TEMPUS ADVENTUS

II. POST DIEM 16 DECEMBRIS

In Officio dominicali et feriali, a die 17 ad I Vesperas Nativitatis exclusive, dicitur:

Ad Vesperas

HYMNUS

Ad Completorium

HYMNUS Christe, qui splendor.

Ad Invitatorium

Ant. Prope est iam Dóminus: veníte, adorémus.

24. decembra, ant: Hódie sciétis quia véniet Dóminus, et mane vidébitis glóriam eius.

Ad Laudes matutinas

HYMNUS

ANTIPHONÆ AD LAUDES ET VESPERAS

a die 17 ad diem 23 decembris

Sequentes antiphonæ ad Laudes et Vesperas dicuntur sex feriis, quæ occurunt a die 17 ad diem 23 decembris, et incipiunt die 17 decembris (vel 18 si dies 17 fuerit dominica) ab antiphonis, quæ feriæ illius diei assignatur et etiam suo loco in Psalterio indicantur.

Feria secunda

Ant. 1Ecce véniet Dóminus, princeps regum terræ; beáti qui paráti sunt occúrrere illi.

Ant. 2Cantáte Dómino cánticum novum; laus eius ab extrémis terræ.

Ant. 3Cum vénerit Fílius hóminis, putas, invéniet fidem super terram?

Feria tertia

Ant. 1Egrediétur Dóminus de loco sancto suo; véniet, ut salvet pópulum suum.

Ant. 2Urbs fortitúdinis nostræ Sion, Salvátor ponétur in ea murus et antemurále; aperíte portas, quia nobíscum Deus, allelúia.

Ant. 3Ut cognoscámus, Domine, in terra viam tuam, in ómnibus géntibus salutáre tuum.

Feria quarta

Ant. 1De Sion véniet Dóminus omnípotens, ut salvum fáciat pópulum suum.

Ant. 2Propter Sion non tacébo, donec egrediátur ut splendor Iustus eius.

Ant. 3Spíritus Dómini super me, evangelizáre paupéribus misit me.

Feria quinta

Ant. 1Ad te, Dómine, levávi ánimam meam; veni et éripe me, Dómine, ad te confúgi.

Ant. 2Da mercédem, Dómine, sustinéntibus te, ut prophétæ tui fidéles inveniántur.

Ant. 3Convértere, Dómine, aliquántulum, et ne tardes veníre ad servos tuos.

Feria sexta

Ant. 1De Sion véniet qui regnatúrus est: Dóminus, Emmánuel magnum nomen eius.

Ant. 2Constántes estóte, vidébitis auxílium Dómini super vos.

Ant. 3 Ego autem ad Dóminum aspíciam, et exspectábo Deum, salvatórem meum.

Sabbato

Ant. 1 Deus a Líbano véniet, et splendor eius sicut lumen erit.

Ant. 2 Roráte, cæli, désuper, et nubes pluant Iustum; aperiátur terra et gérminet Salvatórem.

Ant. 3 Parátus esto, Israel, in occúrsum Dómini, quóniam venit.

DIE 17 DECEMBRIS

Ad Laudes matutinas

LECTIO BREVIS

{r}Is 11, 1-3a{/r}

Egrediétur virga de stirpe Iesse, et flos de radíce eius ascéndet; et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et timóris Dómini; et delíciæ eius in timóre Dómini.

RESPONSORIUM BREVE

Super te, Ierúsalem, {*} Oriétur Dóminus.

Super te, Ierúsalem, {*} Oriétur Dóminus.

Et glória eius in te vidébitur. {*}

Oriétur Dóminus.

Glória Patri, et Fílio, et Spirítui Sancto.

Super te, Ierúsalem, {*} Oriétur Dóminus.

Ant. na Benediktus: Scitóte quia prope est regnum Dei; amen dico vobis quia non tardábit.

PRECES

Deum Patrem, qui antíqua dispositióne pópulum suum salváre státuit, orémus dicéntes:

Custódi plebem tuam, Dómine.

Deus, qui pópulo tuo germen iustítiæ promisísti,

custódi sanctitátem Ecclésiæ tuæ.

Custódi plebem tuam, Dómine.

