NOVEMBER
Die 1 novembris
OMNIUM SANCTORUM
Sollemnitas
Ad I Vesperas
HYMNUS
Christe, redémptor ómnium,
consérva tuos fámulos,
beátæ semper Vírginis
placátus sanctis précibus.
Beáta quoque ágmina
cæléstium spirítuum,
prætérita, præséntia,
futúra mala péllite.
Vates ætérni iúdicis
apostolíque Dómini,
supplíciter expóscimus
salvári vestris précibus.
Mártyres Dei íncliti
confessorésque lúcidi,
vestris oratiónibus
nos ferte in cæléstibus.
Chori sanctárum vírginum
monachorúmque ómnium,
simul cum sanctis ómnibus
consórtes Christi fácite.
Sit Trinitáti glória,
vestrásque voces iúngite
ut illi laudes débitas
persolvámus alácriter. Amen.
PSALMODIA
Ant. 1Lux perpétua lucébit sanctis tuis, Dómine, et ætérnitas témporum, allelúia. Psalmus 113
Ant. 2 Ierúsalem, cívitas Dei, lætáberis in fíliis tuis, quóniam omnes benedicéntur et congregabúntur ad Dóminum, allelúia. Psalmus 147, 12-20
Ant. 3Cantábant sancti cánticum novum ante sedem Dei et Agni, et resonábat terra in voces illórum, allelúia. Canticum
Cf. Ap 19, 1-2. 5-7LECTIO BREVIS
{r}Hebr 12, 22-24{/r}
Accessístis ad Sion montem et civitátem Dei vivéntis, Ierúsalem cæléstem, et multa mília angelórum, frequéntiam et ecclésiam primogenitórum, qui conscrípti sunt in cælis, et iúdicem Deum ómnium, et spíritus iustórum, qui consummáti sunt, et testaménti novi mediatórem Iesum, et sánguinem aspersiónis, mélius loquéntem quam Abel.
RESPONSORIUM BREVE
Exsúltent iusti {*} In conspéctu Dei.
Exsúltent iusti {*} In conspéctu Dei.
Et delecténtur in lætítia. {*}
In conspéctu Dei.
Glória Patri, et Fílio, et Spirítui Sancto.
Exsúltent iusti {*} In conspéctu Dei.
Ad Magnificat, ant. Te gloriósus Apostolórum chorus, te prophetárum laudábilis númerus, te mártyrum candidátus laudat exércitus, te omnes sancti et elécti voce confiténtur unánimes, beáta Trínitas, unus Deus.
PRECES
Deum, corónam sanctórum ómnium, gaudénter deprecémur:
Per intercessiónem sanctórum salva nos, Dómine.
Deus sapientíssime, qui Apóstolos per Christum fundaméntum Ecclésiæ constituísti,
serva fidéles tuos in eórum doctrína.
Per intercessiónem sanctórum salva nos, Dómine.
Qui martýribus fortitúdinem testimónii usque ad effusiónem sánguinis dedísti,
redde christiános testes fidéles Fílii tui.
Per intercessiónem sanctórum salva nos, Dómine.
Qui sanctis virgínibus donum insígne dedísti Christum vírginem imitándi,
iísdem concéde, ut virginitátem tibi consecrátam peculiáre signum cæléstium bonórum agnóscant.
Per intercessiónem sanctórum salva nos, Dómine.
Qui in sanctis ómnibus præséntiam, vultum et verbum tuum maniféstas,
tríbue fidélibus ut, eos coléndo, tibi propinquióres se esse séntiant.
Per intercessiónem sanctórum salva nos, Dómine.
Defúnctis concéde, ut cum beáta María Vírgine, beáto Ioseph et ómnibus sanctis perénniter hábitent,
atque per intercessiónem eórum idem cæléste consórtium nobis largíre.
Per intercessiónem sanctórum salva nos, Dómine.
Pater noster.Oratio
Omnípotens sempitérne Deus, qui nos ómnium sanctórum tuórum mérita sub una tribuísti celebritáte venerári, quǽsumus, ut desiderátam nobis tuæ propitiatiónis abundántiam, multiplicátis intercessóribus, largiáris.
Ad Invitatorium
Ant. Deum, qui glorificátur in concílio sanctórum, veníte, adorémus.
Ad Laudes matutinas
HYMNUS
Iesu, salvátor sǽculi,
redémptis ope súbveni,
et, pia Dei génetrix,
salútem posce míseris.
Cœtus omnes angélici,
patriarchárum cúnei
ac prophetárum mérita
nobis precéntur véniam.
Baptísta tui prǽvius
et cláviger æthéreus
cum céteris apóstolis
nos solvant nexu críminis.
Chorus sacrátus mártyrum,
sacerdótum conféssio
et virginális cástitas
nos a peccátis ábluant.
Monachórum suffrágia
omnésque cives cǽlici
ánnuant votis súpplicum
et vitæ poscant prǽmium.
Sit, Christe, tibi glória
cum Patre et Sancto Spíritu,
quorum luce mirífica
sancti congáudent pérpetim. Amen.
Ant. 1In cæléstibus regnis sanctórum habitátio est, et in ætérnum réquies eórum, allelúia.
Psalmi et canticum de dominica hebd. I.
Ant. 2Sancti Dómini, Dóminum benedícite in ætérnum.
Ant. 3Hymnus ómnibus sanctis eius, fíliis Israel, pópulo appropinquánti sibi; glória hæc est ómnibus sanctis eius.
LECTIO BREVIS
{r}Eph 1, 17-18{/r}
Deus Dómini nostri Iesu Christi, Pater glóriæ det vobis Spíritum sapiéntiæ et revelatiónis in agnitióne eius, illuminátos óculos cordis vestri, ut sciátis quæ sit spes vocatiónis eius, quæ divítiæ glóriæ hereditátis eius in sanctis.
RESPONSORIUM BREVE
Lætámini in Dómino, {*} Et exsultáte, iusti.
Lætámini in Dómino, {*} Et exsultáte, iusti.
Et gloriámini, omnes recti corde. {*}
Et exsultáte, iusti.
Glória Patri, et Fílio, et Spirítui Sancto.
Lætámini in Dómino, {*} Et exsultáte, iusti.
Ad Benedictus, ant. Iusti fulgébunt sicut sol in regno Patris eórum, allelúia.
PRECES
Deum, corónam sanctórum ómnium, gaudénter deprecémur:
Per intercessiónem sanctórum salva nos, Dómine.
Deus, fons sanctitátis, qui multifórmis grátiæ tuæ mirabília in sanctis fulgére fecísti,
concéde nobis in illis magnitúdinem tuam celebráre.
Per intercessiónem sanctórum salva nos, Dómine.
Providentíssime ætérne Deus, qui perfectióres Fílii tui imágines in sanctis nobis ostendísti,
præsta, ut ad uniónem cum Christo per illos efficácius moveámur.
Per intercessiónem sanctórum salva nos, Dómine.
Rex cælórum, qui per fidéles Christi sectatóres ad futúram civitátem nos íncitas,
fac ut ab illis de tutióre via illuc perveniéndi edoceámur.
Per intercessiónem sanctórum salva nos, Dómine.
Deus, qui in sacrifício córporis Fílii tui árctius cæléstibus íncolis nos coniúngis,
auge devotiónem nostram, ut cúltui eórum perféctius conformémur.
Per intercessiónem sanctórum salva nos, Dómine.
Ad II Vesperas
HYMNUS Christe, redémptor, ut ad I Vesperas
PSALMODIA
Ant. 1Vidi turbam magnam quam dinumeráre nemo póterat, ex ómnibus géntibus, stantes ante thronum. Psalmus 110, 1-5. 7
Ant. 2Deus tentávit illos et invénit eos dignos se; ídeo accípient regnum decóris de manu Dómini. Psalmus 116, 10-19
Ant. 3Redemísti nos, Dómine Deus, in sánguine tuo ex omni tribu et lingua et pópulo et natióne, et fecísti nos Deo nostro regnum. Canticum
Ap 4, 11; 5, 9. 10. 12LECTIO BREVIS
{r}2 Cor 6, 16b; 7, 1{/r}
Vos enim estis templum Dei vivi; sicut dicit Deus: Inhabitábo in illis et inambulábo et ero illórum Deus, et ipsi erunt mihi pópulus. Has ígitur habéntes promissiónes, caríssimi, mundémus nos ab omni inquinaménto carnis et spíritus, perficiéntes sanctificatiónem in timóre Dei.
