FERIA TERTIA, Hebd. IV

Ad Laudes matutinas

PSALMÓDIA

Ant. 1 Tibi, Dómine, psallam, et intéllegam in via immaculáta.

Tempore Paschali: Qui facit voluntátem Patris mei, ipse intrábit in regnum cælórum, allelúia.

Ant. 2 Ne áuferas, Dómine, misericórdiam tuam a nobis.

Tempore Paschali: Sciant gentes, Dómine, misericórdiam tuam a nobis, allelúia.

Ant. 3 Deus, cánticum novum cantábo tibi.

Tempore Paschali: Dóminus refúgium meum et liberátor meus, allelúia.

Lectio brevis

Is 55, 1

Omnes sitiéntes, veníte ad aquas; et, qui non habétis argéntum, properáte, émite et comédite, veníte, émite absque argénto et absque ulla commutatióne vinum et lac.

Preces

Deus, lætítiam nobis concédens hoc matutíno témpore eum laudándi, spem róborat nostram. Ideo fidénter ipsi supplicémus:

Ad glóriam nóminis tui, audi nos, Dómine.

Grátias ágimus tibi, Deus et Pater Salvatóris nostri Iesu,

pro cognitióne et immortalitáte, quas dedísti nobis per ipsum.

Ad glóriam nóminis tui, audi nos, Dómine.

Concéde humilitátem córdibus nostris,

ut subiécti simus ínvicem in timóre Christi.

Ad glóriam nóminis tui, audi nos, Dómine.

Spíritum tuum nobis fámulis tuis infúnde,

ut diléctio nostra fratérna sine simulatióne fiat.

Ad glóriam nóminis tui, audi nos, Dómine.

Qui hómini labórem præcepísti in mundi dominatiónem,

concéde, ut labor noster te célebret fratrésque nostros sanctíficet.

Ad glóriam nóminis tui, audi nos, Dómine.

Pater noster.

Oratio

Auge in nobis, quǽsumus, Dómine, fidem tuam, ut in ore nostro perfécta laus tua cæléstes iúgiter áfferat fructus.

Conclusio Horæ, ut in Ordinario.

Ad Horam mediam

PSALMÓDIA

Ant. 1 Si hæc scitis, beáti éritis si fecéritis ea.

Ant. 2 Intret orátio mea in conspéctu tuo, Dómine.

Ant. 3 Ad te, Dómine, clamávi, ne abscóndas fáciem tuam a me.

Ad Tertiam

Lectio brevis

1 Io 3, 17-18

Qui habúerit substántiam mundi et víderit fratrem suum necésse habére et cláuserit víscera sua ab eo, quómodo cáritas Dei manet in eo? Filíoli, non diligámus verbo nec lingua sed in ópere et veritáte.

Iucúndus homo, qui miserétur et cómmodat.

In memória ætérna erit iustus.

Oratio

Omnípotens sempitérne Deus, qui Paráclitum Sanctum tuum hora tértia in Apóstolos effudísti, in nos quoque eúndem Spíritum caritátis emítte, ut fidéle tibi coram ómnibus homínibus testimónium præbeámus.

Ad Sextam

Lectio brevis

Deut 30, 11. 14

Mandátum hoc, quod ego præcípio tibi hódie, non supra te est neque procul pósitum. Sed iuxta te est sermo valde in ore tuo et in corde tuo, ut fácias illum.

Lucérna pédibus meis verbum tuum, Dómine.

Et lumen sémitis meis.

Oratio

Deus, qui Petro salvíficum tuum super gentes consílium revelásti, éffice benígnus, ut ópera nostra tibi grata reddántur, ac tuo dilectiónis salutísque propósito te donánte desérviant.

Ad Nonam

Lectio brevis

Is 55, 10-11

Quómodo descéndit imber et nix de cælo et illuc ultra non revértitur, sed inébriat terram et infúndit eam et germináre eam facit et dat semen serénti et panem comedénti, sic erit verbum meum, quod egrediétur de ore meo: non revertétur ad me vácuum, sed fáciet, quæcúmque vólui, et prosperábitur in his, ad quæ misi illud.

Emíttit Dóminus elóquium suum terræ.

Velóciter currit verbum eius.

Oratio

Deus, qui Cornélio centurióni ángelum tuum misísti, ut viam ei salútis osténderet, da nobis, quǽsumus, in salvatiónem ómnium libéntius operári, ut una cum eis, in Ecclésia tua, ad te perveníre possímus.

Ad Vesperas

PSALMÓDIA

Ant. 1 Si oblítus fúero tui, Ierúsalem, oblivióni detur déxtera mea.

Tempore Paschali: Hymnum cantáte nobis de cánticis Sion, allelúia.

Ant. 2 In conspéctu angelórum psallam tibi, Deus meus.

Tempore Paschali: In médio tribulatiónis vivificásti me, allelúia.

Lectio brevis

Col 3, 16

Verbum Christi hábitet in vobis abundánter, in omni sapiéntia docéntes et commonéntes vosmetípsos psalmis, hymnis, cánticis spiritálibus, in grátia cantántes in córdibus vestris Deo.

Preces

Christum, qui poténtiam et robur dat pópulo suo, exaltémus et sincéris ánimis exorémus: