum; perféctus autem omnis erit, si sit sicut magíster eius, allelúia.

ORATIO

Deus, qui humánam natúram supra primæ oríginis réparas dignitátem, réspice ad pietátis tuæ ineffábile sacraméntum, ut, quos regeneratiónis mystério dignátus es innováre, in his dona tuæ perpétuæ grátiæ benedictionísque consérves.

Ad Vesperas

Ad Magnificat, ant. Ego sum pastor óvium; veni ut vitam hábeant, et abundántius hábeant, allelúia.

FERIA SEXTA

Ad Laudes matutinas

Ad Benedictus, ant. Non est discípulus super magístrum; perféctus autem omnis erit, si sit sicut magíster eius, allelúia.

ORATIO

Deus, qui et libertátis nostræ auctor es et salútis, exáudi supplicántium voces, et, quos sánguinis Fílii tui effusióne redemísti, fac ut per te vívere et perpétua in te váleant incolumitáte gaudére.

Ad Vesperas

Ad Magnificat, ant. Pastor bonus ánimam suam pósuit pro óvibus suis, allelúia.

SABBATO

Ad Laudes matutinas

Ad Benedictus, ant. Cum apparúerit princeps pastórum, percipiétis immarcescíbilem glóriæ corónam, allelúia.

ORATIO

Omnípotens sempitérne Deus, semper in nobis paschále pérfice sacraméntum, ut, quos sacro baptísmate dignátus es renováre, sub tuæ protectiónis auxílio multos fructus áfferant, et ad ætérnæ vitæ gáudia perveníre concédas.

DOMINICA V PASCHÆ

Hebd. I Psalterii

Ad I Vesperas

Ant. 1 Elevátio mánuum meárum ut sacrifícium vespertínum, allelúia.

Psalmi et canticum de dominica hebd. I.

Ant. 2 Eduxísti de custódia ánimam meam ad confiténdum nómini tuo, allelúia.

Ant. 3 Fílius Dei dídicit ex iis quæ passus est obœdiéntiam, et factus est ómnibus obtemperántibus sibi causa salútis ætérnæ, allelúia.

Ad Magnificat, ant.

Anno A Si abíero et præparávero vobis locum, íterum vénio et accípiam vos ad meípsum, ut ubi sum ego, et vos sitis, allelúia.

Anno B Ego sum vitis vera, et Pater meus agrícola est. Omnem pálmitem qui fert fructum, purgat eum ut fructum plus áfferat, allelúia.

Anno C Nunc clarificátus est Fílius hóminis, et Deus clarificátus est in eo, allelúia.

ORATIO

Deus, per quem nobis et redémptio venit et præstátur adóptio, fílios dilectiónis tuæ benígnus inténde, ut in Christo credéntibus et vera tribuátur libértas et heréditas ætérna.

Ad Laudes matutinas

Ant. 1 Qui sitit accípiet aquam vitæ gratis, allelúia.

Psalmi et canticum de dominica hebd. I.

Ant. 2 Adoráte Dóminum, qui fecit cælum et terram, mare et fontes aquárum, allelúia.

Ant. 3 Exsultábunt sancti in glória, allelúia.

Ad Benedictus, ant.

Anno A Ego sum via, véritas et vita: nemo venit ad Patrem, nisi per me, allelúia.

Anno B Qui manet in me, et ego in eo, hic fert fructum multum, dicit Dóminus, allelúia.

Anno CMandátum novum do vobis: ut diligátis ínvicem sicut diléxi vos, dicit Dóminus, allelúia.

Ad II Vesperas

Ant. 1 Surréxit Dóminus et sedet ad déxteram Dei, allelúia.

Psalmi et canticum de dominica hebd. I.

Ant. 2 Erípuit nos de potestáte tenebrárum et tránstulit in regnum Fílii sui, allelúia.

Ant. 3 Allelúia, regnávit Dóminus noster; exsultémus et demus glóriam ei, allelúia.

Ad Magnificat, ant.

