COMMUNE MARTYRUM: PRO UNO MARTYRE

Ad Officium lectionis

HYMNUS

Pro martyre virgine:

Ant. 1Eritis ódio ómnibus propter nomen meum; qui autem perseveráverit usque in finem, hic salvus erit, allelúia.

Ant. 2Non sunt condígnæ passiónes huius témporis ad futúram glóriam, quæ revelábitur in nobis, allelúia.

Ant. 3Tamquam aurum in fornáce probávit eléctos Dóminus, et quasi holocáusta accépit eos in ætérnum, allelúia.

Tribulátio et angústia invenérunt me, allelúia.

Mandáta tua meditátio mea est, allelúia.

De Epístola secúnda beáti Pauli apóstoli ad Corínthios

{r:2Cor}4, 7 – 5, 8{/r}

In tribulationibus virtus Christi manifestatur

Fratres: {v}4,7{/v}Habémus thesáurum istum in vasis fictílibus, ut sublímitas sit virtútis Dei, et non ex nobis. {v}8{/v}In ómnibus tribulatiónem pátimur, sed non angustiámur; aporiámur, sed non destitúimur; {v}9{/v}persecutiónem pátimur, sed non derelínquimur; deícimur, sed non perímus; {v}10{/v}semper mortificatiónem Iesu in córpore circumferéntes, ut et vita Iesu in córpore nostro manifestétur. {v}11{/v}Semper enim nos, qui vívimus, in mortem trádimur propter Iesum, ut et vita Iesu manifestétur in carne nostra mortáli. {v}12{/v}Ergo mors in nobis operátur, vita autem in vobis.

{v}13{/v}Habéntes autem eúndem spíritum fídei, sicut scriptum est: «Crédidi, propter quod locútus sum», et nos crédimus, propter quod et lóquimur, {v}14{/v}sciéntes quóniam, qui suscitávit Dóminum Iesum, et nos cum Iesu suscitábit et constítuet vobíscum. {v}15{/v}Omnia enim propter vos, ut grátia abúndans per multos gratiárum actiónem abundáre fáciat in glóriam Dei. {v}16{/v}Propter quod non defícimus, sed licet is, qui foris est, noster homo corrúmpitur, tamen is, qui intus est, noster renovátur de die in diem. {v}17{/v}Id enim, quod in præsénti est, leve tribulatiónis nostræ supra modum in sublimitátem ætérnum glóriæ pondus operátur nobis, {v}18{/v}non contemplántibus nobis, quæ vidéntur, sed quæ non vidéntur; quæ enim vidéntur, temporália sunt, quæ autem non vidéntur, ætérna sunt.

{v}5,1{/v}Scimus enim quóniam si terréstris domus nostra huius tabernáculi dissolvátur, ædificatiónem ex Deo habémus domum non manufáctam, ætérnam in cælis. {v}2{/v}Nam et in hoc ingemíscimus habitatiónem nostram, quæ de cælo est, superíndui cupiéntes, {v}3{/v}si tamen et exspoliáti, non nudi inveniámur. {v}4{/v}Nam et, qui sumus in tabernáculo, ingemíscimus graváti, eo quod nólumus exspoliári sed supervestíri, ut absorbeátur, quod mortále est, a vita. {v}5{/v}Qui autem effécit nos in hoc ipsum, Deus, qui dedit nobis arrabónem Spíritus.

{v}6{/v}Audéntes ígitur semper et sciéntes quóniam, dum præséntes sumus in córpore, peregrinámur a Dómino; {v}7{/v}per fidem enim ambulámus et non per spéciem. {v}8{/v}Audémus autem et bonam voluntátem habémus magis peregrinári a córpore et præséntes esse ad Dóminum.

RESPONSORIUM

{r}Mt 5, 11. 12a. 10{/r}

Beáti estis, cum maledíxerint vobis et persecúti vos fúerint et díxerint omne malum advérsum vos, mentiéntes propter me; gaudéte et exsultáte, {*} Quóniam merces vestra copiósa est in cælis.

