Tempus Nativitatis

I. USQUE AD SOLLEMNITATEM EPIPHANIÆ

In Officio dominicali et feriali, a I Vesperis Nativitatis Domini usque ad I Vesperas Epiphaniæ Domini exclusive, nisi adsint hymni proprii

Ad Vesperas

HYMNUS

Ad Completorium

Ad Invitatorium

Ant. Christus natus est nobis: veníte, adorémus.

Ad Laudes matutinas

HYMNUS

Die 25 decembris

In Nativitate Domini

Sollemnitas

Ad I Vesperas

HYMNUS Christe, redémptor ómnium.

PSALMODIA

Ant. 1Rex pacíficus magnificátus est, cuius vultum desíderat univérsa terra. Psalmus 112 (113)

Ant. 2Emíttit elóquium suum in terram, velóciter currit sermo eius. Psalmus 147 (147 B), 12-20

Ant. 3Verbum supérnum, a Patre ante témpora génitum, hódie pro nobis caro factum exinanívit semetípsum. Canticum Phil 2, 6-11

LECTIO BREVIS

{r}Gal 4, 4-5{/r}

Ubi venit plenitúdo témporis, misit Deus Fílium suum, factum ex mulíere, factum sub lege, ut eos, qui sub lege erant, redímeret, ut adoptiónem filiórum reciperémus.

RESPONSORIUM BREVE

Hódie sciétis {*} Quia véniet Dóminus.

Hódie sciétis {*} Quia véniet Dóminus.

Et mane vidébitis glóriam eius. {*}

Quia véniet Dóminus.

Glória Patri, et Fílio, et Spirítui Sancto.

Hódie sciétis {*} Quia véniet Dóminus.

Ad Magnificat, ant. Cum ortus fúerit sol de cælo, vidébitis Regem regum procedéntem a Patre, tamquam sponsum de thálamo suo.

PRECES

Christum adorémus, qui semetípsum exinanívit formam servi accípiens, ac tentátus est per ómnia pro similitúdine absque peccáto. Ardénti fide eum precémur:

Per nativitátem tuam succúrre redémptis.

Qui, mundum ingrédiens, ætátem novam a prophétis prædíctam instaurásti,

fac ut semper in novas ætátes tua iuvenéscat Ecclésia.

Per nativitátem tuam succúrre redémptis.

Qui humánam infirmitátem assumpsísti,

sis cæcis lumen, debílibus fortitúdo, míseris consolátio.

Per nativitátem tuam succúrre redémptis.

Qui pauper et húmilis násceris,

réspice páuperes et propítius consoláre.

Per nativitátem tuam succúrre redémptis.

Qui terréna nativitáte tua ómnibus de promíssa æternitáte lætítiam íngeris,

cæléstis spe nativitátis moriéntium corda lætífica.

Per nativitátem tuam succúrre redémptis.

Qui in terram descendísti, ut omnes in cælum addúceres,

in glória tibi coniúnge defúnctos.

Per nativitátem tuam succúrre redémptis.

ORATIO

Deus, qui nos redemptiónis nostræ ánnua exspectatióne lætíficas, præsta, ut Unigénitum tuum, quem læti suscípimus redemptórem, veniéntem quoque iúdicem secúri vidére mereámur.

Completorium dicitur tantum ab iis qui Officio lectionis et Missæ in nocte non intersunt.

Ad Laudes matutinas

HYMNUS A solis ortus cárdine.

PSALMODIA

Ant. 1Quem vidístis? pastóres, dícite; annuntiáte nobis: In terris quis appáruit? Natum vídimus et choros angelórum collaudántes Dóminum, allelúia.

Psalmi et canticum de dominica hebd. I.

Ant. 2Angelus ad pastóres ait: Annúntio vobis gáudium magnum, quia natus est vobis hódie Salvátor mundi, allelúia.

Ant. 3Párvulus fílius hódie natus est nobis, et vocábitur Deus fortis, allelúia.

LECTIO BREVIS

{r}Hebr 1, 1-2{/r}

Multifáriam et multis modis olim Deus locútus pátribus in prophétis, in novíssimis his diébus locútus est nobis in Fílio, quem constítuit herédem universórum, per quem fecit et sǽcula.

RESPONSORIUM BREVE

Notum fecit Dóminus, {*} Allelúia, allelúia.

Notum fecit Dóminus, {*} Allelúia, allelúia.

Salutáre suum, {*}

Allelúia, allelúia.

Glória Patri, et Fílio, et Spirítui Sancto.

Notum fecit Dóminus, {*} Allelúia, allelúia.

Ad Benedictus, ant. Glória in excélsis Deo, et in terra pax homínibus bonæ voluntátis, allelúia.

PRECES

Dignis láudibus Verbum Dei celebrémus, ante sǽcula exsístens et in témpore nobis natum. Iucúnde acclamémus, dicéntes:

Exsúltet terra, quia venísti.

Christe, Verbum ætérnum, qui in terram descéndens, exsultatiónis rore eam perfudísti,

lætífica cor nostrum grátiæ tuæ visitatióne contínua.

Exsúltet terra, quia venísti.

Salvátor noster, qui in nativitáte tua, fidelitátem Dei nobis ostendísti,

concéde nos plena fide promissiónes baptismáles serváre.

Exsúltet terra, quia venísti.

Rex cæli et terræ, qui pacem homínibus ab ángelis nuntiári fecísti,

vitam nostram in tua pace consérva.

Exsúltet terra, quia venísti.

Dómine, qui venísti ut esses vitis vera, nobis fructum vitæ prodúcens,

fac nos iúgiter pálmites in te manéntes, ne simus infructuósi.

Exsúltet terra, quia venísti.

ORATIO

Da, quǽsumus, omnípotens Deus, ut, dum nova incarnáti Verbi tui luce perfúndimur, hoc in nostro respléndeat ópere, quod per fidem fulget in mente.

Ad II Vesperas

HYMNUS Christe, redémptor ómnium.

PSALMODIA

Ant. 1Tecum princípium in die virtútis tuæ, in splendóribus sanctórum, ex útero ante lucíferum génui te. Psalmus 109 (110), 1-5. 7

Ant. 2Apud Dóminum misericórdia, et copiósa apud eum redémptio. Psalmus 129 (130)

Ant. 3In princípio et ante sǽcula Deus erat Verbum: ipse natus est hódie Salvátor mundi. Canticum cf. Col 1, 12-20

LECTIO BREVIS

{r}1 Io 1, 1-3{/r}

Quod fuit ab inítio, quod audívimus, quod vídimus óculis nostris, quod perspéximus et manus nostræ contrectavérunt, de verbo vitæ — et vita appáruit, et vídimus et testámur et annuntiámus vobis vitam ætérnam, quæ erat coram Patre et appáruit nobis — quod vídimus et audívimus, annuntiámus et vobis, ut et vos communiónem habeátis nobíscum. Commúnio autem nostra est cum Patre et cum Fílio eius Iesu Christo.

RESPONSORIUM BREVE

Verbum caro factum est, {*} Allelúia, allelúia.

Verbum caro factum est, {*} Allelúia, allelúia.

Et habitávit in nobis. {*}

Allelúia, allelúia.

Glória Patri, et Fílio, et Spirítui Sancto.

Verbum caro factum est, {*} Allelúia, allelúia.

Ad Magnificat, ant. Hódie Christus natus est; hódie Salvátor appáruit; hódie in terra canunt ángeli, lætántur archángeli; hódie exsúltant iusti, dicéntes: Glória in excélsis Deo, allelúia.

