TEMPUS ADVENTUS

I. USQUE AD DIEM 16 DECEMBRIS

In Officio dominicali et feriali, a I Vesperis dominicæ I Adventus usque ad diem 16 decembris inclusive:

Ad Vesperas

HYMNUS

Ad Completorium

HYMNUS Te lucis ante términum.

Ad Invitatorium

Ant. Regem ventúrum Dóminum, veníte, adorémus.

Ad Laudes matutinas

HYMNUS

DOMINICA I ADVENTUS

Hebd. I Psalterii

Ad I Vesperas

Ant. 1Annuntiáte pópulis et dícite: Ecce Deus salvátor noster véniet.

Psalmi et canticum de dominica hebd. I.

Ant. 2Ecce Dóminus véniet, et omnes sancti eius cum eo, et erit in die illa lux magna, allelúia.

Ant. 3Véniet Dóminus in potestáte magna, et vidébit eum omnis caro.

LECTIO BREVIS

{r}1 Th 5, 23-24{/r}

Ipse Deus pacis sanctíficet vos per ómnia, et ínteger spíritus vester et ánima et corpus sine queréla in advéntu Dómini nostri Iesu Christi servétur. Fidélis est, qui vocat vos, qui étiam fáciet.

RESPONSORIUM BREVIS

Osténde nobis, Dómine, {*} Misericórdiam tuam.

Osténde nobis, Dómine, {*} Misericórdiam tuam.

Et salutáre tuum da nobis. {*}

Misericórdiam tuam.

Glória Patri, et Fílio, et Spirítui Sancto.

Osténde nobis, Dómine, {*} Misericórdiam tuam.

Ad Magnificat, ant.

Anno AVigiláte ergo, dicit Iesus, quia nescítis qua die Dóminus vester ventúrus sit.

Anno BEcce nomen Dómini venit de longínquo, et cláritas eius replet orbem terrárum.

Anno CErunt signa in sole et luna et stellis, et super terram pressúra géntium, et tunc vidébunt Fílium hóminis veniéntem in nube cum potestáte et glória magna.

PRECES

Christum, gáudium et exsultatiónem ómnium eum exspectántium, invocémus, dicéntes:

Veni, Dómine, et noli tardáre.

Læti exspectámus advéntum tuum,

veni, Dómine Iesu.

Veni, Dómine, et noli tardáre.

Tu, qui es ante sǽcula,

veni ad salvándum nos in hoc sǽculo.

Veni, Dómine, et noli tardáre.

Tu, qui creásti mundum et omnes qui hábitant in eo,

veni ad rediméndum opus mánuum tuárum.

Veni, Dómine, et noli tardáre.

Qui nostram non horruísti mortálem natúram,

veni ad eripiéndum nos a mortis império.

Veni, Dómine, et noli tardáre.

Qui venísti ut vitam superabundántem haberémus,

veni nobísque dona tuam vitam ætérnam.

Veni, Dómine, et noli tardáre.

Qui omnes hómines in regnum tuum adunáre voluísti,

veni ad congregándum eos qui vultus tui visiónem exspéctant.

Veni, Dómine, et noli tardáre.

ORATIO

Da, quǽsumus, omnípotens Deus, hanc tuis fidélibus voluntátem, ut, Christo tuo veniénti iustis opéribus occurréntes, eius déxteræ sociáti, regnum mereántur possidére cæléste.

Ad Laudes matutinas

Ant. 1In illa die stillábunt montes dulcédinem, et colles fluent lac et mel, allelúia.

Psalmi et canticum de dominica hebd. I.

Ant. 2Montes et colles cantábunt coram Deo laudem, et ómnia ligna silvárum plaudent mánibus: quóniam véniet Dóminus dominátor in regnum ætérnum, allelúia.

Ant. 3Ecce véniet Prophéta magnus, et ipse renovábit Ierúsalem, allelúia.

LECTIO BREVIS

{r}Rom 13, 11-12{/r}

Hora est iam vos de somno súrgere, nunc enim própior est nobis salus quam cum credídimus. Nox procéssit, dies autem appropiávit. Abiciámus ergo ópera tenebrárum et induámur arma lucis.

RESPONSORIUM BREVIS

Christe, Fili Dei vivi, {*} Miserére nobis.

Christe, Fili Dei vivi, {*} Miserére nobis.

Qui ventúrus es in mundum. {*}

Miserére nobis.

Glória Patri, et Fílio, et Spirítui Sancto.

Christe, Fili Dei vivi, {*} Miserére nobis.

Ad Benedictus, ant.

Anno ASi sciret paterfamílias qua hora fur ventúrus esset, vigiláret útique et non síneret pérfodi domum suam.

Anno BVigiláte ergo: nescítis enim quando dóminus domus véniat: sero an média nocte, an galli cantu an mane.

Anno CRespícite et leváte cápita vestra, quóniam appropínquat redémptio vestra.

PRECES

Deum Patrem, qui nobis grátiam exspectándi revelatiónem Dómini nostri Iesu Christi benígne largítur, orémus dicéntes:

Osténde nobis, Dómine, misericórdiam tuam.

Spíritum nostrum, Dómine, et ánimam et corpus sanctífica,

et irreprehensíbiles nos serva in Fílii tui advéntum.

Osténde nobis, Dómine, misericórdiam tuam.

Fac nos hac die sancte ambuláre,

atque iuste ac pie in hoc sǽculo vívere.

Osténde nobis, Dómine, misericórdiam tuam.

Da nobis Dóminum nostrum Iesum Christum indúere,

et Spíritu Sancto impléri.

Osténde nobis, Dómine, misericórdiam tuam.

Concéde ut vígiles maneámus, Dómine,

usque ad Fílii tui manifestatiónem gloriósam.

Osténde nobis, Dómine, misericórdiam tuam.

LECTIO BREVIS

{r}Rom 13, 13-14a{/r}

Sicut in die honéste ambulémus: non in comissatiónibus et ebrietátibus, non in cubílibus et impudicítiis, non in contentióne et æmulatióne; sed indúite Dóminum Iesum Christum.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

Cf. {r}1 Th 3, 12-13{/r}

Abundáre vos fáciat Dóminus caritáte in ínvicem et in omnes, quæmádmodum et nos in vos, ad confirmánda corda vestra sine queréla in sanctitáte ante Deum et Patrem nostrum, in advéntu Dómini nostri Iesu cum ómnibus sanctis eius.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}2 Sol 1, 6. 7. 10{/r}

Iustum est apud Deum retribúere vobis, qui tribulámini, réquiem nobíscum in revelatióne Dómini Iesu de cælo cum ángelis virtútis eius, cum vénerit glorificári in sanctis suis et admirábilis fíeri in ómnibus, qui credidérunt.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad II Vesperas

Ant. 1Iucundáre, fília Sion, et exsúlta satis, fília Ierúsalem, allelúia.

Psalmi et canticum de dominica hebd. I.

Ant. 2Rex noster advéniet Christus, quem Ioánnes prædicávit Agnum esse ventúrum.

Ant. 3Ecce vénio cito, et merces mea mecum est, dicit Dóminus: dare unicuíque secúndum ópera sua.

LECTIO BREVIS

{r}Phil 4, 4-5{/r}

Gaudéte in Dómino semper. Iterum dico: Gaudéte! Modéstia vestra nota sit ómnibus homínibus. Dóminus prope.

Ad Magnificat, ant.

Anno ASpíritus Sanctus in te descéndet, María: ne tímeas, habébis in útero Fílium Dei, allelúia.

Anno BNe tímeas, María, invenísti enim grátiam apud Dóminum: ecce concípies et páries Fílium, allelúia.

Anno CBeáta es, María, quæ credidísti Dómino, perficiéntur in te, quæ dicta sunt tibi a Dómino, allelúia.

PRECES

Redemptórem nostrum Iesum Christum, qui est via, véritas et vita, supplíciter rogémus, dicéntes:

Veni et mane nobíscum, Dómine.

Iesu, Fili Altíssimi, qui Vírgini Maríæ per Gabriélem annuntiátus es,

veni ad regnándum super plebem tuam in ætérnum.

Veni et mane nobíscum, Dómine.

Tu, Sancte Dei, cui Præcúrsor in sinu Elísabeth exsultávit,

veni ad dandum univérso mundo gáudium salútis.

Veni et mane nobíscum, Dómine.

Iesu Salvátor, cuius nomen Ioseph viro iusto ab Angelo revelátum est,

veni ad pópulum tuum salvum faciéndum a peccátis eórum.

Veni et mane nobíscum, Dómine.

Lumen mundi, quod Símeon et omnes iusti exspectábant,

veni ad consolándum nos.

Veni et mane nobíscum, Dómine.

Oriens indefíciens, quem nos ex alto visitatúrum prædíxit Zacharías,

veni ad illuminándum illos, qui in umbra mortis sedent.

Veni et mane nobíscum, Dómine.

FERIA SECUNDA

Ad Laudes Matutinas

LECTIO BREVIS

{r}Is 2, 3{/r}

Veníte et ascendámus ad montem Dómini, ad domum Dei Iacob, ut dóceat nos vias suas, et ambulémus in sémitis eius; quia de Sion exíbit lex et verbum Dómini de Ierúsalem.

RESPONSORIUM BREVIS

Super te, Ierúsalem, {*} Oriétur Dóminus.

Super te, Ierúsalem, {*} Oriétur Dóminus.

Et glória eius in te vidébitur. {*}

Oriétur Dóminus.

Glória Patri, et Fílio, et Spirítui Sancto.

Super te, Ierúsalem, {*} Oriétur Dóminus.

Ad Benedictus, ant. Leva, Ierúsalem, óculos et vide poténtiam Regis: ecce Salvátor venit sólvere te a vínculo.

PRECES

Christus Dóminus, Fílius Dei vivi, lumen de lúmine, edúcet nos in lucem, ut videámus iustitiam eius. Ergo cum fidúcia eum deprecémur:

Veni, Dómine Iesu.

O Lumen indefíciens, ad calíginem nostram discutiénda móriens,

éxcita, Christe, fidem nostram a somno.

Veni, Dómine Iesu.

Fac ut secúri ambulémus tota die,

cum iucunditáte claritátis tuæ.

Veni, Dómine Iesu.

Perféctam nos doce mansuetúdinem,

ut nota sit ómnibus homínibus.

Veni, Dómine Iesu.

Veni ad novam terram nobis creándam,

in qua iustítia et pax inhábitent.

Veni, Dómine Iesu.

ORATIO

Fac nos, quǽsumus, Dómine Deus noster, advéntum Christi Fílii tui sollícitos exspectáre, ut, dum vénerit pulsans, oratiónibus vigilántes, et in suis invéniat láudibus exsultántes.

LECTIO BREVIS

Cf. {r}Is 10, 20-21{/r}

Et erit in die illa: resíduum Israel et, qui effúgerint de domo Iacob, inniténtur super Dóminum Sanctum Israel in veritáte. Relíquiæ reverténtur, relíquiæ Iacob ad Deum fortem.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

Cf. {r}Is 10, 24. 27{/r}

Hæc dicit Dóminus Deus exercítuum: «Noli timére, pópulus meus habitátor Sion. In die illa auferétur onus de úmero tuo et iugum de collo tuo».

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}Is 13, 22 – 14, 1{/r}

Prope est ut véniat tempus eius, et dies eius non elongabúntur. Miserébitur enim Dóminus Iacob et Israel salvábitur.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad Vesperas

LECTIO BREVIS

{r}Phil 3, 20b-21{/r}

Salvatórem exspectámus Dóminum Iesum Christum, qui transfigurábit corpus humilitátis nostræ confórme fíeri córpori glóriæ suæ secúndum operatiónem, qua possit étiam subícere sibi ómnia.

RESPONSORIUM BREVIS

Veni ad liberándum nos, {*} Dómine Deus virtútum.

Veni ad liberándum nos, {*} Dómine Deus virtútum.

Osténde fáciem tuam, et salvi érimus. {*}

Dómine Deus virtútum.

Glória Patri, et Fílio, et Spirítui Sancto.

Veni ad liberándum nos, {*} Dómine Deus virtútum.

Ad Magnificat, ant. Angelus Dómini nuntiávit Maríæ, et concépit de Spíritu Sancto, allelúia.

PRECES

Dóminum, qui véniet et salvábit nos, supplíciter deprecémur, clamántes:

Veni et salva nos.

Dómine Iesu, Christe Dei, salvátor ómnium,

veni cítius et salva nos.

Veni et salva nos.

Tu, qui venísti in hunc mundum,

líbera nos a peccáto mundi.

Veni et salva nos.

Tu, qui a Patre venísti,

doce nos viam salútis ad Patrem.

Veni et salva nos.

Tu, qui concéptus es de Spíritu Sancto,

in eódem Spíritu corda nostra verbo rénova tuo.

Veni et salva nos.

Tu, qui es incarnátus in sinu Maríæ Vírginis,

líbera nos a corruptióne carnis.

Veni et salva nos.

Meménto, Dómine, ómnium hóminum,

qui fuérunt ab orígine mundi et speravérunt in te.

Veni et salva nos.

FERIA TERTIA

Ad Laudes Matutinas

LECTIO BREVIS

{r}Gen 49, 10{/r}

Non auferétur sceptrum de Iuda et báculus ducis de pédibus eius, donec véniat ille, cuius est, et cui erit obœdiéntia géntium.

Ad Benedictus, ant. Egrediétur virga de radíce Iesse, et replébitur omnis terra glória Domini: et vidébit omnis caro salutáre Dei.

PRECES

Deus Pater omnípotens íterum manum suam exténdet ad possidéndum resíduum pópuli sui. Proínde eum rogémus:

Advéniat regnum tuum, Dómine.

Concéde, Dómine, ut faciámus fructus dignos pæniténtiæ,

ad accipiéndum regnum tuum, quod prope est.

Advéniat regnum tuum, Dómine.

Para, Dómine, viam in córdibus nostris Verbo tuo ventúro,

ut eius glória in nobis revelétur.

Advéniat regnum tuum, Dómine.

Humília montes supérbiæ nostræ,

exálta valles infirmitátis nostræ.

Advéniat regnum tuum, Dómine.

Murum ódii evérte, natiónes dividéntem,

et vias concórdiæ fac homínibus planas.

Advéniat regnum tuum, Dómine.

ORATIO

Propitiáre, Dómine Deus, supplicatiónibus nostris, et tribulántibus, quǽsumus, tuæ concéde pietátis auxílium, ut, de Fílii tui veniéntis præséntia consoláti, nullis iam polluámur contágiis vetustátis.

LECTIO BREVIS

{r}Ier 23, 5{/r}

Ecce dies véniunt, dicit Dóminus, et suscitábo David germen iustum; et regnábit rex et sápiens erit et fáciet iudícium et iustítiam in terra.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ier 23, 6{/r}

In diébus illis salvábitur Iuda, et Israel habitábit confidénter; et hoc est nomen, quod vocábunt eum: Dóminus iustítia nostra.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

Cf. {r}Ez 34, 15-16{/r}

Ego pascam oves meas et ego eas accubáre fáciam, dicit Dóminus Deus. Quod períerat, requíram et, quod confráctum fúerat, alligábo et, quod infírmum erat, consolidábo et pascam illas in iudício.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad Vesperas

LECTIO BREVIS

Cf. {r}1 Cor 1, 7b-9{/r}

Exspectámus revelatiónem Dómini nostri Iesu Christi; qui confirmábit vos usque ad finem sine crímine in die Dómini nostri Iesu Christi. Fidélis Deus, per quem vocáti estis in communiónem Fílii eius.