RESPONSORIUM BREVE
Sancti et iusti, {*} In Dómino gaudéte.
Sancti et iusti, {*} In Dómino gaudéte.
Vos elégit Deus in hereditátem sibi. {*}
In Dómino gaudéte.
Glória Patri, et Fílio, et Spirítui Sancto.
Sancti et iusti, {*} In Dómino gaudéte.
Ad Magnificat, ant. O quam gloriósum est regnum, in quo cum Christo gaudent omnes sancti; amícti stolis albis sequúntur Agnum quocúmque íerit.
Ad Horam mediamPSALMODIA
Ant. 1 Consolábitur Dóminus Sion; gáudium et lætítia inveniétur in ea, gratiárum áctio et vox laudis.
Ant. 2 Sapiéntiam sanctórum narrant pópuli, et laudem eórum pronúntiat omnis Ecclésia.
Ant. 3 Sancti per fidem vicérunt regna, operáti sunt iustítiam, adépti sunt promissiónes.
Ad TertiamLECTIO BREVIS
{r}Is 65, 18-19{/r}
Gaudébunt et exsultábunt usque in sempitérnum in his, quæ ego creo, quia ecce ego creo Ierúsalem exsultatiónem et pópulum eius gáudium. Et exsultábo in Ierúsalem et gaudébo in pópulo meo, et non audiétur in ea ultra vox fletus et vox clamóris.
Gaudéte et exsultáte, omnes sancti.
Quóniam merces vestra copiósa est in cælis.
Ad SextamLECTIO BREVIS
{r}1 Petr 1, 15-16{/r}
Secúndum eum, qui vocávit vos, sanctum, et ipsi sancti in omni conversatióne sitis, quóniam scriptum est: Sancti éritis, quia ego sanctus sum.
Lætámini, iusti, in Dómino.
Et confitémini memóriæ sanctitátis eius.
Ad NonamLECTIO BREVIS
{r}Ap 21, 10-11a; 22, 3b-4{/r}
Angelus sústulit me in spíritu super montem magnum et altum et osténdit mihi civitátem sanctam Ierúsalem descendéntem de cælo a Deo, habéntem claritátem Dei. Et thronus Dei et Agni in illa erit; et servi eius sérvient illi et vidébunt fáciem eius, et nomen eius in fróntibus eórum.
Iusti confitebúntur nómini tuo, Dómine.
Et habitábunt recti in conspéctu tuo.
Die 2 novembris
IN COMMEMORATIONE OMNIUM FIDELIUM DEFUNCTORUM
Ut in Officio defunctorum, præter sequentia:
Oratio
Preces nostras, quǽsumus, Dómine, benígnus exáudi, ut, dum attóllitur nostra fides in Fílio tuo a mórtuis suscitáto, in famulórum tuórum præstolánda resurrectióne spes quoque nostra firmétur.
Die 3 novembris
S. MARTINI DE PORRES, RELIGIOSI
De Communi sanctorum virorum: pro religiosis, præter sequentia:
Ad Laudes matutinas
Ad Benedictus, ant. Benedíctus Dóminus, quia redemptiónem ómnium géntium fecit, et omnes de ténebris vocávit in admirábile lumen suum.
Oratio
Deus, qui beátum Martínum per humilitátis iter ad cæléstem glóriam perduxísti, tríbue nobis eius ita nunc pérsequi exémpla præclára, ut exaltári cum ipso mereámur in cælis.
Ad Vesperas
Ad Magnificat, ant. Magnificémus Dóminum, qui húmilem servum suum Martínum cæléstibus donis exaltávit.