PRECES

Christum iubilántes celebrémus, in cuius nativitáte ángeli pacem mundo nuntiavérunt, et devótis ánimis exorémus:

Natívitas tua pacem cunctis áfferat.

Reple, Dómine, ómnibus bonis Ecclésiam tuam,

quam nativitátis tuæ mystério consoláris.

Natívitas tua pacem cunctis áfferat.

Qui, princeps pastórum venísti, et nostrárum epíscopus animárum,

papam et epíscopos nostros fidéles redde dispensatóres multifórmis grátiæ tuæ.

Natívitas tua pacem cunctis áfferat.

Rex æternitátis, qui, nascens, brevi vitæ spátio circumscríbi et hóminum vicissitúdines experíri voluísti,

nos cadúcos et mortáles æternitátis tuæ redde consórtes.

Natívitas tua pacem cunctis áfferat.

Qui, a sǽculis exspectátus, in plenitúdine témporis venísti,

manifésta præséntiam tuam iis, qui adhuc te exspéctant.

Natívitas tua pacem cunctis áfferat.

Qui, caro factus, humánam substántiam morte corrúptam restaurásti,

defúnctis tuam plénam restauratiónem concéde.

Natívitas tua pacem cunctis áfferat.

ORATIO

Deus, qui humánæ substántiæ dignitátem et mirabíliter condidísti et mirabílius reformásti, da, quǽsumus, nobis eius divinitátis esse consórtes, qui humanitátis nostræ fíeri dignátus est párticeps.

LECTIO BREVIS

{r}Tit 2, 11-12{/r}

Appáruit grátia Dei salutáris ómnibus homínibus erúdiens nos, ut abnegántes impietátem et sæculária desidéria sóbrie et iuste et pie vivámus in hoc sǽculo.

RESPONSORIUM BREVE

Recordátus est Dóminus misericórdiæ suæ, allelúia.

Et veritátis suæ dómui Israel, allelúia.

LECTIO BREVIS

{r}1 Io 4, 9{/r}

In hoc appáruit cáritas Dei in nobis quóniam Fílium suum unigénitum misit Deus in mundum, ut vivámus per eum.

RESPONSORIUM BREVE

Vidérunt omnes fines terræ, allelúia.

Salutáre Dei nostri, allelúia.

LECTIO BREVIS

{r}Act 10, 36{/r}

Verbum misit Deus fíliis Israel evangelízans pacem per Iesum Christum; hic est ómnium Dóminus.

RESPONSORIUM BREVE

Misericórdia et véritas obviavérunt sibi, allelúia.

Iustítia et pax osculátæ sunt, allelúia.

Per octavam Nativitatis, Vesperæ sunt cotidie de die infra octavam, ut infra, etiamsi in aliis Horis fiat de festo, præterquam in sollemnitatibus et dominica de sancta Familia.

Cotidie dicitur alterutrum completorium de dominica, 932 vel 935.

Die 26 decembris

Ad Laudes matutinas omnia fiunt de S. Stephano protomartyre.

Ad Vesperas

Hymnus, antiphonæ, psalmi et canticum, ut in II Vesperis Nativitatis Domini.

LECTIO BREVIS

{r}1 Io 1, 5b. 7{/r}

Deus lux est et ténebræ in eo non sunt ullæ. Si in luce ambulémus, sicut ipse est in luce, communiónem habémus ad ínvicem, et sanguis Iesu Fílii eius mundat nos ab omni peccáto.

Ad Magnificat, ant. Dum médium siléntium tenérent ómnia, et nox in suo cursu médium iter perágeret, omnípotens Sermo tuus, Dómine, a regálibus sédibus venit, allelúia.

PRECES

Verbum Dei, quod, in nobis habitándo, salútis perpétuæ trámitem reserávit, deprecémur et sincéra humilitáte rogémus:

Ab omni malo, líbera nos, Dómine.

Per mystérium incarnatiónis tuæ, per nativitátem et infántiam tuam,

per totam vitam tuam Patri dicátam:

Ab omni malo, líbera nos, Dómine.

Per labóres tuos, per prædicatiónes et itínera tua,

per conversatiónem tuam inter peccatóres:

Ab omni malo, líbera nos, Dómine.

Per agoníam et passiónem tuam, per crucem et desolatiónem tuam,

per angústias tuas, per mortem et sepultúram tuam:

Ab omni malo, líbera nos, Dómine.

Per resurrectiónem et ascensiónem tuam, per donatiónem Spíritus Sancti, per gáudia et glóriam tuam ætérnam,

fratres nostros, iam defúnctos, líbera, Dómine.

Ab omni malo, líbera nos, Dómine.

ORATIO

Concéde, quǽsumus, omnípotens Deus, ut nos Unigéniti tui nova per carnem natívitas líberet, quos sub peccáti iugo vetústa sérvitus tenet.

Die 27 decembris

Ad Laudes matutinas omnia fiunt de S. Ioanne apostolo et evangelista.

Ad Vesperas

Hymnus, antiphonæ, psalmi et canticum, ut in II Vesperis Nativitatis Domini.

LECTIO BREVIS

{r}Rom 8, 3b-4{/r}

Deus Fílium suum mittens in similitúdine carnis peccáti et pro peccáto, damnávit peccátum in carne, ut iustítia legis implerétur in nobis, qui non secúndum carnem ambulámus, sed secúndum Spíritum.

Ad Magnificat, ant. Per te, María Virgo, impléta sunt prophetárum ómnium præcónia, quæ de Christo dicta sunt: Virgo concepísti, et Virgo genuísti.

PRECES

Fratres caríssimi, Deum Patrem exorémus, qui propter multam caritátem suam misit nobis Fílium suum, eúmque súpplices invocémus:

Grátia Fílii tui nobíscum, Dómine.

Deus caritátis, Pater Dómini nostri Iesu Christi, qui misértus es perambulántium in ténebris,

súscipe quas tibi pro salúte ómnium preces offérimus.

Grátia Fílii tui nobíscum, Dómine.

Meménto, Dómine, Ecclésiæ tuæ, per totum orbem diffúsæ,

et pópulo tuo christiáno bénedic pacémque concéde.

Grátia Fílii tui nobíscum, Dómine.

Cunctórum Pater, inter gentes étiam pacem dignánter instítue, ómnium óculos populórum ad Fílium tuum dírige,

et in eos qui illos regunt, spíritum pacis effúnde.

Grátia Fílii tui nobíscum, Dómine.

Qui, in advéntu Fílii tui, pacem in terra nuntiári fecísti,

da pacem ætérnam defúnctis.

Grátia Fílii tui nobíscum, Dómine.

ORATIO

Da, quǽsumus, omnípotens Deus, ut, dum nova incarnáti Verbi tui luce perfúndimur, hoc in nostro respléndeat ópere, quod per fidem fulget in mente.

Die 28 decembris

Ad Laudes matutinas omnia fiunt de Ss. Innocentibus.

Ad Vesperas

Hymnus, antiphonæ, psalmi et canticum, ut in II Vesperis Nativitatis Domini.

LECTIO BREVIS

{r}Eph 2, 3b-5{/r}

Erámus natúra fílii iræ sicut et céteri. Deus autem, qui dives est in misericórdia, propter nímiam caritátem suam, qua diléxit nos, et cum essémus mórtui peccátis, convivificávit nos Christo. Grátia estis salváti.

Ad Magnificat, ant. Sancta et intácta Virgo Deum nobis génuit, téneris indútum membris, quem lactáre méruit: omnes ipsum adorémus, qui venit salváre nos.

