TEMPUS NATIVITATIS
II. A SOLLEMNITATE EPIPHANIÆ
In Officio de Tempore, ab Epiphania Domini usque ad festum Baptismatis Domini exclusive:
Ad Vesperas
HYMNUS
Hostis Heródes ímpie,
Christum veníre quid times?
Non éripit mortália
qui regna dat cæléstia.
Ibant magi, qua vénerant
stellam sequéntes prǽviam,
lumen requírunt lúmine,
Deum faténtur múnere.
Lavácra puri gúrgitis
cæléstis Agnus áttigit;
peccáta quæ non détulit
nos abluéndo sústulit.
Novum genus poténtiæ:
aquæ rubéscunt hýdriæ,
vinúmque iussa fúndere
mutávit und{i}a{/i} oríginem.
Iesu, tibi sit glória,
qui te revélas géntibus,
cum Patr{i}e{/i} et almo Spíritu,
in sempitérna sǽcula. Amen.
Ad Completorium
HYMNUS Christe, qui splendor.
Ad Invitatorium
Ant. Christus appáruit nobis: veníte, adorémus.
Ad Laudes matutinas
HYMNUS
Quicúmque Christum quǽritis,
óc{i}u{/i}los in altum tóllite:
illic licébit vísere
signum perénnis glóriæ.
Hæc stella, quæ solis rotam
vincit decór{i}e{/i} ac lúmine,
venísse terris núntiat
cum carne terréstri Deum.
En, Pérsic{i}i{/i} ex orbis sinu,
sol unde sumit iánuam,
cernunt perít{i}i{/i} intérpretes
regále vexíllum magi.
«Quis iste tantus — ínquiunt —
regnátor astris ímperans,
quem sic tremunt cæléstia,
cui lux et æthr{i}a{/i} insérviunt?
Illústre quiddam cérnimus
quod nésciat finem pati,
sublíme, cels{i}um{/i}, intérminum,
antíquius cæl{i}o{/i} et chao.
Hic ille rex est géntium
pop{i}u{/i}líque rex Iudáici,
promíssus Abrahæ patri
eiúsqu{i}e{/i} in ævum sémini».
Iesu, tibi sit glória,
qui te revélas géntibus,
cum Patr{i}e{/i} et almo Spíritu,
in sempitérna sǽcula. Amen.
Certum tenéntes órdinem,
pio poscámus péctore
hora diéi tértia
trinæ virtútis glóriam,
Ut simus habitáculum
illi Sancto Spirítui,
qui quondam in apóstolis
hac hora distribútus est.
Hoc gradiénte órdine,
ornávit cuncta spléndide
regni cæléstis cónditor
ad nostr{i}a{/i} ætérna prǽmia.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
Dicámus laudes Dómino
fervénte prompti spíritu;
hora volúta séxies
nos ad orándum próvocat.
In hac enim fidélibus
veræ salútis glória,
beáti Agni hóstia,
crucis virtúte rédditur.
Cuius luce claríssima
tenébricat merídies;
sumámus toto péctore
tanti splendóris grátiam.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
Ternis horárum términis
volútis, dante Dómino,
trinum perféct{i}e{/i} et únicum
ipsum devóti psállimus.
Sacrum Dei mystérium
puro tenéntes péctore,
Petri magístri régula
signo salútis pródita,
Et nos psallámus spíritu,
hæréntes sic apóstolis,
ut plantas adhuc débiles
Christi virtúte dírigant.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
RESPONSORIUM BREVE
In terris visus est.
Et cum homínibus conversátus est.
Ad SextamRESPONSORIUM BREVE
Vidébunt gentes iustum tuum.
Et cuncti reges ínclitum tuum.
Ad NonamRESPONSORIUM BREVE
Benedícite, gentes, Deum nostrum.
Et audítam fácite vocem laudis eius.
Die 6 ianuarii
vel dominica a die 2 ad diem 8 ianuarii occurrente
IN EPIPHANIA DOMINI
Sollemnitas
Ad I Vesperas
HYMNUS Quicúmque Christum quǽritis,.
PSALMODIA
Ant. 1Ante lucíferum génitus et ante sǽcula, Dóminus, salvátor noster, hódie mundo appáruit. Psalmus 134 (135), I
Ant. 2Magnus est Dóminus, et Deus noster præ ómnibus diis. II
Ant. 3Stella ista sicut flamma corúscat, et Regem regum Deum demónstrat: magi eam vidérunt, et magno Regi múnera obtulérunt.
Canticum: De mysterio et gloria Christi (Cf. 1 Tim 3, 16)
LECTIO BREVIS
{r}2 Tim 1, 9-10{/r}
Deus nos salvos fecit et vocávit vocatióne sancta, non secúndum ópera nostra sed secúndum propósitum suum et grátiam, quæ data est nobis in Christo Iesu ante témpora sæculária, manifestáta autem nunc per illustratiónem salvatóris nostri Iesu Christi, qui destrúxit quidem mortem, illuminávit autem vitam et incorruptiónem per evangélium.
RESPONSORIUM BREVE
Benedicéntur in ipso {*} Omnes tribus terræ.
Benedicéntur in ipso {*} Omnes tribus terræ.
Omnes gentes magnificábunt eum. {*}
Omnes tribus terræ.
Glória Patri, et Fílio, et Spirítui Sancto.
Benedicéntur in ipso {*} Omnes tribus terræ.
Ad Magnificat, ant. Magi, vidéntes stellam, dixérunt ad ínvicem: Hoc signum magni Regis est; eámus et inquirámus eum, et offerámus ei múnera, aurum, tus et myrrham.
PRECES
Salvatórem nostrum, qui hódie a magis adorátus est, magno cum gáudio venerémur, deprecántes:
Animas páuperum salvas fac, Dómine.
Rex géntium, qui tamquam eárum primítias ad te adorándum magos vocásti,
spíritum nobis adoratiónis et servítii largiáris.
Animas páuperum salvas fac, Dómine.
Rex glóriæ, qui iúdicas pópulum tuum in iustítia,
abundántiam pacis concéde homínibus.
Animas páuperum salvas fac, Dómine.
Rex ætérne, qui pérmanes in omnes generatiónes,
verbum tuum in corda sicut stillicídia mitte stillántia.
Animas páuperum salvas fac, Dómine.
Rex iustítiæ, qui liberáre vis páuperem, cui non est adiútor,
míseris et afflíctis esto propítius.
Animas páuperum salvas fac, Dómine.
Dómine, cuius nomen est benedíctum in sǽcula,
in frátribus nostris defúnctis mirabília tuæ salútis adímple.
Animas páuperum salvas fac, Dómine.
Pater noster.ORATIO
Deus, qui hodiérna die Unigénitum tuum géntibus stella duce revelásti, concéde propítius, ut qui iam te ex fide cognóvimus, usque ad contemplándam spéciem tuæ celsitúdinis perducámur.
Ad Laudes matutinas
HYMNUS Quicúmque Christum quǽritis.
PSALMODIA
Ant. 1Apértis thesáuris suis, obtulérunt magi Dómino aurum, tus et myrrham, allelúia.
Psalmi et canticum de dominica hebd. I.
Ant. 2Mária et flúmina, benedícite Dómino; hymnum dícite, fontes, Dómino, allelúia.
Ant. 3Venit lumen tuum, Ierúsalem, et glória Dómini super te orta est, et ambulábunt gentes in lúmine tuo, allelúia.
LECTIO BREVIS
{r}Is 52, 7-10{/r}
Quam pulchri super montes pedes annuntiántis, prædicántis pacem, annuntiántis bonum, prædicántis salútem, dicéntis Sion: «Regnávit Deus tuus!». Vox speculatórum tuórum: levavérunt vocem, simul exsultábunt, quia óculo ad óculum vidébunt, cum redíerit Dóminus ad Sion. Gaudéte et exsultáte simul, desérta Ierúsalem, quia consolátus est Dóminus pópulum suum, redémit Ierúsalem. Nudávit Dóminus bráchium sanctum suum in óculis ómnium géntium; et vidébunt omnes fines terræ salutáre Dei nostri.
RESPONSORIUM BREVE
Adorábunt eum {*} Omnes reges terræ.
Adorábunt eum {*} Omnes reges terræ.
Omnes gentes sérvient ei. {*}
Omnes reges terræ.
Glória Patri, et Fílio, et Spirítui Sancto.
Adorábunt eum {*} Omnes reges terræ.
Ad Benedictus, ant. Hódie cælésti sponso iuncta est Ecclésia, quóniam in Iordáne lavit Christus eius crímina; currunt cum munéribus magi ad regáles núptias; et ex aqua facta vino lætántur convívæ, allelúia.
PRECES
Salvatórem nostrum, qui hódie a magis adorátus est, magno cum gáudio venerémur, acclamántes:
Lumen de lúmine, hunc diem illúmina.
Christe, qui manifestátus es in carne,
nos per verbum Dei et oratiónem sanctífica.
Lumen de lúmine, hunc diem illúmina.
Christe, qui iustificátus es in Spíritu,
líbera vitam nostram a spirítibus erróris.
Lumen de lúmine, hunc diem illúmina.
Christe, qui apparuísti ángelis,
fac ut gáudium cæli in terra percipiámus.
Lumen de lúmine, hunc diem illúmina.
Christe, qui prædicátus es géntibus,
áperi corda hóminum virtúte Spíritus Sancti.
Lumen de lúmine, hunc diem illúmina.
Christe, qui créditus es in mundo,
credéntium ómnium rénova fidem.
Lumen de lúmine, hunc diem illúmina.
Christe, qui assúmptus es in glória,
accénde in nobis desidérium regni tui.
Lumen de lúmine, hunc diem illúmina.
Ad Horam mediam Ad TertiamLECTIO BREVIS
{r}Ap 15, 4{/r}
Quis non timébit, Dómine, et glorificábit nomen tuum? Quia solus Sanctus, quóniam omnes gentes vénient et adorábunt in conspéctu tuo.
Ad SextamLECTIO BREVIS
{r}Is 49, 6{/r}
Dixit mihi Dóminus: «Parum est ut sis mihi servus ad suscitándas tribus Iacob et relíquias Israel reducéndas: dabo te in lucem géntium, ut sit salus mea usque ad extrémum terræ».
Ad NonamLECTIO BREVIS
{r}Zac 2, 15{/r}
Applicabúntur gentes multæ ad Dóminum in die illa et erunt ei in pópulum. Et habitábo in médio tui, et scies quia Dóminus exercítuum misit me ad te.
Ad II Vesperas
HYMNUS Hostis Heródes ímpie.
PSALMODIA
Ant. 1Magnificátus est Rex pacíficus super omnes reges univérsæ terræ. Psalmus 109 (110), 1-5. 7
Ant. 2Exórtum est in ténebris lumen rectis corde; miséricors et miserátor et iustus Dóminus. Psalmus 111 (112)
Ant. 3Omnes gentes, quascúmque fecísti, vénient, et adorábunt coram te, Dómine. Canticum
Ap 15, 3-4LECTIO BREVIS
{r}Tit 3, 4-5{/r}
Appáruit benígnitas et humánitas salvatóris nostri Dei, non ex opéribus iustítiæ, quæ fécimus nos, sed secúndum suam misericórdiam salvos nos fecit per lavácrum regeneratiónis et renovatiónis Spíritus Sancti.
Ad Magnificat, ant. Tribus miráculis ornátum diem sanctum cólimus: hódie stella magos duxit ad præsépium; hódie vinum ex aqua factum est ad núptias; hódie in Iordáne a Ioánne Christus baptizári vóluit, ut salváret nos, allelúia.
