{r}Sap 3, 1-6{/r}
{v}1{/v}Iustórum ánimæ in manu Dei sunt,{x}
et non tanget illos torméntum mortis.
{v}2{/v}Visi sunt óculis insipiéntium mori;{x}
et æstimáta est afflíctio éxitus illórum
{v}3{/v}et, quod a nobis est iter, extermínium;{x}
illi autem sunt in pace.
{v}4{/v}Etenim, si coram homínibus torménta passi sunt,{x}
spes illórum immortalitáte plena est;
{v}5{/v}et in paucis corrépti, in multis bene disponéntur,{+}
quóniam Deus tentávit eos{x}
et invénit illos dignos se.
{v}6{/v}Tamquam aurum in fornáce probávit illos{x}
et quasi holocáusti hóstiam accépit illos.
{r}Sap 3, 7-9{/r}
{v}7{/v}Iusti in témpore visitatiónis illórum fulgébunt{x}
et tamquam scintíllæ in arundinéto discúrrent;
{v}8{/v}iudicábunt natiónes et dominabúntur pópulis,{x}
et regnábit Dóminus illórum in perpétuum.
{v}9{/v}Qui confídunt in illo, intéllegent veritátem,{x}
et fidéles in dilectióne acquiéscent illi,
quóniam grátia et misericórdia est sanctis eius{x}
et visitátio eléctis eius.
HTML © Juraj Vidéky