Beáti qui persecutiónem patiúntur propter iustítiam, quóniam ipsórum est regnum cælórum. {*} Quóniam merces vestra copiósa est in cælis.

De libro Sirácidæ

{r:Sir}51, 1-17{/r}

Gratiarum actio Deo qui eripuit suos de tribulatione

{v}1{/v}Confitébor tibi, Dómine rex;

et collaudábo te Deum salvatórem meum.

{v}2{/v}Confitébor nómini tuo,

quóniam adiútor et protéctor factus es mihi

{v}3{/v}et liberásti corpus meum a perditióne,

a láqueo línguæ iníquæ

et a lábiis operántium mendácium,

et in conspéctu insurgéntium factus es mihi adiútor.

{v}4{/v}Et liberásti me,

secúndum magnitúdinem misericórdiæ et nóminis tui,

a láqueis præparátis ad escam,

{v}5{/v}de mánibus quæréntium ánimam meam

et de multis tribulatiónibus, quæ circumdedérunt me,

{v}6{/v}a pressúra flammæ, quæ circúmdedit me,

et de médio ignis, ubi non sum æstuátus;

{v}7{/v}de altitúdine ventris ínferi

et a lingua coinquináta et a verbo mendácii,

a iáculo línguæ iniústæ.

{v}8{/v}Appropinquávit usque ad mortem ánima mea,

{v}9{/v}et vita mea appropínquans erat in inférno deórsum.

{v}10{/v}Circumdedérunt me úndique, et non erat qui adiuváret;

respíciens eram ad adiutórium hóminum, et non erat.

{v}11{/v}Memorátus autem sum misericórdiæ tuæ, Dómine,

et operatiónis tuæ, quæ a sǽculo est,

{v}12{/v}quóniam éruis sustinéntes te, Dómine,

et líberas eos de mánibus iniquórum.

{v}13{/v}Exaltávi de terra supplicatiónem meam

et pro morte defluénte deprecátus sum.

{v}14{/v}Invocavi Dóminum: «Pater meus es tu,

ne derelínquas me in die tribulatiónis meæ

et in tempore superbórum sine adiutório.

{v}15{/v}Laudábo nomen tuum assídue

et collaudábo illud in confessióne».

Et exaudíta est orátio mea.

{v}16{/v}Et liberásti me de perditióne

et eripuísti me de témpore iníquo.

{v}17{/v}Proptérea confitébor et laudem dicam tibi

et benedícam nómini Dómini.

RESPONSORIUM

{r}Sir 51, 2{/r}; {r}Ps 30 (31), 8{/r}

Confitébor nómini tuo, Dómine, {*} Quóniam adiútor et protéctor factus es mihi.

Exsultábo et lætábor in misericórdia tua, Dómine. {*} Quóniam adiútor et protéctor factus es mihi.

De libro Apocalýpsis beáti Ioánnis apóstoli

{r:Ap}7, 9-17{/r}

Visio turbæ magnæ electorum

In diébus illis: {v}9{/v}Ego Ioánnes vidi turbam magnam, quam dinumeráre nemo póterat, ex ómnibus géntibus et tríbubus et pópulis et línguis stantes ante thronum et in conspéctu Agni, amícti stolis albis, et palmæ in mánibus eórum; {v}10{/v}et clamant voce magna dicéntes: «Salus Deo nostro, qui sedet super thronum, et Agno».

{v}11{/v}Et omnes ángeli stabant in circúitu throni et seniórum et quáttuor animálium, et cecidérunt in conspéctu throni in fácies suas et adoravérunt Deum {v}12{/v}dicéntes:

«Amen! Benedíctio et glória et sapiéntia et gratiárum áctio et honor et virtus et fortitúdo Deo nostro in sǽcula sæculórum. Amen».