PRECES

Deus misit Fílium suum, factum ex mulíere, factum sub lege, ut eos qui sub lege erant redímeret. Qua spe confirmáti, fidénter orémus:

Grátia Filii tui nobíscum, Dómine.

Deus caritátis et pacis, ómnium christianórum rénova fidem in Fílii tui incarnatiónem,

ut in gratiárum semper actióne máneant.

Grátia Filii tui nobíscum, Dómine.

Spem infirmórum, páuperum et seniórum adáuge,

da oppréssis levámen, desperántibus fidúciam, consolatiónem lugéntibus.

Grátia Filii tui nobíscum, Dómine.

Omnium memor esto, qui in carcéribus detinéntur,

et eórum, qui extórres facti sunt a pátria.

Grátia Filii tui nobíscum, Dómine.

Qui in nativitáte Fílii tui ángelos te laudántes audíri fecísti,

fac ut defúncti cum milítia cælésti in ævum te laudent.

Grátia Filii tui nobíscum, Dómine.

ORATIO

Deus, qui humánæ substántiæ dignitátem et mirabíliter condidísti et mirabílius reformásti, da, quǽsumus, nobis eius divinitátis esse consórtes, qui humanitátis nostræ fíeri dignátus est párticeps.

Die 29 decembris

De die V infra octavam Nativitatis

Ad Laudes matutinas

Hymnus, antiphonæ, psalmi et canticum, ut in Laudibus matutinis Nativitatis Domini, 351.

LECTIO BREVIS

{r}Hebr 1, 1-2{/r}

Multifáriam et multis modis olim Deus locútus pátribus in prophétis, in novíssimis his diébus locútus est nobis in Fílio, quem constítuit herédem universórum, per quem fecit et sǽcula.

Ad Benedictus, ant. Pastóres loquebántur ad ínvicem: Transeámus usque Béthlehem, et videámus hoc verbum quod Dóminus osténdit nobis.

PRECES

Quia Deus in sua misericórdia Christum, príncipem pacis, nobis misit, cum fidúcia clamémus:

Pax homínibus bonæ voluntátis.

Deus omnípotens, Pater Dómini nostri Iesu Christi, quo témpore Ecclésia salvíficum tuum célebrat amórem,

laudem nostram suscípere dignáre propítius.

Pax homínibus bonæ voluntátis.

Qui ab inítio victóriam tuam per Christum salvatórem nostrum homínibus promisísti,

Evangélii lúmine omnes hómines illustrári concéde.

Pax homínibus bonæ voluntátis.

In laudem Fílii tui, cuius diem cum gáudio Abraham prævídit, patriárchæ speravérunt, prophétæ nuntiavérunt et gentes desideravérunt,

fac ut omnis Israel salvus fiat.

Pax homínibus bonæ voluntátis.

Qui voluísti nativitátem Fílii tui a cælórum spirítibus prædicári atque ab Apóstolis, martýribus et fidélibus sæculórum ómnium collaudári,

pacem in terris largíre, quam nuntiavérunt ángeli.

Pax homínibus bonæ voluntátis.

ORATIO

Omnípotens et invisíbilis Deus, qui tuæ lucis advéntu mundi ténebras effugásti, seréno vultu nos, quǽsumus, intuére, ut magnificéntiam nativitátis Unigéniti tui dignis præcóniis collaudémus.

LECTIO BREVIS

{r}Tit 2, 11-12{/r}

Appáruit grátia Dei salutáris ómnibus homínibus erúdiens nos, ut abnegántes impietátem et sæculária desidéria sóbrie et iuste et pie vivámus in hoc sǽculo.

LECTIO BREVIS

{r}1 Io 4, 9{/r}

In hoc appáruit cáritas Dei in nobis quóniam Fílium suum unigénitum misit Deus in mundum, ut vivámus per eum.

LECTIO BREVIS

{r}Act 10, 36{/r}

Verbum misit Deus fíliis Israel evangelízans pacem per Iesum Christum; hic est ómnium Dóminus.

Ad Vesperas

Hymnus, antiphonæ, psalmi et canticum, ut in II Vesperis Nativitatis Domini.

LECTIO BREVIS

{r}1 Io 1, 1-3{/r}

Quod fuit ab inítio, quod audívimus, quod vídimus óculis nostris, quod perspéximus et manus nostræ contrectavérunt, de verbo vitæ — et vita appáruit, et vídimus et testámur et annuntiámus vobis vitam ætérnam, quæ erat coram Patre et appáruit nobis — quod vídimus et audívimus, annuntiámus et vobis, ut et vos communiónem habeátis nobíscum. Commúnio autem nostra est cum Patre et cum Fílio eius Iesu Christo.

Ad Magnificat, ant. Cælórum Rex de Vírgine nasci dignátus est, ut hóminem pérditum ad cæléstia regna revocáret.

PRECES

Deum Patrem miserentíssimum, qui Fílium suum unxit Spíritu Sancto ad evangelizándos páuperes, rogémus:

Dómine miséricors, miserére nostri.

Miséricors et sempitérne Deus, qui vis omnes hómines salvos fíeri et ad agnitiónem veritátis tuæ perveníre, tibi grátias ágimus, qui Unigénitum tuum mundo dedísti:

omnem terram in eius nativitáte lætífica.

Dómine miséricors, miserére nostri.

Misísti eum evangelizáre paupéribus, nuntiáre captívis remissiónem et prædicáre tempus grátiæ:

libertátem homínibus et pacem largíre.

Dómine miséricors, miserére nostri.

Ad eum direxísti géntium sapiéntes, ut adorárent eum:

áccipe fídei nostræ et oratiónis obséquium.

Dómine miséricors, miserére nostri.

Et, post illos, omnes hómines vocas de ténebris in admirábile lumen tuum, ut in nómine Iesu omne genu flectátur:

fac ut testes huius Evangélii evadámus.

Dómine miséricors, miserére nostri.

Christum, in Béthlehem natum, lumen fecísti ad revelatiónem géntium:

glóriam vultus tui frátribus, qui obiérunt, revéla.

Dómine miséricors, miserére nostri.

Die 30 decembris

De die VI infra octavam Nativitatis

Deficiente dominica infra octavam Nativitatis, hac die celebratur festum S. Familiæ, omissis tamen I Vesperis.

Ad Laudes matutinas

Hymnus, antiphonæ, psalmi et canticum, ut in Laudibus matutinis Nativitatis Domini, 351.

LECTIO BREVIS

{r}Is 9, 5{/r}

Párvulus natus est nobis, fílius datus est nobis; et factus est principátus super úmerum eius; et vocábitur nomen eius admirábilis Consiliárius, Deus fortis, Pater æternitátis, Princeps pacis.

Ad Benedictus, ant. Nato Dómino, angelórum chorus canébat, dicens: Salus Deo nostro, sedénti super thronum, et Agno.

PRECES

Christum, in quo Pater ómnia instauránda decrévit, precémur:

Fili Dei amantíssime, audi nos.

Fili Dei, qui eras in princípio apud Patrem et in plenitúdine témporum homo factus es,

da nobis in omnes fratérnam caritátem.

Fili Dei amantíssime, audi nos.

Pauper factus es, ut paupertáte tua ditarémur; temetípsum exinanísti, ut humilitáte tua resurgerémus, consórtes effécti glóriæ tuæ:

Evangélii tui fidéles fac nos minístros.

Fili Dei amantíssime, audi nos.