Ad Magnificat, ant. Quǽrite Dóminum, dum inveníri potest: invocáte eum, dum prope est, allelúia.

PRECES

Verbum ætérnum per velámen carnis suæ osténdit viam novam et vivéntem ad cæléste sanctuárium. Humíliter ab eo petámus:

Veni et salva nos, Dómine.

Deus, in quo vívimus, movémur et sumus,

veni et revéla nobis quod sumus genus tuum.

Veni et salva nos, Dómine.

Tu, qui non longe es ab unoquóque nostrum,

teípsum cítius osténde ómnibus quæréntibus te.

Veni et salva nos, Dómine.

Pater páuperum et consolátor afllictórum,

da libertátem captívis et mæstis lætítiam.

Veni et salva nos, Dómine.

Tu, qui mortem odísti, sed vitam díligis,

nos et omnes defúnctos ab ætérna morte líbera.

Veni et salva nos, Dómine.

FERIA QUARTA

Ad Laudes Matutinas

LECTIO BREVIS

{r}Is 7, 14b-15{/r}

Ecce, Virgo concípiet et páriet fílium et vocábit nomen eius Emmánuel; butýrum et mel cómedet, ut ipse sciat reprobáre malum et elígere bonum.

Ad Benedictus, ant. Véniet fórtior me post me, cuius non sum dignus sólvere corrígiam calceamentórum.

PRECES

Verbum Dei in nobis habitáre decrévit, ut viderémus glóriam suam. Qua spe gaudéntes, acclamémus:

O Emmánuel, esto nobíscum.

Princeps iuste et recte,

ius redde paupéribus et oppréssis.

O Emmánuel, esto nobíscum.

Rex pacífice, gládios in vómeres conflans et lánceas in falces,

muta invídias in dilectiónem et iniúrias nostras in remissiónes.

O Emmánuel, esto nobíscum.

Tu, qui non secúndum visiónem oculórum iúdicas,

discérne eos qui tui sunt.

O Emmánuel, esto nobíscum.

Quando in nube véneris cum potestáte magna,

fac ut sine confusióne appareámus ante fáciem tuam.

O Emmánuel, esto nobíscum.

ORATIO

Prǽpara, quǽsumus, Dómine Deus noster, corda nostra divína tua virtúte, ut, veniénte Christo Fílio tuo, digni inveniámur ætérnæ vitæ convívio, et cibum cæléstem, ipso ministránte, percípere mereámur.

LECTIO BREVIS

{r}Is 2, 11{/r}

Oculi sublímes hóminis humiliabúntur, et incurvábitur altitúdo virórum; exaltábitur autem Dóminus solus in die illa.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Is 12, 2{/r}

Ecce Deus salútis meæ; fiduciáliter agam et non timébo, quia fortitúdo mea et laus mea Dóminus, et factus est mihi in salútem.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Dan 9, 19{/r}

Exáudi, Dómine; placáre, Dómine, atténde et fac: ne moréris propter temetípsum, Deus meus, quia nomen tuum invocátum est super civitátem et super pópulum tuum.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad Vesperas

LECTIO BREVIS

{r}1 Cor 4, 5{/r}

Nolíte ante tempus quidquam iudicáre, quoadúsque véniat Dóminus, qui et illuminábit abscóndita tenebrárum et manifestábit consília córdium; et tunc laus erit unicuíque a Deo.

Ad Magnificat, ant. De Sion exíbit lex, et verbum Dómini de Ierúsalem.

PRECES

Deum Patrem, qui Fílium suum misit, ut pax sine fine nobis afferrétur, súpplices deprecémur:

Advéniat regnum tuum, Dómine.

Réspice, Pater sancte, Ecclésiam tuam,

veni et vísita víneam istam, quam plantávit déxtera tua.

Advéniat regnum tuum, Dómine.

Recordáre, fidélis Deus, ómnium filiórum Abrahæ,

et promissiónem pátribus eórum factam adímple.

Advéniat regnum tuum, Dómine.

Réspice, clementíssime Deus, in omnes gentes,

ut te honórent super misericórdia tua.

Advéniat regnum tuum, Dómine.

Vísita, Pastor ætérne, oves gregis tui,

et omnes cóngrega in locum páscuæ tuæ.

Advéniat regnum tuum, Dómine.

Memento étiam ómnium qui in tua pace abiérunt ex hoc mundo:

in glóriam cum Fílio tuo eos admítte.

Advéniat regnum tuum, Dómine.

FERIA QUINTA

Ad Laudes Matutinas

LECTIO BREVIS

{r}Is 45, 8{/r}

Roráte, cæli, désuper, et nubes pluant iustítiam; aperiátur terra, et gérminet salvatiónem; et iustítia oriátur simul.

Ad Benedictus, ant. Exspectábo Dóminum salvatórem meum, et præstolábor eum dum prope est, allelúia.

PRECES

Christum, sapiéntiam et virtútem Dei, cuius delíciæ esse cum fíliis hóminum, fidénter exorémus:

Prope nobis esto, Dómine.

Dómine Iesu Christe, qui vocásti nos in regnum claritátis tuæ,

fac ut ambulémus digne Deo per ómnia placéntes.

Prope nobis esto, Dómine.

Tu, qui mundo ignótus stas in médio nostri,

homínibus manifésta vultum tuum.

Prope nobis esto, Dómine.

Tu, qui própior es nobis quam nosmetípsi,

confírma in córdibus nostris fidúciam et spem salútis.

Prope nobis esto, Dómine.

Tu, qui es fons sanctitátis,

serva nos sanctos et immaculátos in diem advéntus tui.

Prope nobis esto, Dómine.

ORATIO

Excita, Dómine, poténtiam tuam, et magna nobis virtúte succúrre, ut, quod nostra peccáta præpédiunt, grátia tuæ propitiatiónis accéleret.

LECTIO BREVIS

Porov. {r}Mic 5, 3-4a{/r}

Dominátor in Israel stabit et pascet in fortitúdine Dómini, in sublimitáte nóminis Dómini Dei sui; et habitábunt secúre, quia nunc magnus erit usque ad términos terræ, et erit iste pax.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ag 2, 6. 9{/r}

Adhuc unum módicum est, et ego commovébo cælum et terram et mare et áridam. Maior erit glória domus istíus novíssima plus quam prima; et in loco isto dabo pacem, dicit Dóminus exercítuum.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Mal 3, 20{/r}

Oriétur vobis timéntibus nomen meum sol iustítiæ et sánitas in pennis eius; et egrediémini et saliétis sicut vítuli sagináti, dicit Dóminus exercítuum.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad Vesperas

LECTIO BREVIS

{r}Iac 5, 7-8. 9b{/r}

Patiéntes estóte, fratres, usque ad advéntum Dómini. Ecce agrícola exspectat pretiósum fructum terræ, patiénter ferens, donec accípiat imbrem temporáneum et serótinum. Patiéntes estóte et vos, confirmáte corda vestra, quóniam advéntus Dómini appropinquávit. Ecce iudex ante iánuam assístit.

Ad Magnificat, ant. Benedícta tu in muliéribus, et benedíctus fructus ventris tui.

PRECES

Fratres caríssimi, Christum, lucem magnam, implorémus, quam prophétæ habitántibus in umbra mortis promisérunt, et acclamémus:

Veni, Dómine Iesu.

O Verbum Dei, quod ab inítio ómnia creásti, et in novíssimis diébus natúram nostram assumpsísti,

veni et salva nos a morte.

Veni, Dómine Iesu.

Lumen verum, omnem hóminem illúminans,

veni et díssipa ténebras ignorántiæ nostræ.

Veni, Dómine Iesu.

Fili unigénite, qui es in sinu Patris,

veni et enárra nobis benevoléntiam Dei.

Veni, Dómine Iesu.

Christe Iesu, qui ut Fílius hóminis ad nos venísti,

te recipiéntes fílios Dei éffice.

Veni, Dómine Iesu.

Qui áperis portas ómnium cárcerum,

in cenáculum nuptiárum eos admítte, qui ad iánuas mendícant.

Veni, Dómine Iesu.

FERIA SEXTA

Ad Laudes Matutinas

LECTIO BREVIS

{r}Ier 30, 21-22{/r}

Hæc dicit Dóminus: Erit dux eius ex Iacob, et princeps de médio eius procédet; et applicábo eum, et accédet ad me. Et éritis mihi in pópulum, et ego ero vobis in Deum.

Ad Benedictus, ant. Ecce véniet Deus et homo de domo David, sedére in throno, allelúia.

PRECES

Deus Pater glóriam suam per Fílium homínibus revelándam decrévit. Ideo festíve acclamémus:

Glorificétur nomen tuum, Dómine.

Fac ut discámus, Dómine, nos ínvicem suscípere,

sicut et Christus suscépit nos in honórem Dei.

Glorificétur nomen tuum, Dómine.

Reple nos omni gáudio et pace in credéndo,

ut ambulémus in spe et virtúte Spíritus Sancti.

Glorificétur nomen tuum, Dómine.

Omnibus súbveni, Dómine, secúndum multitúdinem miseratiónum tuárum,

óbviam fias illis qui, licet ínscii, te exspéctant.

Glorificétur nomen tuum, Dómine.

Qui vocas et sanctíficas eléctos,

nos peccatóres coronándos beatitúdine ætérna sustólle.

Glorificétur nomen tuum, Dómine.

ORATIO

Excita, quǽsumus, Dómine, poténtiam tuam, et veni, ut, ab imminéntibus peccatórum nostrórum perículis, te mereámur protegénte éripi, te liberánte salvári.

LECTIO BREVIS

{r}Ier 29, 11. 13{/r}

Ego scio cogitatiónes, quas ego cógito super vos, ait Dóminus, cogitatiónes pacis et non afflictiónis, ut dem vobis posteritátem et spem. Quærétis me et inveniétis, cum quæsiéritis me in toto corde vestro.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Ier 30, 18{/r}

Hæc dicit Dóminus: Ecce ego convértam sortem tabernaculórum Iacob et tectis eius miserébor.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Bar 3, 5-6a{/r}

Noli memor esse iniquitátum patrum nostrórum, sed memor esto manus tuæ et nóminis tui in hoc témpore, quia tu es Dóminus Deus noster.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

Ad Vesperas

LECTIO BREVIS

{r}2 Petr 3, 8b-9{/r}

Unus dies apud Dóminum sicut mille anni, et mille anni sicut dies unus. Non tardat Dóminus promissiónem, sicut quidam tarditátem exístimant, sed patiénter agit in vos nolens áliquos períre, sed omnes ad pæniténtiam revérti.

Ad Magnificat, ant. Ex Ægýpto vocávi Fílium meum: véniet ut salvet pópulum suum.

PRECES

Pastórem et epíscopum animárum nostrárum Christum fidénter invocémus:

Benígne fac, Dómine, in bona voluntáte tua.

Bone Pastor gregis Dei,

veni ad hómines cunctos in tuam Ecclésiam adunándos.

Benígne fac, Dómine, in bona voluntáte tua.

Súbveni, Dómine, peregrinántis tui pópuli pastóribus,

ut gregem tuum sédulo pascant donec vénias.

Benígne fac, Dómine, in bona voluntáte tua.

Elige ex nobis præcónes verbi tui,

ut Evangélium tuum annúntient usque ad extrémum terræ.

Benígne fac, Dómine, in bona voluntáte tua.

Miserére ómnium qui labórant et defíciunt in via,

fac ut amícum invéniant, qui sibi subvéniat.

Benígne fac, Dómine, in bona voluntáte tua.

Osténde glóriam tuam in páscuis cæléstibus,

eis qui vocem tuam in hoc sǽculo audiérunt.

Benígne fac, Dómine, in bona voluntáte tua.

SABBATO

Ad Laudes Matutinas

LECTIO BREVIS

{r}Is 11, 1-3a{/r}

Egrediétur virga de stirpe Iesse, et flos de radíce eius ascéndet; et requiéscet super eum spíritus Dómini: spíritus sapiéntiæ et intelléctus, spíritus consílii et fortitúdinis, spíritus sciéntiæ et timóris Dómini; et delíciæ eius in timóre Dómini.

Ad Benedictus, ant. Sion, noli timére: ecce Deus tuus véniet, allelúia.

PRECES

Deum Patrem, qui antíqua dispositióne pópulum suum salváre státuit, orémus dicéntes:

Custódi plebem tuam, Dómine.

Deus, qui pópulo tuo germen iustítiæ promisísti,

custódi sanctitátem Ecclésiæ tuæ.

Custódi plebem tuam, Dómine.

Inclína cor hóminum, Deus, in verbum tuum,

et confírma fidéles tuos sine queréla in sanctitáte.

Custódi plebem tuam, Dómine.

Consérva nos in dilectióne Spíritus tui,

ut Fílii tui, qui ventúrus est, misericórdiam suscipiámus.

Custódi plebem tuam, Dómine.

Confírma nos, Deus clementíssime, usque in finem,

in diem advéntus Dómini Iesu Christi.

Custódi plebem tuam, Dómine.

ORATIO

Deus, qui, ad liberándum humánum genus a vetustátis condicióne, Unigénitum tuum in hunc mundum misísti, largíre devóte exspectántibus supérnæ tuæ grátiam pietátis, ut ad veræ perveniámus prǽmium libertátis.

LECTIO BREVIS

{r}Is 4, 2{/r}

In die illa erit germen Dómini in splendórem et glóriam et fructus terræ sublímis et exsultátio his, qui salváti fúerint de Israel.

RESPONSORIUM BREVIS

Timébunt gentes nomen tuum, Dómine.

Et omnes reges terræ glóriam tuam.

LECTIO BREVIS

{r}Is 4, 3{/r}

Omnis qui relíctus fúerit in Sion et resíduus in Ierúsalem, sanctus vocábitur, omnis, qui scriptus est ad vitam in Ierúsalem.

RESPONSORIUM BREVIS

Meménto nostri, Dómine, in beneplácito pópuli tui.

Vísita nos in salutári tuo.

LECTIO BREVIS

{r}Is 61, 11{/r}

Sicut terra profert germen suum et sicut hortus semen suum gérminat, sic Dóminus Deus germinábit iustítiam et laudem coram univérsis géntibus.

RESPONSORIUM BREVIS

Veni, Dómine, et noli tardáre.

Reláxa facínora plebi tuæ.

DOMINICA II ADVENTUS

Hebd. II Psalterii

Ad I Vesperas

Ant. 1Gaude et lætáre, nova Sion: ecce enim Rex tuus véniet, mitis et salvans ánimas nostras.

Psalmi et canticum de dominica hebd. II.

Ant. 2Confortáte manus dissolútas; confortámini, dícite: Ecce Deus noster véniet et salvábit nos, allelúia.

Ant. 3Lex per Móysen data est, grátia et véritas per Iesum Christum facta est.

Ad Magnificat, ant.

Anno AVenit Ioánnes Baptísta prǽdicans in desérto et dicens: Pæniténtiam ágite; appropinquávit enim regnum cælórum.

Anno BEcce mitto ángelum meum ante fáciem tuam, qui præparávit viam tuam.

Anno CVeni, Dómine, visitáre nos in pace, ut lætémur coram te corde perfécto.

PRECES

Christum Dóminum, fratres caríssimi, ex Vírgine María natum, húmiles deprecémur lætantésque vocémus:

Veni, Dómine Iesu.

Fili Dei unigénite, qui ventúrus es ut verus ángelus testaménti,

fac ut mundus te suscípiat et agnóscat.

Veni, Dómine Iesu.

Qui génitus in sinu Patris, incarnári venísti ex María Vírgine,

ab omni corruptióne humánæ condiciónis nos élue.

Veni, Dómine Iesu.

Qui, vita cum sis, venísti mortem perférre,

tríbue nobis nihil de mortis damnatióne sentíre.

Veni, Dómine Iesu.

Et quia merces tua ad iudícium tecum véniet, píetas tua consuéta tunc nobis occúrrat in múnere,

quæ nostrum sólita est semper removére languórem.

Veni, Dómine Iesu.

Christe Dómine, qui morte tua mórtuis subvenísti,

pro defúnctis nos orántes exáudi.

Veni, Dómine Iesu.

ORATIO

Omnípotens et miséricors Deus, in tui occúrsum Fílii festinántes nulla ópera terréni actus impédiant, sed sapiéntiæ cæléstis erudítio nos fáciat eius esse consórtes.

Ad Laudes matutinas

Ant. 1Urbs fortitúdinis nostræ Sion, Salvátor ponétur in ea murus et antemurále: aperíte portas, quia nobíscum Deus, allelúia.

Psalmi et canticum de dominica hebd. II.

Ant. 2Omnes sitiéntes, veníte ad aquas: quærite Dóminum dum inveníri potest, allelúia.

Ant. 3Ecce Dóminus noster cum virtúte véniet, ut illúminet óculos servórum suórum, allelúia.

Ad Benedictus, ant.

Anno AVox clamántis in desérto: Paráte viam Dómini, rectas fácite sémitas eius!

Anno BFuit Ioánnes in desérto, baptízans et prǽdicans baptísmum pæniténtiæ in remissiónem peccatórum.

Anno CFactum est verbum Dei super Ioánnem Zacharíæ fílium in desérto, et venit prǽdicans baptísmum pæniténtiæ in remissiónem peccatórum.

PRECES

Dóminum Iesum Christum, fratres caríssimi, deprecémur, qui est iudex vivórum et mortuórum ipsi dicéntes:

Veni, Dómine Iesu.

Christe Dómine, qui peccatores salváre venísti,

nos ab omni tentatiónum adversitáte defénde.

Veni, Dómine Iesu.

Qui ad iudícium maniféste ventúrus esse créderis,

poténtiam tuæ salvatiónis in nobis osténde.

Veni, Dómine Iesu.

Da nobis legis tuæ præcépta virtúte spíritus custodíre,

ut advéntum tuum in caritáte præstolári possímus.

Veni, Dómine Iesu.

Tu, qui es benedíctus in sæcula, fac ut per misericórdiam tuam pie et sóbrie in hoc sæculo vivámus,

exspectántes beátam spem et advéntum magnificéntiæ tuæ.

Veni, Dómine Iesu.

Ad II Vesperas

Ant. 1Ecce in núbibus cæli Dóminus véniet cum potestáte magna, allelúia.

Psalmi et canticum de dominica hebd. II.

Ant. 2Ecce apparébit Dóminus, et non mentiétur; si moram fécerit, exspécta eum, quia véniet et non tardábit, allelúia.

Ant. 3Dóminus légifer noster, Dóminus rex noster: ipse véniet et salvábit nos.

Ad Magnificat, ant.

Anno AEgo vos baptízo in aqua in pæniténtiam, dixit Ioánnes. Qui post me ventúrus est, fórtior me est: ipse vos baptizábit in Spíritu Sancto et igni.

Anno BIoánnes prædicábat dicens: Venit fórtior me post me, cuius non sum dignus procúmbens sólvere corrígiam calceamentórum.

Anno COmnis vallis implébitur, et omnis mons et collis humiliábitur: et vidébit omnis caro salutáre Dei.

PRECES

Christum Redemptórem, fratres caríssimi, exorémus, qui venit ad salvándos hómines, eíque fidénter dicámus:

Veni, Dómine Iesu.

Christe Dómine, qui per suscéptæ mystérium carnis notam fecísti mundo glóriam tuæ divinitátis,

vivífica nos advéntu tuo.

Veni, Dómine Iesu.

Tu, qui suscepísti infirmitátem nostram,

concéde nobis misericórdiam tuam.

Veni, Dómine Iesu.

Qui, primo véniens húmilis, redemísti mundum a crímine,

secúndo advéniens, iustífica nos ab omni reátu.

Veni, Dómine Iesu.

Tu, qui vivis et ómnia regis,

in bonitáte tua fac nos accédere ad ætérnam hereditátem.

Veni, Dómine Iesu.

Qui sedes ad déxteram Patris,

lúmine vultus tui ánimas defunctórum lætífica.

Veni, Dómine Iesu.

FERIA SECUNDA

Ad Laudes Matutinas

Ad Benedictus, ant. Dicit Dóminus: Pæniténtiam ágite: appropinquávit enim regnum cælórum, allelúia.

PRECES

Christum redemptórem, fratres caríssimi, deprecémur, qui véniet, ut redeúntes ad se a mortis potestáte líberet, et súpplices implorémus:

Veni, Dómine Iesu.

Tuum Dómine, dum annuntiámus advéntum,

munda cor nostrum ab omni spíritu vanitátis.

Veni, Dómine Iesu.

Ecclésia tua, Dómine, quam fundásti,

te per omnes gentes magníficet.

Veni, Dómine Iesu.

Lex tua, Dómine, illúminans óculos,

prótegat pópulos tíbimet confiténtes.

Veni, Dómine Iesu.

Qui gáudia advéntus tui nobis ab Ecclésia prænuntiári concédis,

fac ut promptíssima devotióne te excipiámus.

Veni, Dómine Iesu.

ORATIO

Dirigátur, quǽsumus, Dómine, in conspéctu tuo nostræ petitiónis orátio, ut ad magnum incarnatiónis Unigéniti tui mystérium, nostræ vota servitútis illibáta puritáte pervéniant.

Ad Vesperas

Ad Magnificat, ant. Ecce Rex venit, Dóminus terræ, et ipse áuferet iugum captivitátis nostræ.

PRECES

Christo Dómino, fratres caríssimi, supplicémus, qui est iudex vivórum et mortuórum dicamúsque fidénter:

Veni, Dómine Iesu.

Fac, Dómine, ut iustítiam tuam, quam cæli annúntiant, mundus agnóscat,

et glória tua hábitet in terra nostra.

Veni, Dómine Iesu.

Qui infirmári pro nobis dignáris ut homo,

divinitátis tuæ hómines præmuníre dignéris præsídio.

Veni, Dómine Iesu.

Veni et sciéntiæ tuæ illúmina splendóre,

quos in ténebris ignorántiæ tui cónspicis detinéri.

Veni, Dómine Iesu.

Qui, humiliátus, iniquitátem nostram abstulísti,

gloriósus, beatitúdinis prǽmia nobis largíre.

Veni, Dómine Iesu.

Qui ventúrus es ad iudícium maniféste,

defúnctos fratres ad cælórum regnum perdúcas.

