Canticum – Is 45, 15-25

Canticum

Omnes gentes convertantur ad Dominum

Is 45, 15-25

In nomine Iesu omne genu flectatur (Phil 2, 10).

{v}15{/v}Vere tu es Deus abscónditus,{x}

Deus Israel salvátor.

{v}16{/v}Confúsi sunt et erubuérunt omnes,{x}

simul abiérunt in confusiónem fabricatóres idolórum.

{v}17{/v}Israel salvátus est in Dómino salúte ætérna;{x}

non confundémini et non erubescétis usque in sǽculum sǽculi.

{v}18{/v}Quia hæc dicit Dóminus,{+}

qui creávit cælos, ipse Deus,{x}

qui formávit terram et fecit eam, ipse fundávit eam;

non ut vácua esset, creávit eam,{+}

ut habitarétur, formávit eam:{x}

«Ego Dóminus, et non est álius.

{v}19{/v}Non in abscóndito locútus sum,{x}

in loco terræ tenebróso;

non dixi sémini Iacob: “Frustra quǽrite me”.{x}

Ego Dóminus loquens iustítiam, annúntians recta.

{v}20{/v}Congregámini et veníte et accédite simul,{x}

qui salváti estis ex géntibus.

Nesciérunt, qui levant lignum sculptúræ suæ{x}

et rogant deum non salvántem.

{v}21{/v}Annuntiáte et veníte et consiliámini simul.{x}

Quis audítum fecit hoc ab inítio, ex tunc prædíxit illud?

Numquid non ego Dóminus,{+}

et non est ultra Deus absque me?{x}

Deus iustus et salvans non est præter me.

{v}22{/v}Convertímini ad me et salvi éritis, omnes fines terræ,{x}

quia ego Deus, et non est álius.

{v}23{/v}In memetípso iurávi:{+}

Egréssa est de ore meo iustítia,{x}

verbum, quod non revertétur;

quia mihi curvábitur omne genu,{x}

et iurábit omnis lingua».

{v}24{/v}«Tantum in Dómino» dicent{x}

«sunt iustítiæ et robur!».

Ad eum vénient et confundéntur{+}

omnes, qui repúgnant ei:{x}

{v}25{/v}in Dómino iustificábitur et laudábitur omne semen Israel.