Dominica XXXIV per annum
DOMINI NOSTRI IESU CHRISTI UNIVERSORUM REGIS
Sollemnitas
Ad Officium lectionis
HYMNUS
Iesu, rex admirábilis,
et triumphátor nóbilis,
dulcédo ineffábilis,
totus desiderábilis:
Rex virtútum, rex glóriæ,
rex insígnis victóriæ,
Iesu, largítor grátiæ,
honor cæléstis cúriæ:
Te cæli chorus prǽdicat
et tuas laudes réplicat.
Iesus orbem lætíficat
et nos Deo pacíficat.
Iesus in pace ímperat,
quæ omnem sensum súperat,
hanc semper mens desíderat
et illo frui próperat.
Iam prosequámur láudibus
Iesum, hymnis et précibus,
ut nos donet cæléstibus
cum ipso frui sédibus.
Iesu, flos matris vírginis,
amor nostræ dulcédinis,
laus tibi sine términis,
regnum beatitúdinis. Amen.
PSALMODIA
Ant. 1 Ego constitútus sum rex ab eo super Sion, montem sanctum eius, prǽdicans præcéptum eius. Psalmus 2
Ant. 2 Adorábunt eum omnes reges, omnes gentes sérvient ei. Psalmus 71 (72), I
Ant. 3 Benedicéntur in ipso omnes tribus terræ, omnes gentes magnificábunt eum. Psalmus 71 (72), II
Ecce dedi te in lucem géntium.
Ut sis salus mea usque ad extrémum terræ.
Ad I Vesperas
HYMNUS
Te sæculórum príncipem,
te, Christe, regem géntium,
te méntium, te córdium
unum fatémur árbitrum.
Quem pron{i}a{/i} adórant ágmina
hymnísque laudant cǽlitum,
te nos ovántes ómnium
regem suprémum dícimus.
O Christe, princeps pácifer,
mentes rebélles súbice,
tuóqu{i}e{/i} amóre dévios
ovíl{i}e{/i} in unum cóngrega.
Ad hoc cruént{i}a{/i} ab árbore
pendes apértis brácchiis,
diráque fossum cúspide
cor igne flagrans éxhibes.
Ad hoc in aris ábderis
vini dapísqu{i}e{/i} imágine,
fundens salútem fíliis
transverberáto péctore.
Iesu, tibi sit glória,
qui cunct{i}a{/i} amóre témperas,
cum Patr{i}e{/i} et almo Spíritu
in sempitérna sǽcula. Amen.
PSALMODIA
Ant. 1 Pacíficus vocábitur, et thronus eius erit firmíssimus in perpétuum. Psalmus 112 (113)
Ant. 2 Regnum eius regnum sempitérnum est, et omnes reges sérvient ei et obœ́dient. Psalmus 116 (117)
Ant. 3 Christo datus est principátus et honor regni; omnis pópulus, tribus et linguæ sérvient ei in ætérnum. Canticum Ap 4, 11; 5, 9. 10. 12
LECTIO BREVIS
Cf. {r}Eph 1, 20-23{/r}
Deus suscitávit Christum a mórtuis et constítuit ad déxteram suam in cæléstibus supra omnem principátum et potestátem et virtútem et dominatiónem et omne nomen, quod nominátur, non solum in hoc sǽculo sed et in futúro; et ómnia subiécit sub pédibus eius, et ipsum dedit caput supra ómnia ecclésiæ, quæ est corpus ipsíus, plenitúdo eius, qui ómnia in ómnibus adimplétur.
RESPONSORIUM BREVE
Tua est magnificéntia et poténtia, {*} Tuum, Dómine, regnum.
Tua est magnificéntia et poténtia, {*} Tuum, Dómine, regnum.
Tu domináris ómnium. {*}
Tuum, Dómine, regnum.
Glória Patri, et Fílio, et Spirítui Sancto.
Tua est magnificéntia et poténtia, {*} Tuum, Dómine, regnum.
Ad Magnificat, ant. Dabit illi Dóminus Deus sedem David, patris eius; et regnábit in domo Iacob in ætérnum, et regni eius non erit finis, allelúia.
