{r}Os 6, 1-6{/r}
{v}1{/v}Veníte, et revertámur ad Dóminum,{+}
quia ipse lacerávit et sanábit nos,{x}
percússit et curábit nos.
{v}2{/v}Vivificábit nos post duos dies,{+}
in die tértia suscitábit nos,{x}
et vivémus in conspéctu eius.
{v}3{/v}Sciámus sequamúrque,{x}
ut cognoscámus Dóminum.
Quasi dilúculum præparátus est egréssus eius,{x}
et véniet quasi imber nobis temporáneus, quasi imber serótinus írrigans terram.
{v}4{/v}«Quid fáciam tibi, Ephraim? Quid fáciam tibi, Iuda?{+}
Cáritas vestra quasi nubes matutína{x}
et quasi ros mane pertránsiens.
{v}5{/v}Propter hoc dolávi per prophétas,{+}
occídi eos in verbis oris mei,{x}
sed ius meum quasi lux egrediétur;
{v}6{/v}quia caritátem volo et non sacrifícium,{x}
et sciéntiam Dei plus quam holocáusta».
HTML © Juraj Vidéky