Inclína cor hóminum, Deus, in verbum tuum,

et confírma fidéles tuos sine queréla in sanctitáte.

Custódi plebem tuam, Dómine.

Consérva nos in dilectióne Spíritus tui,

ut Fílii tui, qui ventúrus est, misericórdiam suscipiámus.

Custódi plebem tuam, Dómine.

Confírma nos, Deus clementíssime, usque in finem,

in diem advéntus Dómini nostri Iesu Christi.

Custódi plebem tuam, Dómine.

ORATIO

Deus, humánæ cónditor et redémptor natúræ, qui Verbum tuum in útero perpétuæ virginitátis carnem assúmere voluísti, réspice propítius ad preces nostras, ut Unigénitus tuus, nostra humanitáte suscépta, nos divíno suo consórtio sociáre dignétur.

Ad Vesperas

LECTIO BREVIS

{r}1 Th 5, 23-24{/r}

Ipse Deus pacis sanctíficet vos per ómnia, et ínteger spíritus vester et ánima et corpus sine queréla in advéntu Dómini nostri Iesu Christi servétur. Fidélis est, qui vocat vos, qui étiam fáciet.

RESPONSORIUM BREVE

Osténde nobis, Dómine, {*} Misericórdiam tuam.

Osténde nobis, Dómine, {*} Misericórdiam tuam.

Et salutáre tuum da nobis. {*}

Misericórdiam tuam.

Glória Patri, et Fílio, et Spirítui Sancto.

Osténde nobis, Dómine, {*} Misericórdiam tuam.

Ant. na Magnifikat: O Sapiéntia, quæ ex ore Altíssimi prodísti, attíngens a fine usque ad finem, fórtiter suavitérque dispónens ómnia: veni ad docéndum nos viam prudéntiæ.

PRECES

Christum, gáudium et exsultatiónem ómnium eum exspectántium, lætántes invocémus:

Veni, Dómine, et noli tardáre.

Læti exspectámus advéntum tuum,

veni, Dómine Iesu.

Veni, Dómine, et noli tardáre.

Tu, qui es ante sǽcula,

veni ad salvándum nos in hoc sǽculo.

Veni, Dómine, et noli tardáre.

Tu, qui creásti mundum et omnes qui hábitant in eo,

veni ad rediméndum opus mánuum tuárum.

Veni, Dómine, et noli tardáre.

Qui nostram non horruísti mortálem natúram,

veni ad eripiéndum nos a mortis império.

Veni, Dómine, et noli tardáre.

Qui venísti, ut vitam haberémus superabundántem,

veni nobísque dona tuam vitam ætérnam.

Veni, Dómine, et noli tardáre.

Qui omnes hómines in regnum tuum adunáre voluísti,

veni ad congregándum eos, qui visiónem vultus tui exspéctant.

Veni, Dómine, et noli tardáre.

LECTIO BREVIS

{r}Is 4, 2{/r}

In die illa erit germen Dómini in splendórem et glóriam et fructus terræ sublímis et exsultátio his, qui salváti fúerint de Israel.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Is 4, 3{/r}

Omnis qui relíctus fúerit in Sion et resíduus in Ierúsalem, sanctus vocábitur, omnis, qui scriptus est ad vitam in Ierúsalem.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Iz 61, 11{/r}

Sicut terra profert germen suum et sicut hortus semen suum gérminat, sic Dóminus Deus germinábit iustítiam et laudem coram univérsis géntibus.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 18 DECEMBRIS

Ad Laudes matutinas

LECTIO BREVIS

{r}Rom 13, 11-12{/r}

Hora est iam vos de somno súrgere, nunc enim própior est nobis salus quam cum credídimus. Nox procéssit, dies autem appropiávit. Abiciámus ergo ópera tenebrárum et induámur arma lucis.

Ant. na Benediktus: Vigiláte ánimo, in próximo est Dóminus Deus noster.

PRECES

Dóminum Iesum Christum, fratres caríssimi, deprecémur, qui est iudex vivórum et mortuórum, eíque fidénter dicámus:

Veni, Dómine Iesu.