Die 4 novembris
S. CAROLI BORROMEO, EPISCOPI
Memoria
De Communi pastorum: pro episcopis.
Oratio
Custódi, quǽsumus, Dómine, in pópulo tuo spíritum, quo beátum Cárolum epíscopum implevísti, ut Ecclésia indesinénter renovétur, et, Christi se imágini confórmans, ipsíus vultum mundo váleat osténdere.
Die 9 novembris
IN DEDICATIONE BASILICÆ LATERANENSIS
Festum
De Communi dedicationis ecclesiæ.
Die 10 novembris
S. LEONIS MAGNI, PAPÆ ET ECCLESIÆ DOCTORIS
Memoria
De Communi pastorum: pro papis, vel doctorum Ecclesiæ, præter sequentia:
Ad Laudes matutinas
Ad Benedictus, ant. Beátus Petrus in accépta fortitúdine petræ persevérans, suscépta Ecclésiæ gubernácula non relíquit.
Oratio
Deus, qui advérsus Ecclésiam tuam, in apostólicæ petræ soliditáte fundátam, portas ínferi numquam prævalére permíttis, da ei, quǽsumus, ut, intercedénte beáto Leóne papa, in tua veritáte consístens, pace contínua muniátur.
Ad Vesperas
Ad Magnificat, ant. Cotídie Petrus dicit in univérsa Ecclésia: Tu es Christus, Fílius Dei vivi.
Die 11 novembris
S. MARTINI, EPISCOPI
Memoria
De Communi pastorum: pro episcopis.
Ad Invitatorium
Ant. Laudémus Deum nostrum, in confessióne beáti Martíni.
Ad Laudes matutinas
HYMNUS
Martíne, par apóstolis,
festum coléntes tu fove;
qui vívere discípulis
aut mori vis, nos réspice.
Fac nunc quod olim gésseras,
nunc prǽsules clarífica,
auge decus Ecclésiæ,
fraudes relíde Sátanæ.
Qui ter chaos evísceras,
mersos reátu súscita;
divíseras ut chlámydem,
nos índue iustítiam.
Ut speciális glóriæ
quondam tuæ memíneris,
pontíficum nunc órdini
pio favóre súbveni.
Sit Trinitáti glória,
Martínus ut conféssus est,
eius fidem qui iúgiter
in nos per actus ínserat. Amen.
Ant. 1Sacérdos Dei, Martíne, apérti sunt tibi cæli et regnum Patris mei.
Psalmi et canticum de dominica hebd. I.
Ant. 2Oculis ac mánibus in cælum semper inténtis, invíctum ab oratióne spíritum non relaxábat, allelúia.
Ant. 3Martínus Abrahæ sinu lætus excípitur, Martínus pauper et módicus cælum dives ingréditur, allelúia.
LECTIO BREVIS
{r}Hebr 13, 7-8{/r}
Mementóte præpositórum vestrórum, qui vobis locúti sunt verbum Dei, quorum intuéntes éxitum conversatiónis imitámini fidem. Iesus Christus heri et hódie idem, et in sǽcula!
RESPONSORIUM BREVE
Super te, Ierúsalem, {*} Constítui custódes.
Super te, Ierúsalem, {*} Constítui custódes.
Die ac nocte non tacébunt prædicáre nomen Dómini. {*}
Constítui custódes.
Glória Patri, et Fílio, et Spirítui Sancto.
Super te, Ierúsalem, {*} Constítui custódes.
Ad Benedictus, ant. O beátum virum, cuius ánima paradísum póssidet! Unde exsúltant ángeli, lætántur archángeli, chorus sanctórum proclámat, turba vírginum invítat: Mane nobíscum in ætérnum.
Oratio
Deus, qui in beáto Martíno epíscopo sive per vitam sive per mortem magnificátus es, ínnova grátiæ tuæ mirabília in córdibus nostris, ut neque mors neque vita separáre nos possit a caritáte tua.
Ad Vesperas
HYMNUS
Iste conféssor Dómini sacrátus,
festa plebs cuius célebrat per orbem,
hódie lætus méruit secréta
scándere cæli.