Prosby a modlitba, ako sú na str. 156 n.
Diebus sequentibus usque ad dominicam Baptismatis Domini, partes propriæ sumuntur ut infra; post vero dominicam Baptismatis Domini, incipit tempus per annum.
In regionibus ubi sollemnitas Epiphaniæ Domini celebratur dominica a die 2 ad diem 8 ianuarii occurrente, diebus sequentibus partes propriæ sumuntur item ut infra, nisi dominica die 7 vel 8 ianuarii occurrat, quo in casu die sequente celebratur Officium festi Baptismatis Domini ut indicatur, sumptis psalmis Horæ mediæ a feria II hebdomadæ I cum antiphona festi; lectio brevis, versus et oratio item sumuntur de festo; ad Completorium vero psalmi sunt de feria II.
Feria III sequente incipit tempus per annum.
DIE 7 IANUARII
VEL FERIA II POST DOMINICAM EPIPHANIÆ
Hebd. II Psalterii
Ad Laudes matutinas
LECTIO BREVIS
{r}Is 9, 5{/r}
Párvulus natus est nobis, fílius datus est nobis; et factus est principátus super úmerum eius; et vocábitur nomen eius admirábilis Consiliárius, Deus fortis, Pater æternitátis, Princeps pacis.
Ad Benedictus, Ant. Ab Oriénte venérunt magi in Béthlehem adoráre Dóminum, et apértis thesáuris suis pretiósa múnera obtulérunt: aurum sicut Regi magno, tus sicut Deo vero, myrrham sepultúræ eius, allelúia.
PRECES
Christo, salutári Dei, quod vidérunt omnes fines terræ, laudes exsolvámus et lætánter acclamémus:
Glória tibi, Christe Dómine.
Redémptor ómnium, qui véniens murum separatiónis Iudǽi et Gentílis destruxísti,
discrímina, quæ humánam dignitátem dedéceant, fac ut deleántur in mundo.
Glória tibi, Christe Dómine.
Qui per incarnatiónem et nativitátem tuam inter nos præséntiam instaurásti,
doce nos multímodam præséntiam tuam in Ecclésia et in homínibus agnóscere.
Glória tibi, Christe Dómine.
Qui Deum homínibus pleníssime revelásti,
índica nobis quómodo verbo tuo íntegra fide consentiámus et ópere.
Glória tibi, Christe Dómine.
Emmánuel, qui ómnia mirabíliter reformásti,
tríbue nobis, ut nova sint ómnia, corda, voces et ópera.
Glória tibi, Christe Dómine.
Pater noster.ORATIO
Corda nostra, quǽsumus, Dómine, tuæ maiestátis splendor illústret, quo per mundi huius ténebras transíre valeámus, et perveniámus ad pátriam claritátis ætérnæ.
Ad Vesperas
LECTIO BREVIS
Cf. {r}2 Petr 1, 3-4{/r}
Christus ómnia nobis divínæ virtútis suæ ad vitam et pietátem donávit per cognitiónem eius, qui vocávit nos própria glória et virtúte, per quæ pretiósa et máxima nobis promíssa donáta sunt, ut per hæc efficiámini divínæ consórtes natúræ, fugiéntes eam, quæ in mundo est in concupiscéntia, corruptiónem.
Ad Magnificat, Ant. Vidéntes stellam, magi gavísi sunt gáudio magno; et intrántes domum, obtulérunt Dómino aurum, tus et myrrham.
PRECES
Benedíctus Christus Dóminus, qui in ténebris et in umbra mortis sedéntes visitávit, ut eos illumináret. Ab eo pia devotióne petámus:
Christe, sol óriens, osténde lucem tuam.
Christe Dómine, qui véniens, natálem Córporis tui, quod est Ecclésia, operátus es,
fac ut illa crescat et ædificétur in caritáte.
Christe, sol óriens, osténde lucem tuam.