{v}13{/v}Et respóndit unus de senióribus dicens mihi: «Hi qui amícti sunt stolis albis, qui sunt et unde venérunt?». {v}14{/v}Et dixi illi: «Dómine mi, tu scis». Et dixit mihi: «Hi sunt qui véniunt de tribulatióne magna et lavérunt stolas suas et dealbavérunt eas in sánguine Agni. {v}15{/v}Ideo sunt ante thronum Dei et sérviunt ei die ac nocte in templo eius et, qui sedet in throno, habitábit super illos. {v}16{/v}Non esúrient ámplius, neque sítient ámplius, neque cadet super illos sol neque ullus æstus, {v}17{/v}quóniam Agnus, qui in médio throni est, pascet illos et dedúcet eos ad vitæ fontes aquárum, et abstérget Deus omnem lácrimam ex óculis eórum».

RESPONSORIUM

{r}Ap 2, 10c. 11b{/r}; {r}Sir 4, 33{/r}

Esto fidélis usque ad mortem, et dabo tibi corónam vitæ. {*} Qui vícerit non lædétur a morte secúnda, allelúia.

Usque ad mortem agonizáre pro iustítia, et Deus expugnábit pro te inimícos tuos. {*} Qui vícerit non lædétur a morte secúnda, allelúia.

Ex Sermónibus sancti Augustíni epíscopi

(Sermo 329, In natali martyrum: PL 38, 1454-1456)

Pretiosa mors martyrum, empta pretio mortis Christi

Per tam gloriósa sanctórum mártyrum gesta, quibus ubíque floret Ecclésia, ipsi óculis nostris probámus quam verum sit quod cantávimus, quia pretiósa in conspéctu Dómini mors sanctórum eius: quando et in conspéctu nostro pretiósa est, et in conspéctu eius, pro cuius nómine facta est.

Sed prétium mórtium istárum mors est uníus. Quantas mortes emit unus móriens, qui, si non morerétur, granum fruménti non multiplicarétur? Audístis verba eius, cum appropinquáret passióni, id est, cum nostræ appropinquáret redemptióni: Nisi granum trítici cadens in terram mórtuum fúerit, ipsum solum manet: si autem mórtuum fúerit, multum fructum affert.

Egit enim in cruce grande commércium; ibi solútus est sácculus prétii nostri: quando latus eius apértum est láncea percussóris, emanávit inde prétium totíus orbis.

Empti sunt fidéles et mártyres: sed mártyrum fides probáta est; testis est sanguis. Quod illis impénsum est, reddidérunt, et implevérunt quod ait sanctus Ioánnes: Sicut Christus pro nobis ánimam suam pósuit, sic et nos debémus pro frátribus ánimas pónere.

Et álibi dícitur: Ad mensam magnam sedísti, diligénter consídera quæ apponúntur tibi, quóniam tália te opórtet præparáre. Mensa magna est, ubi épulæ sunt ipse dóminus mensæ. Nemo pascit convívas de se ipso: hoc facit Dóminus Christus; ipse invitátor, ipse cibus et potus. Agnovérunt ergo mártyres quid coméderent et bíberent, ut tália rédderent.

Sed unde tália rédderent, nisi ille daret unde rédderent, qui prior impéndit? Unde et psalmus, ubi scriptum cantávimus: Pretiósa in conspéctu Dómini mors sanctórum eius, quid nobis comméndat?

Considerávit illic homo quanta accépit a Deo; circumspéxit quanta múnera grátiæ Omnipoténtis, qui eum creávit, qui pérditum quæsívit, qui invénto véniam dedit, qui pugnántem infírmis víribus iuvit, qui se periclitánti non subtráxit, qui vincéntem coronávit, qui prǽmium se ipsum dedit: considerávit hæc ómnia, et exclamávit, et dixit: Quid retríbuam Dómino pro ómnibus quæ retríbuit mihi? Cálicem salutáris accípiam.

Quis est calix iste? Calix passiónis amárus et salúbris: calix, quem, nisi prius bíberet médicus, tángere timéret ægrótus. Ipse est calix iste: agnóscimus in ore Christi cálicem istum dicéntis: Pater, si fíeri potest, tránseat a me calix iste.

De ipso cálice dixérunt mártyres: Cálicem salutáris accípiam, et nomen Dómini invocábo. Non ergo times, ne ibi defícias? Non, inquit. Quare? Quia nomen Dómini invocábo. Quómodo víncerent mártyres, nisi ille in martýribus vínceret, qui dixit: Gaudéte, quóniam ego vici sǽculum? Imperátor cælórum regébat mentem et linguam eórum, et per eos diábolum in terra superábat, et in cælo mártyres coronábat. O beáti, qui sic bibérunt cálicem istum! finiérunt dolóres, et accepérunt honóres.