Anno A Dómine, osténde nobis Patrem, et súfficit nobis. Dicit ei Iesus: Tanto témpore vobíscum sum, et non cognovísti me, Philíppe? Qui vidit me, vidit Patrem, allelúia.

Anno B In hoc clarificátus est Pater meus, ut fructum multum afferátis et efficiámini mei discípuli, allelúia.

Anno C In hoc cognóscent omnes quia mei discípuli estis, si dilectiónem habuéritis ad ínvicem, allelúia.

FERIA SECUNDA

Ad Laudes matutinas

Ad Benedictus, ant. Qui díligit me, diligétur a Patre meo; et ego díligam eum, et manifestábo ei meípsum, allelúia.

ORATIO

Deus, qui fidélium mentes uníus éfficis voluntátis, da pópulis tuis id amáre quod prǽcipis, id desideráre quod promíttis, ut, inter mundánas varietátes, ibi nostra fixa sint corda, ubi vera sunt gáudia.

Ad Vesperas

Ad Magnificat, ant. Paráclitus Spíritus Sanctus, quem mittet Pater in nómine meo, ille vos docébit et súggeret vobis ómnia quæcúmque díxero vobis, allelúia.

FERIA TERTIA

Ad Laudes matutinas

Ad Benedictus, ant. Pacem relínquo vobis, allelúia, pacem meam do vobis, allelúia.

ORATIO

Deus, qui ad ætérnam vitam in Christi resurrectióne nos réparas, da pópulo tuo fídei speíque constántiam, ut non dubitémus implénda, quæ te nóvimus auctóre promíssa.

Ad Vesperas

Ad Magnificat, ant. Si diligerétis me, gauderétis útique, quia vado ad Patrem, allelúia.

FERIA QUARTA

Ad Laudes matutinas

Ad Benedictus, ant. Ego sum vitis vera, allelúia, et vos pálmites mei, allelúia.

ORATIO

Deus, innocéntiæ restitútor et amátor, dírige ad te tuórum corda famulórum, ut, quos de incredulitátis ténebris liberásti, numquam a tuæ veritátis luce discédant.

Ad Vesperas

Ad Magnificat, ant. Si manséritis in me, et verba mea in vobis mánserint, quodcúmque petiéritis fiet vobis, allelúia.

FERIA QUINTA

Ad Laudes matutinas

Ad Benedictus, ant. Si præcépta mea servavéritis, manébitis in dilectióne mea, allelúia.

ORATIO

Deus, cuius grátia iusti ex ímpiis et beáti effícimur ex míseris, adésto opéribus tuis, adésto munéribus, ut, quibus inest fídei iustificátio, non desit perseverántiæ fortitúdo.

Ad Vesperas

Ad Magnificat, ant. Hæc locútus sum vobis, ut gáudium meum in vobis sit, et gáudium vestrum impleátur, allelúia.

FERIA SEXTA

Ad Laudes matutinas

Ad Benedictus, ant. Hoc est præcéptum meum: ut diligátis ínvicem, sicut diléxi vos, allelúia.

ORATIO

Tríbue nobis, quǽsumus, Dómine, mystériis paschálibus conveniénter aptári, ut, quæ lætánter exséquimur, perpétua virtúte nos tueántur et salvent.

Ad Vesperas

Ad Magnificat, ant. Maiórem caritátem nemo habet, ut ánimam suam ponat quis pro amícis suis, allelúia.

SABBATO

Ad Laudes matutinas

Ad Benedictus, ant. In hoc Christus mórtuus est et resurréxit, ut et mortuórum et vivórum dominétur, allelúia.

ORATIO

Omnípotens ætérne Deus, qui nobis regeneratióne baptísmatis cæléstem vitam conférre dignátus es, præsta, quǽsumus, ut, quos immortalitátis éfficis iustificándo capáces, usque ad plenitúdinem glóriæ, te moderánte, pervéniant.

DOMINICA VI PASCHÆ

Hebd. II Psalterii

Ad I Vesperas

Ant. 1 Qui facit veritátem, venit ad lucem, allelúia.

Psalmi et canticum de dominica hebd. II.

Ant. 2 Solútis dolóribus inférni, Dóminus surréxit, allelúia.