Christe Dómine, qui peccatóres salváre venísti,

nos ab omni tentatiónum adversitáte defénde.

Veni, Dómine Iesu.

Qui ad iudícium maniféste ventúrus esse créderis,

poténtiam tuæ salvatiónis in nobis osténde.

Veni, Dómine Iesu.

Da nobis legis tuæ præcépta virtúte Spíritus custodíre,

ut advéntum tuum in caritáte præstolári possímus.

Veni, Dómine Iesu.

Tu, qui es benedíctus et vivis et ómnia regis, fac ut nos per misericórdiam tuam pie et sóbrie in hoc sǽculo vivámus,

exspectántes beátam spem et advéntum magnificéntiæ tuæ.

Veni, Dómine Iesu.

ORATIO

Concéde, quǽsumus, omnípotens Deus, ut, qui sub peccáti iugo ex vetústa servitúte deprímimur, exspectáta Unigéniti tui nova nativitáte liberémur.

Ad Vesperas

{r}Phil 4, 4-5{/r}

Gaudéte in Dómino semper. Iterum dico: Gaudéte! Modéstia vestra nota sit ómnibus homínibus. Dóminus prope.

Ant. na Magnifikat: O Adonái et Dux domus Israel, qui Móysi in igne flammæ rubi apparuísti, et ei in Sina legem dedísti: veni ad rediméndum nos in brácchio exténto.

PRECES

Christum redemptórem, fratres caríssimi, exorémus, qui venit ad salvándos hómines, eíque fidénter dicámus:

Veni, Dómine Iesu.

Christe Dómine, qui per suscéptæ mystérium carnis notam fecísti mundo glóriam tuæ divinitátis,

vivífica nos advéntu tuo.

Veni, Dómine Iesu.

Tu, qui suscepísti infirmitátem nostram,

concéde nobis misericórdiam tuam.

Veni, Dómine Iesu.

Qui, primo véniens húmilis, redemísti mundum a crímine,

secúndo advéniens, iustífica nos ab omni reátu.

Veni, Dómine Iesu.

Tu, qui es benedíctus et vivis et ómnia regis,

per misericórdiam tuam fac nos accédere ad ætérnam hereditátem.

Veni, Dómine Iesu.

Qui sedes ad déxteram Patris,

lúmine vultus tui ánimas defunctórum lætífica.

Veni, Dómine Iesu.

LECTIO BREVIS

{r}Rom 13, 13-14a{/r}

Sicut in die honéste ambulémus: non in comissatiónibus et ebrietátibus, non in cubílibus et impudicítiis, non in contentióne et æmulatióne; sed indúite Dóminum Iesum Christum.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

Cf. {r}1 Th 3, 12-13{/r}

Abundáre vos fáciat Dóminus caritáte in invicem et in omnes, quemádmodum et nos in vos, ad confirmánda corda vestra sine queréla in sanctitáte ante Deum et Patrem nostrum, in advéntu Dómini nostri Iesu cum ómnibus sanctis eius.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}2 Th 1, 6. 7. 10{/r}

Iustum est apud Deum retribúere vobis, qui tribulámini, réquiem nobíscum in revelatióne Dómini Iesu de cælo cum ángelis virtútis eius, cum vénerit glorificári in sanctis suis et admirábilis fíeri in ómnibus, qui credidérunt.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 19 DECEMBRIS

Ad Laudes matutinas

LECTIO BREVIS

{r}Is 2, 3{/r}

Veníte et ascendámus ad montem Dómini, ad domum Dei Iacob, ut dóceat nos vias suas, et ambulémus in sémitis eius; quia de Sion exíbit lex et verbum Dómini de Ierúsalem.

Ant. na Benediktus: Oriétur sicut sol Salvátor mundi, et descéndet in úterum Vírginis sicut imber super gramen, allelúia.

RESPONSORIUM BREVE

Veni ad liberándum nos, {*} Dómine Deus virtútum.

Veni ad liberándum nos, {*} Dómine Deus virtútum.

Osténde fáciem tuam, et salvi érimus. {*}

Dómine Deus virtútum.

Glória Patri, et Fílio, et Spirítui Sancto.

Veni ad liberándum nos, {*} Dómine Deus virtútum.

