FERIA QUARTA, Hebd. III

Ad Laudes matutinas

PSALMÓDIA

Ant. 1Lætífica ánimam servi tui: ad te, Dómine, ánimam meam levávi.

Tempore Paschali: Omnes gentes vénient et adorábunt coram te, Dómine, allelúia.

Ant. 2Beátus vir qui ámbulat in iustítia et lóquitur veritátem.

Tempore Paschali: Regem in decóre suo vidébunt óculi nostri, allelúia.

Ant. 3Iubiláte in conspéctu regis Dómini.

Tempore Paschali: Vidébit omnis caro salutáre Dei nostri, allelúia.

Lectio brevis

Iob 1, 21; 2, 10b

Nudus egréssus sum de útero matris meæ et nudus revértar illuc. Dóminus dedit, Dóminus ábstulit; sicut Dómino plácuit, ita factum est: sit nomen Dómini benedíctum. Si bona suscépimus de manu Dei, mala quare non suscipiámus?

Preces

Christum, qui nutrit et fovet Ecclésiam pro qua seípsum trádidit, hac deprecatióne rogémus:

Réspice Ecclésiam tuam, Dómine.

Pastor Ecclésiæ tuæ, benedíctus es, qui nobis hódie tríbuis lucem et vitam,

nos gratos redde pro múnere tam iucúndo.

Réspice Ecclésiam tuam, Dómine.

Gregem tuum misericórditer réspice, quem in tuo nómine congregásti,

ne quis péreat eórum, quos Pater dedit tibi.

Réspice Ecclésiam tuam, Dómine.

Ecclésiam tuam duc in via mandatórum tuórum,

fidélem tibi Spíritus Sanctus eam effíciat.

Réspice Ecclésiam tuam, Dómine.

Ecclésiam ad mensam verbi tui panísque vivífica,

ut in fortitúdine huius cibi te læta sequátur.

Réspice Ecclésiam tuam, Dómine.

Pater noster.

Oratio

Sénsibus nostris, quǽsumus, Dómine, lumen sanctum tuum benígnus infúnde, ut tibi semper simus conversatióne devóti, cuius sapiéntia creáti sumus et providéntia gubernámur.

Conclusio Horæ, ut in Ordinario.

Ad Horam mediam

PSALMÓDIA

Ant. 1 Qui séquitur me, non ámbulat in ténebris, sed habébit lumen vitæ, dicit Dóminus.

Ant. 2 Ego egénus et pauper sum: Deus, ádiuva me.

Ant. 3 Non secúndum visiónem oculórum iudicábit Deus, sed in iustítia et æquitáte.

Ad Tertiam

Lectio brevis

1 Cor 13, 4-7

Cáritas pátiens est, benígna est cáritas, non æmulátur, non agit supérbe, non inflátur, non est ambitiósa, non quærit, quæ sua sunt, non irritátur, non cógitat malum, non gaudet super iniquitátem, congáudet autem veritáti; ómnia suffert, ómnia credit, ómnia sperat, ómnia sústinet.

Exsúltent et læténtur in te omnes qui quærunt te, Dómine.

Et dicant semper: Magnificétur Deus.

Ad Sextam

Lectio brevis

1 Cor 13, 8-9. 13

Cáritas numquam éxcidit. Sive prophetíæ, evacuabúntur; sive linguæ, cessábunt; sive sciéntia, destruétur. Ex parte enim cognóscimus et ex parte prophetámus. Nunc autem manet fides, spes, cáritas, tria hæc; maior autem ex his est cáritas.

Fiat misericórdia tua, Dómine, super nos.

Quemádmodum sperávimus in te.

Ad Nonam

Lectio brevis

Col 3, 14-15

Super ómnia caritátem habéte, quod est vínculum perfectiónis. Et pax Christi dominétur in córdibus vestris, ad quam et vocáti estis in uno córpore. Et grati estóte.

Mansuéti hereditábunt terram.

Et delectabúntur in multitúdine pacis.

Ad Vesperas

PSALMÓDIA

Ant. 1 Qui séminant in lácrimis, in exsultatióne metent.

Tempore Paschali: Tristítia vestra vertétur in gáudium, allelúia.

Ant. 2 Dóminus ædíficet nobis domum, et custódiat civitátem.

Tempore Paschali: Sive vívimus sive mórimur, Dómini sumus, allelúia.

Lectio brevis

Eph 3, 20-21

Deo, qui potens est supra ómnia fácere superabundánter quam pétimus aut intellégimus, secúndum virtútem, quæ operátur in nobis, ipsi glória in ecclésia et in Christo Iesu in omnes generatiónes sǽculi sæculórum. Amen.

Preces

Deum, qui Fílium suum misit salvatórem et exémplar pópuli sui, humíliter implorémus: