Dan 3, 26. 27. 29. 34-41
{v}26{/v}Benedíctus es, Dómine, Deus patrum nostrórum,{x}
et laudábilis et gloriósum nomen tuum in sǽcula,
{v}27{/v}quia iustus es in ómnibus,{x}
quæ fecísti nobis.
{v}29{/v}Peccávimus enim et iníque égimus recedéntes a te{x}
et delíquimus in ómnibus.
{v}34{/v}Ne, quǽsumus, tradas nos in perpétuum propter nomen tuum{x}
et ne díssipes testaméntum tuum,
{v}35{/v}neque áuferas misericórdiam tuam a nobis{+}
propter Abraham diléctum tuum{x}
et Isaac servum tuum et Israel sanctum tuum,
{v}36{/v}quibus dixísti quod multiplicáres semen eórum{x}
sicut stellas cæli et sicut arénam, quæ est in lítore maris,
{v}37{/v}quia, Dómine, imminúti sumus plus quam omnes gentes{x}
sumúsque húmiles in univérsa terra hódie propter peccáta nostra;
{v}38{/v}et non est in témpore hoc{+}
princeps et prophéta et dux,{x}
neque holocáustum neque sacrifícium,
neque oblátio neque incénsum,{+}
neque locus primitiárum coram te,{x}
ut possímus inveníre misericórdiam;
{v}39{/v}sed in ánima contríta et spíritu humilitátis suscipiámur{+}
sicut in holocáusto aríetum et taurórum{x}
{v}40{/v}et sicut in mílibus agnórum pínguium,
sic fiat sacrifícium nostrum in conspéctu tuo hódie,{+}
et pérfice subsequéntes te,
quóniam non est confúsio confidéntibus in te.
{v}41{/v}Et nunc séquimur te in toto corde{x}
et timémus te et quǽrimus fáciem tuam.
HTML © Juraj Vidéky