PRECES

Christum redemptórem, fratres caríssimi, deprecémur, qui véniet, ut redeúntes ad se a mortis potestáte líberet, et súpplices implorémus:

Veni, Dómine Iesu.

Tuum, Dómine, dum annuntiámus advéntum,

munda cor nostrum ab omni spíritu vanitátis.

Veni, Dómine Iesu.

Ecclésia tua, Dómine, quam fundásti,

te per omnes gentes magníficet.

Veni, Dómine Iesu.

Lex tua, Dómine, illúminans óculos,

prótegat pópulos tíbimet confiténtes.

Veni, Dómine Iesu.

Qui gáudia advéntus tui nobis ab Ecclésia prænuntiári concédis,

fac ut promptíssima devotióne te excipiámus.

Veni, Dómine Iesu.

ORATIO

Deus, qui splendórem glóriæ tuæ per sacræ Vírginis partum mundo dignátus es reveláre, tríbue, quǽsumus, ut tantæ incarnatiónis mystérium et fídei integritáte colámus, et devóto semper obséquio frequentémus.

Ad Vesperas

{r}Phil 3, 20b-21{/r}

Salvatórem exspectámus Dóminum Iesum Christum, qui transfigurábit corpus humilitátis nostræ confórme fíeri córpori glóriæ suæ secúndum operatiónem, qua possit étiam subícere sibi ómnia.

Ant. na Magnifikat: O radix Iesse, qui stas in signum populórum, super quem continébunt reges os suum, quem gentes deprecabúntur: veni ad liberándum nos, iam noli tardáre.

PRECES

Christo Dómino, fratres caríssimi, supplicémus, qui est iudex vivórum et mortuórum dicamúsque fidénter:

Veni, Dómine Iesu.

Fac, Dómine, ut iustítiam tuam, quam cæli annúntiant, mundus agnóscat,

et glória tua hábitet in terra nostra.

Veni, Dómine Iesu.

Qui infirmári pro nobis dignáris ut homo,

divinitátis tuæ hómines præmuníre dignéris præsídio.

Veni, Dómine Iesu.

Veni et sciéntiæ tuæ irrádia splendóre,

quos in ténebris ignorántiæ tui cónspicis detinéri.

Veni, Dómine Iesu.

Qui, humiliátus, iniquitátem nostram abstulísti,

gloriósus, beatitúdinis prǽmia nobis largíre.

Veni, Dómine Iesu.

Qui ventúrus es ad iudícium maniféste,

defúnctos fratres ad cælórum regnum perdúcas.

Veni, Dómine Iesu.

LECTIO BREVIS

Cf. {r}Is 10, 20-21{/r}

Et erit in die illa: resíduum Israel et, qui effúgerint de domo Iacob, inniténtur super Dóminum Sanctum Israel in veritáte. Relíquiæ reverténtur, reliquiæ Iacob ad Deum fortem.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

Cf. {r}Is 10, 24. 27{/r}

Hæc dicit Dóminus Deus exercítuum: «Noli timére, pópulus meus habitátor Sion. In die illa auferétur onus de úmero tuo et iugum de collo tuo».

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}Is 13, 22 – 14, 1{/r}

Prope est ut véniat tempus eius, et dies eius non elongabúntur. Miserébitur enim Dóminus Iacob et Israel salvábitur.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 20 DECEMBRIS

Ad Laudes matutinas

LECTIO BREVIS

{r}Gen 49, 10{/r}

Non auferétur sceptrum de Iuda et báculus ducis de pédibus eius, donec véniat ille, cuius est, et cui erit obœdiéntia géntium.

Ant. na Benediktus: Missus est Gábriel ángelus ad Maríam Vírginem desponsátam Ioseph.

PRECES

Christum Dóminum rogémus, fratres caríssimi, qui est lux illúminans omnem hóminem, læti clamántes:

Veni, Dómine Iesu.

Lux præséntiæ tuæ nostras discútiat ténebras,

et nos tuis munéribus dignos effíciat.

Veni, Dómine Iesu.

Salvos nos fac, Dómine Deus noster,

ut confiteámur hódie nómini sancto tuo.

Veni, Dómine Iesu.

Succénde corda nostra ut ad te ardénter sítiant,

tibíque coniúngi tota aviditáte festínent.

Veni, Dómine Iesu.

Qui infirmitátem nostram sustulísti,

infírmis et hódie moribúndis succúrre.

Veni, Dómine Iesu.

ORATIO

Deus, cuius ineffábile Verbum, Angelo nuntiánte, Virgo immaculáta suscépit, et, domus divinitátis effécta, Sancti Spíritus luce replétur, quǽsumus, ut nos, eius exémplo, voluntáti tuæ humíliter adhærére valeámus.

Ad Vesperas

Cf. {r}1 Cor 1, 7b-9{/r}

Exspectámus revelatiónem Dómini nostri Iesu Christi; qui confirmábit vos usque ad finem sine crímine in die Dómini nostri Iesu Christi. Fidélis Deus, per quem vocáti estis in communiónem Fílii eius.

Ant. na Magnifikat: O clavis David, et sceptrum domus Israel; qui áperis, et nemo claudit; claudis, et nemo áperit: veni et educ vinctum de domo cárceris, sedéntem in ténebris et umbra mortis.

PRECES

Christum redemptórem et Dóminum, fratres dilectíssimi, deprecémur, qui novíssimis diébus maniféste véniet, et cum gáudio implorémus:

Veni, Dómine Iesu.

Redémptor noster et Dómine, qui nascéndo in carne, iugum a nobis sustulísti legis,

benefícia tuæ pietátis in nobis adímple.

Veni, Dómine Iesu.

Qui de nobis suscepísti quod divinitáti tuæ conveníre vidébas,

de tuo cónferas quod in nos exspectátus impértias.

Veni, Dómine Iesu.

Desidéria nostra præséntiæ tuæ exhibitióne gratífica,

et accensióne tui amóris cor nostrum inflámma.

Veni, Dómine Iesu.

Tecum gaudeámus in glória,

quem hic pura fídei cólimus consciéntia.

Veni, Dómine Iesu.

Animas ómnium defunctórum,

pietátis tuæ rore perfúnde.

Veni, Dómine Iesu.

LECTIO BREVIS

{r}Ier 23, 5{/r}

Ecce dies véniunt, dicit Dóminus, et suscitábo David germen iustum; et regnábit rex et sápiens erit et fáciet iudícium et iustítiam in terra.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ier 23, 6{/r}

In diébus illis salvábitur Iuda, et Israel habitábit confidénter; et hoc est nomen, quod vocábunt eum: Dóminus iustítia nostra.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}Ez 34, 15-16{/r}

Ego pascam oves meas et ego eas accubáre fáciam, dicit Dóminus Deus. Quod períerat, requíram et, quod confráctum fúerat, alligábo et, quod infírmum erat, consolidábo et pascam illas in iudício.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 21 DECEMBRIS

Ad Laudes matutinas

{r}Is 7, 14b-15{/r}

Ecce, Virgo concípiet et páriet fílium et vocábit nomen eius Emmánuel; butýrum et mel cómedet, ut ipse sciat reprobáre malum et elígere bonum.

Ant. na Benediktus: Nolíte timére, quinta enim die véniet ad vos Dóminus noster.

PRECES

Dóminum nostrum Iesum Christum, fratres caríssimi, exorémus, qui in sua misericórdia nos vísitat, lætámque vocem iterémus:

Veni, Dómine Iesu.

Qui de sinu Patris egréssus, venísti ut carnis nostræ vestiméntum indúeres,

líbera quod períerat natúræ vitiátæ contágio.

Veni, Dómine Iesu.

Qui ventúrus, in eléctis agnoscéris gloriósus,

nunc véniens, in peccatóribus clemens semper et pius inveniáris.

Veni, Dómine Iesu.

Gloriántes in laude tua, Christe Dómine,

vísita nos in salutári tuo.

Veni, Dómine Iesu.

Qui nos iam eduxísti in lucem per fidem,

fac nos iustítia tua pro dignis opéribus tibi plácitos.

Veni, Dómine Iesu.

ORATIO

Preces pópuli tui, quǽsumus, Dómine, cleménter exáudi, ut qui de Unigéniti tui in nostra carne advéntu lætántur, cum vénerit in sua maiestáte, ætérnæ vitæ prǽmium consequántur.

Ad Vesperas

{r}1 Cor 4, 5{/r}

Nolíte ante tempus quidquam iudicáre, quoadúsque véniat Dóminus, qui et illuminábit abscóndita tenebrárum et manifestábit consília córdium; et tunc laus erit unicuíque a Deo.

Ant. na Magnifikat: O Oriens, splendor lucis ætérnæ et sol iustítiæ: veni, et illúmina sedéntes in ténebris et umbra mortis.

PRECES

Iesum Christum, fratres caríssimi, rogémus humíliter, qui nos a ténebris peccatórum redémit, et fidénter invocémus:

Veni, Dómine Iesu.

Cóngrega, Dómine, pópulos de univérsis terris,

et cum eis pactum sempitérnum confírma.

Veni, Dómine Iesu.

Agnus Dei, qui olim venísti peccáta tóllere mundi,

aufer a nobis omnem colluviónem delícti.

Veni, Dómine Iesu.

Qui venísti redímere quod períerat,

íterum sic vénias ut redémpta non púnias.

Veni, Dómine Iesu.

Tecum, quem fides nostra inténdit,

gáudium perpétuum, cum véneris, habeámus.

Veni, Dómine Iesu.

Qui iudicatúrus es vivos et mórtuos,

fratres defúnctos inter ágmina beatórum admítte propítius.

Veni, Dómine Iesu.

LECTIO BREVIS

{r}Is 2, 11{/r}

Oculi sublímes hóminis humiliabúntur, et incurvábitur altitúdo virórum; exaltábitur autem Dóminus solus in die illa.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Is 12, 2{/r}

Ecce Deus salútis meæ; fiduciáliter agam et non timébo, quia fortitúdo mea et laus mea Dóminus, et factus est mihi in salútem.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Dan 9, 19{/r}

Exáudi, Dómine; placáre, Dómine, atténde et fac: ne moréris propter temetípsum, Deus meus, quia nomen tuum invocátum est super civitátem et super pópulum tuum.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 22 DECEMBRIS

Ad Laudes matutinas

{r}Is 45, 8{/r}

Roráte, cæli, désuper, et nubes pluant iustítiam; aperiátur terra et gérminet salvatiónem; et iustítia oriátur simul.

Ant. na Benediktus: Ex quo facta est vox salutatiónis tuæ in áuribus meis, exsultávit in gáudio infans in útero meo, allelúia.

PRECES

Christum redemptórem exorémus, fratres dilectíssimi, qui venit ut nos grátia advéntus sui iustificáret, vocémque cum iúbilo innovémus:

Veni, Dómine Iesu.

Qui olim prophetárum vaticínio in carne prædíctus es nascitúrus,

nascéntia virtútum in nos corróbora.

Veni, Dómine Iesu.

Præsta nobis ut, qui tuam prædicámus salútem,

in te salvatiónem habeámus.

Veni, Dómine Iesu.

Qui venísti contrítis corde medéri,

pópuli tui sana languóres.

Veni, Dómine Iesu.

Qui cum venísti reconciliáre dignátus es mundum,

ad iudícium véniens ab omni nos pœnárum líbera cruciátu.

Veni, Dómine Iesu.

ORATIO

Deus, qui hóminem delápsum in mortem conspíciens, Unigéniti tui advéntu redímere voluísti, præsta, quæsumus, ut qui húmili eius incarnatiónem devotióne faténtur, ipsíus étiam Redemptóris consórtia mereántur.

Ad Vesperas

{r}Iac 5, 7-8. 9b{/r}

Patiéntes estóte, fratres, usque ad advéntum Dómini. Ecce agrícola exspéctat pretiósum fructum terræ, patiénter ferens, donec accípiat imbrem temporáneum et serótinum. Patiéntes estóte et vos, confirmáte corda vestra, quóniam advéntus Dómini appropinquávit. Ecce iudex ante iánuam assístit.