Qui pius, prudens, húmilis, pudícus,
sóbrius, castus fuit et quiétus,
vita dum præsens vegetávit eius
córporis artus.
Ad sacrum cuius túmulum frequénter
membra languéntum modo sanitáti,
quólibet morbo fúerint graváti,
restituúntur.
Unde nunc noster chorus in honórem
ipsíus, hymnum canit hunc libénter,
ut piis eius méritis iuvémur
omne per ævum.
Sit salus illi, decus atque virtus,
qui supra cæli résidens cacúmen,
totíus mundi máchinam gubérnat
trinus et unus. Amen.
Ant. 1O virum ineffábilem, nec labóre victum nec morte vincéndum, qui nec mori tímuit nec vívere recusávit!
Psalmi et canticum de Communi pastorum
Ant. 2Dómine, si adhuc pópulo tuo sum necessárius, non recúso labórem; fiat volúntas tua.
Ant. 3Martínus epíscopus migrávit a sǽculo; vivit in Christo gemma sacerdótum.
LECTIO BREVIS
{r}1 Petr 5, 1-4{/r}
Senióres, qui in vobis sunt, óbsecro, consénior et testis Christi passiónum, qui et eius, quæ in futúro revelánda est, glóriæ communicátor: Páscite, qui est in vobis, gregem Dei, providéntes non coácto sed spontánee secúndum Deum, neque turpis lucri grátia sed voluntárie, neque ut dominántes in cleris sed formæ facti gregis. Et cum apparúerit Princeps pastórum, percipiétis immarcescíbilem glóriæ corónam.
RESPONSORIUM BREVE
Hic est fratrum amátor, {*} Qui multum orat pro pópulo.
Hic est fratrum amátor, {*} Qui multum orat pro pópulo.
Et ánimam suam trádidit pro frátribus suis. {*}
Qui multum orat pro pópulo.
Glória Patri, et Fílio, et Spirítui Sancto.
Hic est fratrum amátor, {*} Qui multum orat pro pópulo.
Ad Magnificat, ant. O beátum pontíficem, qui totis viscéribus diligébat Christum regem et non formidábat impérii principátum! O sanctíssima ánima, quam etsi gládius persecutóris non ábstulit, palmam tamen martýrii non amísit!
Die 12 novembris
S. IOSAPHAT, EPISCOPI ET MARTYRIS
Memoria
De Communi martyris, vel pastorum: pro episcopis.
Oratio
Excita, quǽsumus, Dómine, in Ecclésia tua Spíritum, quo replétus beátus Iósaphat ánimam suam pro óvibus pósuit, ut, eo intercedénte, nos quoque eódem Spíritu roboráti, ánimam nostram pro frátribus pónere non vereámur.
Die 15 novembris
S. ALBERTI MAGNI, EPISCOPI ET ECCLESIÆ DOCTORIS
De Communi pastorum: pro episcopis, vel doctorum Ecclesiæ, præter sequentia:
Oratio
Deus, qui beátum Albértum epíscopum in humána sapiéntia cum divína fide componénda magnum effecísti, da nobis, quǽsumus, ita eius magistérii inhærére doctrínis, ut per scientiárum progréssus ad profundiórem tui cognitiónem et amórem perveniámus.
Die 16 novembris
S. MARGARITÆ SCOTIÆ
De Communi sanctarum mulierum: pro iis qui opera misericordiæ exercuerunt.
Oratio
Deus, qui beátam Margarítam exímia in páuperes caritáte mirábilem effecísti, da ut, eius intercessióne et exémplo, imáginem bonitátis tuæ inter hómines referámus.
Eodem die 16 novembris
S. GERTRUDIS, VIRGINIS
De Communi virginum, vel sanctarum mulierum: pro religiosis.
Oratio
Deus, qui iucúndam tibi mansiónem in corde beátæ Gertrúdis vírginis præparásti, ipsíus intercessióne, cordis nostri ténebras cleménter illústra, ut te in nobis præséntem et operántem lætánter experiámur.
Die 17 novembris
S. ELISABETH HUNGARIÆ
Memoria
De Communi sanctarum mulierum: pro iis qui opera misericordiæ exercuerunt.