In ténebris et in umbra mortis nobis sedéntibus lumen dedísti:

virtútem, iustítiam et pacem páriter præsta.

Fili Dei amantíssime, audi nos.

Cor rectum et sincérum da nobis ad audiéndum verbum tuum,

atque in nobis et in mundo abundántius pérfice fructus ad glóriam tuam.

Fili Dei amantíssime, audi nos.

ORATIO

Concéde, quǽsumus, omnípotens Deus, ut nos Unigéniti tui nova per carnem natívitas líberet, quos sub peccáti iugo vetústa sérvitus tenet.

LECTIO BREVIS

{r}Deut 4, 7{/r}

Quæ est ália nátio tam grandis, quæ hábeat deos appropinquántes sibi, sicut Dóminus Deus noster adest cunctis obsecratiónibus nostris?

LECTIO BREVIS

{r}Is 12, 5-6{/r}

Cantáte Dómino, quóniam magnífice fecit; notum sit hoc in univérsa terra. Exsúlta et lauda, quæ hábitas in Sion, quia magnus in médio tui Sanctus Israel.

LECTIO BREVIS

{r}Tob 14, 6-7a{/r}

Et omnes natiónes in tota terra converténtur et timébunt Deum vere et relínquent omnes idóla sua. Et benedícent Deo ætérno in iustítia. Omnes fílii Israel, qui liberabúntur in diébus illis, mémores Dei in veritáte, colligéntur et vénient in Ierúsalem. Et gaudébunt, qui díligunt Deum in veritáte.

Ad Vesperas

Hymnus, antiphonæ, psalmi et canticum, ut in II Vesperis Nativitatis Domini.

LECTIO BREVIS

Cf. {r}2 Petr 1, 3-4{/r}

Christus ómnia nobis divínæ virtútis suæ ad vitam et pietátem donávit per cognitiónem eius, qui vocávit nos própria glória et virtúte, per quæ pretiósa et máxima nobis promíssa donáta sunt, ut per hæc efficiámini divínæ consórtes natúræ, fugiéntes eam, quæ in mundo est in concupiscéntia, corruptiónem.

Ad Magnificat, ant. Glorificámus te, Dei Génetrix, quia ex te natus est Christus; salva omnes qui te gloríficant.

PRECES

Christo, qui est dux ortus ex Béthlehem Iudæ ad pascéndum pópulum sanctum suum, læti acclamémus:

Grátia tua, Dómine, nobíscum.

Christe salvátor, desideráte géntium, diffúnde Evangélium tuum in regiónibus, quæ verbum vitæ nondum recepérunt;

omnem hóminem ad teípsum áttrahe.

Grátia tua, Dómine, nobíscum.

Christe Dómine, exténde Ecclésiam tuam et diláta locum tentórii eius,

ut hómines ex omni lingua et natióne amplectátur.

Grátia tua, Dómine, nobíscum.

Rex regum, corda et ánimas príncipum dírige,

ut, iustítiam requiréntes, pacem ac libertátem populórum ómnium operéntur.

Grátia tua, Dómine, nobíscum.

Omnípotens dominátor, fragílium fortitúdo, tentátos confírma, delápsos érige, in perículis degéntes prótege,

decéptos et desperátos consoláre, vexatórum fidem róbora.

Grátia tua, Dómine, nobíscum.

Mæstórum consolátor, agonizántes confórta,

deduc eos ad fontes aquæ vivæ.

Grátia tua, Dómine, nobíscum.

Die 31 decembris

De die VII infra octavam Nativitatis

Ad Laudes matutinas

Hymnus, antiphonæ, psalmi et canticum, ut in Laudibus matutinis Nativitatis Domini, 351.

LECTIO BREVIS

{r}Is 4, 2-3{/r}

In die illa erit germen Dómini in splendórem et glóriam et fructus terræ sublímis et exsultátio his, qui salváti fúerint de Israel. Et erit: omnis qui relíctus fúerit in Sion et resíduus in Ierúsalem, sanctus vocábitur, omnis, qui scriptus est ad vitam in Ierúsalem.

Ad Benedictus, ant. Facta est cum Angelo multitúdo cæléstis exércitus laudántium Deum et dicéntium: Glória in excélsis Deo, et in terra pax homínibus bonæ voluntátis, allelúia.

PRECES

Christum Dóminum, cuius grátia ómnibus homínibus appáruit, cum húmili fidúcia implorémus:

Dómine, miserére nostri.

Christe, a Patre génite ante ómnia sǽcula, splendor glóriæ eius, imágo eius substántiæ, qui verbo tuo univérsa susténtas,

te rogámus, ut Evangélio tuo hunc diem vivífices.

Dómine, miserére nostri.

Christe, in hoc mundo quando venit plenitúdo témporis nate, ad salvándum humánum genus et ad liberándam creatúram univérsam,

te rogámus, ut præstes ómnibus libertátem.

Dómine, miserére nostri.

Christe, Fili consubstantiális Patris, ante lucíferum génite, qui in Béthlehem natus es, ut adimpleréntur Scriptúræ,

te rogámus, ut paupértas effúlgeat in Ecclésia tua.

Dómine, miserére nostri.

Christe, Deus et homo, qui Dóminus es David et fílius eius, prophetías adímplens,

te rogámus, ut Israel te Messíam agnóscat.

Dómine, miserére nostri.

ORATIO

Omnípotens sempitérne Deus, qui in Fílii tui nativitáte tribuísti totíus religiónis inítium perfectionémque constáre, da nobis, quǽsumus, in eius portióne censéri, in quo totíus salútis humánæ summa consístit.

LECTIO BREVIS

{r}Is 45, 13{/r}

Suscitávi eum in iustítia et omnes vias eius dírigam; ipse ædificábit civitátem meam et captivitátem meam dimíttet, non in prétio neque in munéribus, dicit Dóminus exercítuum.

LECTIO BREVIS

{r}Is 48, 20{/r}

In voce exsultatiónis annuntiáte; audítum fácite hoc, efférte illud usque ad extréma terræ, dícite: «Redémit Dóminus servum suum Iacob».

LECTIO BREVIS

{r}Is 65, 1{/r}

Quæsítus sum ab his, qui non consulébant me, invéntus sum ab his, qui non quærébant me. Dixi: «Ecce ego, ecce ego!» ad gentem, quæ non invocábat nomen meum.

In regionibus ubi sollemnitas Epiphaniæ Domini celebratur dominica a die 2 ad diem 8 ianuarii occurrente, nihil fit de dominica II post Nativitatem. Celebrata vero Epiphania, Officium fit ut indicatur, cum partibus propriis, nisi dominica die 7 vel 8 ianuarii occurrat, quo in casu die sequente celebratur Officium festi Baptismatis Domini ut indicatur, sumptis psalmis Horæ mediæ a feria II hebdomadæ I cum antiphona festi; lectio brevis, versus et oratio item de festo sumuntur; ad Completorium vero psalmi sunt de feria II.

Feria III sequente incipit tempus per annum.

Dominica II post Nativitatem

quæ occurit inter 2 et 5 ianuarii

in regionibus ubi sollemnitas Epiphaniæ Domini die 6 ianuarii celebratur

Hebd. II Psalterii

Ad I Vesperas

HYMNUS, 335.

Ant. 1Virgo verbo concépit, Virgo permánsit, Virgo péperit Regem ómnium regum.

Psalmi et canticum de dominica hebd. II.

Ant. 2Lætámini cum Ierúsalem; declinávit super eam Dóminus quasi flúvium pacis.

Ant. 3Natus est nobis Deus de Deo, lumen de lúmine, quod erat in princípio.

LECTIO BREVIS

{r}1 Io 5, 20{/r}

Scimus quóniam Fílius Dei venit, et dedit nobis sensum, ut cognoscámus eum, qui verus est; et sumus in eo qui verus est, in Fílio eius Iesu Christo. Hic est qui verus est, Deus et vita ætérna.

RESPONSORIUM BREVE

Ad Magnificat, ant. Castæ Paréntis viscéra cæléstis intrat grátia: venter puéllæ báiulat secréta, quæ non nóverat.

PRECES

Christum adorémus, qui semetípsum exinanívit formam servi accípiens ac tentátus est per ómnia pro similitúdine absque peccáto. Ardénti fide eum precémur:

Per nativitátem tuam succúrre redémptis.

Qui, mundum ingrédiens, ætátem novam a prophétis prædíctam instaurásti,

fac ut semper in novas ætátes tua iuvenéscat Ecclésia.

Per nativitátem tuam succúrre redémptis.

Qui humánam infirmitátem assumpsísti,

sis cæcis lumen, debílibus fortitúdo, míseris consolátio.

Per nativitátem tuam succúrre redémptis.

Qui pauper et húmilis natus es,

réspice páuperes et propítius consoláre.

Per nativitátem tuam succúrre redémptis.

Qui terréna nativitáte tua ómnibus de promíssa æternitáte lætítiam ingessísti,

cæléstis spe nativitátis moriéntium corda lætífica.

Per nativitátem tuam succúrre redémptis.

Qui in terram descendísti, ut omnes in cælum addúceres,

in glória tibi coniúnge defúnctos.

Per nativitátem tuam succúrre redémptis.

ORATIO

Omnípotens sempitérne Deus, fidélium splendor animárum, dignáre mundum glória tua implére benígnus, et cunctis pópulis appáre per tui lúminis claritátem.

Ad Laudes matutinas

HYMNUS, 337.

Ant. 1Lux orta est iusto, quia ómnium natus est Salvátor, allelúia.

Psalmi et canticum de dominica hebd. II.

Ant. 2Hymnum dicámus Dómino Deo nostro.

Ant. 3Pópulus géntium, qui sedébat in ténebris, vidit lucem magnam.

LECTIO BREVIS

{r}Hebr 1, 1-2{/r}

Multifáriam et multis modis olim Deus locútus pátribus in prophétis, in novíssimis his diébus locútus est nobis in Fílio, quem constítuit herédem universórum, per quem fecit et sǽcula.

RESPONSORIUM BREVE

Christe, Fili Dei vivi, {*} Miserére nobis.

Christe, Fili Dei vivi, {*} Miserére nobis.

Qui natus es de María Vírgine. {*}

Miserére nobis.

Glória Patri, et Fílio, et Spirítui Sancto.

Christe, Fili Dei vivi, {*} Miserére nobis.

Ad Benedictus, ant. Virgo semper fidélis, et si Verbum génuit incarnátum, virgo mansit et post partum, quam laudántes omnes dícimus: Benedícta tu in muliéribus.

PRECES

Dignis láudibus Verbum Dei celebrémus, ante sǽcula exsístens et in témpore nobis natum. Iucúnde acclamémus, dicéntes:

Exsúltet terra, quia venísti.

Christe, Verbum ætérnum, qui, in terram descéndens, exsultatiónis rore eam perfudísti,

lætífica cor nostrum grátiæ tuæ visitatióne contínua.

Exsúltet terra, quia venísti.

Salvátor noster, qui in nativitáte tua, fidelitátem Dei nobis ostendísti,

concéde nos plena fide promissiónes baptismáles serváre.

Exsúltet terra, quia venísti.

Rex cæli et terræ, qui pacem homínibus ab ángelis nuntiári fecísti,

vitam nostram in tua pace consérva.

Exsúltet terra, quia venísti.

Dómine, qui venísti ut esses vitis vera, nobis fructum vitæ prodúcens,

fac nos iúgiter pálmites in te manéntes, ne simus infructuósi.

Exsúltet terra, quia venísti.

Ad II Vesperas

HYMNUS, 335.

Ant. 1 Illúxit nobis dies redemptiónis novæ, reparatiónis antíquæ, felicitátis ætérnæ.

Psalmi et canticum de dominica hebd. II.

Ant. 2 Misit Dóminus misericórdiam suam et veritátem suam.

Ant. 3 In terris natus est nobis rex regum Dóminus: ecce iam venit nobis salus mundi, redémptio nostra, allelúia.

LECTIO BREVIS

{r}1 Io 1, 1-3{/r}

Quod fuit ab inítio, quod audívimus, quod vídimus óculis nostris, quod perspéximus et manus nostræ contrectavérunt, de verbo vitæ — et vita appáruit, et vídimus et testámur et annuntiámus vobis vitam ætérnam, quæ erat coram Patre et appáruit nobis — quod vídimus et audívimus, annuntiámus et vobis, ut et vos communiónem habeátis nobíscum. Commúnio autem nostra est cum Patre et cum Fílio eius Iesu Christo.

Ad Magnificat, ant. Beáta víscera, quæ portavérunt ætérni Patris Fílium, et beáta úbera, quæ lactavérunt Christum Dóminum.

PRECES

Christum iubilántes celebrémus, in cuius nativitáte ángeli pacem mundo nuntiavérunt, et devótis ánimis exorémus:

Natívitas tua pacem cunctis áfferat.

Reple, Dómine, ómnibus bonis Ecclésiam tuam,

quam nativitátis tuæ mystério consoláris.

Natívitas tua pacem cunctis áfferat.

Qui princeps pastórum venísti et nostrárum epíscopus animárum,

papam et epíscopos nostros fidéles redde dispensatóres multifórmis grátiæ tuæ.

Natívitas tua pacem cunctis áfferat.

Rex æternitátis, qui, nascens, brevi vitæ spátio circumscríbi et hóminum vicissitúdines experíri voluísti,

nos cadúcos et mortáles æternitátis tuæ redde consórtes.

Natívitas tua pacem cunctis áfferat.

Qui, a sǽculis exspectátus, in plenitúdine témporis venísti,

manifésta præséntiam tuam iis, qui adhuc te exspéctant.

Natívitas tua pacem cunctis áfferat.

Qui, caro factus, humánam substántiam, morte corrúptam restaurásti,

defúnctis tuam plenam restauratiónem concéde.

Natívitas tua pacem cunctis áfferat.

Die 2 januarii

Ad Laudes matutinas

LECTIO BREVIS

{r}Is 49, 8b-9a{/r}

Dedi te in fœdus pópuli, ut suscitáres terram et distribúeres hereditátes dissipátas; ut díceres his, qui vincti sunt: «Exíte», et his, qui in ténebris: «Revelámini».

Ad Benedictus, ant. In præsépio iacébat et in cælis fulgébat; ad nos veniébat, et apud Patrem manébat.

PRECES

Ad Christum, hóminem cæléstem ac novum Adam, qui factus est spíritus vivíficans, supplicatiónes nostras dirigámus, dicéntes:

Kýrie, eléison.

Christe, sol iustítiæ, qui revelásti glóriam tuam in humáno génere nostro, ut vetus testaméntum perfíceres,

te rogámus, ut tuum nobis lumen effúndas.

Kýrie, eléison.