Qui pugíllo cælum et terram regis,
fac ut pópuli eorúmque rectóres regálem potestátem tuam agnóscant.
Christe, sol óriens, osténde lucem tuam.
Qui per incarnatiónem tuam sacérdos ætérnus factus es,
sacerdótes redde minístros tuæ redemptiónis idóneos.
Christe, sol óriens, osténde lucem tuam.
Qui in sinu Vírginis Maríæ humanitátis et divinitátis mýsticum es conúbium operátus,
bénedic vírgines cælésti tibi Sponso consecrátas.
Christe, sol óriens, osténde lucem tuam.
Qui, iunctus substántiæ nostræ mortalitátis, mortem quam non fecísti, abolésti,
mortem defunctórum in vitam ætérnam mutáre dignéris.
Christe, sol óriens, osténde lucem tuam.
DIE 8 IANUARII
VEL FERIA III POST DOMINICAM EPIPHANIÆ
Ad Laudes matutinas
LECTIO BREVIS
{r}Is 4, 2-3{/r}
In die illa erit germen Dómini in splendórem et glóriam et fructus terræ sublímis et exsultátio his, qui salváti fúerint de Israel. Et erit: omnis qui relíctus fúerit in Sion et resíduus in Ierúsalem, sanctus vocábitur, omnis, qui scriptus est ad vitam in Ierúsalem.
Ad Benedictus, Ant. Tria sunt múnera quæ obtulérunt magi Dómino, aurum, tus et myrrham, Fílio Dei, Regi magno, allelúia.
PRECES
Misericórdiam Christi celebrémus, qui venit ut creatúra liberarétur a servitúte corruptiónis in libertátem filiórum Dei. Hac divína freti pietáte, rogémus:
Per nativitátem tuam, líbera nos a malo.
Dómine, qui, ab ætérno exsístens, novam vitam ingréssus es,
rénova nos semper per mystérium natális tui.
Per nativitátem tuam, líbera nos a malo.
Qui divinitátem non amíttens, humanitátem mirabíliter assumpsísti,
præsta, ut vita nostra ad pleniórem divinitátis tuæ participatiónem nitátur.
Per nativitátem tuam, líbera nos a malo.
Qui véniens, lumen géntium et magíster sanctitátis factus es,
præsta, ut sermo tuus sit lucérna pédibus nostris.
Per nativitátem tuam, líbera nos a malo.
Verbum Dei, quod in sinu Maríæ Vírginis caro factum es et in hunc mundum venísti,
in córdibus nostris per fidem semper inhabitáre dignéris.
Per nativitátem tuam, líbera nos a malo.
Pater noster.ORATIO
Deus, cuius Unigénitus in substántia nostræ carnis appáruit, præsta, quǽsumus, ut per eum, quem símilem nobis foris agnóvimus, intus reformári mereámur.
Ad Vesperas
LECTIO BREVIS
{r}Eph 2, 3b-5{/r}
Erámus natúra fílii iræ sicut et céteri. Deus autem, qui dives est in misericórdia, propter nímiam caritátem suam, qua diléxit nos, et cum essémus mórtui peccátis, convivificávit nos Christo: grátia estis salváti.
Ad Magnificat, Ant. Lux de luce apparuísti, Christe, cui magi múnera ófferunt, allelúia.
PRECES
Cum ómnibus christiánis in laude et oratióne coniúncti, Dóminum deprecémur:
Audi fílios tuos, Pater sancte.
Succúrre iis qui te, Deum ignótum, in umbris quærunt et imagínibus;
récrea eos lúmine Christi.
Audi fílios tuos, Pater sancte.
Réspice omnes, qui te únicum Deum adórant et in die novíssimo iúdicem exspéctant;
te semper propítium nobíscum agnóscant.
Audi fílios tuos, Pater sancte.
Meménto ómnium, quibus das vitam, lumen et ómnia;
ne longe a te inveniántur.
Audi fílios tuos, Pater sancte.
Viatóres omnes angélica tutéla defénde,
et eos a subitánea et improvísa morte serva.
Audi fílios tuos, Pater sancte.
Qui defúnctis veritátem tuam in terris ostendísti,
duc eos usque ad spéciem tuæ celsitúdinis contemplándam.
Audi fílios tuos, Pater sancte.
DIE 9 IANUARII
VEL FERIA IV POST DOMINICAM EPIPHANIÆ
Ad Laudes matutinas
LECTIO BREVIS
{r}Is 49, 8b-9a{/r}
Dedi te in fœdus pópuli, ut suscitáres terram et distribúeres hereditátes dissipátas; ut díceres his, qui vincti sunt: «Exíte», et his, qui in ténebris: «Revelámini».
Ad Benedictus, Ant. Vídimus stellam eius in Oriénte, et vénimus cum munéribus adoráre Dóminum.
PRECES
Verbum ætérnum, a Patre génitum, in plenitúdine témporis nobis ut párvulus natum est et ut fílius datum est. Ipsi sic lætánter acclamémus:
Benedíctus esto, Dómine.
Fili Dei vivi, qui es priúsquam mundus fíeret et in terram venísti ad salvándos hómines,
Evangélii tui nos éffice testes.
Benedíctus esto, Dómine.
Sol iustítiæ, qui fulsísti de sinu Patris et univérsum illuminásti mundum,
omnes illústra, qui in ténebris mortis sedent.
Benedíctus esto, Dómine.
Qui párvulus factus es, et in præsépio pósitus,
simplicitátem in nobis rénova parvulórum.
Benedíctus esto, Dómine.
Qui pro nobis factus es panis vivus ad vitam ætérnam,
per sacraméntum altáris tui corda nostra lætífica.
Benedíctus esto, Dómine.
Pater noster.ORATIO
Deus, illuminátor ómnium géntium, da pópulis tuis perpétua pace gaudére, et illud córdibus nostris spléndidum lumen infúnde, quod patrum nostrórum méntibus aspersísti.
Ad Vesperas
LECTIO BREVIS
{r}Col 1, 13-15{/r}
Erípuit nos Deus de potestáte tenebrárum et tránstulit in regnum Fílii dilectiónis suæ in quo habémus redemptiónem, remissiónem peccatórum, qui est imágo Dei invisíbilis, primogénitus omnis creatúræ.
Ad Magnificat, Ant. Interrogábat magos Heródes: Quod signum vidístis super natum Regem? Stellam vídimus fulgéntem, cuius splendor illúminat mundum.
PRECES
Láudibus Verbum Dei prosequámur, qui venit ut ómnia peccáta nostra in mare proíceret, et hac certitúdine confirmáti ipsum exorémus, dicéntes:
Manifésta misericórdiam tuam, Dómine.
Sacérdos ætérne, qui mundum ingrédiens, cultus plenitúdinem instituísti,
per Ecclésiam tuam huius liturgíæ omnes fac partícipes.
Manifésta misericórdiam tuam, Dómine.
Médice animárum et córporum, qui omnes nos ægrótos visitáre venísti,
infírmos sana et róbora.
Manifésta misericórdiam tuam, Dómine.
Qui in nativitáte tua causam cunctis commúnis lætítiæ præstitísti,
míseris et peccatóribus succúrre, ut in te gáudeant.
Manifésta misericórdiam tuam, Dómine.
Rex fortis qui véteris servitútis víncula confregísti,
solve compedítos et deténtis cónsule cárcere.
Manifésta misericórdiam tuam, Dómine.
Qui véniens, factus es óstium cæli patens,
per illud in cælum defúnctos admítte.
Manifésta misericórdiam tuam, Dómine.
DIE 10 IANUARII
VEL FERIA V POST DOMINICAM EPIPHANIÆ
Ad Laudes matutinas
LECTIO BREVIS
{r}Is 62, 11-12a{/r}
Dícite fíliæ Sion: Ecce salus tua venit, ecce merces eius cum eo et prǽmium eius coram illa. Et vocábunt eos Pópulus sanctus, Redémpti a Dómino.
Ad Benedictus, Ant. Omnes natiónes vénient a longe, portántes múnera sua, allelúia.
PRECES
Magnália Dómini celebrémus, quia consolátus est nos in nativitáte Fílii sui, et lætíssimi acclamémus omnes:
Glória in excélsis Deo.
Cum ángelis et patriárchis et prophétis,
laudámus te, Dómine.
Glória in excélsis Deo.
Cum Vírgine Dei Genetríce María,
magníficat ánima nostra te, Dómine.
Glória in excélsis Deo.
Cum apóstolis et evangelístis,
grátias ágimus tibi, Dómine.
Glória in excélsis Deo.
Cum ómnibus sanctis Christi martýribus,
córpora nostra tibi sanctam hóstiam exhibémus.
Glória in excélsis Deo.
Cum ómnibus sanctis Ecclésiæ téstibus,
nostram tibi vitam devotíssime consecrámus.
Glória in excélsis Deo.
Pater noster.ORATIO
Deus, qui per Fílium tuum æternitátis tuæ lumen cunctis géntibus suscitásti, da plebi tuæ fulgórem plenum sui Redemptóris agnóscere, ut ad perpétuam claritátem per eius increménta pervéniat.
Ad Vesperas
LECTIO BREVIS
{r}1 Io 1, 5b. 7{/r}
Deus lux est et ténebræ in eo non sunt ullæ. Si in luce ambulémus, sicut ipse est in luce, communiónem habémus ad ínvicem, et sanguis Iesu Fílii eius mundat nos ab omni peccáto.
Ad Magnificat, Ant. Omnes de Saba vénient, aurum et tus deferéntes, allelúia.
PRECES
Cum ómnibus frátribus, nobis in oratióne coniúnctis, Deum benedicámus et precémur, dicéntes:
Osténde nobis, Dómine, misericórdiam tuam.
Pater sancte, orámus te pro iis, qui te ratiónis tantum lúmine cognóscunt,
ut étiam Evangélii Fílii tui luce diténtur.
Osténde nobis, Dómine, misericórdiam tuam.
Réspice omnes, qui extra Ecclésiam degéntes liberatiónem ab humánæ condiciónis angústiis quærunt,
ut Christum viam, veritátem et vitam invéniant.
Osténde nobis, Dómine, misericórdiam tuam.
Adiuva hómines, qui religiónem suam sincére colunt,
ut in admirábile lumen Christi tui pervéniant.
Osténde nobis, Dómine, misericórdiam tuam.
Purífica semper corda fidélium,
ut te clárius usque perspíciant.
Osténde nobis, Dómine, misericórdiam tuam.
Tuam manifésta misericórdiam in defúnctis:
eos índue glória electórum tuórum.
Osténde nobis, Dómine, misericórdiam tuam.
DIE 11 IANUARII
VEL FERIA VI POST DOMINICAM EPIPHANIÆ
Ad Laudes matutinas
LECTIO BREVIS
{r}Is 45, 22-23{/r}
Convertímini ad me et salvi éritis, omnes fines terræ, quia ego Deus, et non est álius. In memetípso iurávi: Egréssa est de ore meo iustítia, verbum, quod non revertétur; quia mihi curvábitur omne genu, et iurábit omnis lingua.
Ad Benedictus, Ant. Vénient ad te qui detrahébant tibi, et adorábunt vestígia pedum tuórum.
PRECES
Honor et glória Christo, qui venit ut novum hóminem in corde creáret et spíritu. Eum invocémus, dicéntes:
Per nativitátem tuam rénova nos.
Qui, humanitátem índuens, divinitátis sacraméntum nobis præbuísti,
fac ut te agnoscámus in verbi et Córporis tui mystério, quod Ecclésiæ tradidísti.