Atténdite ergo, caríssimi: quod óculis non potéstis, mente et ánimo cogitáte, et vidéte quia pretiósa in conspéctu Dómini mors sanctórum eius.

RESPONSORIUM

{r}2 Tim 4, 7-8{/r}; {r}Phil 3, 8-10{/r}

Bonum certámen certávi, cursum consummávi, fidem servávi: {*} In réliquo repósita est mihi iustítiæ coróna, allelúia.

Omnia detriméntum feci ad cognoscéndum Christum, et communiónem passiónum illíus, confórmans me morti eius. {*} In réliquo repósita est mihi iustítiæ coróna, allelúia.

Ad I Vesperas

HYMNUS, ut ad II Vesperas.

PSALMODIA

Ant. 1 Qui me conféssus fúerit coram homínibus, confitébor et ego eum coram Patre meo, allelúia.

Psalmus 117 (118), I

Ant. 2 Qui séquitur me, non ámbulat in ténebris, sed habébit lumen vitæ, dicit Dóminus, allelúia.

Psalmus 117 (118), II

Aperíte mihi portas iustítiæ * … Deus meus, et exaltábo te.

Confitémini Dómino, quóniam bonus,{x}

quóniam in sǽculum misericórdia eius.

Ant. 3 Sicut abúndant passiónes Christi in nobis, ita et per Christum abúndat consolátio nostra, allelúia.

Canticum 1 Petr 2, 21-24

LECTIO BREVIS

{r}Rom 8, 35. 37-39{/r}

Quis nos separábit a caritáte Christi? Tribulátio an angústia an persecútio an fames an núditas an perículum an gládius? Sed in his ómnibus supervíncimus per eum, qui diléxit nos. Certus sum enim quia neque mors neque vita neque ángeli neque principátus neque instántia neque futúra neque virtútes neque altitúdo neque profúndum neque ália quǽlibet creatúra póterit nos separáre a caritáte Dei, quæ est in Christo Iesu Dómino nostro.

RESPONSORIUM BREVE

Pro uno martyre:

Glória et honóre {*} Coronásti eum, Dómine.

Glória et honóre {*} Coronásti eum, Dómine.

Et constituísti eum super ópera mánuum tuárum. {*}

Coronásti eum, Dómine.

Glória Patri, et Fílio, et Spirítui Sancto.

Glória et honóre {*} Coronásti eum, Dómine.

Pro una martyre:

Elégit eam Deus, {*} Et præelégit eam.

Elégit eam Deus, {*} Et præelégit eam.

In tabernáculo suo habitáre facit eam. {*}

Et præelégit eam.

Glória Patri, et Fílio, et Spirítui Sancto.

Elégit eam Deus, {*} Et præelégit eam.

Ad Magnificat, ant. pro uno martyre: Iste sanctus pro lege Dei sui certávit usque ad mortem, et a verbis impiórum non tímuit; fundátus enim erat supra firmam petram.

Pro una martyre: Accínxit fortitúdine lumbos suos, et roborávit brácchium suum; ideóque lucérna eius non exstinguétur in sempitérnum.

Tempore paschali:

LECTIO BREVIS

{r}Ap 3, 10-12{/r}

Quóniam servásti verbum patiéntiæ meæ, et ego te servábo ab hora tentatiónis, quæ ventúra est super orbem univérsum tentáre habitántes in terra. Vénio cito; tene quod habes, ut nemo accípiat corónam tuam. Qui vícerit, fáciam illum colúmnam in templo Dei mei, et foras non egrediétur ámplius, et scribam super eum nomen Dei mei et nomen civitátis Dei mei, novæ Ierúsalem, quæ descéndit de cælo a Deo meo, et nomen meum novum.

RESPONSORIUM BREVE

Sancti et iusti, in Dómino gaudéte. {*} Allelúia, allelúia.