Oratio
Deus, qui beátæ Elísabeth tribuísti in paupéribus Christum cognóscere ac venerári, da nobis, eius intercessióne, egénis et tribulátis iugi caritáte servíre.
Die 18 novembris
IN DEDICATIONE BASILICARUM SS. PETRI ET PAULI, APOSTOLORUM
De Communi Apostolorum, præter sequentia:
Ad Laudes matutinas
HYMNUS
Iam, bone pastor, Petre, clemens áccipe
vota precántum, et peccáti víncula
resólve, tibi potestáte trádita,
qua cunctis cælum verbo claudis, áperis.
Doctor egrégie, Paule, mores ínstrue
et mente polum nos transférre sátage,
donec perféctum largiátur plénius,
evacuáto quod ex parte gérimus.
Sit Trinitáti sempitérna glória,
honor, potéstas atque iubilátio,
in unitáte, cui manet impérium
ex tunc et modo per ætérna sǽcula. Amen.
Ad Benedictus, ant. Petrus apóstolus et Paulus doctor géntium, ipsi nos docuérunt legem tuam, Dómine.
Oratio
Ecclésiam tuam, Dómine, apostólicis defénde præsídiis, ut, per quos inítium divínæ cognitiónis accépit, per eos usque in finem sǽculi cápiat grátiæ cæléstis augméntum.
Ad Vesperas
HYMNUS Iam bone, ut ad Laudes matutinas.
Ad Magnificat, ant. Córpora sanctórum in pace sepúlta sunt, et vivent nómina eórum in ætérnum.
Die 21 novembris
IN PRÆSENTATIONE BEATÆ MARIÆ VIRGINIS
Memoria
De Communi Beatæ Mariæ Virginis, præter sequentia:
Ad Laudes matutinas
HYMNUS
María, virgo régia,
sponsa regis et fília,
te Dei sapiéntia
elégit ante sǽcula.
Puélla carens mácula,
Dei domus ebúrnea,
te dedicávit cǽlitus
missus ab eo Spíritus.
Caritátis signáculum,
totíus boni spéculum,
auróra veri lúminis,
arca divíni séminis,
In domo summi príncipis
tu áffluis delíciis;
virga Iesse florígera,
repléris Dei grátia.
O margaríta cándida
et stella mundi spléndida,
fac puris esse móribus
nos vera templa Spíritus.
Sit Trinitáti glória,
o Virgo nobilíssima,
quæ te suórum múnerum
thesáurum dat magníficum. Amen.
Ad Benedictus, ant. Beáta es, María, quæ credidísti: perficiéntur in te quæ dicta sunt tibi a Dómino, allelúia.
Oratio
Sanctíssimæ venerántibus Vírginis Maríæ memóriam gloriósam, ipsíus nobis, quǽsumus, Dómine, intercessióne concéde, ut de plenitúdine grátiæ tuæ nos quoque mereámur accípere.
Ad Vesperas
Ad Magnificat, ant. Beáta Dei Génetrix, María, Virgo perpétua, templum Dómini, sacrárium Spíritus Sancti, sola sine exémplo placuísti Dómino nostro Iesu Christo.
Die 22 novembris
S. CÆCILIÆ, VIRGINIS ET MARTYRIS
Memoria
De Communi martyris, vel virginum, præter sequentia:
Ad Laudes matutinas
Ad Benedictus, ant. Dum auróra finem daret, Cæcília exclamávit dicens: Eia, mílites Christi, abícite ópera tenebrárum et induímini arma lucis.
Oratio
Supplicatiónibus nostris, Dómine, adésto propítius et, beátæ Cæcíliæ intercessióne, preces nostras dignánter exáudi.
Ad Vesperas
Ad Magnificat, ant. Virgo Cæcília semper Evangélium Christi gerébat in péctore suo; non diébus neque nóctibus a collóquiis divínis et oratióne cessábat.
Die 23 novembris
S. CLEMENTIS I, PAPÆ ET MARTYRIS
De Communi martyris, vel pastorum: pro papis.
