INTERCESSIONES BREVIORES AD VESPERAS ADHIBENDÆ
Hoc genus brevissimarum precum pro Vesperis ad libitum semper adhiberi potest, loco aliarum quæ proponuntur. Si casus fert, etiam nomina personarum adiungi possunt.Dominica
Orémus Deum, cui cura est de ómnibus, sincéra humilitáte dicéntes:
Pópuli tui miserére, Dómine.
Ecclésiam custódi.
Papam nostrum N. prótege.
Epíscopo nostro N. esto adiútor.
Pópulum tuum salva.
Pacem præsérva.
Eos qui non credunt illúmina.
Populórum rectóres gubérna.
Paupéribus súbveni.
Tribulátos consoláre.
Orphanis miserére.
Succúrre defúnctis.
Feria II
Orémus Deum, cui cura est de ómnibus, sincéra humilitáte dicéntes:
Vísita pópulum tuum, Dómine.
Ecclésiam tuam coadúna.
Papam nostrum N. consérva.
Epíscopum nostrum N. prótege.
Missionários dírige.
Sacerdótes índue iustítia.
Religiósos sanctífica.
Inimicítias exstíngue.
Púeros grátia tua nutri.
Iúvenes in sapiéntia fac profícere.
Senes susténta et consoláre.
Amícis nostris múnera largíre.
Defúnctos sanctis accénse.
Feria III
Orémus Deum, cui cura est de ómnibus, sincéra humilitáte dicéntes:
Exáudi nos, Dómine.
Recordáre Ecclésiæ tuæ.
Papam nostrum N. defénde.
Epíscopum nostrum N. ádiuva.
Civitátem nostram próspera.
Benefactóribus bona retríbue.
Cóniuges serva concórdes.
Sponsis præsta consílium.
Opus quæréntibus concéde.
Egénis esto adiútor.
Persecutiónem patiéntes defénde.
Errántes cunctos convérte.
Da ætérnam glóriam defúnctis.
Feria IV
Orémus Deum, cui cura est de ómnibus, sincéra humilitáte dicéntes:
Salvum fac pópulum tuum, Dómine.
Ecclésiam da semper iuvenéscere.
Papam nostrum N. tuis reple donis.
Epíscopo nostro N. opituláre.
Natiónes serva in pace.
In omni domo inhábita.
Congregatiónis nostræ meménto.
Iustítiam prómove.
Agrícolis fruges præsta.
Itinerántes comitáre.
Artifícibus adésto.
Víduas ádiuva.
Defúnctis vitam ætérnam concéde.
Feria V
Orémus Deum, cui cura est de ómnibus, sincéra humilitáte dicéntes:
In te, Dómine, sperámus.
Ecclésiam da semper coaléscere.
Papam nostrum N. vivífica.
Epíscopum nostrum N. illúmina.
Voca operários in messem tuam.
Propínquos nostros benedictiónibus imple.
Infírmos sana.
Agonizántes vísita.
Exsules redde patriæ.
Calamitátes a nobis próhibe.
Aerem concéde propítium.
Plúviam moderáre.
Defúnctis præsta réquiem.
Feria VI
Orémus Deum, cui cura est de ómnibus, sincéra humilitáte dicéntes:
In te, Dómine, confídimus.
Ecclésiam tuam pérfice.
Papam nostrum N. tuére.
Epíscopum nostrum N. súbleva.
Antístitum adésto collégio.
Tecto caréntibus cónsule.
Esuriéntes récrea.
Illúmina cæcos.
Senes consoláre.
Sacras vírgines confírma.
Ad fœdus novum voca Iudæos.
Legislatóribus largíre prudéntiam.
Tentátos róbora.
Lucem perpétuam dona defúnctis.
Sabbato
Orémus Deum, cui cura est de ómnibus, sincéra humilitáte dicéntes:
Succúrre pópulo tuo, Dómine.
Tua operante Ecclésia hómines congregéntur.
Papam nostrum N. sóspita.
Epíscopum nostrum N. tua benedictióne prótege.
Levítas manu tua rege.
Láicos sanctífica.
Opifícibus cónsule.
Divítibus da ópibus recte frui.
Débiles tuére.
Captívos líbera.
Terræmótus a nobis próhibe.
A subitánea morte nos serva.
In tui visiónem admítte defúnctos.