Sancti et iusti, in Dómino gaudéte. {*} Allelúia, allelúia.

Vos elégit Deus in hereditátem sibi. {*}

Allelúia, allelúia.

Glória Patri, et Fílio, et Spirítui Sancto.

Sancti et iusti, in Dómino gaudéte. {*} Allelúia, allelúia.

Ad Magnificat, ant. Lux perpétua lucébit sanctis tuis, Dómine, et ætérnitas témporum, allelúia.

Ad Magnificat, ant. pro martyre virgine Ecce iam séquitur Agnum pro nobis crucifíxum strénua virgo, pudóris hóstia, víctima castitátis, allelúia.

PRECES et Oratio, ut ad II Vesperas.

Ad Invitatorium

Ant. Regem mártyrum Dóminum, veníte, adorémus, allelúia.

Ad Laudes matutinas

HYMNUS

Pro martyre virgine:

Ant. 1Lábia mea laudábunt te, Dómine, quóniam mélior est misericórdia tua super vitas, allelúia.

Psalmi et canticum de dominica hebd. I.

Ant. 2 Mártyres Dómini, Dóminum benedícite in ætérnum, allelúia.

Ant. 3Qui vícerit, fáciam illum colúmnam in templo meo, dicit Dóminus, allelúia.

LECTIO BREVIS

{r}2 Cor 1, 3-5{/r}

Benedíctus Deus et Pater Dómini nostri Iesu Christi, Pater misericordiárum et Deus totíus consolatiónis, qui consolátur nos in omni tribulatióne nostra, ut possímus et ipsi consolári eos, qui in omni pressúra sunt, per exhortatiónem, qua exhortámur et ipsi a Deo; quóniam, sicut abúndant passiónes Christi in nobis, ita per Christum abúndat et consolátio nostra.

RESPONSORIUM BREVE

Fortitúdo mea {*} Et laus mea Dóminus.

Fortitúdo mea {*} Et laus mea Dóminus.

Et factus est mihi in salútem. {*}

Et laus mea Dóminus.

Glória Patri, et Fílio, et Spirítui Sancto.

Fortitúdo mea {*} Et laus mea Dóminus.

Ad Benedictus, ant. Qui odit ánimam suam in hoc mundo, in vitam ætérnam custódit eam.

Tempore paschali:

LECTIO BREVIS

{r}1 Io 5, 3-5{/r}

Hæc est cáritas Dei, ut mandáta eius servémus; et mandáta eius grávia non sunt, quóniam omne, quod natum est ex Deo, vincit mundum; et hæc est victória, quæ vicit mundum: fides nostra. Quis est qui vincit mundum, nisi qui credit quóniam Iesus est Fílius Dei?

RESPONSORIUM BREVE

Lætítia sempitérna super cápita eórum, {*} Allelúia, allelúia.

Lætítia sempitérna super cápita eórum, {*} Allelúia, allelúia.

Gáudium et exsultatiónem obtinébunt, {*}

Allelúia, allelúia.

Glória Patri, et Fílio, et Spirítui Sancto.

Lætítia sempitérna super cápita eórum, {*} Allelúia, allelúia.

Ad Benedictus, ant. Gaudéte et exsultáte, omnes sancti, quóniam merces vestra copiósa est in cælis, allelúia.

Ad Benedictus, ant. pro martyre virgine Beáta virgo, quæ, ábnegans semetípsam et tollens crucem suam, Dóminum æmuláta est, vírginum sponsum martyrúmque príncipem, allelúia.

PRECES

Fratres, Salvatórem nostrum, testem fidélem, per mártyres interféctos propter verbum Dei, celebrémus, clamántes:

Redemísti nos Deo in sánguine tuo.

Per mártyres tuos, qui líbere mortem in testimónium fídei sunt ampléxi,

da nobis, Dómine, veram spíritus libertátem.

Redemísti nos Deo in sánguine tuo.

Per mártyres tuos, qui fidem usque ad sánguinem sunt conféssi,

da nobis, Dómine, puritátem fideíque constántiam.

Redemísti nos Deo in sánguine tuo.

