TEMPUS PER ANNUM
Ad Horam mediamNunc, Sancte, nobis, Spíritus
unum Patri cum Fílio,
dignáre promptus íngeri
nostro refúsus péctori.
Os, lingua, mens, sensus, vigor
confessiónem pérsonent,
flamméscat igne cáritas,
accéndat ardor próximos.
Per te sciámus da Patrem
noscámus atque Fílium,
te utriúsque Spíritum
credámus omni témpore. Amen.
Vel:
Certum tenéntes órdinem,
pio poscámus péctore
hora diéi tértia
trinæ virtútis glóriam,
Ut simus habitáculum
illi Sancto Spirítui,
qui quondam in apóstolis
hac hora distribútus est.
Hoc gradiénte órdine,
ornávit cuncta spléndide
regni cæléstis cónditor
ad nostr{i}a{/i} ætérna prǽmia.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
Ad SextamRector potens, verax Deus,
qui témperas rerum vices,
splendóre mane ínstruis
et ígnibus merídiem,
Exstíngue flammas lítium,
aufer calórem nóxium,
confer salútem córporum
verámque pacem córdium.
Præsta, Pater piíssime,
Patríque compar Unice,
cum Spíritu Paráclito
regnans per omne sǽculum. Amen.
Vel:
Dicámus laudes Dómino
fervénte prompti spíritu;
hora volúta séxies
nos ad orándum próvocat.
In hac enim fidélibus
veræ salútis glória,
beáti Agni hóstia,
crucis virtúte rédditur.
Cuius luce claríssima
tenébricat merídies;
sumámus toto péctore
tanti splendóris grátiam.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
Ad NonamRerum, Deus, tenax vigor,
immótus in te pérmanens,
lucis diúrnæ témpora
succéssibus detérminans,
Largíre clarum véspere,
quo vita numquam décidat,
sed prǽmium mortis sacræ
perénnis instet glória.
Præsta, Pater piíssime,
Patríque compar Unice,
cum Spíritu Paráclito
regnans per omne sǽculum. Amen.
Vel:
Ternis horárum términis
volútis, dante Dómino,
trinum perféct{i}e{/i} et únicum
ipsum devóti psállimus.
Sacrum Dei mystérium
puro tenéntes péctore,
Petri magístri régula
signo salútis pródita,
Et nos psallámus spíritu,
hæréntes sic apóstolis,
ut plantas adhuc débiles
Christi virtúte dírigant.
Deo Patri sit glória
eiúsque soli Fílio
cum Spíritu Paráclito,
in sempitérna sǽcula. Amen.
Hebd. I PER ANNUM
Hebd. I Psalterii
OratioVota, quǽsumus, Dómine, supplicántis pópuli cælésti pietáte proséquere, ut et quæ agénda sunt vídeant, et ad implénda quæ víderint convaléscant.
DOMINICA II PER ANNUM
Hebd. II Psalterii
Ad I Vesperas
Ad Magnificat, ant.
Anno AEcce Agnus Dei, ecce qui tollit peccátum mundi, allelúia.
Anno BAudiérunt Ioánnem duo discípuli, et secúti sunt Iesum, dicéntes: Rabbi, ubi manes? Dicit eis: Veníte et vidéte.
Anno CNúptiæ factæ sunt in Cana Galilǽæ, et erat ibi Iesus cum María matre sua.
Ad Laudes matutinas
Ad Benedictus, ant.
Anno AHoc est testimónium quod perhíbuit Ioánnes: Post me venit vir, qui ante me factus est, quia prior me erat.
Anno BVenérunt discípuli et vidérunt ubi manéret Iesus, et apud eum mansérunt die illo.
Anno CDicit mater Iesu minístris: Quodcúmque díxerit vobis, fácite. Et iussit Iesus impléri hýdrias aqua, qua in vinum convérsa est.
Ad II Vesperas
Ad Magnificat, ant.
Anno ADescéndit Spíritus quasi colúmba de cælo, et mansit super Iesum: Hic est qui baptízat in Spíritu Sancto.
Anno BDixit Andréas Simóni fratri: Invénimus Messíam. Et addúxit eum ad Iesum.
Anno CHoc fecit inítium signórum Iesus in Cana Galilǽæ, et manifestávit glóriam suam, et credidérunt in eum discípuli eius.
Oratio
Omnípotens sempitérne Deus, qui cæléstia simul et terréna moderáris, supplicatiónes pópuli tui cleménter exáudi, et pacem tuam nostris concéde tempóribus.
DOMINICA III PER ANNUM
Hebd. III Psalterii
Ad I Vesperas
Ad Magnificat, ant.
Anno ADicit Dóminus: Pæniténtiam ágite: appropinquávit enim regnum cælórum.
Anno BVenit Iesus in Galilǽam prǽdicans Evangélium Dei, et dicens: Implétum est tempus et appropinquávit regnum Dei: pænitémini et crédite Evangélio.
Anno CVenit Iesus in virtúte Spíritus, et docébat die sábbati in synagógis, et magnificabátur ab ómnibus.
Ad Laudes matutinas
Ad Benedictus, ant.
Anno AAmbulans iuxta mare Galilǽæ vidit duos fratres, mitténtes retes in mare, et vocávit eos. Illi autem contínuo, relíctis rétibus, secúti sunt eum.
Anno BVeníte post me, dicit Dóminus; fáciam vos fíeri piscatóres hóminum.
Anno CSpíritus Dómini super me, evangelizáre paupéribus misit me.
Ad II Vesperas
Ad Magnificat, ant.
Anno APrædicábat Iesus Evangélium regni, et sanábat omnem infirmitátem in pópulo.
Anno BRelíctis rétibus suis, secúti sunt Dóminum et Redemptórem, allelúia.
Anno CCum plicuísset librum, cœpit Iesus dícere ad illos: Hódie impléta est hæc Scriptúra in áuribus vestris.
Oratio
Omnípotens sempitérne Deus, dírige actus nostros in beneplácito tuo, ut in nómine dilécti Fílii tui mereámur bonis opéribus abundáre.
DOMINICA IV PER ANNUM
Hebd. IV Psalterii
Ad I Vesperas
Ad Magnificat, ant.
Anno ACum vidísset Iesus turbas, ascéndit in montem; et accessérunt ad eum discípuli eius; et apériens os suum docébat eos, dicens: Beáti páuperes spíritu, quóniam ipsórum est regnum cælórum.
Anno BStupébant omnes super doctrína Iesu; erat enim docens eos tamquam potestátem habens.
Anno CMirabántur omnes in verbis grátiæ quæ procedébant de ore Iesu.
Ad Laudes matutinas
Ad Benedictus, ant.
Anno ABeáti mundo corde, quóniam ipsi Deum vidébunt, dicit Dóminus.
Anno BConquirébant inter se dicéntes: Quidnam est hoc? Doctrína nova cum potestáte; et spirítibus immúndis ímperat et obœ́diunt ei.
Anno CAmen dico vobis: Nemo prophéta accéptus est in pátria sua.
Ad II Vesperas
Ad Magnificat, ant.
Anno ABeáti pacífici, quóniam fílii Dei vocabúntur, dicit Dóminus.
Anno BMiráti sunt omnes, et procéssit rumor eius statim ubíque in omnem regiónem Galilǽæ.
Anno CEiecérunt Iesum extra civitátem, ut præcipitárent eum. Ipse autem tránsiens per médium illórum ibat.
Oratio
Concéde nobis, Dómine Deus noster, ut te tota mente venerémur, et omnes hómines rationábili diligámus afféctu.
DOMINICA V PER ANNUM
Hebd. I Psalterii
Ad I Vesperas
Ad Magnificat, ant.
Anno AVos estis sal terræ: quod si sal evanúerit, in quo saliétur? dicit Dóminus discípulis suis.
Anno BVéspere autem facto, afferébant ad eum omnes male habéntes, et curávit multos qui vexabántur váriis languóribus.
Anno CAscéndens Iesus in navim, et sedens, docébat turbas.
Ad Laudes matutinas
Ad Benedictus, ant.
Anno AVos estis lux mundi: lúceat lux vestra coram homínibus, ut vídeant ópera vestra bona et gloríficent Patrem vestrum, qui in cælis est.
Anno BDilúculo valde surgens, egréssus Iesus ábiit in desértum locum, ibíque orábat.
Anno CPræcéptor, per totam noctem laborántes nihil cépimus; in verbo autem tuo laxábo rete.
Ad II Vesperas
Ad Magnificat, ant.
Anno ALúceat lux vestra sicut lucérna, quæ pónitur super candelábrum, ut lúceat ómnibus, qui in domo sunt.
Anno BSimon et qui cum illo erant dicébant: Omnes quærunt te! Et ait illis: Eámus álibi ut et ibi prǽdicem: ad hoc enim veni.
Anno CExi a me, quia homo peccátor sum, dixit Petrus ad Iesum. Noli timére, ex hoc iam hómines eris cápiens.
Oratio
Famíliam tuam, quǽsumus, Dómine, contínua pietáte custódi, ut, qua in sola spe grátiæ cæléstis innítitur, tua semper protectióne muniátur.
DOMINICA VI PER ANNUM
Hebd. II Psalterii
Ad I Vesperas
Ad Magnificat, ant.
Anno AQui fécerit et docúerit, hic magnus vocábitur in regno cælórum, dicit Dóminus.
Anno BDómine, si vis, potes me mundáre. Et ait Iesus: Volo, mundáre.
Anno CBeáti páuperes, quia vestrum est regnum Dei. Beáti, qui nunc esurítis, quia saturabímini.
Ad Laudes matutinas
Ad Benedictus, ant.
Anno ANisi abundáverit iustítia vestra plus quam scribárum et pharisæórum, non intrábitis in regnum cælórum.
Anno BIesus misértus exténdens manum suam tétigit leprósum, et statim discéssit ab eo lepra, et mundátus est.
Anno CBeáti qui nunc fletis, quia ridébitis, dicit Dóminus.
Ad II Vesperas
Ad Magnificat, ant.
Anno ASi offers munus tuum ante altáre et recordátus fúeris quia frater tuus habet áliquid advérsus te, relínque ibi munus tuum ante altáre et vade prius reconciliári fratri tuo; et tunc véniens offer munus tuum, allelúia.
Anno BVide némini quidquam díxeris, sed vade, osténde te sacerdóti, in testimónium illis. At ille egréssus cœpit pradicáre multum et diffamáre sermóne.
Anno CBeáti éritis, cum vos óderint hómines propter Fílium hóminis: gaudéte et exsultáte, ecce enim merces vestra multa est in cælo.
Oratio
Deus, qui te in rectis et sincéris manére pectóribus ásseris, da nobis tua grátia tales exsístere, in quibus habitáre dignéris.
DOMINICA VII PER ANNUM
Hebd. III Psalterii
Ad I Vesperas
Ad Magnificat, ant.
Anno ADilígite inimícos vestros et oráte pro persequéntibus vos, ut sitis fílii Patris vestri, qui in cælis est.
Anno BVéniunt feréntes ad Iesum paralýticum. Cum vidísset fidem illórum, ait Iesus paralýtico: Fili, dimittúntur peccáta tua.
Anno CProut vultis ut fáciant vobis hómines, fácite illis simíliter, dicit Dóminus.
Ad Laudes matutinas
Ad Benedictus, ant.
Anno APater vester solem suum oríri facit super malos et bonos et pluit super iustos et iniústos.
Anno BDixit Iesus: Ut sciátis quia potestátem habet Fílius hóminis in terra dimitténdi peccáta, ait paralýtico: Tibi dico: Surge, tolle grabátum tuum et vade in domum tuam.
Anno CNolíte iudicáre, ut non iudicémini: in quo enim iudício iudicavéritis iudicabímini, dicit Dóminus.
Ad II Vesperas
Ad Magnificat, ant.
Anno AEstóte vos perfécti sicut Pater vester cæléstis perféctus est, dicit Dóminus.
Anno BTulit paralýticus lectum suum, in quo iacébat, magníficans Deum; et omnis plebs, ut vidit, dedit laudem Deo.
Anno CDimíttite et dimittémini; date, et dábitur vobis. Eádem quippe mensúra qua mensi fuéritis, remetiétur vobis.
Oratio
Præsta, quǽsumus, omnípotens Deus, ut, semper rationabília meditántes, quæ tibi sunt plácita, et dictis exsequámur et factis.
DOMINICA VIII PER ANNUM
Hebd. IV Psalterii
Ad I Vesperas
Ad Magnificat, ant.
Anno ARespícite volatília cæli, quóniam non serunt neque metunt, et Pater vester cæléstis pascit illa. Nonne vos magis pluris estis illis?
Anno BQuanto témpore habent secum convívæ sponsum, non possunt ieiunáre, dicit Dóminus.
Anno CEice primum trabem de óculo tuo, et tunc perspícies ut edúcas festúcam quæ est in óculo fratris tui, dicit Dóminus.
Ad Laudes matutinas
Ad Benedictus, ant.
Anno ANolíte sollíciti esse dicéntes: Quid manducábimus, aut quid bibémus? Scit enim Pater vester cæléstis quid vobis necésse sit!
Anno BLoquar ad cor tuum: Sponsábo te mihi in fide, et cognósces Dóminum.
Anno CNon potest arbor bona fructus malos fácere, neque arbor mala fructus bonos fácere.
Ad II Vesperas
Ad Magnificat, ant.
Anno AQuǽrite primum regnum Dei et iustítiam eius, et hæc ómnia adiciéntur vobis.
Anno BNemo mittit vinum novum in utres véteres, sed vinum novum in utres novos mitti debet.
Anno CBonus homo de bono thesáuro cordis profert bonum: ex abundántia enim cordis os eius lóquitur.
Oratio
Da nobis, quǽsumus, Dómine, ut et mundi cursus pacífico nobis tuo órdine dirigátur, et Ecclésia tua tranquílla devotióne lætétur.
DOMINICA IX PER ANNUM
Hebd. I Psalterii
Ad I Vesperas
Ad Magnificat, ant.
Anno ANon omnis qui dicit mihi: Dómine, Dómine, intrábit in regnum cælórum, sed qui facit voluntátem Patris mei, qui in cælis est, ipse intrábit in regnum cælórum.
Anno BSábbatum propter hóminem factum est, et non homo propter sábbatum, dicit Dóminus.
Anno CCum audísset centúrio de Iesu, misit ad eum senióres Iudæórum, rogans eum, ut veníret et salváret servum eius.
Ad Laudes matutinas
Ad Benedictus, ant.
Anno AOmnis qui audit verba mea hæc et facit ea, assimilábitur viro sapiénti, qui ædificávit domum suam supra petram.
Anno BRespóndit Iesus pharisǽis: Dóminus est Fílius hóminis étiam sábbati.
Anno CDómine, non sum dignus ut intres sub tectum meum; sed tantum dic verbo, et sanábitur puer meus.
Ad II Vesperas
Ad Magnificat, ant.
Anno AFlúmina et venti irruérunt in domum sapiéntis et non cécidit: fundáta enim erat supra petram.
Anno BDicit Iesus hómini habénti manum áridam: Exténde manum. Et exténdit, et restitúta est manus eius.
Anno CIesus mirátus est centuriónem, et ait: Dico vobis, nec in Israel tantam fidem invéni. Et revérsi qui missi fúerant domum, invenérunt servum sanum.
Oratio
Deus, cuius providéntia in sui dispositióne non fállitur, te súpplices exorámus, ut nóxia cuncta submóveas, et ómnia nobis profutúra concédas.
DOMINICA X PER ANNUM
Hebd. II Psalterii
Ad I Vesperas
Ad Magnificat, ant.
Anno ACum transíret Iesus, vidit hóminem sedéntem in telóneo, Matthǽo nómine, et ait illi: Séquere me. Et surgens secútus est eum.
Anno BSi in dígito Dei eício damónia, profécto pervénit in vos regnum Dei.
Anno CCum vidísset Dóminus víduam, misericórdia motus super ea dixit illi: Noli flere.
Ad Laudes matutinas
Ad Benedictus, ant.
Anno AMulti publicáni et peccatóres veniéntes simul discumbébant cum Iesu et discípulis eius.
Anno BCum fortis armátus custódit átrium suum, in pace sunt ómnia quæ póssidet.
Anno CAduléscens, tibi dico, surge. Et resédit, qui erat mórtuus, et cœpit loqui; et dedit illum matri suæ.
Ad II Vesperas
Ad Magnificat, ant.
Anno AMisericórdiam volo et non sacrifícium. Non enim veni vocáre iustos, sed peccatóres.
Anno BQui fécerit voluntátem Dei, hic frater meus, et soror mea et mater est, dicit Dóminus.
Anno CProphéta magnus surréxit in nobis, et Deus visitávit plebem suam.
Deus, a quo bona cuncta procédunt, tuis largíre supplícibus, ut cogitémus, te inspiránte, quæ recta sunt, et, te gubernánte, éadem faciámus.
DOMINICA XI PER ANNUM
Hebd. III Psalterii
Ad I Vesperas
Ad Magnificat, ant.
Anno AVidens Iesus turbas, misértus est eis, quia erant vexáti et iacéntes sicut oves non habéntes pastórem.
Anno BSic est regnum Dei, quemádmodum si homo iáciat seméntem in terram, et semen gérminet et incréscat, dum nescit ille.
Anno CMúlier, quæ erat in civitáte peccátrix, áttulit alabástrum unguénti, et flens lácrimis rigábat pedes Iesu, et osculabátur, et unguénto ungébat.
Ad Laudes matutinas
Ad Benedictus, ant.
Anno ADuódecim apóstolos misit Iesus, præcípiens eis et dicens: Ite ad oves, quæ periérunt domus Israel.
Anno BSímile est regnum cælórum grano sinápis, quod minus est ómnibus semínibus; et cum seminátum fúerit ascéndit et fit maius ómnibus holéribus.
Anno CRemíssa sunt peccáta eius multa, quóniam diléxit multum; qui autem minus dimíttitur, minus díligit.
Ad II Vesperas
Ad Magnificat, ant.
Anno AEúntes prædicáte Evangélium regni: gratis accepístis, gratis date.
Anno BMultis parábolis loquebátur Iesus verbum. Seórsum autem discípulis suis disserébat ómnia.
Anno CDixit Iesus ad mulíerem: Fides tua te salvam fecit; vade in pace.
Deus, in te sperántium fortitúdo, invocatiónibus nostris adésto propítius, et, quia sine te nihil potest mortális infírmitas, grátiæ tuæ præsta semper auxílium, ut, in exsequéndis mandátis tuis, et voluntáte tibi et actióne placeámus.
DOMINICA XII PER ANNUM
Hebd. IV Psalterii
Ad I Vesperas
Ad Magnificat, ant.
Anno AQuod dico vobis in ténebris dícite in lúmine; et quod in aure audítis, prædicáte super tecta.
Anno BDómine, salva nos, perímus; ímpera et fac, Deus, tranquillitátem.
Anno CDixit Iesus discípulis suis: Vos autem quem me esse dícitis? Respóndens Petrus dixit: Christus Dei.
Ad Laudes matutinas
Ad Benedictus, ant.
Anno AVestri capílli cápitis omnes numeráti sunt. Nolíte ergo timére, dicit Dóminus.
Anno BExsúrgens Iesus comminátus est vento et dixit mari: Tace, obmutésce. Et cessávit ventus, et facta est tranquíllitas magna.
Anno COpórtet Fílium hóminis multa pati et reprobári, et occídi, et tértia die resúrgere.
Ad II Vesperas
Ad Magnificat, ant.
Anno AQui me conféssus fúerit coram homínibus, confitébor et ego eum coram Patre meo, qui est in cælis.
Anno BTimuérunt discípuli magno timóre et dicébant ad altérutrum: Quis putas est iste, quia et ventus et mare obœ́diunt ei?
Anno CQui vult veníre post me, ábneget seípsum et tollat crucem suam et sequátur me, dicit Dóminus.
