FERIA SECUNDA, Hebd. II

Ad Invitatorium

Dómine, lábia mea apéries.

Et os meum annuntiábit laudem tuam.

Ant. Exsultémus Dómino, et in psalmis iubilémus ei.

Ad Laudes matutinas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

Quæ omnia omittuntur, quando Invitatorium immediate præcedit.

HYMNUS

Lucis largítor spléndide,

cuius seréno lúmine

post lapsa noctis témpora

dies refúsus pánditur,

Tu verus mundi lúcifer,

non is qui parvi síderis

ventúræ lucis núntius

angústo fulget lúmine,

Sed toto sole clárior,

lux ipse totus et dies,

intérna nostri péctoris

illúminans præcórdia.

Evíncat mentis cástitas

quæ caro cupit árrogans,

sanctúmque puri córporis

delúbrum servet Spíritus.

Sit, Christe, rex piíssime,

tibi Patríque glória

cum Spíritu Paráclito

in sempitérna sǽcula. Amen.

PSALMÓDIA

Ant. 1Quando véniam et apparébo ante fáciem Dómini?

Tempore Paschali: Sicut cervus ad fontes aquárum, desíderat ánima mea ad te, Deus, allelúia.

Ant. 2Osténde nobis, Dómine, lucem miseratiónum tuárum.

Tempore Paschali: Reple Sion, Dómine, verbis tuis, ut narréntur magnália tua, allelúia.

Ant. 3Benedíctus es, Dómine, in firmaménto cæli.

Tempore Paschali: Cláritas Dei illúminat civitátem, et lucérna eius est Agnus, allelúia.

Lectio brevis

Ier 15, 16

Invénti sunt sermónes tui, et comédi eos, et factum est mihi verbum tuum in gáudium et in lætítiam cordis mei, quóniam invocátum est nomen tuum super me, Dómine Deus exercítuum.

Responsorium breve

Exsultáte, iusti, in Dómino; {*} Rectos decet collaudátio.

Exsultáte, iusti, in Dómino; {*} Rectos decet collaudátio.

Cantáte ei cánticum novum. {*}

Rectos decet collaudátio.

Glória Patri, et Fílio, et Spirítui Sancto.

Exsultáte, iusti, in Dómino; {*} Rectos decet collaudátio.

Ad Benedictus, ant. Benedíctus Dóminus, quia visitávit et liberávit nos.

Preces

Salvátor noster fecit nos regnum et sacerdótium, ut hóstias Deo acceptábiles offerámus. Grati ígitur eum invocémus:

Serva nos in tuo ministério, Dómine.

Christe, sacérdos ætérne, qui sanctum pópulo tuo sacerdótium concessísti,

concéde, ut spiritáles hóstias Deo acceptábiles iúgiter offerámus.

Serva nos in tuo ministério, Dómine.

Spíritus tui fructus nobis largíre propítius,

patiéntiam, benignitátem et mansuetúdinem.

Serva nos in tuo ministério, Dómine.

Da nobis te amáre, ut te, qui es cáritas, possideámus,

et bene ágere, ut per vitam étiam nostram te laudémus.

Serva nos in tuo ministério, Dómine.

Quæ frátribus nostris sunt utília, nos quǽrere concéde,

ut salútem facílius consequántur.

Serva nos in tuo ministério, Dómine.

Pater noster.

Oratio

Dómine Deus omnípotens, qui ad princípium huius diéi nos perveníre fecísti, tua nos hódie salva virtúte, ut in hac die ad nullum declinémus peccátum, sed semper ad tuam iustítiam faciéndam, nostra procédant elóquia, dirigántur cogitatiónes et ópera.

Conclusio Horæ, ut in Ordinario.

PSALMÓDIA

Ant. 1 Beáti qui áudiunt verbum Dei et custódiunt illud.

Ant. 2 Meus cibus est ut fáciam voluntátem Patris.

Ant. 3 Pauper sum ego; Dóminus sollícitus est mei.

Lectio brevis

Ier 31, 33

Hoc erit pactum, quod fériam cum domo Israel post dies illos, dicit Dóminus: Dabo legem meam in viscéribus eórum et in corde eórum scribam eam; et ero eis in Deum, et ipsi erunt mihi in pópulum.

Cor mundum crea in me Deus.

Ne proícias me a fácie tua.

Oratio

Deus, Pater óptime, qui labórem homínibus ita dedísti, ut mútua semper arte ad altióra profícerent, præsta, quǽsumus, sic nos iúgiter operári, ut filiórum in te spíritu et fratérna in omnes caritáte vivámus.

