FERIA TERTIA, Hebd. III

Ad Laudes matutinas

PSALMÓDIA

Ant. 1Benedixísti, Dómine, terram tuam; remisísti iniquitátem plebis tuæ.

Tempore Paschali: Deus, tu convérsus vivificábis nos; et plebs tua lætábitur in te, allelúia.

Ant. 2Anima mea desiderávit te in nocte, de mane vígilans ad te.

Tempore Paschali: Sperávimus in Dómino; dedit pacem nobis, allelúia.

Ant. 3 Illúmina, Dómine, vultum tuum super nos.

Tempore Paschali: Terra dedit fructum suum; læténtur et exsúltent gentes, allelúia.

Lectio brevis

1 Io 4, 14-15

Nos vídimus et testificámur quóniam Pater misit Fílium salvatórem mundi. Quisque conféssus fúerit: Iesus est Fílius Dei, Deus in ipso manet, et ipse in Deo.

Preces

Christum, qui sibi pópulum novum acquisívit in sánguine suo, adorémus et rogémus supplíciter:

Meménto pópuli tui, Dómine.

Rex et Redémptor noster, audi Ecclésiam tuam, huius diéi inítio te laudántem,

doce eam sine intermissióne glorificáre maiestátem tuam.

Meménto pópuli tui, Dómine.

Spes et fírmitas nostra, in te confídimus,

neque umquam confundémur.

Meménto pópuli tui, Dómine.

Infirmitátem nostram réspice et in adiutórium nostrum festína,

quia sine te nihil póssumus fácere.

Meménto pópuli tui, Dómine.

Páuperum et derelictórum meménto, ne dies novus sit eis pondus,

sed solámen et gáudium.

Meménto pópuli tui, Dómine.

Pater noster.

Oratio

Deus omnípotens, cuius est bona rerum et speciósa creátio, da nobis hunc diem in nómine tuo lætánter incípere, et in operósa tui fratrúmque dilectióne complére.

Conclusio Horæ, ut in Ordinario.

PSALMÓDIA

Ant. 1 Plenitúdo legis est diléctio.

Ant. 2 Memor esto congregatiónis tuæ, Dómine, quam possedísti ab inítio.

Ant. 3 Exsúrge, Dómine, et iúdica causam tuam.

Lectio brevis

Ier 22, 3

Fácite iudícium et iustítiam et liberáte vi oppréssum de manu expoliántis et ádvenam et pupíllum et víduam nolíte afflígere, neque opprimátis iníque et sánguinem innocéntem ne effundátis.

Dóminus iudicábit orbem terræ in iustítia.

Iudicábit pópulos in æquitáte.

Lectio brevis

Deut 15, 7-8

Si unus de frátribus tuis, qui morántur in una civitátum tuárum, ad paupertátem vénerit, non obdurábis cor tuum, nec cóntrahes manum; sed apéries eam páuperi fratri tuo et dabis mútuum, quod eum indigére perspéxeris.

Desidérium páuperum exaudísti, Dómine.

Confirmábis cor eórum, inténdes aurem tuam.

Lectio brevis

Prov 22, 22-23

Non fácias violéntiam páuperi, quia pauper est, neque cónteras egénum in porta, quia iudicábit Dóminus causam eórum, et ánima spoliábit spoliatóres.

Liberábit Dóminus páuperem, cui non erat adiútor.

Et ánimas páuperum salvas fáciet.

Ad Vesperas

PSALMÓDIA

Ant. 1 Dóminus in circúitu pópuli sui.

Tempore Paschali: Pax vobis, ego sum: nolíte timére, allelúia.

Ant. 2 Nisi efficiámini sicut párvuli, non intrábitis in regnum cælórum.

Tempore Paschali: Speret Israel in Dómino, allelúia.

Lectio brevis

Rom 12, 9-12

Diléctio sine simulatióne. Odiéntes malum, adhæréntes bono; caritáte fraternitátis ínvicem diligéntes, honóre ínvicem præveniéntes, sollicitúdine non pigri, spíritu fervéntes, Dómino serviéntes, spe gaudéntes, in tribulatióne patiéntes, oratióni instántes.

Preces

Deus pópulum suum in spe constítuit. Quare cum lætítia acclamémus:

Tu es spes pópuli tui, Dómine.

Grátias ágimus tibi, Dómine, quod per ómnia dívites in Christo facti sumus,

in omni verbo et in omni sciéntia.

Tu es spes pópuli tui, Dómine.

Deus, in cuius manu sunt corda poténtium, rei públicæ moderatóribus régimen sapiéntia tua concéde,

ut haustis de tuo fonte consíliis, tibi corde et ópere pláceant.

Tu es spes pópuli tui, Dómine.

Tu, qui artes coléntibus præstas ut splendórem tuum suo ingénio maniféstent,

mundum per eórum ópera cum spe gaudióque illústra.

Tu es spes pópuli tui, Dómine.

Qui non páteris nos tentári supra id quod póssumus,

débiles róbora, érige lapsos.

Tu es spes pópuli tui, Dómine.

Qui per Fílium tuum promisísti hómines ad vitam in die novíssimo surrectúros,

córpore iam exútos ne obliviscáris in perpétuum.

Tu es spes pópuli tui, Dómine.

Pater noster.

Oratio

Ascéndat ad cleméntiam tuam nostra, Dómine, orátio vespertína, et descéndat super nos benedíctio tua, ut hic et in ætérnum, te auxiliánte, salvi esse mereámur.

Conclusio Horæ, ut in Ordinario.