Oratio
Sancti nóminis tui, Dómine, timórem páriter et amórem fac nos habére perpétuum, quia numquam tua gubernatióne destítuis, quos in soliditáte tuæ dilectiónis instítuis.
DOMINICA XIII PER ANNUM
Hebd. I Psalterii
Ad I Vesperas
Ad Magnificat, ant.
Anno AQui non áccipit crucem suam et séquitur me, non est me dignus, dicit Dóminus.
Anno BDicébat múlier intra se: Si vel vestiménta eius tetígero, salva ero.
Anno CVulpes fóveas habent et vólucres cæli nidos. Fílius autem hóminis non habet, ubi caput reclínet.
Ad Laudes matutinas
Ad Benedictus, ant.
Anno AQui récipit vos me récipit; et qui me récipit, récipit eum qui me misit.
Anno BIesus convérsus et videns mulíerem dixit: Fília, fides tua te salvam fecit; vade in pace.
Anno CSine, ut mórtui sepéliant mórtuos suos: tu autem vade, annúntia regnum Dei.
Ad II Vesperas
Ad Magnificat, ant.
Anno AQuicúmque potum déderit uni ex mínimis istis cálicem aquæ frígidæ tantum in nómine discípuli, amen dico vobis, non perdet mercédem suam.
Anno BPuélla non est mórtua, sed dormit. Et tenens manum puéllæ ait illi: Puélla, tibi dico, surge.
Anno CNemo míttens manum suam in arátrum et aspíciens retro, aptus est regno Dei, dicit Dóminus.
Oratio
Deus, qui, per adoptiónem grátiæ, lucis nos esse fílios voluísti, præsta, quǽsumus, ut errórum non involvámur ténebris, sed in splendóre veritátis semper maneámus conspícui.
DOMINICA XIV PER ANNUM
Hebd. II Psalterii
Ad I Vesperas
Ad Magnificat, ant.
Anno AConfíteor tibi, Pater, Dómine cæli et terræ, quia abscondísti hæc a sapiéntibus et prudéntibus et revelásti ea párvulis.
Anno BMulti audiéntes admirabántur in doctrína Iesu, dicéntes: Unde huic hæc ómnia? Nonne iste est faber, fílius Maríæ?
Anno CMessis quidem multa, operárii autem pauci. Rogáte ergo Dóminum messis, ut mittat operários in messem suam.
Ad Laudes matutinas
Ad Benedictus, ant.
Anno ATóllite iugum meum super vos et díscite a me quia mitis sum et húmilis corde, et inveniétis réquiem animábus vestris.
Anno BAmen dico vobis, quia nemo prophéta accéptus est in pátria sua.
Anno CIn quamcúmque domum intravéritis, primum dícite: Pax huic dómui. Et requiéscet super illam pax vestra.
Ad II Vesperas
Ad Magnificat, ant.
Anno AIugum meum suáve est, et onus meum leve, dicit Dóminus.
Anno BEgréssus Iesus e pátria sua, circumíbat castélla in circúitu docens.
Anno CGaudéte et exsultáte, quia nómina vestra scripta sunt in cælis, dicit Dóminus.
Oratio
Deus, qui in Fílii tui humilitáte iacéntem mundum erexísti, fidélibus tuis sanctam concéde lætítiam, ut, quos eripuísti a servitúte peccáti, gáudiis fácias pérfrui sempitérnis.
DOMINICA XV PER ANNUM
Hebd. III Psalterii
Ad I Vesperas
Ad Magnificat, ant.
Anno ALocútus est Iesus turbis in parábolis dicens: Ecce éxiit qui séminat semináre semen suum.
Anno BConvocávit Iesus Duódecim et dedit illis potestátem in spíritus immúndos.
Anno CDíliges Dóminum Deum tuum ex toto corde tuo et próximum tuum sicut teípsum.
Ad Laudes matutinas
Ad Benedictus, ant.
Anno AVobis datum est nosse mystérium regni cælórum: céteris autem in parábolis, dixit Iesus discípulis suis.
Anno BExeúntes discípuli prædicavérunt, ut pæniténtiam ágerent.
Anno CSamaritánus quidam iter fáciens, venit secus illum qui incíderat in latrónes, et videns eum misericórdia motus est et curávit vúlnera eius.
Ad II Vesperas
Ad Magnificat, ant.
Anno ASemen est verbum Dei, sator autem est Christus; omnis qui audit eum, manébit in ætérnum.
Anno BDæmónia multa eiciébant discípuli et ungébant óleo multos ægrótos et sanábant.
Anno CQuis tibi vidétur próximus fuísse illi, qui íncidit in latrónes? Et ait illi: Qui fecit misericórdiam in illum. Vade et tu fac simíliter.
Oratio
Deus, qui errántibus, ut in viam possint redíre, veritátis tuæ lumen osténdis, da cunctis qui christiána professióne censéntur et illa respúere, quæ huic inimíca sunt nómini, et ea quæ sunt apta sectári.
DOMINICA XVI PER ANNUM
Hebd. IV Psalterii
Ad I Vesperas
Ad Magnificat, ant.
Anno ACollígite primum zizánia, et alligáte ea in fascículos ad comburéndum, tríticum autem congregáte in hórreum meum, dicit Dóminus.
Anno BConveniéntes apóstoli ad Iesum, renuntiavérunt ei ómnia quæ égerant et docúerant.
Anno CIntrávit Iesus in quoddam castéllum, et múlier quædam, Martham nómine, excépit illum.
Ad Laudes matutinas
Ad Benedictus, ant.
Anno ASímile est regnum cælórum ferménto, quod accéptum múlier abscóndit in farínæ satis tribus, donec fermentátum est totum.
Anno BVeníte vos ipsi seórsum in desértum locum et requiéscite pusíllum, dicit Dóminus.
Anno CMaría sedens secus pedes Dómini audiébat verbum illíus.
Ad II Vesperas
Ad Magnificat, ant.
Anno AIn consummatióne sǽculi, fulgébunt iusti sicut sol in regno Patris eórum.
Anno BVidit Iesus multam turbam et misértus est super eos, quia erant sicut oves non habéntes pastórem.
Anno COptimam partem elégit sibi María, quæ non auferétur ab ea in ætérnum.
Oratio
Propitiáre, Dómine, fámulis tuis, et cleménter grátiæ tuæ super eos dona multíplica, ut, spe, fide et caritáte fervéntes, semper in mandátis tuis vígili custódia persevérent.
DOMINICA XVII PER ANNUM
Hebd. I Psalterii
Ad I Vesperas
Ad Magnificat, ant.
Anno ASímile est regnum cælórum hómini negotiatóri quærénti bonas margarítas. Invénta una pretiósa, ábiit et véndidit ómnia quæ hábuit, et emit eam.
Anno BCum sublevásset óculos Iesus, et vidísset máximam multitúdinem veniéntem ad se, dixit ad Philíppum: Unde emémus panes ut mandúcent hi? Hoc autem dicébat tentans eum: ipse enim sciébat quid esset factúrus.