Oratio
Omnípotens sempitérne Deus, qui in ómnium sanctórum tuórum es virtúte mirábilis, da nobis in beáti Cleméntis ánnua commemoratióne lætári, qui, Fílii tui sacérdos et martyr, quod mystério gessit, testimónio comprobávit, et quod prædicávit ore, confirmávit exémplo.
Eodem 23 novembris
S. COLUMBANI, ABBATIS
De Communi pastorum, vel sanctorum virorum: Pro religiosis.
Oratio
Deus, qui in beáto Columbáno evangelizándi munus et monásticæ vitæ stúdium mirabíliter coniunxísti, præsta, quǽsumus, ut, eius intercessióne et exémplo, te super ómnia quǽrere et credéntium pópulum augére studeámus.
Die 24 novembris
SS. ANDREÆ DUNG-LAC, PRESBYTERI, ET SOCIORUM, MARTYRUM
Memoria
De Communi plurimorum martyrum.
Oratio
Deus, omnis paternitátis fons et orígo, qui beátos mártyres Andréam et sócios eius Cruci Fílii tui usque ad sánguinis effusiónem fidéles effecísti, eórum intercessióne concéde, ut amórem tuum inter fratres propagántes fílii tui nominári et esse valeámus.
Die 25 novembris
S. CATHARINÆ ALEXANDRINÆ, VIRGINIS ET MARTYRIS
De Communi unius martyris, vel virginum, præter sequentia:
Oratio
Omnípotens sempitérne Deus, qui pópulo tuo beátam Catharínam vírginem et invíctam mártyrem præstitísti, concéde, ut, eius intercessióne, fide et constántia roborémur et pro Ecclésiæ unitáte óperam tribuámus impénse.
Die 30 novembris
S. ANDREÆ, APOSTOLI
Festum
De Communi Apostolorum, præter sequentia:
Ad Laudes matutinas
HYMNUS
Captátor olim píscium,
iam nunc piscátor hóminum,
tuis, Andréa, rétibus
mundi nos rape flúctibus.
Germánus Petri córpore
nec mortis dispar órdine;
quos una caro génuit,
crux cælo fratres édidit.
O germen venerábile,
o par coróna glóriæ!
Ecclésiæ patres pii
crucis sunt æque fílii.
Ad Iesum fratri prǽvius
indéxque vitæ strénuus,
et nobis esto míseris
beáti dux itíneris.
Fratris comes egrégius,
Ecclésias impénsius
da caritát{i}e{/i} exércitas
pastóri Petro súbditas.
Vir Christo dilectíssime,
amóre fac nos cúrrere,
ut læt{i}i{/i} adépti pátriam
Deo canámus glóriam. Amen.
Ant. 1Unus ex duóbus, qui secúti sunt Dóminum, erat Andréas, frater Simónis Petri.
Psalmi et canticum de dominica hebd. I.
Ant. 2Diléxit Dóminus Andréam in odórem suavitátis.
Ant. 3Dixit Andréas Simóni fratri suo: Invénimus Messíam; et addúxit eum ad Iesum.
Ad Benedictus, ant. Salve, crux pretiósa, súscipe discípulum eius, qui pepéndit in te, magíster meus Christus.
Oratio
Maiestátem tuam, Dómine, supplíciter exorámus, ut, sicut Ecclésiæ tuæ beátus Andréas apóstolus éxstitit prædicátor et rector, ita apud te sit pro nobis perpétuus intercéssor.
Ad Vesperas
HYMNUS Exsúltet, de Communi Apostolorum.
Ant. 1Vidit Dóminus Petrum et Andréam, et vocávit eos.
Psalmi et canticum de Communi Apostolorum.
Ant. 2Veníte post me, dicit Dóminus: fáciam vos fíeri piscatóres hóminum.
Ant. 3Relíctis rétibus suis, secúti sunt Dóminum redemptórem.
Ad Magnificat, ant. Andréas, Christi fámulus, dignus Dei apóstolus, germánus Petri et in passióne sócius.
Oratio, ut ad Laudes matutinas.