Veni, Dómine Iesu.

FERIA TERTIA

Ad Laudes Matutinas

Ad Benedictus, ant. Gaude et lætáre, fília Sion, quia ecce vénio, et habitábo in médio tui, dicit Dóminus.

PRECES

Christum Dóminum rogémus, fratres caríssimi, qui est lux illúminans omnem hóminem, læti clamántes:

Veni, Dómine Iesu.

Lux præséntiæ tuæ nostras díssipet ténebras,

et nos tuis munéribus dignos effíciat.

Veni, Dómine Iesu.

Salvos nos fac, Dómine Deus noster,

ut confiteámur hódie nómini sancto tuo.

Veni, Dómine Iesu.

Succénde corda nostra, ut te ardénter sítiant,

tibíque coniúngi tota aviditáte festínent.

Veni, Dómine Iesu.

Qui infirmitátem nostram sustulísti,

infírmis et hódie moribúndis succúrre.

Veni, Dómine Iesu.

ORATIO

Deus, qui salutáre tuum cunctis terræ fínibus declarásti, tríbue, quǽsumus, ut nativitátis eius glóriam lætánter præstolémur.

Ad Vesperas

Ad Magnificat, ant. Vox clamántis in desérto: Paráte viam Dómini, rectas fácite sémitas Dei nostri.

PRECES

Christum redemptórem et Dóminum, fratres dilectíssimi, deprecémur, qui novíssimis diébus maniféste véniet, et cum gáudio implorémus:

Veni, Dómine Iesu.

Redémptor noster et Dómine, qui nascéndo in carne, iugum a nobis sustulísti legis,

benefícia tuæ pietátis in nobis adímple.

Veni, Dómine Iesu.

Qui de nobis suscepísti quod divinitáti tuæ conveníre vidébas,

de tuo cónferas quod in nos exspectátus impértias.

Veni, Dómine Iesu.

Desidéria nostra præséntiæ tuæ exhibitióne gratífica,

et accensióne tui amóris cor nostrum inflámma.

Veni, Dómine Iesu.

Tecum gaudeámus in glória,

quem hic pura fídei incólimus consciéntia.

Veni, Dómine Iesu.

Animas ómnium defunctórum

pietátis tuæ rore perfúnde.

Veni, Dómine Iesu.

FERIA QUARTA

Ad Laudes Matutinas

Ad Benedictus, ant. Super sólium David et super regnum eius sedébit in ætérnum, allelúia.

PRECES

Dóminum nostrum Iesum Christum, fratres caríssimi, exorémus, qui in sua misericórdia nos vísitat, lætámque vocem iterémus:

Veni, Dómine Iesu.

Qui de sinu Patris egréssus, venísti ut carnis nostræ vestiméntum indúeres,

líbera quod períerat natúræ vitiátæ contágio.

Veni, Dómine Iesu.

Qui ventúrus, in eléctis agnoscéris gloriósus,

nunc véniens, in peccatóribus clemens semper et pius inveniáris.

Veni, Dómine Iesu.

Gloriántes in laude tua, Christe Dómine,

vísita nos in salutári tuo.

Veni, Dómine Iesu.

Qui nos iam eduxísti in lucem per fidem,

fac nos iustítia tua pro dignis opéribus tibi plácitos.

Veni, Dómine Iesu.

ORATIO

Omnípotens Deus, qui nos prǽcipis iter Christo Dómino præparáre, concéde propítius, ut nullis infirmitátibus fatigémur, qui cæléstis médici consolántem præséntiam sustinémus.

Ad Vesperas

Ad Magnificat, ant. Sion, renováberis, et vidébis iustum tuum, qui ventúrus est in te.

PRECES

Iesum Christum, fratres caríssimi, rogémus humíliter, qui nos a ténebris peccatórum redémit, et fidénter invocémus:

Veni, Dómine Iesu.

Cóngrega, Dómine, pópulos de univérsis terris,

et cum eis pactum sempitérnum confírma.

Veni, Dómine Iesu.

Agnus Dei, qui olim venísti peccáta tóllere mundi,

aufer a nobis omnem colluviónem delícti.

Veni, Dómine Iesu.

Qui venísti redímere quod períerat,

íterum sic vénias ut redémpta non púnias.

Veni, Dómine Iesu.

Tecum, quem fides nostra inténdit,

gáudium perpétuum, cum véneris, habeámus.

Veni, Dómine Iesu.

Qui iudicatúrus es vivos et mórtuos,

fratres defúnctos inter ágmina beatórum admítte propítius.

Veni, Dómine Iesu.

FERIA QUINTA

Ad Laudes Matutinas

Ad Benedictus, ant. Ego auxiliátus sum tibi, dicit Dóminus, et sum redémptor tuus, Sanctus Israel.

PRECES

Deum Patrem, fratres caríssimi, implorántes, qui mísit Fílium suum ad salvándos hómines, súpplices acclamémus:

Osténde nobis, Dómine, misericórdiam tuam.

Christum tuum, Pater clementíssime, quem plena fide os nostrum annúntiat,

conversátio nostra ópere ne despíciat.

Osténde nobis, Dómine, misericórdiam tuam.

Qui Fílium tuum misísti ad salútem,

univérsum aufer a fácie terræ et a civitáte ista dolórem.

Osténde nobis, Dómine, misericórdiam tuam.

Terra nostra, advéntu Fílii tui iucunditáte perfúsa,

tuæ plenitúdinis gáudium ubérius experiátur.

Osténde nobis, Dómine, misericórdiam tuam.

Per misericórdiam tuam, fac ut nos pie et sóbrie in hoc sǽculo vivámus,

exspectántes beátam spem et advéntum glóriæ Christi.

Osténde nobis, Dómine, misericórdiam tuam.

ORATIO

Excita, Dómine, corda nostra ad præparándas Unigéniti tui vias, ut, per eius advéntum, purificátis tibi méntibus servíre mereámur.

Ad Vesperas

Ad Magnificat, ant. Qui post me véniet, ante me factus est: cuius non sum dignus calceaménta sólvere.

PRECES

Christum Dóminum, fratres caríssimi, qui propter nos humiliávit semetípsum, invocémus, cum exsultatióne dicéntes:

Veni, Dómine Iesu.

Dómine Iesu, qui advéntu tuo subveníre dignátus es mundo,

ánimas nostras et córpora a delícto purífica.

Veni, Dómine Iesu.

Quos mystério incarnatiónis tuæ non confúnderis fratres vocáre,

aliénos a te éffici ne síveris.

Veni, Dómine Iesu.

Tales nos rediméndos státuas,

quáles iudicándos non púnias.

Veni, Dómine Iesu.

Christe, a cuius divítiis bonitátis et pietátis nihil témporis vacat,

fac nos percípere immarcescíbilem glóriæ corónam.

Veni, Dómine Iesu.

Commendámus tibi, Dómine, ánimas eórum, qui córporis néxibus absolúti sunt:

defúncti sǽculo tibi vivant in ætérnum.

Veni, Dómine Iesu.

FERIA SEXTA

Ad Laudes Matutinas

Ad Benedictus, ant. Dícite: Pusillánimes, confortámini: ecce Dóminus Deus noster véniet.

PRECES

Christum redemptórem exorémus, fratres dilectíssimi, qui venit ut nos grátia advéntus sui iustificáret, vocémque cum iúbilo innovémus:

Veni, Dómine Iesu.

Qui olim prophetárum vaticínio in carne prædíctus es nascitúrus,

nascéntia virtútum in nos corróbora.

Veni, Dómine Iesu.

Præsta nobis ut, qui tuam prædicámus salútem,

in te salvatiónem habeámus.

Veni, Dómine Iesu.