PRECES
Fratres, Christum regem, qui est ante ómnia et in quo ómnia constant, orémus clamántes:
Advéniat regnum tuum, Dómine.
Christe, rex et pastor noster, cóngrega oves tuas de cunctis terris,
et pasce eas in páscuis tuis viréntibus et ubérrimis.
Advéniat regnum tuum, Dómine.
Dux noster et salvátor, ædífica omnes in pópulum tuum; sana infírmos, requíre depérditos, fortes custódi,
longínquos révoca, dispérsos cóngrega, diffidéntes érige.
Advéniat regnum tuum, Dómine.
Iudex ætérne, cum tradíderis regnum tuum Deo Patri, pone nos a dextris tuis,
et fac ut possideámus regnum parátum nobis a constitutióne mundi.
Advéniat regnum tuum, Dómine.
Princeps pacis, díssipa arcus belli
et lóquere pacem tuam géntibus.
Advéniat regnum tuum, Dómine.
Heres ómnium géntium, cóngrega humanitátem cum ómnibus bonis eius in regnum Ecclésiæ tuæ, quod Pater dedit tibi,
ut te caput in unitáte Spíritus Sancti omnes agnóscant.
Advéniat regnum tuum, Dómine.
Christe, primogénite ex mórtuis et primítiæ dormiéntium,
admítte defúnctos in glóriam resurrectiónis tuæ.
Advéniat regnum tuum, Dómine.
ORATIO
Omnípotens sempitérne Deus, qui in dilécto Fílio tuo, universórum rege, ómnia instauráre voluísti, concéde propítius, ut tota creatúra, a servitúte liberáta, tuæ maiestáti desérviat ac te sine fine colláudet.
Ad Invitatorium
Ant. Jesum Christum, regem regum, veníte, adorémus.
Ad Laudes matutinas
HYMNUS
Ætérn{i}a{/i} imág{i}o{/i} Altíssimi,
Lumen, Deus, de Lúmine,
tibi, Redémptor, glória,
honor, potéstas régia.
Tu solus ante sǽcula
spes atque centrum témporum;
tibi voléntes súbdimur,
qui iure cunctis ímperas.
Tu flos pudícæ Vírginis,
nostræ caput propáginis,
lapis cadúcus vértice
ac mole terras óccupans.
Diro tyránno súbdita,
damnáta stirps mortálium
per te refrégit víncula
sibíque cælum víndicat.
Doctor, sacérdos, légifer,
præfers notátum sánguine
in veste «Princeps príncipum
regúmque rex altíssimus».
Patri, tibi, Paráclito
sit, Christe, perpes glória,
qui nos redémptos sánguine
ad regna cæli pértrahis. Amen.
Ant. 1 Ecce vir Oriens nomen eius; sedébit et dominábitur, et loquétur pacem géntibus.
Psalmi et canticum de dominica hebd. I.
Ant. 2 Magnificábitur usque ad términos terræ, et erit iste pax.
Ant. 3 Dedit ei Dóminus potestátem et honórem et regnum; et omnes pópuli, tribus et linguæ ipsi sérvient.
LECTIO BREVIS
{r}Eph 4, 15-16{/r}
Veritátem faciéntes in caritáte crescámus in illum per ómnia, qui est caput Christus, ex quo totum corpus compáctum et conéxum per omnem iunctúram subministratiónis secúndum operatiónem in mensúra uniuscuiúsque partis augméntum córporis facit in ædificatiónem sui in caritáte.
RESPONSORIUM BREVE
Sancti tui, Dómine, {*} Glóriam regni tui dicant.
Sancti tui, Dómine, {*} Glóriam regni tui dicant.
Et poténtiam tuam loquántur. {*}
Glóriam regni tui dicant.
Glória Patri, et Fílio, et Spirítui Sancto.
Sancti tui, Dómine, {*} Glóriam regni tui dicant.
Ad Benedictus, ant. Fecit nos Deo et Patri suo regnum, primogénitus mortuórum et princeps regum terræ, allelúia.
PRECES
Fratres, Christum regem, qui est ante ómnia et in quo ómnia constant, orémus clamántes:
Advéniat regnum tuum, Dómine.