Christe, quem, ab ángelis glorificátum et a pastóribus annuntiátum, Símeon et Anna conféssi sunt et prædicavérunt,

te rogámus, ut Evangélium tuum a pópulo promissiónis recipiátur.

Kýrie, eléison.

Christe, in cuius nativitáte ángeli cantavérunt glóriam in excélsis et pacem in terra,

te rogámus, ut per totum orbem pax tua diffundátur.

Kýrie, eléison.

Christe qui, novus Adam, hóminis vetustátem renovásti et nobis in regno tuo mansiónem paravísti,

te rogámus, ut malis oppréssi spe tua erigántur.

Kýrie, eléison.

ORATIO

Da, quǽsumus, Dómine, pópulo tuo inviolábilem fídei firmitátem, ut, qui Unigénitum tuum in tua tecum glória sempitérnum in veritáte nostri córporis natum de Matre Vírgine confiténtur, et a præséntibus liberéntur advérsis, et mansúris gáudiis inserántur.

LECTIO BREVIS

{r}1 Tim 1, 15{/r}

Fidélis sermo et omni acceptióne dignus: Christus Iesus venit in mundum peccatóres salvos fácere.

LECTIO BREVIS

{r}Ap 21, 23-24{/r}

Cívitas non eget sole neque luna, ut lúceant ei, nam cláritas Dei illuminávit eam, et lucérna eius est Agnus. Et ambulábunt gentes per lumen eius, et reges terræ áfferunt glóriam suam in illam.

LECTIO BREVIS

{r}1 Io 1, 5{/r}

Hæc est annuntiátio, quam audívimus ab eo et annuntiámus vobis, quóniam Deus lux est et ténebræ in eo non sunt ullæ.

Ad Vesperas

LECTIO BREVIS

{r}Col 1, 13-15{/r}

Erípuit nos Deus de potestáte tenebrárum et tránstulit in regnum Fílii dilectiónis suæ, in quo habémus redemptiónem, remissiónem peccatórum; qui est imágo Dei invisíbilis, primogénitus omnis creatúræ.

Ad Magnificat, ant. O beáta Infántia, per quam géneris nostri vita est reparáta, quia tamquam sponsus de thálamo, Maríæ Christus procéssit ex útero.

PRECES

Deus, multifáriam loquens pátribus nostris in prophétis, novíssime locútus est nobis in Fílio suo. Eius misericórdiam implorémus, dicéntes:

Kýrie, eléison.

Pro Ecclésia tua sancta,

ut fílii tui fidéliter fortitérque confiteántur nomen Salvatóris.

Kýrie, eléison.

Pro evangelizántibus,

ut operárii a te missi cum omni fidúcia prǽdicent géntibus nomen Salvatóris.

Kýrie, eléison.

Pro frátribus nostris infírmis,

ut sanitátem obtíneant invocántes nomen Salvatóris.

Kýrie, eléison.

Pro christiánis persecutióni obnóxiis,

ut iniúrias patiénter sustíneant propter nomen Salvatóris.

Kýrie, eléison.

Pro frátribus nostris, qui culpa hóminum obiérunt,

ut tua misericórdia vitam consequántur.

Kýrie, eléison.

Die 3 januarii

Ad Laudes matutinas

LECTIO BREVIS

{r}Is 62, 11-12{/r}

Dícite fíliæ Sion: Ecce salus tua venit, ecce merces eius cum eo et prǽmium eius coram illa. Et vocábunt eos Pópulus sanctus, Redémpti a Dómino.

Ad Benedictus, ant. Verbum caro factum est, et habitávit in nobis, plenum grátiæ et veritátis; de cuius plenitúdine omnes nos accépimus, et grátiam pro grátia, allelúia.

PRECES

Redemptórem nostrum, Fílium Dei, qui homo factus est, ut hóminem renováret, lætánter invocémus, dicéntes:

Esto nobíscum, Emmánuel.

Iesu Fili Dei vivi, splendor Patris, lux ætérna, rex glóriæ, sol iustítiæ, fili Vírginis Maríæ,

incarnatiónis tuæ glória diem hunc illúmina.

Esto nobíscum, Emmánuel.

Iesu, admirábilis consiliárius, Deus fortis, pater futúri sǽculi, princeps pacis,

humanitátis tuæ sanctitáte viam nostram dírige.

Esto nobíscum, Emmánuel.

Iesu, omnípotens, pátiens, obœdiens, mitis et húmilis corde,

ómnibus mansuetúdinis poténtiam manifésta.

Esto nobíscum, Emmánuel.

Iesu, pater páuperum, fidélium tuórum glória, pastor bone, lux vera, infiníta sapiéntia, imménsa bónitas, via et vita nostra,

spíritum paupertátis Ecclésiæ tuæ concéde.

Esto nobíscum, Emmánuel.

ORATIO

Deus, qui, per beátum sacræ Vírginis partum, Fílii tui carnem humánis fecísti præiudíciis non tenéri, præsta, quǽsumus, ut, huius creatúræ novitáte suscépti, vetustátis antíquæ contágiis exuámur.

LECTIO BREVIS

{r}Is 2, 3-4{/r}

De Sion exíbit lex et verbum Dómini de Ierúsalem. Et iudicábit gentes et arguet pópulos multos, et conflábunt gládios suos in vómeres et lánceas suas in falces; non levábit gens contra gentem gládium, nec exercebúntur ultra ad prœ́lium.

LECTIO BREVIS

{r}Is 9, 1{/r}

Pópulus, qui ambulábat in ténebris, vidit lucem magnam; habitántibus in regióne umbræ mortis lux orta est eis.

LECTIO BREVIS

{r}Is 60, 4a-5{/r}

Fílii tui, Ierúsalem, de longe véniunt et fíliæ tuæ in ulnis gestántur. Tunc vidébis et illumináberis, et palpitábit et dilatábitur cor tuum, quia cónfluet ad te multitúdo maris, fortitúdo géntium véniet tibi.

Ad Vesperas

LECTIO BREVIS

{r}1 Io 1, 5b. 7{/r}

Deus lux est et ténebræ in eo non sunt ullæ. Si in luce ambulémus, sicut ipse est in luce, communiónem habémus ad ínvicem, et sanguis Iesu Fílii eius mundat nos ab omni peccáto.

Ad Magnificat, ant. Exsultémus in Dómino, spiritáli iucunditáte lætémur, quia salus ætérna in mundo appáruit, allelúia.

PRECES

In advéntu Christi flóruit et germinávit pópulus sanctus Dei. Ideo iubilántes et grati Salvatóri nostro dicámus:

Natívitas tua mundum lætíficet.

Christe, vita nostra, qui venísti ut fíeres caput Ecclésiæ,

augméntum fac córporis tui, ut ædificétur in caritáte.

Natívitas tua mundum lætíficet.

Qui te in gémina facis adorári substántia,

concéde tuæ divinitátis nos esse partícipes.

Natívitas tua mundum lætíficet.

Qui per incarnatiónem mediátor factus es,

tuo múneri minístros Ecclésiæ per sanctitátem vitæ efficácius consócia.

Natívitas tua mundum lætíficet.

Qui, véniens, mundum novo órdine instaurásti,

omnes gentes adduc in salútem tuam.

Natívitas tua mundum lætíficet.

Qui nascéndo víncula mortis confregísti,

líbera defúnctos ab ómnibus vínculis.

Natívitas tua mundum lætíficet.

Die 4 ianuarii

Ad Laudes matutinas

LECTIO BREVIS

{r}Is 45, 22-23{/r}

Convertímini ad me et salvi éritis, omnes fines terræ, quia ego Deus, et non est álius. In memetípso iurávi: Egréssa est de ore meo iustítia, verbum, quod non revertétur; quia mihi curvábitur omne genu, et iurábit omnis lingua.

Ad Benedictus, ant. Christus Deus noster, in quo divinitátis est plenitúdo, carnis nostræ infírma suscípiens, novus natus est homo, allelúia.

PRECES

Verbum Dei glorificémus, quod manifestátum est in carne, appáruit ángelis et prædicátum est géntibus. Ipsi devóte confiteámur, dicéntes:

Adorámus te, Fili Dei unigénite.

Liberátor géneris humáni, qui per Vírginem Maríam ad nos renovándos prodiísti,

ipsa intercedénte, a vetustátis condicióne exémptos nos serva.

Adorámus te, Fili Dei unigénite.

Qui de cælo iustítiam increátam in terra nostra radiáre donásti,

in huius lúmine Solis diem nostrum et vitam dírige.

Adorámus te, Fili Dei unigénite.

Fili Dei, qui amórem Patris nobis ostendísti,

fac ut eum caritáte nostra homínibus ostendámus.

Adorámus te, Fili Dei unigénite.

Qui habitatiónem nostram elegísti,

éffice nos dignos societáte tua.

Adorámus te, Fili Dei unigénite.

ORATIO

Concéde nobis, omnípotens Deus, ut salutáre tuum, quod ad redemptiónem mundi luce nova cælórum procéssit, nostris semper innovándis córdibus oriátur.

LECTIO BREVIS

{r}Ier 31, 7-8a{/r}

Exsultáte in lætítia propter Iacob et hinníte cápiti géntium; personáte, cánite et dícite: «Salva, Dómine, pópulum tuum, relíquias Israel». Ecce ego addúcam eos de terra aquilónis et congregábo eos ab extrémis terræ.

LECTIO BREVIS

{r}Ier 31, 11-12{/r}

Redémit Dóminus Iacob et liberávit eum de manu potentióris. Et vénient et laudábunt in monte Sion et cónfluent ad bona Dómini.

LECTIO BREVIS

{r}Zac 8, 7-8{/r}

Ecce ego salvábo pópulum meum de terra oriéntis et de terra occásus solis: et addúcam eos, et habitábunt in médio Ierúsalem; et erunt mihi in pópulum, et ego ero eis in Deum in veritáte et iustítia.

Ad Vesperas

LECTIO BREVIS

{r}Rom 8, 3-4{/r}

Deus Fílium suum mittens in similitúdine carnis peccáti et pro peccáto, damnávit peccátum in carne, ut iustítia legis implerétur in nobis, qui non secúndum carnem ambulámus, sed secúndum Spíritum.

Ad Magnificat, ant. Ego enim ex Deo procéssi et veni; neque a meípso veni, sed Pater meus ille misit me.

PRECES

Christus ad nos venit et semetípsum trádidit, ut mundáret sibi pópulum acceptábilem, sectatórem bonórum óperum. Eum fervénti pietáte invocémus:

Kýrie, eléison.

Pro Ecclésia tua sancta,

ut ad novam vitam omnes eius fílii renascántur.

Kýrie, eléison.

Pro paupéribus, captívis, prófugis,

ut in caritáte nostra te, Fílium Dei incarnátum, invéniant.

Kýrie, eléison.

Ut gáudium nostrum sit plenum,

et admirémur donum, a Patre in te nobis datum.

Kýrie, eléison.

Servi tui defúncti, nativitáte tua illumináti, vídeant fáciem tuam,

et nox eis ultra non erit.

Kýrie, eléison.

Die 5 januarii

Ad Laudes matutinas

LECTIO BREVIS

{r}Sap 7, 26-27{/r}

Candor lucis ætérnæ est Sapiéntia et spéculum sine mácula Dei poténtiæ et imágo bonitátis illíus. Et, cum sit una, ómnia potest; et in se pérmanens ómnia ínnovat, et per generatiónes in ánimas sanctas se tránsferens amícos Dei et prophétas constítuit.

Ad Benedictus, ant. Visitávit et fecit redemptiónem Dóminus plebis suæ.

PRECES

Laudémus Christum, qui factus est nobis sapiéntia a Deo, iustítia, sanctificátio et redémptio. Eum fidénter deprecémur:

Natívitas tua, Dómine, salvet nos.

Rex universórum, qui a pastóribus pannis involútus invéntus es,

fac nos paupertátis et simplicitátis tuæ sponte partícipes.

Natívitas tua, Dómine, salvet nos.

Dómine cæli, qui a thronis regálibus ad ima descendísti,

hómines doce fratres humilióris condiciónis honoráre.

Natívitas tua, Dómine, salvet nos.

Christe, lux ætérna, qui, carnem nostram assúmens, máculam non contraxísti,

fac ut fidéles, bonis terræ uténtes, mínime polluántur.

Natívitas tua, Dómine, salvet nos.

Sponse divíne Ecclésiæ tuæ, qui, ei astans, turris inexpugnábilis exsístis,

fac ut in ipsa ad salútem fidéles tui fírmiter persevérent.

Natívitas tua, Dómine, salvet nos.

ORATIO

Deus, qui pópulo tuo, Unigéniti tui nativitáte, redemptiónis efféctum mirabíliter inchoásti, ita, quǽsumus, fídei fámulis tuis tríbue firmitátem, ut usque ad promíssum glóriæ prǽmium, ipso gubernánte, pervéniant.

LECTIO BREVIS

{r}Ez 20, 41-42a{/r}

In odórem suavitátis suscípiam vos, cum edúxero vos de pópulis et congregávero vos de terris, in quas dispérsi estis, et sanctificábor in vobis in óculis natiónum. Et sciétis quia ego Dóminus.

LECTIO BREVIS

{r}Ez 34, 11-12{/r}

Ecce ego ipse requíram oves meas et visitábo eas. Sicut vísitat pastor gregem suum in die, quando fúerit in médio óvium suárum dissipatárum, sic visitábo oves meas et liberábo eas de ómnibus locis, in quibus dispérsæ fúerant.

LECTIO BREVIS

{r}Mic 2, 12{/r}

Congregatióne congregábo, Iacob, totum te; in unum condúcam relíquias Israel, páriter ponam illum quasi gregem in ovíli, quasi pecus in médio páscuæ.

Ad Vesperas

In regionibus ubi sollemnitas Epiphaniæ Domini celebratur dominica die 7 vel 8 ianuarii occurrente.

LECTIO BREVIS

{r}1 Io 5, 20{/r}

Scimus quóniam Fílius Dei venit, et dedit nobis sensum, ut cognoscámus eum, qui verus est; et sumus in eo qui verus est, in Fílio eius Iesu Christo. Hic est qui verus est, Deus et vita ætérna.

Ad Magnificat, ant. Quem scripsit Móyses in lege et prophétæ, invénimus Iesum, fílium Ioseph, a Názareth.

PRECES

Christum Emmanuélem benedicámus, quem Virgo concépit et péperit. Eum súpplices exorémus:

Fili Vírginis Maríæ, exáudi nos.

Tu, qui Maríæ gáudia maternitátis concessísti,

cunctis da paréntibus de fíliis suis mérito gaudére.

Fili Vírginis Maríæ, exáudi nos.

Qui púerum te fecísti,

sapiéntiam púeris gratiámque largíre.

Fili Vírginis Maríæ, exáudi nos.

Qui venísti ut genus humánum in pópulum sanctum effíceres,

omnes gentes, concórdes efféctas, in unum cóngrega.

Fili Vírginis Maríæ, exáudi nos.

Qui nascéndo víncula famíliæ astrinxísti,

pérfice unitátem familiárum.

Fili Vírginis Maríæ, exáudi nos.

Qui nasci diébus nostri témporis voluísti,

concéde defúnctis nasci ad diem æternitátis tuæ.

Fili Vírginis Maríæ, exáudi nos.

Die 6 januarii

In regionibus ubi sollemnitas Epiphaniæ Domini celebratur dominica die 7 vel 8 ianuarii occurrente.

Ad Laudes matutinas

LECTIO BREVIS

{r}Is 61, 1-2a{/r}

Spíritus Dómini Dei super me, eo quod únxerit Dóminus me; ad annuntiándum læta mansuétis misit me, ut medérer contrítis corde et prædicárem captívis liberatiónem et clausis apertiónem; ut prædicárem annum placábilem Dómino.

Ad Benedictus, ant. Hic est qui venit per aquam et sánguinem, Iesus Christus, Dóminus noster.

PRECES

Dignis láudibus Verbum Dei celebrémus, ante sǽcula exsístens et in témpore nobis natum. Iucúnde acclamémus, dicéntes:

Exsúltet terra, quia venísti.

Christe, Verbum ætérnum, qui, in terram descéndens, exsultatiónis rore eam perfudísti,

lætífica cor nostrum grátiæ tuæ visitatióne contínua.

Exsúltet terra, quia venísti.

Salvátor noster, qui in nativitáte tua, fidelitátem Dei nobis ostendísti,

concéde nos plena fide promissiónes baptismáles serváre.

Exsúltet terra, quia venísti.

Rex cæli et terræ, qui pacem homínibus ab ángelis nuntiári fecísti,

vitam nostram in tua pace consérva.

Exsúltet terra, quia venísti.

Dómine, qui venísti ut esses vitis vera, nobis fructum vitæ prodúcens,

fac nos iúgiter pálmites in te manéntes, ne simus infructuósi.

Exsúltet terra, quia venísti.

ORATIO

Fidéles tuos, quæsumus, Dómine, benígnus illúmina, et splendóre glóriæ tuæ corda eórum semper accénde, ut Salvatórem suum et incessánter agnóscant, et veráciter apprehéndant.

LECTIO BREVIS

{r}Is 11, 1-3a{/r}

Egrediétur virga de stirpe Iesse, et flos de radíce eius ascéndet; et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et timóris Dómini; et delíciæ eius in timóre Dómini.

LECTIO BREVIS

{r}Is 42, 1{/r}

Ecce servus meus, suscípiam eum; eléctus meus, cómplacet sibi in illo ánima mea; dedi spíritum meum super eum, iudícium géntibus próferet.

LECTIO BREVIS

{r}Is 49, 6{/r}

Dixit mihi Dóminus: «Parum est ut sis mihi servus ad suscitándas tribus Iacob et relíquias Israel reducéndas: dabo te in lucem géntium, ut sit salus mea usque ad extrémum terræ».

Ad Vesperas

LECTIO BREVIS

{r}Act 10, 37-38{/r}

Vos scitis quod factum est verbum per univérsam Iudǽam incípiens a Galilǽa post baptísmum, quod prædicávit Ioánnes: Iesum a Názareth, quómodo unxit eum Deus Spíritu Sancto et virtúte, qui pertransívit benefaciéndo et sanándo omnes oppréssos a Diábolo, quóniam Deus erat cum illo.

Ad Magnificat, ant. Vox facta est de cælis: Tu es Fílius meus diléctus, in te complácui mihi.

PRECES

Christum iubilántes celebrémus, in cuius nativitáte ángeli pacem mundo nuntiavérunt, et devótis animis exorémus:

Natívitas tua pacem cunctis áfferat.

Reple, Dómine, ómnibus bonis Ecclésiam tuam,

quam nativitátis tuæ mystério consoláris.

Natívitas tua pacem cunctis áfferat.

Qui inter univérsas hóminum vicissitúdines per sǽcula médius exstitísti,

ad te Deum et salvatórem ómnia áttrahe.

Natívitas tua pacem cunctis áfferat.

Qui a sǽculis exspectátus, in plenitúdine témporis venísti,

manifésta præséntiam tuam iis, qui adhuc te exspéctant.

Natívitas tua pacem cunctis áfferat.

Qui pro ómnium salúte venísti,

duc ad baptísmi grátiam omnes nascitúros.

Natívitas tua pacem cunctis áfferat.

Qui, caro factus, humánam substántiam morte corrúptam restaurásti,

defúnctis tuam plenam restauratiónem concéde.

Natívitas tua pacem cunctis áfferat.

Die 7 ianuarii

In regionibus ubi sollemnitas Epiphaniæ Domini celebratur dominica die 8 ianuarii occurrente.

Ad Laudes matutinas

LECTIO BREVIS

{r}Is 9, 5{/r}

Párvulus natus est nobis, fílius datus est nobis; et factus est principátus super úmerum eius; et vocábitur nomen eius admirábilis Consiliárius, Deus fortis, Pater æternitátis, Princeps pacis.

Ad Benedictus, ant. Ecce de quo scriptum est: Christus natus est in Israel, et regni eius non erit finis.

PRECES

Christo, salutári Dei, quod vidérunt omnes fines terræ laudes exsolvámus et lætánter acclamémus:

Glória tibi, Christe Dómine.

Redémptor ómnium, qui véniens murum separatiónis Iudǽi et Gentílis destruxísti,

discrímina, quæ humánam dignitátem dedéceant, fac ut deleántur in mundo.

Glória tibi, Christe Dómine.

Qui per incarnatiónem et nativitátem tuam inter nos præséntiam instaurásti,

doce nos multímodam præséntiam tuam in Ecclésia et in homínibus agnóscere.

Glória tibi, Christe Dómine.

Qui Deum homínibus pleníssime revelásti,

índica nobis quómodo verbo tuo íntegra fide consentiámus et ópere.

Glória tibi, Christe Dómine.

Emmánuel, qui ómnia mirabíliter reformásti,

tríbue nobis, ut nova sint ómnia, corda, voces et ópera.

Glória tibi, Christe Dómine.

ORATIO

Omnípotens sempitérne Deus, qui per advéntum unigéniti Fílii tui nova luce radiáre dignátus es, concéde nobis, ut, sicut eum per Vírginis partum in forma nostri córporis merúimus habére partícipem, ita et in eius regno grátiæ mereámur esse consórtes.

LECTIO BREVIS

{r}Deut 4, 7{/r}

Quæ est ália nátio tam grandis, quæ hábeat deos appropinquántes sibi, sicut Dóminus Deus noster adest cunctis obsecratiónibus nostris?

LECTIO BREVIS

{r}Is 12, 5-6{/r}

Cantáte Dómino, quóniam magnífice fecit; notum sit hoc in univérsa terra. Exsúlta et lauda, quæ hábitas in Sion, quia magnus in médio tui Sanctus Israel.

LECTIO BREVIS

Cf. {r}Tob 14, 6-7a{/r}

Et omnes natiónes in tota terra converténtur et timébunt Deum vere et relínquent omnes idóla sua. Et benedícent Deo ætérno in iustítia. Omnes fílii Israel, qui liberabúntur in diébus illis, mémores Dei in veritáte, colligéntur et vénient in Ierúsalem. Et gaudébunt, qui díligunt Deum in veritáte.