Ex 15, 1-4b. 8-13. 17-18
{v}1{/v}Cantémus Dómino:{+}
glorióse enim magnificátus est,{x}
equum et ascensórem deiécit in mare.
{v}2{/v}Fortitúdo mea et robur meum Dóminus,{x}
et factus est mihi in salútem.
Iste Deus meus,{x}
et glorificábo eum;
Deus patris mei,{x}
et exaltábo eum!
{v}3{/v}Dóminus quasi vir pugnátor;{x}
Dóminus nomen eius!
{v}4{/v}Currus pharaónis et exércitum eius{x}
proiécit in mare.
{full-text}[Elécti bellatóres eius{x}
submérsi sunt in mari Rubro.
{v}5{/v}Abýssi operuérunt eos,{x}
descendérunt in profúndum quasi lapis.
{v}6{/v}Déxtera tua, Dómine,{x}
magnífice in fortitúdine,
déxtera tua, Dómine,{x}
percússit inimícum.]
{/full-text}{v}8{/v}In spíritu furóris tui congregátæ sunt aquæ;{+}
stetit ut agger unda fluens,{x}
coaguláta sunt abýssi in médio mari.
{v}9{/v}Dixit inimícus: «Pérsequar, comprehéndam;{+}
dívidam spólia, implébitur ánima mea:{x}
evaginábo gládium meum, interfíciet eos manus mea!».
{v}10{/v}Flavit spíritus tuus, et opéruit eos mare;{x}
submérsi sunt quasi plumbum in aquis veheméntibus.
{v}11{/v}Quis símilis tui in diis, Dómine?{+}
Quis símilis tui, magníficus in sanctitáte,{x}
terríbilis atque laudábilis, fáciens mirabília?
{v}12{/v}Extendísti manum tuam, devorávit eos terra.{x}
{v}13{/v}Dux fuísti in misericórdia tua pópulo, quem redemísti,
et portásti eum in fortitúdine tua{x}
ad habitáculum sanctum tuum.
{v}17{/v}Introdúces eos et plantábis{x}
in monte hereditátis tuæ,
firmíssimo habitáculo tuo,{+}
quod operátus es, Dómine,{x}
sanctuário, Dómine, quod firmavérunt manus tuæ.
{v}18{/v}Dóminus regnábit{x}
in ætérnum et ultra!
HTML © Juraj Vidéky