Christe salvátor, tu qui es Dóminus Deus noster, rex et pastor noster,
duc pópulum tuum in páscua vitæ.
Advéniat regnum tuum, Dómine.
Pastor bone, qui ánimam tuam posuísti pro óvibus tuis,
rege nos, et nihil nobis déerit.
Advéniat regnum tuum, Dómine.
Redémptor noster, qui constitútus es rex super omnem terram,
fac ut ómnia in te instauréntur.
Advéniat regnum tuum, Dómine.
Rex universórum, qui venísti in mundum, ut testimónium perhíbeas veritáti,
agnóscant omnes primátum tuum in ómnibus.
Advéniat regnum tuum, Dómine.
Exémplar et magíster noster, qui in regnum tuum nos transtulísti,
tríbue ut sanctos, immaculátos et irreprehensíbiles coram te nos hódie exhibeámus.
Advéniat regnum tuum, Dómine.
Ad II Vesperas
HYMNUS Te sæculórum, ut ad I Vesperas.
PSALMODIA
Ant. 1 Super sólium David et super regnum eius sedébit in ætérnum, allelúia. Psalmus 109 (110), 1-5. 7
Ant. 2 Regnum tuum, regnum ómnium sæculórum, et dominátio tua in omnem generatiónem et generatiónem. Psalmus 144 (145), 1-13
Ant. 3 Habet in vestiménto et in fémore suo scriptum: Rex regum et Dóminus dominántium. Ipsi glória et impérium in sǽcula sæculórum. Canticum Cf. Ap 19, 1-2. 5-7
LECTIO BREVIS
{r}1 Cor 15, 25-28{/r}
Opórtet Christum regnáre, donec ponat omnes inimícos sub pédibus eius. Novíssima autem inimíca destruétur mors; ómnia enim subiécit sub pédibus eius. Cum autem dicat: «Omnia subiécta sunt», sine dúbio præter eum, qui subiécit ei ómnia. Cum autem subiécta fúerint illi ómnia, tunc ipse Fílius subiéctus erit illi, qui sibi subiécit ómnia, ut sit Deus ómnia in ómnibus.
RESPONSORIUM BREVE
Sedes tua, Deus, {*} In sǽculum sǽculi.
Sedes tua, Deus, {*} In sǽculum sǽculi.
Sceptrum æquitátis, sceptrum regni tui. {*}
In sǽculum sǽculi.
Glória Patri, et Fílio, et Spirítui Sancto.
Sedes tua, Deus, {*} In sǽculum sǽculi.
Ad Magnificat, ant. Data est mihi omnis potéstas in cælo et in terra, dicit Dóminus.
AD HORAM MEDIAMPSALMODIA
Ant. 1 Dóminus iudex noster, Dóminus légifer noster, Dóminus rex noster; ipse salvábit nos.
Ant. 2 Exíbunt aquæ vivæ de Ierúsalem, et erit Dóminus rex super omnem terram.
Ant. 3 Multiplicábitur eius impérium, et pacis non erit finis.
AD TERTIAMLECTIO BREVIS
Cf. {r}Col 1, 12-13{/r}
Grátias ágimus Patri, qui idóneos nos fecit in partem sortis sanctórum in lúmine; qui erípuit nos de potestáte tenebrárum et tránstulit in regnum Fílii dilectiónis suæ.
Sedébit Dóminus rex in ætérnum.
Dóminus benedícet pópulo suo in pace.
AD SEXTAMLECTIO BREVIS
{r}Col 1, 16b-18{/r}
Omnia per ipsum et in ipsum creáta sunt, et ipse est ante ómnia, et ómnia in ipso constant. Et ipse est caput córporis ecclésiæ; qui est princípium, primogénitus ex mórtuis, ut sit in ómnibus ipse primátum tenens.
Psállite regi nostro, psállite.
Quóniam rex omnis terræ.
AD NONAMLECTIO BREVIS
{r}Col 1, 19-20{/r}
In ipso complácuit omnem plenitúdinem habitáre et per eum reconciliáre ómnia in ipsum, pacíficans per sánguinem crucis eius, sive quæ in terris sive quæ in cælis sunt.
Iubiláte in conspéctu regis Dómini.
Quóniam venit iudicáre terram.