Lectio brevis

Ier 32, 40

Fériam eis pactum sempitérnum et non désinam eis benefácere et timórem meum dabo in corde eórum, ut non recédant a me.

In Deo salutáre meum et glória mea.

Et refúgium meum in illo.

Oratio

Deus, qui messis ac víneæ dóminus es et custos, quique offícia tríbuis et iusta stipéndia meritórum, fac nos diéi pondus ita portáre, ut nihil umquam de tuis plácitis conquerámur.

Lectio brevis

Ez 34, 31

Vos grex meus, grex páscuæ meæ vos, et ego Dóminus Deus vester, dicit Dóminus Deus.

Dóminus regit me et nihil mihi déerit.

In loco páscuæ ibi me collocávit.

Oratio

Deus, qui nos ádvocas illa hora, qua ad templum ascendébant Apóstoli, præsta, ut orátio, quam in nómine Iesu sincéra tibi mente persólvimus, ómnibus nomen illud invocántibus salútem eius váleat impetráre.

Ad Vesperas

Deus, in adiutórium meum inténde.

Dómine, ad adiuvándum me festína.

Glória Patri. Sicut erat. (Allelúia.)

HYMNUS

Lúminis fons, lux et orígo lucis,

tu pius nostris précibus favéto,

luxque, peccáti ténebris fugátis,

nos tu{i}a{/i} adórnet.

Ecce transáctus labor est diéi,

teque nos tuti sumus adnuénte;

en tibi grates ágimus libéntes

tempus in omne.

Solis abscéssus ténebras redúxit:

ille sol nobis rádiet corúscus

luce qui fulva fovet angelórum

ágmina sancta.

Quas dies culpas hodiérna texit,

Christus deléto pius atque mitis,

pectus et puro rútilet nitóre

témpore noctis.

Laus tibi Patri, decus atque Nato,

Flámini Sancto párilis potéstas,

cuncta qui sceptro régitis suprémo

omne per ævum. Amen.

PSALMÓDIA

Ant. 1Speciósus forma præ fíliis hóminum, diffúsa est grátia in lábiis tuis.

Tempore Paschali: Benedíctus qui venit in nómine Dómini, allelúia.

Ant. 2 Ecce Sponsus venit: exíte óbviam ei.

Tempore Paschali: Beáti qui ad cenam nuptiárum Agni vocáti sunt, allelúia.

Ant. 3 Propósuit Deus in plenitúdine témporum instauráre ómnia in Christo.

Tempore Paschali: De plenitúdine eius omnes nos accépimus, et grátiam pro grátia, allelúia.

Lectio brevis

1 Th 2, 13

Grátias ágimus Deo sine intermissióne, quóniam cum accepissétis a nobis verbum audítus Dei, accepístis non ut verbum hóminum sed, sicut est vere, verbum Dei, quod et operátur in vobis, qui créditis.

Responsorium breve

Dirigátur, Dómine, {*} Ad te orátio mea.

Dirigátur, Dómine, {*} Ad te orátio mea.

Sicut incénsum in conspéctu tuo. {*}

Ad te orátio mea.

Glória Patri, et Fílio, et Spirítui Sancto.

Dirigátur, Dómine, {*} Ad te orátio mea.

Ad Magnificat, ant. Magníficet te semper ánima mea, Deus meus.

Preces

Laudémus Christum, qui díligit Ecclésiam eámque nutrit et fovet. Eum fidénter rogémus clamántes:

Adímple vota pópuli tui, Dómine.

Dómine Iesu, fac ut omnes hómines salvi fiant,

et ad agnitiónem véniant veritátis.

Adímple vota pópuli tui, Dómine.

Custódi Papam nostrum N. et Epíscopum N.,

adiutórium illis tuæ virtútis impénde.

Adímple vota pópuli tui, Dómine.

Cónsule iis, qui iustum sibi opus exóptant,

ut vitam læti tránsigant et secúri.

Adímple vota pópuli tui, Dómine.

Fias, Dómine, refúgium páuperi,

sis ei adiútor in tribulatióne.

Adímple vota pópuli tui, Dómine.

Tibi commendámus quos, dum víverent, sacro ministério decorásti;

in cælésti sede te célebrent sine fine.

Adímple vota pópuli tui, Dómine.

Pater noster.

Oratio

Deus omnípotens, qui hódie servos tuos inútiles in labóribus roborásti, hoc laudis súscipe, quod tibi offérimus, sacrifícium vespertínum, de suscéptis a te munéribus grátias referéntes.

Conclusio Horæ, ut in Ordinario.