Ant. na Magnifikat: O Rex géntium et desiderátus eárum, lapísque anguláris, qui facis útraque unum: veni et salva hóminem, quem de limo formásti.

PRECES

Christum Dóminum, fratres caríssimi, qui propter nos humiliávit semetípsum, invocémus, cum exsultatióne dicéntes:

Veni, Dómine Iesu.

Dómine Iesu, qui advéntu tuo subveníre dignátus es mundo,

ánimas nostras et córpora a delícto purífica.

Veni, Dómine Iesu.

Quosque mystério incarnatiónis tuæ non confúnderis fratres vocáre,

aliénos a te éffici ne síveris.

Veni, Dómine Iesu.

Tales nos rediméndos státuas,

quáles iudicándos non púnias.

Veni, Dómine Iesu.

Christe, a cuius divítiis bonitátis et pietátis nihil témporis vacat,

fac nos percípere immarcescíbilem glóriæ corónam.

Veni, Dómine Iesu.

Commendámus tibi, Dómine, ánimas eórum, qui córporis néxibus absolúti sunt:

defúncti sǽculo tibi vivant in ætérnum.

Veni, Dómine Iesu.

LECTIO BREVIS

{r}Mic 5, 3-4a{/r}

Dominátor in Israel stabit et pascet in fortitúdine Dómini, in sublimitáte nóminis Dómini Dei sui; et habitábunt secúre, quia nunc magnus erit usque ad términos terræ, et erit iste pax.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ag 2, 6. 9{/r}

Adhuc unum módicum est, et ego commovébo cælum et terram et mare et áridam. Maior erit glória domus istíus novíssima plus quam prima; et in loco isto dabo pacem, dicit Dóminus exercítuum.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Mal 3, 20{/r}

Oriétur vobis timéntibus nomen meum sol iustítiæ et sánitas in pennis eius; et egrediémini et saliétis sicut vítuli sagináti, dicit Dóminus exercítuum.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 23 DECEMBRIS

Ad Laudes matutinas

{r}Ier 30, 21-22{/r}

Hæc dicit Dóminus: Erit dux eius ex Iacob, et princeps de médio eius procédet; et applicábo eum, et accédet ad me. Et éritis mihi in pópulum, et ego ero vobis in Deum.

Ant. na Benediktus: Ecce compléta sunt ómnia, quæ dicta sunt per Angelum de Vírgine María.

PRECES

Deum Patrem, fratres caríssimi, implorántes, qui misit Fílium suum ad salvándos hómines, súpplices acclamémus:

Osténde nobis, Dómine, misericórdiam tuam.

Christum tuum, Pater clementíssime, quem plena fide os nostrum annúntiat,

conversátio nostra ópere ne despíciat.

Osténde nobis, Dómine, misericórdiam tuam.

Qui Fílium tuum misísti ad salútem,

univérsum aufer a fácie terræ et a civitáte ista dolórem.

Osténde nobis, Dómine, misericórdiam tuam.

Terra nostra, advéntu Fílii tui iucunditáte perfúsa,

tuæ plenitúdinis gáudium ubérius experiátur.

Osténde nobis, Dómine, misericórdiam tuam.

Per misericórdiam tuam, fac ut nos pie et sóbrie in hoc sǽculo vivámus,

exspectántes beátam spem et advéntum glóriæ Christi.

Osténde nobis, Dómine, misericórdiam tuam.

ORATIO

Omnípotens sempitérne Deus, nativitátem Fílii tui secúndum carnem propinquáre cernéntes, quǽsumus, ut nobis indígnis fámulis tuis misericórdiam præstet Verbum, quod ex Vírgine María dignátum est caro fíeri, et habitáre in nobis.

Ad Vesperas

{r}2 Petr 3, 8b-9{/r}

Unus dies apud Dóminum sicut mille anni, et mille anni sicut dies unus. Non tardat Dóminus promissiónem, sicut quidam tarditátem exístimant, sed patiénter agit in vos nolens áliquos períre, sed omnes ad pæniténtiam revérti.

Ant. na Magnifikat: O Emmánuel, rex et légifer noster, exspectátio géntium et salvátor eárum: veni ad salvándum nos, Dómine Deus noster.