Anno CCum esset Iesus in quodam loco orans, dixit unus ex discípulis suis ad eum: Dómine, doce nos oráre.
Ad Laudes matutinas
Ad Benedictus, ant.
Anno ASímile est regnum cælórum sagénæ missæ in mare; quam cum impléta esset, educéntes secus litus et sedéntes collegérunt bonos in vasa, malos autem foras misérunt.
Anno BSatiávit Dóminus quinque mília hóminum, de quinque pánibus et duóbus píscibus.
Anno CPétite, et dábitur vobis; quǽrite, et inveniétis; pulsáte, et aperiétur vobis.
Ad II Vesperas
Ad Magnificat, ant.
Anno AOmnis scriba doctus in regno cælórum símilis est hómini patri famílias, qui profert de thesáuro suo nova et vétera.
Anno BIlli hómines, cum vidíssent, quod fécerat Iesus signum, dicébant: Hic est vere prophéta, qui venit in mundum!
Anno CSi vos, cum sitis mali, nostis dona bona dare fíliis vestris, quanto magis Pater de cælo dabit Spíritum Sanctum peténtibus se!
Oratio
Protéctor in te sperántium, Deus, sine quo nihil est válidum, nihil sanctum, multíplica super nos misericórdiam tuam, ut, te rectóre, te duce, sic bonis transeúntibus nunc utámur, ut iam possímus inhærére mansúris.
DOMINICA XVIII PER ANNUM
Hebd. II Psalterii
Ad I Vesperas
Ad Magnificat, ant.
Anno ACum turba multa esset cum Iesu, nec habérent quod manducárent, convocátis discípulis, ait illis: Miséreor super turbam.
Anno BOperámini non cibum, qui perit, sed qui pérmanet in vitam ætérnam.
Anno CCavéte ab omni avarítia, quia vita vestra non est ex his, quæ possidétis.
Ad Laudes matutinas
Ad Benedictus, ant.
Anno ADe quinque pánibus et duóbus píscibus satiávit Dóminus quinque míllia hóminum.
Anno BAmen, amen dico vobis, non Móyses dedit vobis panem de cælo, sed Pater meus dat vobis panem de cælo verum.
Anno CThesaurizáte vobis thesáuros in cælo, ubi nec ærúgo, nec tínea demolítur.
Ad II Vesperas
Ad Magnificat, ant.
Anno AManducavérunt omnes et saturáti sunt, et tulérunt relíquias fragmentórum duódecim cóphinos plenos.
Anno BEgo sum panis vitæ. Qui venit ad me, non esúriet, et qui credit in me, non sítiet umquam.
Anno CSi vere, fratres, dívites esse cúpitis, veras divítias amáte.
Oratio
Adésto, Dómine, fámulis tuis, et perpétuam benignitátem largíre poscéntibus, ut his, qui te auctórem et gubernatórem gloriántur habére, et grata restáures, et restauráta consérves.
DOMINICA XIX PER ANNUM
Hebd. III Psalterii
Ad I Vesperas
Ad Magnificat, ant.
Anno ADimíssis turbis, ascéndit Iesus in montem solus oráre. Véspere autem facto, solus erat ibi.
Anno BNemo potest veníre ad me, nisi Pater, qui misit me, tráxerit eum, et ego resuscitábo eum in novíssimo die.
Anno CUbi est thesáurus tuus, ibi est et cor tuum, dicit Dóminus.
Ad Laudes matutinas
Ad Benedictus, ant.
Anno ALocútus est Iesus discípulis, qui erant turbáti: Habéte fidúciam, ego sum, nolíte timére.
Anno BAmen, amen dico vobis: Qui credit in me, habet vitam ætérnam, allelúia.
Anno CBeáti illi servi, quos cum vénerit Dóminus, et pulsáverit iánuam, invénerit vigilántes.
Ad II Vesperas
Ad Magnificat, ant.
Anno ADómine, iube me veníre ad te super aquas. Et exténdens Iesus manum apprehéndit Petrum; et ait illi: Módicæ fídei, quare dubitásti?
Anno BHic est panis de calo descéndens, ut, si quis ex ipso manducáverit, non moriátur.
Anno CSint lumbi vestri præcíncti, et lucérnæ ardéntes in mánibus vestris.
Oratio
Omnípotens sempitérne Deus, quem patérno nómine invocáre præsúmimus, pérfice in córdibus nostris spíritum adoptiónis filiórum, ut promíssam hereditátem íngredi mereámur.
DOMINICA XX PER ANNUM
Hebd. IV Psalterii
Ad I Vesperas
Ad Magnificat, ant.
Anno AMúlier Chananǽa clamábat dicens: Fília mea male a dæmónio vexátur. Miserére mei, Dómine Fili David!
Anno BEgo sum panis vivus, qui de cælo descéndit: si quis manducáverit ex hoc pane, vivet in ætérnum.
Anno CIgnem veni míttere in terram, et quid volo nisi ut accendátur?
Ad Laudes matutinas
Ad Benedictus, ant.
Anno AMúlier Chananǽa venit ad Iesum et adorávit eum dicens: Dómine, ádiuva me.
Anno BCaro mea vere est cibus, sanguis meus vere est potus. Qui mandúcat meam carnem et bibit meum sánguinem, habébit vitam ætérnam.
Anno CBaptísmo hábeo baptizári et quómodo coárctor usque dum perficiátur!
Ad II Vesperas
Ad Magnificat, ant.
Anno AO múlier, magna est fides tua: fiat tibi sicut petísti.
Anno BSicut misit me vivens Pater, et ego vivo propter Patrem, et qui mandúcat me, et ipse vivet propter me.
Anno CPutátis quia pacem veni dare in terram? Non, dico vobis, sed separatiónem.
Oratio
Deus, qui diligéntibus te bona invisibília præparásti, infúnde córdibus nostris tui amóris afféctum, ut, te in ómnibus et super ómnia diligéntes, promissiónes tuas, quæ omne desidérium súperant, consequámur.
DOMINICA XXI PER ANNUM
Hebd. I Psalterii
Ad I Vesperas
Ad Magnificat, ant.
Anno ATu es Christus, Fílius Dei vivi. Et tu beátus, Simon Bar Iona.
Anno BSpíritus est, qui vivíficat, caro non prodest quidquam; verba, quæ ego locútus sum vobis, Spíritus sunt et vita.
Anno CConténdite intráre per angústam portam, quia multi, dico vobis, quærrent intráre et non póterunt.
Ad Laudes matutinas
Ad Benedictus, ant.
Anno ATu es Petrus, et super hanc petram ædificábo Ecclésiam meam.
Anno BNemo potest veníre ad me, nisi fúerit ei datum a Patre, dicit Dóminus.