Qui venísti contrítis corde medéri,

pópuli tui sana languóres.

Veni, Dómine Iesu.

Qui cum venísti reconciliáre dignátus es mundum,

ad iudícium véniens ab omni nos pœnárum líbera cruciátu.

Veni, Dómine Iesu.

ORATIO

Concéde, quǽsumus, omnípotens Deus, plebi tuæ advéntum Unigéniti tui cum summa vigilántia exspectáre, ut, sicut ipse dócuit auctor nostræ salútis, accénsis lampádibus in eius occúrsum vigilántes properémus.

Ad Vesperas

Ad Magnificat, ant. Hauriétis aquas in gáudio de fóntibus Salvatóris.

PRECES

Redemptórem nostrum, qui venit ad páuperes evangelizándos, cum fervóre rogémus dicéntes:

Vídeant omnes glóriam tuam.

Manifésta teípsum ómnibus qui te non cognovérunt,

ut vídeant salutáre tuum.

Vídeant omnes glóriam tuam.

Nomen tuum usque ad terræ términos nuntiétur,

ut omnes hómines sémitas tuas invéniant.

Vídeant omnes glóriam tuam.

Qui ad hoc primum venísti, ut mundum redímeres,

ad hoc íterum vénias, ut credéntes in te pro méritis non condémnes.

Vídeant omnes glóriam tuam.

Libertátem quam rediméndis rédimens contulísti,

redemptiónis conservatióne defénde.

Vídeant omnes glóriam tuam.

Qui olim venísti nascitúrus in carne et íterum vénies ad faciéndum iudícium,

præsta, ut cum véneris ætérnam defúnctos próvehas ad mercédem.

Vídeant omnes glóriam tuam.

SABBATO

Ad Laudes matutinas

Ant. na Benediktus: Levábit Dóminus signum in nationibus, et congregábit dispérsos Israel.

PRECES

Christum redemptórem, fratres caríssimi, devotióne mentis orémus, qui véniet cum glória et potestáte magna, atque súpplices invocémus:

Veni, Dómine Iesu.

Christe Dómine, qui excélsus in fortitúdine vénies, réspice humília nostra,

ut dignos nos fácias munéribus tuis.

Veni, Dómine Iesu.

Qui Evangélium homínibus manifestáre venísti,

da tuam nos semper prædicáre salútem.

Veni, Dómine Iesu.

Tu, qui es benedíctus et vivis et ómnia regis,

da nos gaudéntes exspectáre beátam spem et advéntum magnificéntiæ tuæ.

Veni, Dómine Iesu.

Et nos, qui advéntus tui grátiæ anhelámus,

divinitátis tuæ múnere consoláre.

Veni, Dómine Iesu.

ORATIO

Oriátur, quǽsumus, omnípotens Deus, in córdibus nostris splendor glóriæ tuæ, ut, omni noctis obscuritáte subláta, fílios nos esse lucis Unigéniti tui maniféstet advéntus.

DOMINICA III ADVENTUS

Hebd. III Psalterii

Sic hæc dominica occurrit die 17 decembris, dicendæ sunt lectiones, necnon antiphonæ ad Benedictus et Magnificat atque preces quæ pro die 17 decembris assignantur, omissis iis, quæ hic pro dominica III ponuntur.

Ad I Vesperas

Ant. 1Ierúsalem, gaude gáudio magno, quia véniet tibi Salvátor, allelúia.

Ant. 2Ego Dóminus prope feci iustítiam meam; non elongábitur, et salus mea non morábitur.

Ant. 3Emítte Agnum, Dómine, dominatórem terræ, de Petra desérti, ad montem fíliæ Sion.

Ad Magnificat, ant.

Anno AAnte me non est formátus Deus, et post me non erit: quia mihi curvábitur omne genu, et confitébitur omnis lingua.

Anno BFuit homo missus a Deo, cui nomen erat Ioánnes; hic venit ut testimónium perhibéret de lúmine.

Anno CInterrogábant Ioánnem turbæ dicéntes: Quid ergo faciémus? Respóndens autem dicébat illis: Qui habet duas túnicas, det non habénti; et qui habet escas, simíliter faciat.

ORATIO

Deus, qui cónspicis pópulum tuum nativitátis domínicæ festivitátem fidéliter exspectáre, præsta, quǽsumus, ut valeámus ad tantæ salútis gáudia perveníre, et ea votis sollémnibus álacri semper lætítia celebráre.

Ad Invitatorium

Ante diem 17 decembris:

Ant. Regem ventúrum Dóminum, veníte, adorémus.

Die 17 decembris:

Ant. Prope est iam Dóminus: veníte, adorémus.

Ad Laudes matutinas

Ant. 1Véniet Dóminus et non tardábit, ut illúminet abscóndita tenebrárum, et manifestábit se ad omnes gentes, allelúia.

Psalmi et canticum de dominica hebd. III.

Ant. 2Montes et omnes colles humiliabúntur, et erunt prava in dirécta et áspera in vias planas. Veni, Dómine, et noli tardáre, allelúia.

Ant. 3Dabo in Sion salútem, et in Ierúsalem glóriam meam, allelúia.

Ad Benedictus, ant.

Anno AIoánnes cum audísset in vínculis ópera Christi, mittens duos ex discípulis suis, ait illi: Tu es qui ventúrus es, an álium exspectámus?

Anno BAit Ioánnes: Ego vox clamántis in desérto: Dirígite viam Dómini.

Anno CDixit Ioánnes ómnibus: Ego quidem aqua baptízo vos. Venit autem fórtior me: ipse vos baptizábit in Spíritu Sancto et ígni.

Si vero occurrat die 17 decembris, ant. Scitóte, 281.

Ad II Vesperas

Ant. 1Ecce véniet Dóminus, ut sédeat cum princípibus et sólium glóriæ téneat.

Ant. 2Erúmpant montes iucunditátem et colles iustítiam, quia lux mundi Dóminus cum poténtia venit.

Ant. 3Iuste et pie vivámus, exspectántes beátam spem et advéntum Dómini.

Ad Magnificat, ant.

Anno ATu es qui ventúrus es, an álium exspectámus? Dícite Ioánni quæ vidístis: Ad lumen rédeunt cæci, mortui resúrgunt, páuperes evangelizántur, allelúia.

Anno BEgo baptízo in aqua. Médius vestrum stat, quem vos non scitis, qui post me ventúrus est.

Anno CRespóndit Ioánnes dicens: Venit fórtior me, cuius ventilábrum in manu eius ad purgándam áream suam et ad congregándum tríticum in hórreum suum.

Si vero occurrat die 17 decembris, ant. O Sapiéntia, 284.

Feriis a die 17 usque ad diem 23 decembris inclusive, omissis iis quæ pro hebdomada III indicantur, invitatorium, hymni, lectiones, responsoria, versus, oratio necnon antiphonæ et preces ad Laudes matutinas et ad Vesperas dicuntur ut pro singulis diebus, a die 17 usque ad diem 23 decembris, assignantur.

FERIA SECUNDA

Ad Laudes Matutinas

Ad Benedictus, ant. De cælo véniet dominátor Dóminus, et in manu eius honor et impérium.

MODLITBA

Voci nostræ, quǽsumus, Dómine, aures tuæ pietátis accómmoda, et cordis nostri ténebras grátia Fílii tui nos visitántis illústra.

Ad Vesperas

Ad Magnificat, ant. Beátam me dicent omnes generatiónes, quia ancíllam húmilem respéxit Deus.

FERIA TERTIA

Si occurrat post diem 16 decembris, omnia dicuntur de die currente, ut infra.

Ad Laudes matutinas

Ad Benedictus, ant. Eleváre, eleváre, consúrge, Ierúsalem: solve víncula colli tui, captíva fília Sion.