Per mártyres tuos, qui, sustinéntes crucem, tua vestígia sunt secúti,

da nobis, Dómine, ærúmnas vitæ fórtiter sustinére.

Redemísti nos Deo in sánguine tuo.

Per mártyres tuos, qui stolas suas lavérunt in sánguine Agni,

da nobis, Dómine, omnes insídias carnis mundíque devíncere.

Redemísti nos Deo in sánguine tuo.

ORATIO

Oratio propria; qua deficiente, dicitur ut infra:

Omnípotens et miséricors Deus, qui mártyrem tuum N. passiónis suæ torménta superáre fecísti, concéde, ut, qui eius triúmphi diem celebrámus, insuperábiles tua protectióne ab hostis insídiis maneámus.

Vel:

Omnípotens sempitérne Deus, qui beáto N. usque ad mortem pro iustítia certáre tribuísti, fac nos, eius intercessióne, pro amóre tuo ómnia advérsa toleráre et ad te, qui solus es vita, tota virtúte properáre.

Tempore paschali:

Deus, qui ad illustrándam Ecclésiam tuam beátum N. martýrii victória decoráre dignátus es, concéde propítius ut, sicut ipse domínicæ passiónis imitátor fuit, ita nos, per eius vestígia gradiéntes, ad gáudia sempitérna perveníre mereámur.

Vel:

Magnificántes, Dómine, poténtiam tuam, súpplices exorámus, ut, sicut beátus N. domínicæ fuit passiónis imitátor, ita sit fragilitátis nostræ promptus adiútor.

Pro martyre virgine:

Deus, qui nos hódie beátæ N. ánnua commemoratióne lætíficas, concéde propítius, ut eius adiuvémur méritis, cuius castitátis et fortitúdinis irradiámur exémplis.

Pro sancta muliere:

Deus, cuius múnere virtus in infirmitáte perfícitur, da ómnibus beátæ N. glóriam recoléntibus, ut quæ abs te sumpsit robur ut vínceret, abs te quoque vincéndi nobis grátiam semper obtíneat.

Ad II Vesperas

HYMNUS

Pro martyre virgine:

PSALMODIA

Ant. 1Qui vult veníre post me, ábneget semetípsum, et tollat crucem suam et sequátur me, allelúia.

Psalmus 114 (116 A)

Ant. 2Si quis mihi ministráverit, honorificábit eum Pater meus, qui est in cælis, allelúia.

Psalmus 115 (116 B)

Ant. 3Qui perdíderit ánimam suam propter me, invéniet eam in ætérnum, allelúia.

Canticum Ap 4, 11; 5, 9. 10. 12

LECTIO BREVIS

{r}1 Petr 4, 13-14{/r}

Caríssimi, quemádmodum communicátis Christi passiónibus, gaudéte, ut et in revelatióne glóriæ eius gaudeátis exsultántes. Si exprobrámini in nómine Christi, beáti, quóniam Spíritus glóriæ et Dei super vos requiéscit.

RESPONSORIUM BREVE

Probásti nos, Deus, {*} Et eduxísti nos in refrigérium.

Probásti nos, Deus, {*} Et eduxísti nos in refrigérium.

Igne nos examinásti, sicut examinátur argéntum. {*}

Et eduxísti nos in refrigérium.

Glória Patri, et Fílio, et Spirítui Sancto.

Probásti nos, Deus, {*} Et eduxísti nos in refrigérium.

Ad Magnificat, ant. In cæléstibus regnis sanctórum habitátio est, et in ætérnum réquies eórum.

Tempore paschali:

LECTIO BREVIS

{r}Ap 7, 14b-17{/r}

Hi sunt qui véniunt de tribulatióne magna et lavérunt stolas suas et dealbavérunt eas in sánguine Agni. Ideo sunt ante thronum Dei et sérviunt ei die ac nocte in templo eius et, qui sedet in throno, habitábit super illos. Non esúrient ámplius, neque sítient ámplius, neque cadet super illos sol neque ullus æstus, quóniam Agnus, qui in médio throni est, pascet illos et dedúcet eos ad vitæ fontes aquárum, et abstérget Deus omnem lácrimam ex óculis eórum.

RESPONSORIUM BREVE

Fulgébunt iusti, sicut sol in conspéctu Dei, {*} Allelúia, allelúia.

Fulgébunt iusti, sicut sol in conspéctu Dei, {*} Allelúia, allelúia.

Et lætabúntur omnes recti corde, {*}

Allelúia, allelúia.

Glória Patri, et Fílio, et Spirítui Sancto.

Fulgébunt iusti, sicut sol in conspéctu Dei, {*} Allelúia, allelúia.

Ad Magnificat, ant. Nisi granum fruménti cadens in terram mórtuum fúerit, ipsum solum manet; si autem mórtuum fúerit, multum fructum affert, allelúia.

Ad Magnificat, ant. pro martyre virgine: In una hóstia dúplicem celebrámus corónam, pudóris et religiónis. Et virgo permánsit, et martýrium obtínuit, allelúia.

PRECES

Hac hora, qua Rex mártyrum vitam suam in cena óbtulit et in cruce depósuit, grátias agámus illi, dicéntes:

Te, Dómine, celebrámus.

Te, Dómine, celebrámus, quia in finem dilexísti nos, salvátor noster, omnis martýrii fons et exémplum:

Te, Dómine, celebrámus.

Quia omnes peccatóres pæniténtes in prǽmium vitæ vocásti:

Te, Dómine, celebrámus.

Quia sánguinem novi et ætérni testaménti, in remissiónem peccatórum effúsum, hódie obtúlimus:

Te, Dómine, celebrámus.

Quia hac die per grátiam tuam in fide perseverávimus:

Te, Dómine, celebrámus.

Quia tuæ morti multos fratres hódie sociásti:

Te, Dómine, celebrámus.

AD HORAM MEDIAM

PSALMODIA

Ant. ad Tertiam Certámen forte dedit illi Dóminus, ut víncere sciret, quóniam ómnium poténtior est sapiéntia, allelúia.

Ant. ad Sextam Coronávit eum (eam) Dóminus coróna iustítiæ, et dedit illi nomen sanctum glóriæ, allelúia.

Ant. ad Nonam Eúntes ibant et flebant, mitténtes sémina sua, allelúia.

LECTIO BREVIS

{r}1 Petr 5, 10-11{/r}

Deus omnis grátiæ, qui vocávit vos in ætérnam suam glóriam in Christo Iesu, módicum passos ipse perfíciet, confirmábit, solidábit, fundábit. Ipsi impérium in sǽcula sæculórum. Amen.

{r}Ap 2, 10{/r}

Nihil horum tímeas, quæ passúrus es. Ecce missúrus est Diábolus ex vobis in cárcerem, ut tentémini, et habébitis tribulatiónem diébus decem. Esto fidélis usque ad mortem, et dabo tibi corónam vitæ.

LECTIO BREVIS

{r}Iac 1, 12{/r}

Beátus vir, qui suffert tentatiónem, quia, cum probátus fúerit, accípiet corónam vitæ, quam repromísit Deus diligéntibus se.

{r}Ap 3, 21{/r}

Qui vícerit, dabo ei sedére mecum in throno meo, sicut et ego vici et sedi cum Patre meo in throno eius.

LECTIO BREVIS

{r}Sap 3, 1-2a. 3b{/r}

Iustórum ánimæ in manu Dei sunt, et non tanget illos torméntum mortis. Visi sunt óculis insipiéntium mori; illi autem sunt in pace.

{r}Ap 19, 7. 9{/r}

Gaudeámus et exsultémus et demus glóriam Deo, quia venérunt núptiæ Agni. Beáti, qui ad cenam nuptiárum Agni vocáti sunt!

Stola iucunditátis índuit eum (eam) Dóminus, allelúia.

Et corónam pulchritúdinis pósuit super caput eius, allelúia.

In Deo sperávi, allelúia.

Non timébo quid fáciat mihi homo, allelúia.

Veniéntes vénient cum exsultatióne, allelúia.

Portántes manípulos suos, allelúia.