{r}Tob 13, 2-8{/r}
{r}Tob 13, 2-8. 9-11. 13-18{/r}
{v}2{/v}Benedíctus Deus vivens in ævum,{+}
et regnum illíus,{x}
quia ipse flagéllat et miserétur,
dedúcit usque ad ínferos deórsum{+}
et redúcit a perditióne maiestáte sua,{x}
et non est qui effúgiat manum eius.
{v}3{/v}Confitémini illi, fílii Israel, coram natiónibus,{+}
quia ipse dispérsit vos in illis{x}
{v}4{/v}et ibi osténdit maiestátem suam.
Et exaltáte illum coram omni vivénte,{+}
quóniam Dóminus noster, et ipse est pater noster{x}
et ipse est Deus noster in ómnia sǽcula.
{v}5{/v}Flagellábit vos ob iniquitátes vestras{x}
et ómnium miserébitur vestrum
et cólliget vos ab ómnibus natiónibus,{x}
ubicúmque dispérsi fuéritis.
{v}6{/v}Cum convérsi fuéritis ad illum{+}
in toto corde vestro et in tota ánima vestra,{x}
ut faciátis coram illo veritátem,
tunc revertétur ad vos{x}
et non abscóndet a vobis fáciem suam ámplius.
Et nunc aspícite, quæ fecit vobíscum,{x}
et confitémini illi in toto ore vestro.
Benedícite Dóminum iustítiæ{x}
et exaltáte regem sæculórum.
Ego in terra captivitátis meæ confíteor illi{x}
et osténdo virtútem et maiestátem eius genti peccatórum.
Convertímini, peccatóres,{+}
et fácite iustítiam coram illo.{x}
Quis scit, si velit vos et fáciat vobis misericórdiam?
{v}7{/v}Ego et ánima mea regi cæli lætatiónes dícimus,{x}
et ánima mea lætábitur ómnibus diébus vitæ suæ.
{v}8{/v}Benedícite Dóminum, omnes elécti,{+}
et omnes laudáte maiestátem illíus.{x}
Agite dies lætítiæ et confitémini illi.
Tob 13, 8-11. 13. 14ab. 15-16ab
{v}8{/v}Benedícite Dóminum, omnes elécti,{x}
et omnes laudáte maiestátem illíus.
Agite dies lætítiæ{x}
et confitémini illi.
{v}9{/v}Ierúsalem, cívitas sancta,{x}
flagellábit te in opéribus mánuum tuárum.
{v}10{/v}Confitére Dómino in bono ópere{x}
et bénedic regem sæculórum,
ut íterum tabernáculum tuum ædificétur in te cum gáudio{x}
et lætos fáciat in te omnes captívos
et díligat in te omnes míseros{x}
in ómnia sǽcula sæculórum.
{v}11{/v}Lux spléndida fulgébit{x}
in ómnibus fínibus terræ;
natiónes multæ vénient tibi ex longínquo{+}
et a novíssimis pártibus terræ ad nomen sanctum tuum{x}
et múnera sua in mánibus suis habéntes regi cæli.
Generatiónes generatiónum dabunt in te lætítiam,{x}
et nomen eléctæ erit in sǽcula sæculórum.
{v}13{/v}Tunc gaude et lætáre in fíliis iustórum,{+}
quóniam omnes colligéntur{x}
et benedícent Dómino ætérno.
{v}14{/v}Felíces, qui díligunt te,{x}
et felíces, qui gaudébunt in pace tua.
{full-text}[Et beáti omnes hómines,{x}
qui contristabúntur in ómnibus flagéllis tuis,
quóniam in te gaudébunt{x}
et vidébunt omne gáudium tuum in ætérnum.]
{/full-text}{v}15{/v}Anima mea, bénedic Dómino regi magno,{x}
{v}16{/v}quia in Ierúsalem civitáte ædificábitur
domus illíus{x}
in ómnia sǽcula.
Felix ero, si fúerint relíquiæ séminis mei{+}
ad vidéndam claritátem tuam{x}
et confiténdum regi cæli.
Ostia Ierúsalem sapphíro et smarágdo ædificabúntur{x}
et lápide pretióso omnes muri tui;
et turres Ierúsalem auro ædificabúntur,{x}
et propugnácula eius auro mundo.
{v}17{/v}Platéæ Ierúsalem carbúnculo sternéntur{+}
et lápide Ophir{x}
{v}18{/v}et óstia Ierúsalem cántica lætítiæ dicent, et omnes vici eius loquéntur: Allelúia.
Benedíctus Deus Israel{x}
et benedícti, qui benedícent nomen sanctum in ætérnum et adhuc!
HTML © Juraj Vidéky