Ant. 3 Nonne hæc opórtuit pati Christum, et ita intráre in glóriam suam? allelúia.

Ad Magnificat, ant.

Anno A Ego rogábo Patrem, et álium Paráclitum dabit vobis, ut máneat vobíscum in ætérnum, allelúia.

Anno B Sicut diléxit me Pater, et ego diléxi vos; manéte in dilectióne mea, allelúia.

Anno C Si quis díligit me, sermónem meum servábit, et Pater meus díliget eum, et ad eum veniémus, et mansiónem apud eum faciémus, allelúia.

ORATIO

Fac nos, omnípotens Deus, hos lætítiæ dies, quos in honórem Dómini resurgéntis exséquimur, afféctu sédulo celebráre, ut, quod recordatióne percúrrimus, semper in ópere teneámus.

Ad Laudes matutinas

Ant. 1 Hæc dies quam fecit Dóminus, allelúia.

Psalmi et canticum de dominica hebd. II.

Ant. 2 Benedíctus es in firmaménto cæli, et laudábilis in sǽcula, Deus noster, allelúia.

Ant. 3 Adoráte Deum sedéntem super thronum, dicéntes: Amen, allelúia.

Ad Benedictus, ant.

Anno A Non vos relínquam órphanos: vado et vénio ad vos, et gaudébit cor vestrum, allelúia.

Anno B Hæc locútus sum vobis, ut gáudium meum in vobis sit, et gáudium vestrum impleátur, allelúia.

Anno C Spíritus Sanctus, quem mittet Pater in nómine meo, ille vos docébit ómnia et súggeret vobis ómnia quæ dixi vobis, allelúia.

Ad II Vesperas

Ant. 1 Suscitávit Christum a mórtuis, et constítuit ad déxteram suam in cæléstibus, allelúia.

Psalmi et canticum de dominica hebd. II.

Ant. 2 A simulácris convérsi estis ad Deum vivum, allelúia.

Ant. 3 Allelúia, salus et glória et virtus Deo nostro, allelúia.

Ad Magnificat, ant.

Anno A Qui díligit me, diligétur a Patre meo; et ego díligam eum, et manifestábo ei meípsum, allelúia.

Anno B Hoc est præcéptum meum, ut diligátis ínvicem sicut diléxi vos; maiórem hac dilectiónem nemo habet, ut ánimam suam quis ponat pro amícis suis, allelúia.

Anno C Pacem relínquo vobis, pacem meam do vobis; non quómodo mundus dat, ego do vobis. Non turbétur cor vestrum neque formídet, allelúia.

FERIA SECUNDA

Ad Laudes matutinas

Ad Benedictus, ant. Regenerávit nos Deus in spem vivam per resurrectiónem Iesu Christi ex mórtuis, in hereditátem incorruptíbilem, allelúia.

ORATIO

Concéde, miséricors Deus, ut, quod paschálibus exséquimur institútis, fructíferum nobis omni témpore sentiámus.

Ad Vesperas

Ad Magnificat, ant. Spíritus veritátis, qui a Patre procédit, testimónium perhibébit de me; et vos testimónium perhibébitis, allelúia.

FERIA TERTIA

Ad Laudes matutinas

Ad Benedictus, ant. Adhuc módicum, et mundus me iam non videt; vos autem vidébitis me, quia ego vivo, et vos vivétis, allelúia.

ORATIO

Semper exsúltet pópulus tuus, Deus, renováta ánimæ iuventúte, ut, qui nunc lætátur in adoptiónis se glóriam restitútum, resurrectiónis diem spe certæ gratulatiónis exspéctet.

Ad Vesperas

Ad Magnificat, ant. Ego veritátem dico vobis: Expedit vobis ut ego vadam; si enim non abíero, Paráclitus non véniet, allelúia.

FERIA QUARTA

Ad Laudes matutinas

Ad Benedictus, ant. Adhuc multa hábeo vobis dícere, sed non potéstis portáre modo: cum autem vénerit ille Spíritus veritátis, docébit vos omnem veritátem, allelúia.