Anno CMulti ab oriénte et occidénte vénient et recúmbent cum Abraham et Isaac et Iacob in regno cælórum.
Ad II Vesperas
Ad Magnificat, ant.
Anno AQuodcúmque ligáveris super terram, erit ligátum et in cælis: et quodcúmque sólveris super terram, erit solútum et in cælis, dicit Dóminus Simóni Petro.
Anno BDómine, ad quem íbimus? Verba vitæ ætérnæ habes: et nos credídimus et cognóvimus quia tu es Fílius Dei.
Anno CEcce sunt novíssimi, qui erunt primi, et sunt primi, qui erunt novíssimi, dicit Dóminus.
Oratio
Deus, qui fidélium mentes uníus éfficis voluntátis, da pópulis tuis id amáre quod prǽcipis, id desideráre quod promíttis, ut, inter mundánas varietátes, ibi nostra fixa sint corda, ubi vera sunt gáudia.
DOMINICA XXII PER ANNUM
Hebd. II Psalterii
Ad I Vesperas
Ad Magnificat, ant.
Anno ACœpit Iesus osténdere discípulis suis quia oportéret eum ire Ierosólymam, et multa pati, et occídi, et tértia die resúrgere.
Anno BCustodíte mandáta Dómini Dei vestri. Hæc est enim vestra sapiéntia et intelléctus coram pópulis.
Anno CCum vocátus fúeris ad núptias, recúmbe in novíssimo loco ut dicat tibi, qui te invitávit: Amíce, ascénde supérius; tunc erit tibi glória coram ómnibus simul discumbéntibus.
Ad Laudes matutinas
Ad Benedictus, ant.
Anno AQuid prodest hómini, si mundum univérsum lucrétur, ánimæ vero suæ detriméntum patiátur?
Anno BIn mansuetúdine suscípite ínsitum verbum, quod potest salváre ánimas vestras.
Anno COmnis qui se exáltat, humiliábitur, et qui se humíliat, exaltábitur.
Ad II Vesperas
Ad Magnificat, ant.
Anno AFílius hóminis ventúrus est in glória Patris sui cum ángelis suis, et tunc redde unicuíque secúndum ópera eius.
Anno BAudíte et intellégite traditiónes, quas Dóminus dedit vobis.
Anno CCum facis convívium, voca páuperes, débiles, claudos, cæcos; et beátus eris, quia non habent retribúere tibi. Retribuétur enim tibi in resurrectióne iustórum.
Oratio
Deus virtútum, cuius est totum quod est óptimum, ínsere pectóribus nostris tui nóminis amórem, et præsta, ut in nobis, religiónis augménto, quæ sunt bona nútrias, ac, vigilánti stúdio, quæ sunt nutríta custódias.
DOMINICA XXIII PER ANNUM
Hebd. III Psalterii
Ad I Vesperas
Ad Magnificat, ant.
Anno ASi peccáverit in te frater tuus, vade, córripe eum inter te et ipsum solum. Si te audíerit, lucrátus es fratrem tuum.
Anno BDum transíret Dóminus per médios fines Tyri, addúcunt ei surdum et mutum, et deprecántur eum ut impónat illi manum.
Anno CSi quis venit ad me et non odit adhuc et ánimam suam, non potest esse meus discípulus.
Ad Laudes matutinas
Ad Benedictus, ant.
Anno ASi duo ex vobis consénserint super terram de omni re quamcúmque petíerint, fiet illis a Patre meo qui in cælis est.
Anno BSuspíciens Iesus in cælum ingémuit et ait surdo et muto: Effetha, quod est: Adaperíre.
Anno CQui non báiulat crucem suam et venit post me non potest esse meus discípulus.
Ad II Vesperas
Ad Magnificat, ant.
Anno AUbi sunt duo vel tres congregáti in nómine meo, ibi sum in médio eórum, dicit Dóminus.
Anno BBene ómnia fecit, et surdos facit audíre et mutos loqui.
Anno CQui non renúntiat ómnibus quæ póssidet, non potest meus esse discípulus.
Oratio
Deus, per quem nobis et redémptio venit et præstátur adóptio, fílios dilectiónis tuæ benígnus inténde, ut in Christo credéntibus et vera tribuátur libértas et heréditas ætérna.
DOMINICA XXIV PER ANNUM
Hebd. IV Psalterii
Ad I Vesperas
Ad Magnificat, ant.
Anno ADixit Iesus Petro: Non dico tibi ut dimíttas usque sépties, sed usque septuágies sépties.
Anno BVos quem me esse dícitis? Respóndens Petrus ait Iesu: Tu es Christus, allelúia.
Anno CQuis ex vobis homo, qui habet centum oves, et si perdíderit unam ex illis, nonne dimíttit nonagintanóvem in desérto, et vadit ad illam quæ períerat, donec invéniat eam?
Ad Laudes matutinas
Ad Benedictus, ant.
Anno AMisértus dóminus servi illíus dimísit eum et débitum dimísit ei.
Anno BOpórtet Fílium hóminis pati multa, et reprobári a senióribus, et occídi, et post tres dies resúrgere.
Anno CDico vobis: Gáudium est ángelis Dei super uno peccatóre pæniténtiam agénte.
Ad II Vesperas
Ad Magnificat, ant.
Anno AServe nequam, omne débitum dimísi tibi, quóniam rogásti me; nonne opórtuit et te miseréri consérvi tui sicut et ego tui misértus sum?
Anno BQui perdíderit ánimam suam propter me et evangélium, salvam fáciet eam, dicit Dóminus.
Anno CQuæ múlier habens drachmas decem, et si perdíderit drachmam unam, nonne accéndit lucérnam, et quærit diligénter donec invéniat?
Oratio
Réspice nos, rerum ómnium Deus creátor et rector, et, ut tuæ propitiatiónis sentiámus efféctum, toto nos tríbue tibi corde servíre.
DOMINICA XXV PER ANNUM
Hebd. I Psalterii
Ad I Vesperas
Ad Magnificat, ant.
Anno AIte et vos in víneam meam; et quod iustum fúerit dabo vobis.
Anno BSi quis vult primus esse, erit ómnium novíssimus et ómnium miníster.
Anno CFácite vobis amícos de mammóna iniquitátis, ut, cum defécerit, recípiant vos in ætérna tabernácula.
Ad Laudes matutinas
Ad Benedictus, ant.
Anno ASímile est regnum cælórum hómini patrifamílias, qui éxiit primo mane condúcere operários in víneam suam, dicit Dóminus.
Anno BQuicúmque me suscéperit, non me súscipit, sed eum qui me misit.
Anno CQui fidélis est in mínimo, et in maióri fidélis est, dicit Dóminus.
Ad II Vesperas
Ad Magnificat, ant.