PRECES

Redemptórem nostrum, qui venit ad páuperes evangelizándos, cum fervóre rogémus, dicéntes:

Vídeant omnes glóriam tuam.

Manifésta teípsum ómnibus qui te non cognovérunt,

ut vídeant salutáre tuum.

Vídeant omnes glóriam tuam.

Nomen tuum usque ad terræ términos nuntiétur,

ut omnes hómines sémitas tuas invéniant.

Vídeant omnes glóriam tuam.

Qui ad hoc primum venísti, ut mundum redímeres,

ad hoc íterum vénias, ut credéntes in te pro méritis non condémnes.

Vídeant omnes glóriam tuam.

Libertátem quam rediméndis rédimens contulísti,

redemptiónis conservatióne defénde.

Vídeant omnes glóriam tuam.

Qui olim venísti nascitúrus in carne et íterum vénies ad faciéndum iudícium,

præsta, ut cum véneris ætérnam defúnctos próvehas ad mercédem.

Vídeant omnes glóriam tuam.

LECTIO BREVIS

{r}Ier 29, 11. 13{/r}

Ego scio cogitatiónes, quas ego cógito super vos, ait Dóminus, cogitatiónes pacis et non afflictiónis, ut dem vobis posteritátem et spem. Quærétis me et inveniétis, cum quæsiéritis me in toto corde vestro.

RESPONSORIUM BREVE

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ier 30, 18{/r}

Hæc dicit Dóminus: Ecce ego convértam sortem tabernaculórum Iacob et tectis eius miserébor.

RESPONSORIUM BREVE

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Bar 3, 5-6a{/r}

Noli memor esse iniquitátum patrum nostrórum, sed memor esto manus tuæ et nóminis tui in hoc témpore, quia tu es Dóminus Deus noster.

RESPONSORIUM BREVE

Veni, Dómine, et noli tardáre.

Reláxa facínora plebi tuæ.

DIE 24 DECEMBRIS

Ad Invitatorium

Ant. Hódie sciétis quia véniet Dóminus, et mane vidébitis glóriam eius.

Ad Laudes matutinas

Ant. 1 Tu, Béthlehem, terra Iuda, non eris mínima: ex te enim éxiet Dux qui regat pópulum meum Israel.

Psalmi et canticum de die currente.

Ant. 2 Leváte cápita vestra: ecce appropínquat redémptio vestra.

Ant. 3 Crástina erit vobis salus, dicit Dóminus Deus exercítuum.

LECTIO BREVIS

{r}Is 11, 1-3a{/r}

Egrediétur virga de stirpe Iesse, et flos de radíce eius ascéndet; et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et timóris Dómini; et delíciæ eius in timóre Dómini.

RESPONSORIUM BREVE

Crástina die {*} Delébitur iníquitas terræ.

Crástina die {*} Delébitur iníquitas terræ.

Et regnábit super nos Salvátor mundi. {*}

Delébitur iníquitas terræ.

Glória Patri, et Fílio, et Spirítui Sancto.

Crástina die {*} Delébitur iníquitas terræ.

Ant. na Benediktus: Compléti sunt dies Maríæ ut páreret Fílium suum primogénitum.

PRECES

Christum redemptórem, fratres caríssimi, devotióne mentis orémus, qui véniet cum glória et potestáte magna, atque súpplices invocémus:

Veni, Dómine Iesu.

Christe Dómine, qui excélsus in fortitúdine vénies, réspice humília nostra,

ut dignos nos fácias munéribus tuis.

Veni, Dómine Iesu.

Qui Evangélium homínibus manifestáre venísti,

da tuam nos semper prædicáre salútem.

Veni, Dómine Iesu.

Tu, qui es benedíctus et vivis et ómnia regis,

da nos gaudéntes exspectáre beátam spem et advéntum magnificéntiæ tuæ.

Veni, Dómine Iesu.

Et nos, qui advéntus tui grátiæ anhelámus,

divinitátis tuæ múnere consoláre.

Veni, Dómine Iesu.

ORATIO

Festína, quǽsumus, ne tardáveris, Dómine Iesu, ut advéntus tui consolatiónibus sublevéntur, qui in tua pietáte confídunt.