ORATIO

Annue nobis, quǽsumus, Dómine, ut, quemádmodum mystério resurrectiónis Fílii tui sollémnia cólimus, ita et in advéntu eius gaudére cum sanctis ómnibus mereámur.

Ad Vesperas

In regionibus ubi sollemnitas Ascensionis Domini ad dominicam sequentem transfertur:

Ad Magnificat, ant. Spíritus me clarificábit, quia de meo accípiet, et annuntiábit vobis, allelúia.

FERIA QUINTA

In regionibus ubi sollemnitas Ascensionis Domini ad dominicam sequentem transfertur:

Ad Laudes matutinas

Ad Benedictus, ant. Módicum et non vidébitis me, dicit Dóminus; íterum módicum, et vidébitis me, quia vado ad Patrem, allelúia.

ORATIO

Deus, qui pópulum tuum tuæ fecísti redemptiónis partícipem, concéde nobis, quǽsumus, ut de resurrectióne domínica perpétuo gratulémur.

Ad Vesperas

Ad Magnificat, ant. Tristítia vestra vertétur in gáudium, et gáudium vestrum nemo tollet a vobis, allelúia.

AD HORAM MEDIAM

HYMNUS

PSALMODIA

Ant. ad tertiam Allelúia, allelúia, allelúia.

Ant. ad sextam Allelúia, allelúia, allelúia.

Ant. ad nonam Allelúia, allelúia, allelúia.

Surréxit Dóminus vere, allelúia.

Et appáruit Simóni, allelúia.

Gavísi sunt discípuli, allelúia.

Viso Dómino, allelúia.

Mane nobíscum, Dómine, allelúia.

Quóniam advesperáscit, allelúia.

LECTIO BREVIS

Cf. {r}1 Cor 15, 3b-5{/r}

Christus mórtuus est pro peccátis nostris secúndum Scriptúras et sepúltus est et suscitátus est tértia die secúndum Scriptúras et visus est Cephæ et post hæc Duódecim.

LECTIO BREVIS

{r}Eph 2, 4-6{/r}

Deus, qui dives est in misericórdia, propter nímiam caritátem suam, qua diléxit nos, et cum essémus mórtui peccátis, convivificávit nos Christo — grátia estis salváti — et conresuscitávit et consedére fecit in cæléstibus in Christo Iesu.

LECTIO BREVIS

{r}Rom 6, 4{/r}

Consepúlti sumus cum illo per baptísmum in mortem, ut quemádmodum suscitátus est Christus a mórtuis per glóriam Patris, ita et nos in novitáte vitæ ambulémus.

LECTIO BREVIS

Cf. {r}Ap 1, 17c-18{/r}

Vidi Fílium hóminis, qui dixit mihi: Noli timére! Ego sum primus et novíssimus, et vivens et fui mórtuus et ecce sum vivens in sǽcula sæculórum et hábeo claves mortis et inférni.

LECTIO BREVIS

{r}Col 2, 9. 10a. 12{/r}

In Christo inhábitat omnis plenitúdo divinitátis corporáliter, et estis in illo repléti, consepúlti ei in baptísmo, in quo et conresuscitáti estis per fidem operatiónis Dei, qui suscitávit illum a mórtuis.

LECTIO BREVIS

{r}2 Tim 2, 8. 11{/r}

Memor esto Iesum Christum resuscitátum esse a mórtuis, ex sémine David, secúndum evangélium meum. Fidélis sermo: Nam si commórtui sumus, et convivémus.

LECTIO BREVIS

Cf. {r}Act 4, 11-12{/r}

Hic est lapis, qui reprobátus est a vobis ædificatóribus, qui factus est in caput ánguli. Et non est in álio áliquo salus, nec enim nomen áliud est sub cælo datum in homínibus, in quo opórtet nos salvos fíeri.

LECTIO BREVIS

Cf. {r}1 Petr 3, 21-22a{/r}

Vos nunc salvos facit baptísma, non carnis deposítio sórdium sed consciéntiæ bonæ rogátio in Deum, per resurrectiónem Iesu Christi, qui est in déxtera Dei.