Anno AVoca operários, et redde illis mercédem suam dicit Dóminus.
Anno BQuisquis unum ex huiúsmodi púeris recéperit in nómine meo, me récipit.
Anno CNemo servus potest duóbus dóminis servíre. Non potéstis Deo servíre et mammónæ, dicit Dóminus.
Oratio
Deus, qui sacræ legis ómnia constitúta in tua et próximi dilectióne posuísti, da nobis, ut, tua præcépta servántes, ad vitam mereámur perveníre perpétuam.
DOMINICA XXVI PER ANNUM
Hebd. II Psalterii
Ad I Vesperas
Ad Magnificat, ant.
Anno ACum avérterit se ímpius ab impietáte sua, et fécerit iudícium et iustítiam, vita vivet, non moriétur, dicit Dóminus.
Anno BNemo est qui fáciat virtútem in nómine meo, et possit cito male loqui de me. Qui enim non est advérsum vos, pro vobis est.
Anno CFactum est ut morerétur pauper et portarétur ab ángelis in sinum Abrahæ.
Ad Laudes matutinas
Ad Benedictus, ant.
Anno AAmen dico vobis, quia publicáni et meretríces præcédunt vos in regnum Dei, quia credidérunt.
Anno BQuisquis potum déderit vobis cálicem aquæ in nómine meo, quia Christi estis, amen dico vobis: non perdet mercédem suam.
Anno CFili, recordáre quia recepísti bona tua in vita tua, et Lázarus simíliter mala; nunc autem tu vero cruciáris et ille consolátur.
Ad II Vesperas
Ad Magnificat, ant.
Anno ANon omnis, qui dicit mihi: Dómine, Dómine, intrábit in regnum cælórum, sed qui facit voluntátem Patris mei, qui in cælis est, ipse intrábit in regnum cælórum.
Anno BBonum est tibi débilem introíre in vitam, quam duas manus habéntem ire in gehénnam, dicit Dóminus.
Anno CBeáti páuperes, quia vestrum est regnum Dei. Beáti, qui nunc esurítis, quia saturabímini. Beáti, qui nunc fletis, quia ridébitis.
Oratio
Deus, qui omnipoténtiam tuam parcéndo máxime et miserándo maniféstas, grátiam tuam super nos indesinénter infúnde, ut, ad tua promíssa curréntes, cæléstium bonórum fácias esse consórtes.
DOMINICA XXVII PER ANNUM
Hebd. III Psalterii
Ad I Vesperas
Ad Magnificat, ant.
Anno ACum tempus frúctuum appropinquásset, dóminus víneæ misit servos suos ad agrícolas, ut accíperent fructus eius.
Anno BAccedéntes pharisǽi interrogábant Iesum: Si licet viro uxórem dimíttere. Quibus respóndens ait: Quod Deus coniúnxit, homo non séparet.
Anno CDixérunt apóstoli Dómino: Adáuge nobis fidem! allelúia.
Ad Laudes matutinas
Ad Benedictus, ant.
Anno ADóminus víneæ malos male perdet, et víneam locábit áliis agrícolis, qui reddant ei fructum tempóribus suis.
Anno BSínite párvulos veníre ad me. Ne prohibuéritis eos; tálium est enim regnum Dei.
Anno CSi haberétis fidem sicut granum sinápis, dicerétis huic árbori moro: Eradicáre et transplantáre in mare, et obœdíret vobis, dicit Dóminus.
Ad II Vesperas
Ad Magnificat, ant.
Anno ALápidem, quem reprobavérunt ædificántes, hic factus est in caput ánguli; a Dómino factum est istud et est mirábile in óculis nostris.
Anno BAmen dico vobis: Quisquis non recéperit regnum Dei velut párvulus, non intrábit in illud.
Anno CCum fecéritis ómnia, quæ præcépta sunt vobis, dícite: Servi inútiles sumus: quod debúimus fácere, fécimus.
Oratio
Omnípotens sempitérne Deus, qui abundántia pietátis tuæ et mérita súpplicum excédis et vota, effúnde super nos misericórdiam tuam, ut dimíttas quæ consciéntia métuit, et adícias quod orátio non præsúmit.
DOMINICA XXVIII PER ANNUM
Hebd. IV Psalterii
Ad I Vesperas
Ad Magnificat, ant.
Anno ASímile est regnum cælórum hómini regi, qui fecit núptias fílio suo et misit servos suos vocáre invitátos ad núptias.
Anno BUnum tibi deest: vade, quæcúmque habes vende et da paupéribus, et habébis thesáurum in cælo et veni, séquere me.
Anno COccurrérunt decem viri leprósi, qui stetérunt a longe, et levavérunt vocem dicéntes: Iesu præcéptor, miserére nostri.
Ad Laudes matutinas
Ad Benedictus, ant.
Anno ADícite invitátis: Ecce prándium meum parávi; veníte ad núptias.
Anno BQuam diffícile, qui pecúnias habent, in regnum Dei introíbunt!, dixit Iesus discípulis suis.
Anno CUnus ex illis, ut vidit quia mundátus est, regréssus est cum magna voce magníficans Deum, allelúia.
Ad II Vesperas
Ad Magnificat, ant.
Anno ANúptiæ quidem parátæ sunt, sed qui invitáti erant non fuérunt digni; ite ergo ad éxitum viárum et quoscúmque invenéritis, vocáte ad núptias.
Anno BVos qui reliquístis ómnia, et secúti estis me, céntuplum accipiétis, et vitam ætérnam possidébitis.
Anno CNon sunt invénti qui redírent et darent glóriam Deo, nisi hic alienígena? Et ait illi: Surge, vade: fides tua te salvum fecit.
Oratio
Tua nos, quǽsumus, Dómine, grátia semper et prævéniat et sequátur, ac bonis opéribus iúgiter præstet esse inténtos.
DOMINICA XXIX PER ANNUM
Hebd. I Psalterii
Ad I Vesperas
Ad Magnificat, ant.
Anno AMagíster, scimus quia verax es et viam Dei in veritáte doces.
Anno BCálicem, quem ego bibo, bibétis et baptísmum quo ego baptízor, baptizabímini, dicit Dóminus.
Anno CDicébat Iesus discípulis suis quóniam opórtet semper oráre et non defícere.
Ad Laudes matutinas
Ad Benedictus, ant.
Anno ASciant ab ortu solis et ab occidénte quóniam absque me nullus est. Ego Dóminus, et non est alter.
Anno BQuicúmque volúerit fíeri maior inter vos, erit vester miníster, et quicúmque volúerit in vobis primus esse, erit ómnium servus.
Anno CDeus fáciet vindíctam electórum suórum clamántium ad se die ac nocte, et patiéntiam habébit in illis.
Ad II Vesperas
Ad Magnificat, ant.
Anno ARéddite, quæ sunt Cǽsaris, Cǽsari, et quæ sunt Dei, Deo.
Anno BFílius hóminis non venit, ut ministrarétur ei, sed ut ministráret et daret ánimam suam redemptiónem pro multis.
Anno CDum vénerit Fílius hóminis, putas invéniet fidem super terram?
Oratio
Omnípotens sempitérne Deus, fac nos tibi semper et devótam gérere voluntátem, et maiestáti tuæ sincéro corde servíre.
DOMINICA XXX PER ANNUM
Hebd. II Psalterii
Ad I Vesperas
Ad Magnificat, ant.
Anno AMagíster, quod est mandátum magnum in lege? Ait illi Iesus: Díliges Dóminum Deum tuum in toto corde tuo.
Anno BIter faciénte Iesu, dum appropinquáret Iéricho, cæcus clamábat ad eum, ut lumen recípere mererétur.
Anno CStans a longe publicánus nolébat nec óculos ad cælum leváre, sed percutiébat pectus suum dicens: Deus, propítius esto mihi peccatóri.
Ad Laudes matutinas
Ad Benedictus, ant.
Anno ADíliges próximum tuum sicut teípsum, dixit Dóminus discípulis suis.
Anno BIesu Fili David, miserére mei! Quid vis tibi fáciam? Dómine, ut vídeam.
Anno CDescéndit publicánus iustificátus in domum suam, ab illo, qui in se confidébat.
Ad II Vesperas
Ad Magnificat, ant.
Anno ADíliges Dóminum Deum tuum; díliges próximum tuum sicut teípsum: in his duóbus mandátis univérsa Lex pendet et Prophétæ.
Anno BAit Iesus cæco: Vade, fides tua te salvum fecit. Et conféstim vidit, et sequebátur eum in via.
Anno COmnis qui se exáltat humiliábitur, et qui se humíliat exaltábitur.
Oratio
Omnípotens sempitérne Deus, da nobis fídei, spei et caritátis augméntum, et, ut mereámur ássequi quod promíttis, fac nos amáre quod prǽcipis.
DOMINICA XXXI PER ANNUM
Hebd. III Psalterii
Ad I Vesperas
Ad Magnificat, ant.
Anno AOmnes vos fratres estis: unus est Pater vester, qui in cælis est.
Anno BDíliges Dóminum Deum tuum ex toto corde tuo. Díliges próximum tuum tamquam teípsum. Máius horum áliud mandátum non est.
Anno CZachǽe, festínans descénde, quia hódie in domo tua opórtet me manére; at ille festínans descéndit et excépit illum gaudens in domo sua.
Ad Laudes matutinas
Ad Benedictus, ant.
Anno AUnus est magíster vester, qui in cælis est, Christus Dóminus.
Anno BUnus est Deus, et non est álius præter eum, et díliges Dóminum ex tota ánima tua.
Anno CHódie salus dómui huic facta est, eo quod et ipse fílius sit Abrahæ.
Ad II Vesperas
Ad Magnificat, ant.
Anno AQui maior est vestrum erit miníster vester. Qui autem se exaltáverit humiliábitur, et qui se humiliáverit exaltábitur.
Anno BIesus videns quod scriba sapiénter respondísset, dixit illi: Non es longe a regno Dei.
Anno CVenit Fílius hóminis quǽrere et salvum fácere quod períerat.
Oratio
Omnípotens et miséricors Deus, de cuius múnere venit, ut tibi a fidélibus tuis digne et laudabíliter serviátur, tríbue, quǽsumus, nobis, ut ad promissiónes tuas sine offensióne currámus.
DOMINICA XXXII PER ANNUM
Hebd. IV Psalterii
Ad I Vesperas
Ad Magnificat, ant.
Anno APrudéntes vírgines, aptáte vestras lámpades: Ecce sponsus venit, exíte óbviam ei.
Anno BSedens Iesus contra gazophylácium aspiciébat víduam unam páuperem, quæ misit duo minúta: ómnia quæ habébat Dómino.
Anno CIlli qui digni habéntur resurrectióne ex mórtuis, æquáles ángelis sunt et fílii sunt Dei.
Ad Laudes matutinas
Ad Benedictus, ant.
Anno AMédia nocte clamor factus est: Ecce sponsus venit, exíte óbviam ei.
Anno BAmen dico vobis, vídua hæc pauper plus ómnibus misit, qui misérunt in gazophylácium.
Anno CMóyses osténdit secus rubum, quia resúrgent mórtui, sicut dicit: Dóminum Deum Abraham et Deum Isaac et Deum Iacob. Deus autem non est mortuórum sed vivórum.
Ad II Vesperas
Ad Magnificat, ant.
Anno AAmen dico vobis, vigiláte, quia nescítis diem neque horam.
Anno BVídua illa pauper de penúria sua ómnia, quæ hábuit, misit, totum victum suum.
Anno CDeus non est mortuórum, sed vivórum: omnes enim vivunt ei.
Oratio
Omnípotens et miséricors Deus, univérsa nobis adversántia propitiátus exclúde, ut, mente et córpore páriter expedíti, quæ tua sunt líberis méntibus exsequámur.
DOMINICA XXXIII PER ANNUM
Hebd. I Psalterii
Ad I Vesperas
Ad Magnificat, ant.
Anno ADómine, quinque talénta tradidísti mihi: ecce ália quinque superlucrátus sum.
Anno BVidébunt Fílium hóminis veniéntem in núbibus cæli cum virtúte multa et glória, allelúia.
Anno CCum audiéritis prœ́lia et seditiónes, nolíte terréri; opórtet enim primum hæc fíeri, sed non statim finis, dicit Dóminus.
Ad Laudes matutinas
Ad Benedictus, ant.
Anno AServe bone et fidélis, quia super pauca fuísti fidélis, super multa te constítuam.
Anno BDóminus mittet ángelos et congregábit eléctos suos a quáttuor ventis, a summo terræ usque ad summum cæli.
Anno CEgo dabo vobis os et sapiéntiam, cui non póterunt resístere vel contradícere omnes adversárii vestri.
Ad II Vesperas
Ad Magnificat, ant.
Anno AEuge, serve bone, in módico fidélis: intra in gáudium dómini tui.
Anno BAmen dico vobis: cælum et terra transíbunt, verba autem mea non transíbunt.
Anno CIn patiéntia vestra possidébitis ánimas vestras.
Oratio
Da nobis, quǽsumus, Dómine Deus noster, in tua semper devotióne gaudére, quia perpétua est et plena felícitas, si bonórum ómnium iúgiter serviámus auctóri.
Hebdomada XXXIV PER ANNUM
Hebd. II Psalterii
OratioExcita, quǽsumus, Dómine, tuórum fidélium voluntátes, ut, divíni óperis fructum propénsius exsequéntes, pietátis tuæ remédia maióra percípiant.