ORATIO

Deus, qui novam creatúram per Unigénitum tuum nos esse fecísti, in ópera misericórdiæ tuæ propítius intuére, et in advéntu Fílii tui ab ómnibus nos máculis, vetustátis emúnda.

Ad Vesperas

Ad Magnificat, ant. Antequam convenírent, invénta est María habens in útero de Spíritu Sancto, allelúia.

FERIA QUARTA

Si occurrat post diem 16 decembris, omnia dicuntur de die currente, ut infra.

Ad Laudes matutinas

Ad Benedictus, ant. Consolámini, consolámini, pópule meus, dicit Dóminus Deus vester.

ORATIO

Præsta, quǽsumus, omnípotens Deus, ut Fílii tui ventúra sollémnitas et præséntis nobis vitæ remédia largiátur, et prǽmia ætérna concédat.

Ad Vesperas

Ad Magnificat, ant. Tu es qui ventúrus es, Dómine, quem exspectámus, ut salvum fácias pópulum tuum.

FERIA QUINTA

Si occurrat post diem 16 decembris, omnia dicuntur de die currente, ut infra.

Ad Laudes matutinas

Ad Benedictus, ant. Consúrge, consúrge, indúere fortitúdinem, brácchium Dómini.

ORATIO

Indígnos, quǽsumus, Dómine, nos fámulos tuos, quos actiónis própriæ culpa contrístat, Unigéniti tui advéntu salutári lætífica.

Ad Vesperas

Ad Magnificat, ant. Lætámini cum Ierúsalem, et exsultáte in ea, omnes qui dilígitis eam, in ætérnum.

FERIA SEXTA

Si occurrat post diem 16 decembris, omnia dicuntur de die currente, ut infra.

Ad Laudes matutinas

Ad Benedictus, ant. Custodíte iudícium, et fácite iustítiam, quia iuxta est salus mea, ut véniat.

ORATIO

Prævéniat nos, omnípotens Deus, tua grátia semper atque subsequátur, ut, qui advéntum Unigéniti tui summo cordis desidério sustinémus, et præséntis vitæ subsídia et futúræ páriter consequámur.

Ad Vesperas

Ad Magnificat, ant. Hoc est testimónium quod perhíbuit Ioánnes: Qui post me venit, ante me factus est.

Sabbato sequente, omnia dicuntur de die currente.

DOMINICA IV ADVENTUS

Hebd. IV Psalterii

Ad I Vesperas

Ant. 1 Ecce véniet desiderátus cunctis géntibus, et replébitur glória domus Dómini, allelúia.

Psalmi et canticum de dominica hebd. IV.

Ant. 2 Veni, Dómine, et noli tardáre; reláxa facínora plebi tuæ, Israel.

Ant. 3 Ecce iam venit plenitúdo témporis, in quo misit Deus Fílium suum in terras.

LECTIO BREVIS

RESPONSORIUM BREVE

PRECES

Christum Dóminum ex Vírgine María natum, fratres caríssimi, húmiles deprecémur lætantésque vocémus:

Veni, Dómine Iesu.

Fili Dei unigénite, qui ventúrus es ut verus ángelus testaménti,

fac ut mundus te suscípiat et agnóscat.

Veni, Dómine Iesu.

Qui génitus in sinu Patris, incarnári venísti ex María Vírgine,

ab omni corruptióne humánæ condiciónis nos élue.

Veni, Dómine Iesu.

Qui, vita cum sis, venísti mortem perférre,

tríbue nobis nihil de mortis damnatióne sentíre.

Veni, Dómine Iesu.

Et quia merces tua ad iudícium tecum véniet, píetas tua consuéta tunc nobis occúrrat in múnere,

quæ nostrum sólita est semper removére languórem.

Veni, Dómine Iesu.

Christe Dómine, qui morte tua mórtuis subvenísti,

pro defúnctis nos orántes exáudi.

Veni, Dómine Iesu.

ORATIO

Grátiam tuam, quǽsumus, Dómine, méntibus nostris infúnde, ut qui, Angelo nuntiánte, Christi Fílii tui incarnatiónem cognóvimus, per passiónem eius et crucem ad resurrectiónis glóriam perducámur.

Ad Invitatorium

Ant. Prope est iam Dóminus: veníte, adorémus.

Ad Laudes matutinas

Ant. 1 Cánite tuba in Sion, quia prope est dies Dómini: ecce véniet ad salvándum nos, allelúia.

Psalmi et canticum de dominica hebd. IV.

Ant. 2 Dóminus véniet, occúrrite illi, dicéntes: Magnum princípium, et regni eius non erit finis: Deus fortis, Dominátor, Princeps pacis, allelúia.

Ant. 3 Omnípotens Sermo tuus, Dómine, a regálibus sédibus véniet, allelúia.

Ad Benedictus, ant.

Nisi dicenda sit ant. Nolíte timére (21 decembris) vel ant. Ecce compléta sunt (23 decembris).

Anno A Ioseph fili David, noli timére accípere Maríam cóniugem tuam. Quod enim in ea natum est, de Spíritu Sancto est, allelúia.

Anno B Missus est Gábriel ángelus a Deo ad Maríam vírginem desponsátam Ioseph, de domo David, et nomen vírginis María, allelúia.

Anno C Exsúrgens María ábiit in montána cum festinatióne in civitátem Iudæ et intrávit in domum Zacharíæ et salutávit Elísabeth.

PRECES

Dóminum Iesum Christum, fratres caríssimi, deprecémur, qui est iudex vivórum et mortuórum, ipsi dicéntes:

Veni, Dómine Iesu.

Christe Dómine, qui peccatóres salváre venísti,

nos ab omni tentatiónum adversitáte defénde.

Veni, Dómine Iesu.

Qui ad iudícium maniféste ventúrus esse créderis,

poténtiam tuæ salvatiónis in nobis osténde.

Veni, Dómine Iesu.

Da nobis legis tuæ præcépta virtúte Spíritus custodíre,

ut advéntum tuum in caritáte præstolári possímus.

Veni, Dómine Iesu.

Tu, qui es benedíctus in sǽcula, fac ut per misericórdiam tuam pie et sóbrie in hoc sǽculo vivámus,

exspectántes beátam spem et advéntum magnificéntiæ tuæ.

Veni, Dómine Iesu.

Ad II Vesperas

Ant. 1 Intuémini quam gloriósus sit iste, qui ingréditur ad salvándos pópulos.

Psalmi et canticum de dominica hebd. IV.

Ant. 2 Erunt prava in dirécta et áspera in vias planas. Veni, Dómine, et noli tardáre, allelúia.

Ant. 3 Multiplicábitur eius impérium, et pacis non erit finis, allelúia.

Ad Magnificat, ant. de die currente.

PRECES

Christum Redemptórem, fratres caríssimi, exorémus, qui venit ad salvándos hómines, eíque fidénter dicámus:

Veni, Dómine Iesu.

Christe Dómine, qui per suscéptæ mystérium carnis notam fecísti mundo glóriam tuæ divinitátis,

vivífica nos advéntu tuo.

Veni, Dómine Iesu.

Tu, qui suscepísti infirmitátem nostram,

concéde nobis misericórdiam tuam.

Veni, Dómine Iesu.

Qui, primo véniens húmilis, redemísti mundum a crímine,

secúndo advéniens, iustífica nos ab omni reátu.

Veni, Dómine Iesu.

Tu, qui vivis et ómnia regis,

in bonitáte tua fac nos accédere ad ætérnam hereditátem.

Veni, Dómine Iesu.

Qui sedes ad déxteram Patris,

lúmine vultus tui ánimas defunctórum lætífica.

Veni, Dómine Iesu.