LECTIO BREVIS

{r}Col 3, 1-2{/r}

Si conresurrexístis Christo, quæ sursum sunt quǽrite, ubi Christus est in déxtera Dei sedens; quæ sursum sunt sápite, non quæ supra terram.

LECTIO BREVIS

Cf. {r}Rom 4, 24-25{/r}

Crédimus in eum, qui suscitávit Iesum Dóminum nostrum a mórtuis, qui tráditus est propter delícta nostra et suscitátus est propter iustificatiónem nostram.

LECTIO BREVIS

{r}1 Io 5, 5-6a{/r}

Quis est qui vincit mundum, nisi qui credit quóniam Iesus est Fílius Dei? Hic est qui venit per aquam et sánguinem, Iesus Christus; non in aqua solum sed in aqua et in sánguine.

LECTIO BREVIS

{r}Eph 4, 23-24{/r}

Renovámini spíritu mentis vestræ et indúite novum hóminem, qui secúndum Deum creátus est in iustítia et sanctitáte veritátis.

LECTIO BREVIS

{r}1 Cor 12, 13{/r}

In uno Spíritu omnes nos in unum corpus baptizáti sumus, sive Iudæi sive Græci sive servi sive líberi, et omnes unum Spíritum potáti sumus.

LECTIO BREVIS

Cf. {r}Tit 3, 5b-7{/r}

Salvos nos fecit per lavácrum regeneratiónis et renovatiónis Spíritus Sancti, quem effúdit super nos abúnde per Iesum Christum salvatórem nostrum, ut iustificáti grátia ipsíus herédes simus secúndum spem vitæ ætérnæ.

LECTIO BREVIS

Cf. {r}Col 1, 12-14{/r}

Grátias agámus Patri, qui idóneos nos fecit in partem sortis sanctórum in lúmine; qui erípuit nos de potestáte tenebrárum et tránstulit in regnum Fílii dilectiónis suæ, in quo habémus redemptiónem, remissiónem peccatórum.

LECTIO BREVIS

{r}Act 2, 32. 36{/r}

Iesum resuscitávit Deus, cuius omnes nos testes sumus. Certíssime ergo sciat omnis domus Israel quia et Dóminum eum et Christum Deus fecit hunc Iesum, quem vos crucifixístis.

LECTIO BREVIS

{r}Gal 3, 27-28{/r}

Quicúmque in Christo baptizáti estis, Christum induístis; non est Iudǽus neque Græcus, non est servus neque liber, non est másculus et fémina: omnes enim vos unus estis in Christo Iesu.

LECTIO BREVIS

{r}1 Cor 5, 7-8{/r}

Expurgáte vetus ferméntum, ut sitis nova conspársio, sicut estis ázymi. Etenim Pascha nostrum immolátus est Christus! Itaque festa celebrémus non in ferménto véteri neque in ferménto malítiæ et nequítiæ, sed in ázymis sinceritátis et veritátis.

LECTIO BREVIS

{r}Rom 5, 10-11{/r}

Si cum inimíci essémus reconciliáti sumus Deo per mortem Fílii eius, multo magis reconciliáti salvi érimus in vita ipsíus; non solum autem, sed et gloriámur in Deo per Dóminum nostrum Iesum Christum, per quem nunc reconciliatiónem accépimus.

LECTIO BREVIS

{r}1 Cor 15, 20-22{/r}

Christus resurréxit a mórtuis, primítiæ dormiéntium. Quóniam enim per hóminem mors, et per hóminem resurréctio mortuórum: sicut enim in Adam omnes moriúntur, ita et in Christo omnes vivificabúntur.

LECTIO BREVIS

{r}2 Cor 5, 14-15{/r}

Cáritas Christi urget nos, æstimántes hoc quóniam, si unus pro ómnibus mórtuus est, ergo omnes mórtui sunt; et pro ómnibus mórtuus est, ut et, qui vivunt, iam non sibi vivant, sed ei, qui pro ipsis mórtuus est et resurréxit.

HTML © Juraj Vidéky