{r}Is 40, 1-8{/r}
{v}1{/v}Consolámini, consolámini pópulum meum,{x}
dicit Deus vester.
{v}2{/v}Loquímini ad cor Ierúsalem et clamáte ad eam,{+}
quóniam compléta est malítia eius{x}
expiáta est iníquitas illíus;
suscépit de manu Dómini duplícia{x}
pro omnibus peccátis suis.
{v}3{/v}Vox clamántis:{+}
«In desérto paráte viam Dómini,{x}
rectas fácite in solitúdine sémitas Dei nostri.
{v}4{/v}Omnis vallis exaltétur,{x}
et omnis mons et collis humiliétur;
et fiant prava in dirécta,{x}
et áspera in plana:
{v}5{/v}et revelábitur grátia Dómini,{x}
et vidébit omnis caro páriter quod os Dómini locútum est».
{v}6{/v}Vox dicéntis: «Clama!».{x}
Et dixi: «Quid clamábo?».
Omnis caro fenum{x}
et omnis glória eius quasi flos agri;
{v}7{/v}exsiccátum est fenum, et cécidit flos,{x}
quia spíritus Dómini sufflávit in eo.
Vere fenum est pópulus.{+}
{v}8{/v}Exsiccátum est fenum, et cécidit flos;{x}
verbum autem Dei nostri manet in ætérnum.
{r}Is 40, 10-17{/r}
[{v}9{/v}Super montem excélsum ascénde,{x}
tu, quæ evangelizas Sion;
exalta in fortitudine vocem tuam,{x}
quæ evangelízas Ierúsalem;
exálta, noli timére;{+}
dic civitátibus Iudæ:{x}
Ecce Deus vester!]
{/full-text}{v}10{/v}Ecce Dóminus Deus in virtúte venit,{x}
et bráchium eius dominátur;
ecce merces eius cum eo{x}
et prǽmium illíus coram illo.
{v}11{/v}Sicut pastor gregem suum pascit,{+}
in bráchio suo cóngregat agnos et in sinu suo levat;{x}
fetas ipse portat.
{v}12{/v}Quis mensus est pugíllo aquas et cælos palmo dispósuit,{+}
módio contínuit púlverem terræ et librávit in póndere montes{x}
et colles in statéra?
{v}13{/v}Quis diréxit spíritum Dómini?{x}
Aut quis consílium suum osténdit illi?
{v}14{/v}Cum quo íniit consílium et instrúxit eum{x}
et dócuit eum sémitam iustítiæ
et erudívit eum sciéntiam{x}
et viam prudéntiæ osténdit illi?
{v}15{/v}Ecce gentes quasi stilla sítulæ{+}
et quasi moméntum púlveris in statéra reputántur;{x}
ecce ínsulæ quasi pulvis exíguus.
{v}16{/v}Et Líbanus non suffíciet ad succendéndum,{x}
et animália eius non suffícient ad holocáustum.
{v}17{/v}Omnes gentes, quasi non sint, coram eo;{x}
quasi níhilum et ináne reputántur ab eo.
HTML © Juraj Vidéky