Per nativitátem tuam rénova nos.
Cónditor géneris humáni, qui per incontaminátam Vírginem homo inter hómines factus es,
tríbue nobis, ipsa intercedénte, divinitátem tuam salúbriter attíngere.
Per nativitátem tuam rénova nos.
Redémptor noster, qui in terram sicut plúvia in vellus descendísti,
írriga ánimas nostras aqua viva saliénte in vitam ætérnam.
Per nativitátem tuam rénova nos.
Nobis, qui tuæ vitæ in mundo celebrámus inítium,
concéde, ut ad virum perféctum in mensúram ætátis plenitúdinis tuæ perveníre annitámur.
Per nativitátem tuam rénova nos.
Pater noster.ORATIO
Præsta, quǽsumus, omnípotens Deus, ut Salvatóris mundi, stella duce, manifestáta natívitas méntibus nostris revelétur semper et crescat.
Ad Vesperas
LECTIO BREVIS
{r}Rom 8, 3b-4{/r}
Deus Fílium suum mittens in similitúdine carnis peccáti et pro peccáto, damnávit peccátum in carne ut iustítia legis implerétur in nobis, qui non secúndum carnem ambulámus, sed secúndum Spíritum.
Ad Magnificat, Ant. Admóniti magi in somnis ab Angelo, per áliam viam revérsi sunt in regiónem suam.
PRECES
Patrem, qui Christum lucem géntium pósuit, orémus:
Pater noster, exáudi nos.
Exténde Ecclésiam tuam,
ut Fílii tui glória revelétur.
Pater noster, exáudi nos.
Pater ætérne, qui ad Fílium tuum géntium sapiéntes direxísti,
manifésta illum ómnibus, qui veritátem quærunt.
Pater noster, exáudi nos.
Voca gentes in admirábile lumen tuum,
ut in nómine Iesu omne genu flectátur.
Pater noster, exáudi nos.
Mitte operários in messem tuam,
ut páuperes evangelizéntur, et tempus grátiæ prædicétur.
Pater noster, exáudi nos.
Plenam redemptiónem concéde defúnctis,
ut gáudeant de victória per Christum Fílium tuum comparátam.
Pater noster, exáudi nos.
DIE 12 IANUARII
VEL SABBATO POST DOMINICAM EPIPHANIÆ
Ad Laudes matutinas
LECTIO BREVIS
{r}Sap 7, 26-27{/r}
Candor lucis ætérnæ est Sapiéntia et spéculum sine mácula Dei poténtiæ et imágo bonitátis illíus. Et, cum sit una, ómnia potest; et in se pérmanens ómnia ínnovat, et per generatiónes in ánimas sanctas se tránsferens amícos Dei et prophétas constítuit.
Ad Benedictus, Ant. Hoc fecit inítium signórum Iesus in Cana Galilǽæ, et manifestávit glóriam suam.
PRECES
Christum glorificémus, qui est imágo Dei, et cum fide deprecémur:
Christe, Fili Dei, audi nos.
Fili Dei, qui amórem Patris nobis ostendísti,
per fratérnam dilectiónem nostram, illum homínibus manifésta.
Christe, Fili Dei, audi nos.
Qui te vitæ dóminum ostendísti,
confer nobis plenitúdinem vitæ tuæ.
Christe, Fili Dei, audi nos.
Concéde ut manifestémus vitam tuam in corpóribus nostris,
mortificatiónem tuam in córpore nostro circumferéntes.
Christe, Fili Dei, audi nos.
Illúmina corda nostra,
ad illuminatiónem sciéntiæ claritátis Dei.
Christe, Fili Dei, audi nos.
Pater noster.ORATIO
Omnípotens sempitérne Deus, qui per Unigénitum tuum novam creatúram nos tibi esse fecísti, præsta, quǽsumus, ut per grátiam tuam in illíus inveniámur forma, in quo tecum est nostra substántia.